ആറ്റിങ്ങല്‍ എംപി അടൂര്‍ പ്രകാശിന്റെ റെയില്‍വേ കണക്ടിവിറ്റി സംബന്ധിച്ചുള്ള ചോദ്യങ്ങള്‍ക്ക് പാര്‍ലമെന്റില്‍ മറുപടി പറയുകയായിരുന്നു കേന്ദ്രമന്ത്രി. റെയില്‍വേ വികസനത്തിന്റെ കാര്യത്തില്‍ യുപിഎ സര്‍ക്കാരിന്റെ കാലത്ത് അനുവദിച്ചിരുന്നതിന്റെ എട്ടിരട്ടി തുകയാണ് മോദി സര്‍ക്കാര്‍ അനുവദിക്കുന്നത്. 2009 മുതല്‍ 2014 വരെയുള്ള കാലത്ത് പ്രതിവര്‍ഷം 372 കോടി രൂപ മാത്രമാണ് കേരളത്തിന് അനുവദിച്ചിരുന്നത്. എന്നാല്‍ 2023-24 സാമ്പത്തിക വര്‍ഷത്തില്‍ മാത്രം 2033 കോടി രൂപ കേരളത്തിലെ റെയിവേ വികസനത്തിനായി അനുവദിച്ചുവെന്നും അദ്ദേഹം പറഞ്ഞു.കേരളത്തിന് കൂടുതല്‍ വന്ദേഭാരത് ട്രെയിനുകള്‍ അനുവദിക്കുന്ന കാര്യത്തിലും മന്ത്രി നിലപാട് വ്യക്തമാക്കി. സാദ്ധ്യതയും വിഭവങ്ങളുടെ ലഭ്യതയും നേക്കി മാത്രമേ പുതിയ വന്ദേഭാരത് അനുവദിക്കാന്‍ കഴിയുകയുള്ളൂവെന്നാണ് മന്ത്രി പറഞ്ഞത്. ഇത്തവണത്തെ ബഡ്ജറ്റില്‍ കേരളത്തിലെ റെയില്‍വേ വികസനത്തിനായി 3011 കോടി രൂപ മാറ്റിവച്ചിട്ടുണ്ടെന്നും മന്ത്രി വ്യക്തമാക്കി. കേരളത്തിലെ 35 സ്റ്റേഷനുകള്‍ ലോകോത്തര നിലവാരത്തിലേക്ക് നവീകരിക്കുകയാണെന്നും മന്ത്രി വ്യക്തമാക്കി.

സംസ്ഥാനത്ത് നവീകരിക്കുന്ന സ്റ്റേഷനുകള്‍

ആലപ്പുഴ, അങ്ങാടിപ്പുറം, അങ്കമാലി, ചാലക്കുടി, ചങ്ങനാശേരി, ചെങ്ങന്നൂര്‍, ചിറയിന്‍കീഴ്, എറണാകുളം ജംഗ്ഷന്‍, എറണാകുളം ടൗണ്‍, ഏറ്റുമാനൂര്‍, ഫറൂക്, ഗുരുവായൂര്‍, കണ്ണൂര്‍, കാസര്‍കോട്, കായംകുളം ജംഗ്ഷന്‍, കൊല്ലം ജംഗ്ഷന്‍, കോഴിക്കോട്, കുറ്റിപ്പുറം, മാവേലിക്കര, നെയ്യാറ്റിന്‍കര, നിലമ്പൂര്‍ റോഡ്, ഒറ്റപ്പാലം, പരപ്പനങ്ങാടി, പയ്യന്നൂര്‍, പുനലൂര്‍, ഷൊര്‍ണൂര്‍ ജംഗ്ഷന്‍, തലശേരി, തിരുവനന്തപുരം, തൃശൂര്‍, തിരൂര്‍, തിരുവല്ല, ത്രിപ്പൂണിത്തുറ, വടകര, വര്‍ക്കല, വടക്കാഞ്ചേരി.

The post നല്‍കുന്നത് എട്ടിരട്ടി തുക; ‘റെയില്‍വേക്ക് കേരളത്തില്‍ നിരവധി പദ്ധതികള്‍’, 3011 കോടി രൂപ ഉടന്‍ appeared first on Starvision News Malayalam.

തമിഴ്‌നാട്ടിലെ കന്യാകുമാരി ഉള്‍പ്പെടെയുള്ള തെക്കന്‍ ജില്ലകള്‍ക്ക് ഗുണകരമായ ചെന്നൈ-കന്യാകുമാരി റെയില്‍വേ പാത ഇരട്ടിപ്പിക്കല്‍ പൂര്‍ത്തിയാകുകയാണ്. നീണ്ട 26 വര്‍ഷങ്ങള്‍ക്ക് ശേഷമാണ് പദ്ധതി യാഥാര്‍ത്ഥ്യത്തിലേക്ക് എത്തുന്നത്. പദ്ധതി പൂര്‍ത്തിയാകുന്നത് തെക്കന്‍ കേരളത്തിലെ യാത്രക്കാര്‍ക്കും വലിയ ഗുണം സമ്മാനിക്കും. ചെന്നൈ കന്യാകുമാരി റൂട്ടിലെ യാത്ര കുറഞ്ഞത് ഒരു മണിക്കൂറെങ്കിലും കുറയും.ഈ റൂട്ടിലൂടെ കേരളത്തിലേക്ക് ഓടുന്ന ട്രെയിനിലെ യാത്രാ സമയവും കുറയുമെന്നതാണ് കേരളത്തിലെ തെക്കന്‍ ജില്ലകള്‍ക്ക് നേട്ടമാകുന്നത്.2021ല്‍ മധുര വരെയുള്ള ഇരട്ടിപ്പിക്കല്‍ പൂര്‍ത്തിയാക്കി. മധുര, തിരുനെല്‍വേലി, നാഗര്‍കോവില്‍, കന്യാകുമാരി പാത നിര്‍മാണം പിന്നാലെ ആരംഭിച്ചെങ്കിലും കൊവിഡ് വ്യാപനം അടക്കമുള്ള പ്രതിസന്ധികള്‍ കാരണം നിര്‍മാണം വൈകി. നിലവില്‍ എല്ലാ നിര്‍മാണ പ്രവര്‍ത്തനങ്ങളും പരീക്ഷണ ഓട്ടവും പൂര്‍ത്തിയാക്കി. റെയില്‍വേയുടെ പച്ചക്കൊടി ലഭിക്കുന്നതോടെ ഇരട്ടപ്പാതയിലൂടെ സര്‍വീസുകള്‍ ആരംഭിക്കും.ഇരട്ടപ്പാത യാഥാര്‍ഥ്യമാകുന്നതോടെ സമയത്തില്‍ ഒരു മണിക്കൂറോളം കുറവുണ്ടാകുമെന്നതാണു പ്രധാന നേട്ടം. ട്രെയിനുകള്‍ പിടിച്ചിടുന്നതിലെ കാലതാമസം ഒഴിവാക്കി കൂടുതല്‍ ട്രെയിനുകള്‍ ഓടിക്കാമെന്നതുമാണു മറ്റൊരു ഗുണം.

The post കേരളത്തിനും നേട്ടമുള്ള ഏറ്റവും വലിയ റെയില്‍വേ വികസന പദ്ധതി, യാത്രസമയം മണിക്കൂറുകള്‍ കുറയും appeared first on Starvision News Malayalam.

ആഷിഖ് സംവിധാനം ചെയ‌്ത മമ്മൂട്ടി ചിത്രം ഗ്യാംഗ്സ്‌റ്ററിലൂടെയായിരുന്നു വിനോദിന്റെ സിനിമാ ആരങ്ങേറ്റം.മമ്മൂട്ടിയുടെ ഗുണ്ടാ സംഘത്തിലെ പ്രധാനിയായ വേഷം. തുടർന്ന് മംഗ്ലീഷ്, ഹൗ ഓൾഡ് ആർ യു, അച്ഛാദിൻ, രാജമ്മ @ യാഹൂ, പെരുച്ചാഴി, മിസ്റ്റർ ഫ്രോഡ്, കസിൻസ്, വിക്രമാദിത്യൻ, ഒപ്പം, പുലിമുരുകൻ തുടങ്ങി നിരവധി സിനിമകളിൽ വിനോദ് അഭിനയിച്ചു.ഇതിൽ പുലിമുരുകനിലെ ഫൈറ്റ് സീനിൽ മോഹൻലാലിനൊപ്പം ശ്രദ്ധിക്കപ്പെടുന്ന സീനിൽ തന്നെ എത്തി. പീറ്റർ ഹെയ്‌ൻ ചിട്ടപ്പെടുത്തിയ ഏറെ ദുഷ്‌ടകരമായ ആ ഫൈറ്റ് സീനിൽ മോഹൻലാലിനൊപ്പം വിനോദ് കട്ടയ‌്ക്ക് തന്നെ ഫൈറ്റ് ചെയ‌്തു. മർഫി ദേവസ്സി സംവിധാനം ചെയ‌്ത നല്ല നിലാവുള്ള രാത്രി എന്ന ചിത്രത്തിലെ രാഷ്‌ട്രീയക്കാരന്റെ വേഷം വിനോദിന് വളരെ നല്ല അഭിപ്രായമാണ് നേടിക്കൊടുത്തത്.

The post പുലിമുരുകനിൽ എന്ത് മനോഹരമായാണ് ലാലിനൊപ്പം ഫൈറ്റ് ചെയ‌്തത്, മലയാള സിനിമയ‌്ക്കും നഷ്‌‌ടമാണ് ടിടിഇ വിനോദിന്റെ വിയോഗം appeared first on Starvision News Malayalam.