ലക്നൗ: ഏഷ്യാ കപ്പിനുള്ള ഇന്ത്യൻ ടീമില്‍ ആരാകും അഭിഷേക് ശര്‍മയുടെ ഓപ്പണിംഗ് പങ്കാളിയെന്നിനെക്കുറിച്ചുള്ള ചര്‍ച്ചകളിലാണ് ആരാധകര്‍. അഭിഷേകിന്‍റെ ഓപ്പണിംഗ് പങ്കാളി ആരാകുമെന്ന കാര്യത്തില്‍ ടീം മാനേജ്മെന്‍റ് ഇതുവരെ അന്തിമ തീരുമാനമെടുത്തിട്ടില്ല. അഭിഷേക് ശര്‍മക്കൊപ്പം ഓപ്പണര്‍മാരായി ശുഭ്മാന്‍ ഗില്ലും മലയാളി താരം സഞ്ജു സാംസണുമാണ് ടീമിലുള്ളത്. ടീമിന്‍റെ വൈസ് ക്യാപ്റ്റൻ കൂടിയായതിനാല്‍ ശുഭ്മാന്‍ ഗില്‍ അഭിഷേകിനൊപ്പം ഓപ്പണറാവുമെന്ന് വിലയിരുത്തലുണ്ടെങ്കിലും കേരള ക്രിക്കറ്റ് ലീഗില്‍ ഓപ്പണറായി ഇറങ്ങി തകര്‍പ്പന്‍ പ്രകടനം നടത്തുന്ന സഞ്ജുവും ഓപ്പണിംഗ് സ്ഥാനത്തേക്ക് അവകാശവാദം ഉന്നയിച്ചു കഴിഞ്ഞു.

ഇതിനിടെ അടുത്തവര്‍ഷം ഇന്ത്യയിലും ശ്രീലങ്കയിലുമായി നടക്കുന്ന ടി20 ലോകകപ്പില്‍ ആരാകണം ഇന്ത്യയുടെ ഓപ്പണര്‍മാര്‍ എന്ന് തെരഞ്ഞെടുത്തിരിക്കുകയാണ് മുന്‍ ഇന്ത്യൻ താരം സുരേഷ് റെയ്ന. ഓപ്പണിംഗ് സ്ഥാനത്തേക്ക് സഞ്ജുവിനെയോ ഗില്ലിനെയോ റെയ്ന പരിഗണിച്ചില്ലെന്നതും ശ്രദ്ധേയമാണ്. നിലവില്‍ ഓപ്പണര്‍ സ്ഥാനത്തേക്ക് യശസ്വി ജയ്സ്വാള്‍, സഞ്ജു സാംസണ്‍, ശുഭ്മാന്‍ ഗില്‍, അഭിഷേക് ശര്‍മ, റുതുരാജ് ഗെയ്ക്‌വാദ്, കെ എല്‍ രാഹുല്‍ എന്നിങ്ങനെ നിരവധി സാധ്യതകളാണ് ഇന്ത്യക്ക് മുന്നിലുള്ളത്. ഇവരില്‍ യശസ്വി ജയ്സ്വാളിനെ അടുത്തവര്‍ഷത്തെ ടി20 ലോകകപ്പില്‍ ഓപ്പണറായി എന്താലായും പരിഗണിക്കണമെന്ന് റെയ്ന പറഞ്ഞു. രണ്ടാം ഓപ്പണറായി റെയ്ന തെരഞ്ഞെടുത്തത് അഭിഷേക് ശര്‍മയുടെ പേരാണ്. എന്നാല്‍ മൂന്നാം ഓപ്പണറായി സഞ്ജുവിനെയോ ഗില്ലിനെയോ തെരഞ്ഞെടുക്കാതിരുന്ന റെയ്ന കഴിഞ്ഞ ഐപിഎല്ലില്‍ പ‍ഞ്ചാബിനായി തകര്‍ത്തടിച്ച പ്രിയാന്‍ഷ് ആര്യയെയാണ് നിര്‍ദേശിക്കുന്നത്.

എനിക്ക് തോന്നുന്നത് അടുത്ത ലോകകപ്പില്‍ ഓപ്പണറായി എത്തുന്ന ഒരാള്‍ യശസ്വി ആയിരിക്കും. അവനൊപ്പം പ്രിയാന്‍ഷ് ആര്യയെയയും അഭിഷേക് ശര്‍മയെയും സഹ ഓപ്പണര്‍മാരായി പരിഗണിക്കാം. പിന്നെയും നിരവധി സാധ്യതകള്‍ ഇന്ത്യക്ക് മുന്നിലുണ്ട്, സഞ്ജുവും രാഹുലും റുതുരാജും എല്ലാവരും ഓപ്പണര്‍ സ്ഥാനത്തേക്ക് പരിഗണിക്കാവുന്നവരായി ഉണ്ട്. എന്നാല്‍ യശസ്വി ജയ്സ്വാളിനൊപ്പം ഞാന്‍ തെരഞ്ഞെടുക്കുക അഭിഷേക് ശര്‍മയെയാണ്. ശുഭ്മാന്‍ ഗില്‍ ക്യാപ്റ്റനായാല്‍ സ്വാഭാവികമായും ടീമിലെത്തുമെന്നും റെയ്ന പറഞ്ഞു.

The post സഞ്ജു സാംസണോ ശുഭ്മാന്‍ ഗില്ലോ ഒന്നുമല്ല, ടി20 ലോകകപ്പിലെ ഇന്ത്യൻ ഓപ്പണര്‍മാരെ തെരഞ്ഞെടുത്ത് സുരേഷ് റെയ്ന appeared first on Starvision News Malayalam.

മുംബൈ: അടുത്ത മാസം യുഎഇയില്‍ നടക്കുന്ന ഏഷ്യാ കപ്പിനുള്ള 15 അംഗ ഇന്ത്യൻ ടീമിനെ പ്രഖ്യാപിച്ചു. മലയാളി താരം സഞ്ജു സാംസണ്‍ ടീമില്‍ സ്ഥാനം നിലനിര്‍ത്തിയപ്പോള്‍ ടെസ്റ്റ് ടീം നായകന്‍ ശുഭ്മാന്‍ ഗിൽ വൈസ് ക്യാപ്റ്റനായി ടി20 ടീമിലെത്തി. സൂര്യകുമാര്‍ യാദവ് നയിക്കുന്ന ടീമില്‍ ജസ്പ്രീത് ബുമ്രയും തിരിച്ചെത്തിയപ്പോള്‍ ശ്രേയസ് അയ്യരെ ടീമിലേക്ക് പരിഗണിച്ചില്ല. ചീഫ് സെലക്ടര്‍ അജിത് അഗാര്‍ക്കറും ടി20 ടീം നായകന്‍ സൂര്യകുമാര്‍ യാദവും മുംബൈ ബിസിസിഐ ആസ്ഥാനത്ത് നടത്തിയ വാര്‍ത്താ സമ്മേളനത്തിലാണ് ഏഷ്യാ കപ്പിനുള്ള ടീമിനെ പ്രഖ്യാപിച്ചത്.

സഞ്ജ ടീമിലുണ്ടെങ്കിലും വിക്കറ്റ് കീപ്പറായി ജിതേഷ് ശര്‍മയുടെ പേരാണ് ചീഫ് സെലക്ടര്‍ അജിത് അഗാര്‍ക്കര്‍ ആദ്യം പ്രഖ്യാപിച്ചത്. സ്പിന്നര്‍മാരായി കുല്‍ദീപ് യാദവ്, വരുണ്‍ ചക്രവര്‍ത്തി എന്നിവര്‍ ടീമിലെത്തിയപ്പോള്‍ ഇംഗ്ലണ്ടില്‍ തിളങ്ങിയ വാഷിംഗ്ടണ്‍ സുന്ദറെ പരിഗണിച്ചില്ല. അര്‍ഷ്ദീപ് സിംഗിനും ജസ്പ്രീത ബുമ്രക്കുമൊപ്പം മൂന്നാം പേസറായി ഹര്‍ഷിത് റാണ ടീമിലെത്തിയപ്പോള്‍ പ്രസിദ്ധ് കൃഷ്ണ പുറത്തായി. പേസ് ഓള്‍ റൗണ്ടറായി ഹാര്‍ദ്ദിക് പാണ്ഡ്യയും ശിവം ദുബെയും സ്പിന്‍ ഓള്‍ റൗണ്ടറായി അക്സര്‍ പട്ടേലും ടീമിലുണ്ട്.

The post ശുഭ്മാന്‍ ഗില്‍ വൈസ് ക്യാപ്റ്റൻ, സഞ്ജു ടീമില്‍, ബുമ്ര തിരിച്ചെത്തി, ഏഷ്യാ കപ്പിനുള്ള ഇന്ത്യൻ ടീമിനെ പ്രഖ്യാപിച്ചു appeared first on Starvision News Malayalam.

മുംബയ്: ഈ മാസം അവസാനം ആരംഭിക്കുന്ന ശ്രീലങ്കന്‍ പര്യടനത്തിനുള്ള ഇന്ത്യന്‍ ടീമിനെ പ്രഖ്യാപിച്ചു. രോഹിത് ശര്‍മ്മ വിരമിച്ച ഒഴിവില്‍ സൂര്യകുമാര്‍ യാദവിനെ ഇന്ത്യയുടെ പുതിയ ട്വന്റി 20 ക്യാപ്റ്റനായി പ്രഖ്യാപിച്ചു. ഏകദിന പരമ്പരയില്‍ രോഹിത് ശര്‍മ്മ തന്നെ ടീമിനെ നയിക്കും. രണ്ട് ഫോര്‍മാറ്റുകളിലും ഹാര്‍ദിക് പാണ്ഡ്യയെ വൈസ് ക്യാപ്റ്റന്‍ സ്ഥാനത്ത് നിന്ന് മാറ്റി. യുവ താരം ശുഭ്മാന്‍ ഗില്‍ ആണ് ഏകദിന ട്വന്റി 20 ടീമുകളില്‍ ഇന്ത്യയുടെ പുതിയ ഉപനായകന്‍. അടുത്തിടെ സിംബാബ്‌വെയില്‍ പര്യടനം നടത്തിയ യുവനിരയെ ഗില്‍ ആണ് നയിച്ചത്.മലയാളി താരം സഞ്ജു വി സാംസണ്‍ ടി20 ടീമില്‍ ഇടം നേടിയെങ്കിലും ഏകദിന ടീമിലേക്ക് പരിഗണിച്ചിട്ടില്ല. രാജസ്ഥാന്‍ റോയല്‍സിന്റെ റിയാന്‍ പരാഗ് രണ്ട് ഫോര്‍മാറ്റിലേയും സ്‌ക്വാഡില്‍ ഉള്‍പ്പെട്ടിട്ടുണ്ട്. പുതിയ പരിശീലകന്‍ ഗൗതം ഗംഭീറിന്റെ കീഴില്‍ ഇന്ത്യന്‍ ടീം കളിക്കുന്ന ആദ്യ പരമ്പരയാണ് ശ്രീലങ്കയിലേത്. മൂന്ന് വീതം ട്വന്റി 20, ഏകദിന മത്സരങ്ങളാണ് പരമ്പരയിലുള്ളത്. സീനിയര്‍ താരങ്ങളായ ക്യാപ്റ്റന്‍ രോഹിത് ശര്‍മ്മ, വിരാട് കൊഹ്ലി എന്നിവര്‍ ഏകദിന ടീമില്‍ ഉള്‍പ്പെട്ടിട്ടുണ്ട്. റിയാന്‍ പരാഗിന് പുറമേ, ശിവം ദൂബെ, ഹര്‍ഷിത് റാണ എന്നിവരും ഏകദിന ടീമില്‍ ഉള്‍പ്പെട്ടിട്ടുണ്ട്.സ്റ്റാര്‍ പേസര്‍ ജസ്പ്രീത് ബുംറയ്ക്ക് വിശ്രമം നല്‍കിയപ്പോള്‍ ബിസിസിഐ സെന്‍ട്രല്‍ കോണ്‍ട്രാക്ടില്‍ നിന്ന് ഒഴിവാക്കപ്പെട്ടിരുന്ന ശ്രേയസ് അയ്യര്‍ ടീമിലേക്ക് മടങ്ങിയെത്തിയിട്ടുണ്ട്. രോഹിത് ശര്‍മ്മ, വിരാട് കൊഹ്ലി എന്നിവര്‍ക്കും വിശ്രമം നല്‍കുമെന്നാണ് അറിയിച്ചിരുന്നതെങ്കിലും ചാമ്പ്യന്‍സ് ട്രോഫിക്ക് മുമ്പ് മൊത്തം ആറ് ഏകദിനങ്ങള്‍ മാത്രമേ ടീം കളിക്കുന്നുള്ളൂവെന്നത് പരിഗണിച്ച് ഇരുവരും പര്യടനത്തില്‍ ഉള്‍പ്പെടണമെന്ന് പരിശീലകന്‍ ഗംഭീര്‍ നേരത്തെ ആവശ്യപ്പെട്ടിരുന്നു.

ബിസിസിഐ പ്രഖ്യാപിച്ച ടീം

ട്വന്റി 20: സൂര്യകുമാര്‍ യാദവ് (ക്യാപ്റ്റന്‍), ശുഭ്മാന്‍ ഗില്‍ (വൈസ് ക്യാപ്റ്റന്‍), യശ്വസി ജയ്‌സ്‌വാള്‍, റിങ്കു സിംഗ്, റിയാന്‍ പരാഗ്, റിഷഭ് പന്ത്, സഞ്ജു സാംസണ്‍, ഹാര്‍ദിക് പാണ്ഡ്യ, ശിവം ദൂബെ, അക്‌സര്‍ പട്ടേല്‍, വാഷിംഗ്ടണ്‍ സുന്ദര്‍, രവി ബിഷ്‌ണോയ്, അര്‍ഷ്ദീപ് സിംഗ്, ഖലീല്‍ അഹമ്മദ്, മുഹമ്മദ് സിറാജ്.

എകദിനം: രോഹിത് ശര്‍മ്മ (ക്യാപ്റ്റന്‍), ശുഭ്മാന്‍ ഗില്‍ (വൈസ് ക്യാപ്റ്റന്‍), വിരാട് കൊഹ്ലി, കെ.എല്‍ രാഹുല്‍, റിഷഭ് പന്ത്, ശ്രേയസ് അയ്യര്‍, ശിവം ദൂബെ, കുല്‍ദീപ് യാദവ്, മുഹമ്മദ് സിറാജ്, വാഷിംഗ്ടണ്‍ സുന്ദര്‍, അര്‍ഷ്ദീപ് സിംഗ്, റിയാന്‍ പരാഗ്, അക്‌സര്‍ പട്ടേല്‍, ഖലീല്‍ അഹമ്മദ്, ഹര്‍ഷിത് റാണ.

The post ശ്രീലങ്കന്‍ പര്യടനത്തിനുള്ള ഇന്ത്യന്‍ ടീമിനെ പ്രഖ്യാപിച്ചു; സൂര്യകുമാര്‍ യാദവ് ട്വന്റി 20 ക്യാപ്റ്റൻ സഞ്ജു സാംസണ്‍ വീണ്ടും ടീമില്‍ appeared first on Starvision News Malayalam.

ന്യൂഡൽഹി: തകർപ്പൻ പ്രകടനത്തിലൂടെ ട്വ​ന്റി​-20 ലോകകപ്പ് കിരീടനേട്ടം സ്വന്തമാക്കിയ ഇന്ത്യൻ ടീമിനെ അഭിനന്ദിച്ച് പ്രധാനമന്ത്രി നരേന്ദ്രമോദി. മികച്ച വിജയം നേടിയ ടീമിനെ ജനങ്ങൾക്കുവേണ്ടി അഭിനന്ദിക്കുന്നുവെന്ന് പറഞ്ഞ അദ്ദേഹം രാജ്യത്തെ മുഴുവൻ ജനങ്ങൾക്കും ഈ നേട്ടത്തിൽ അഭിമാനമുണ്ടെന്നും പറഞ്ഞു.

‘കളിക്കളത്തിൽ ലോകകപ്പാണ് ജയിച്ചതെങ്കിലും രാജ്യത്തെ ഗ്രാമങ്ങളിലെയും നഗരങ്ങളിലെയും തെരുവുകളിലെയും കോടിക്കണക്കിന് ജനങ്ങളുടെ ഹൃദയമാണ് കീഴടക്കിയത്. ഇത്രയേറെ രാജ്യങ്ങളും ടീമുകളുമുണ്ടായിട്ടും ഒരു കളിപോലും തോൽക്കാതെ ലോകകപ്പ് സ്വന്തമാക്കുക എന്നത് ചെറിയൊരു നേട്ടമല്ല. അക്കാരണത്താലും ഈ ലോകകപ്പ് വിജയം പ്രത്യേകം ഓർമ്മിക്കപ്പെടും. കിക്കറ്റ് ലോകത്തെ എല്ലാ പ്രഗത്ഭ ടീമുകളെയും നേരിട്ട് നിങ്ങൾ വിജയം സ്വന്തമാക്കി. ഈ കളി ചരിത്രമാണ്. ഇന്ത്യൻ ക്രിക്കറ്റ് ടീമിൽ അഭിമാനമുണ്ട്’ എക്സ് സന്ദേശത്തിൽ പ്രധാനമന്ത്രി പറഞ്ഞു.

പ്രതിപക്ഷ നേതാവ് രാഹുൽ ഗാന്ധിയും ഇന്ത്യൻ ടീമിനെ അഭിനന്ദിച്ചു. ടൂർണമെന്റിലുടനീളമുളള പ്രകടനത്തിനും ഗംഭീരമായ ലോകകപ്പ് വിജയത്തിനും ടീം ഇന്ത്യയ്ക്ക് അഭിനന്ദനങ്ങൾ എന്നാണ് അദ്ദേഹം എക്സിൽ കുറിച്ചത്.

ഇന്നലെ ബാർബഡോസിലെ ​കെ​ൻ​സിം​ഗ്ട​ൺ​ ​ഓ​വ​ൽ​ ​ഗ്രൗണ്ടി​ൽ അവസാന നിമിഷംവരെ ആവേശം നീണ്ട ഫൈനലിലാണ് ദക്ഷിണാഫ്രിക്കയെ തോൽപ്പിച്ച് ഇന്ത്യ കിരീട നേട്ടം സ്വന്തമാക്കിയത്. ഏഴ് റൺസിനാണ് ദക്ഷിണാഫ്രിക്കയെ പരാജയപ്പെടുത്തിയത്. ടോ​സ് ​നേ​ടി​ ​ആ​ദ്യം​ ​ബാ​റ്റ് ​ചെ​യ്ത​ ​ഇ​ന്ത്യ​ 20​ ​ഓ​വ​റി​ൽ​ 7​ ​വി​ക്ക​റ്റ് ​ന​ഷ്ട​ത്തി​ൽ​ 176​ ​റ​ൺ​സെ​ടു​ത്തു. മ​റു​പ​ടി​ബാറ്റിംഗി​നി​റങ്ങി​യ ദ​ക്ഷി​ണാ​ഫ്രി​ക്ക​യ്ക്ക് ​ എട്ട് വി​ക്കറ്റ് നഷ്ടത്തി​ൽ 169 റൺ​സ് എ​ടു​ക്കാ​നെ​ ​ക​ഴി​ഞ്ഞു​ള്ളൂ.ടൂ​ർ​ണ​മെ​ന്റി​ൽ​ ​ഒ​രു​ ​മ​ത്സ​രം​ ​പോ​ലും​ ​തോ​ൽ​ക്കാ​തെ​യാ​ണ് ​ഇ​ന്ത്യ​ ​കി​രീ​ട​ത്തി​ൽ​ ​മു​ത്ത​മി​ട്ട​ത്.

The post ‘നിങ്ങൾ കീഴടക്കിയത് കോടിക്കണക്കിന് ജനങ്ങളുടെ ഹൃദയം’; ഇന്ത്യൻ ക്രിക്കറ്റ് ടീമിനെ അഭിനന്ദിച്ച് പ്രധാനമന്ത്രി appeared first on Starvision News Malayalam.

അബുദാബി: ഇന്ത്യൻ ക്രിക്കറ്റ് ടീമിന്‍റെ മുഖ്യ പരിശീലകനായി ഗംഭീറിന്‍റെ പേര് പരിഗണിക്കുന്നെന്ന റിപ്പോർട്ടുകൾക്കിടെ ക്രിക്കറ്റ് താരം ഗൗതം ഗംഭീറിൻറെ പ്രതികരണം.

അബുദാബിയിൽ വിവിധ സ്പോർട്സ് അക്കാദമികളിൽ നിന്നുള്ള വിദ്യാർഥികളുമായുള്ള സംവാദത്തിനിടെ  താരം മനസ് തുറന്നത്.

ഇന്ത്യൻ ടീമിനെ പരിശീലിപ്പിക്കുകയെന്നത് വലിയ ബഹുമതിയെന്നും അതിൽപരമൊരു ബഹുമതിയില്ലെന്നും ഗൗതം ഗംഭീർ പറഞ്ഞു. ഇന്ത്യൻ ടീമിനെ പരിശീലിപ്പിക്കുമ്പോൾ 140 കോടി ഇന്ത്യക്കാരെയും ലോകമെമ്പാടുമുള്ള ആരാധകരെയുമാണ്  പ്രതിനിധീകരിക്കുന്നത്.

ഇന്ത്യ ലോകകപ്പ് നേടാൻ മൈതാനത്തിനു അകത്തും പുറത്തുമുള്ള എല്ലാവരുടെയും കൂട്ട പരിശ്രമം ആവശ്യമാണെന്നും അദ്ദേഹം അഭിപ്രായപ്പെട്ടു.

The post ഇന്ത്യൻ ടീമിനെ പരിശീലിപ്പിക്കുന്നതിൽപരം ബഹുമതിയില്ലെന്ന് ഗൗതം ഗംഭീർ appeared first on Starvision News Malayalam.

തിരുവനന്തപുരം

ഓസ്ട്രേലിയയ്‌ക്കെതിരായ മൂന്നാം ടി20യിലെ തകർപ്പൻ ജയത്തിനും പരമ്പര വിജയത്തിനും ശേഷമാണ് രോഹിത് ശർമയുടെ നേതൃത്വത്തിലുള്ള ടീം ചൊവ്വാഴ്ച തിരുവനന്തപുരത്ത് എത്തിയത്. കോവളത്തെ റാവിസ് ഹോട്ടലിലാണ് ഇന്ത്യൻ ടീം താമസിക്കുന്നത്.

ജൂണ് 28ന് കാര്യവട്ടത്തെ സ്പോർട്സ് ഹബ് സ്റ്റേഡിയത്തിലാണ് ഇന്ത്യയും ദക്ഷിണാഫ്രിക്കയും തമ്മിലുള്ള ആദ്യ ടി20 മത്സരം. ഇന്നലെ പുലർച്ചെയാണ് ദക്ഷിണാഫ്രിക്കൻ സംഘം തിരുവനന്തപുരത്ത് എത്തിയത്. ദക്ഷിണാഫ്രിക്കൻ ടീമിനെ തിരുവനന്തപുരം വിമാനത്താവളത്തിൽ കേരള ക്രിക്കറ്റ് അസോസിയേഷൻ സ്വീകരിച്ചു. തുടർന്ന് ടീം അംഗങ്ങൾ കോവളം റാവിസ് ഹോട്ടലിലേക്ക് പോയി.

The post ഇന്ത്യൻ ക്രിക്കറ്റ് ടീം തിരുവനന്തപുരത്ത്; ഗംഭീര സ്വീകരണവുമായി ആരാധകർ appeared first on Starvision News Malayalam.

ഋഷഭ് പന്തിനും വിരാട് കോഹ് ലിക്കും 10 ദിവസത്തെ വിശ്രമം നല്‍കിയതിനെ തുടര്‍ന്ന് ടീമിലേക്ക് സഞ്ജു എത്തിയേക്കും എന്ന് നേരത്തെ തന്നെ വിലയിരുത്തപ്പെട്ടിരുന്നു. ശ്രീലങ്കന്‍ പര്യടനത്തിലാണ് സഞ്ജു അവസാനമായി കളിച്ചത്. അന്ന് ലഭിച്ച അവസരം മുതലാക്കാന്‍ സഞ്ജുവിന് കഴിഞ്ഞിരുന്നില്ല.
ന്യൂസിലന്‍ഡിന് എതിരായ പരമ്പരയില്‍ പരിക്കേറ്റ രവീന്ദ്ര ജഡേജയും മുഹമ്മദ് ഷമിയും ടീമിലേക്ക് തിരിച്ചെത്തി.

ഇന്ത്യയുടെ ടെസ്റ്റ് ക്യാപ്റ്റന്‍ രോഹിത് ശര്‍മ. ശ്രീലങ്കയ്‌ക്കെതിരായ ടീമിനെ പ്രഖ്യാപിച്ചപ്പോഴാണ് ടെസ്റ്റിലും രോഹിത്ത് തന്നെ ഇന്ത്യയെ നയിക്കുമെന്ന് സെലക്ടര്‍മാര്‍ വ്യക്തമാക്കുന്നത്. ടെസ്റ്റ് ടീമില്‍ ഇന്ത്യയുടെ ടെസ്റ്റ് സ്‌പെഷ്യലിസ്റ്റുകളായ പൂജാരയും രഹാനേയും ഇടം നേടിയില്ല. ഇരുവരും രഞ്ജി കളിച്ച് ഫോം വീണ്ടെടുക്കാനുള്ള ശ്രമത്തിലാണ്. രഹാനെ രഞ്ജിയില്‍ മുംബൈക്കായി സെഞ്ചുറി നേടിയിരുന്നു.

ഇന്ത്യയുടെ ടെസ്റ്റ് ടീം: രോഹിത് ശര്‍മ, മായങ്ക്, പ്രിയങ്ക് പാഞ്ചല്‍, കോഹ് ലി, ശ്രേയസ്, വിഹാരി, ഗില്‍, ഋഷഭ് പന്ത്, കെഎസ് ഭരത്, അശ്വിന്‍, ജഡേജ, ജയന്ത് യാതവ്, കുല്‍ദീപ്, ബൂമ്ര, ഷമി, സിറാജ്, ഉമേഷ് യാദവ്, സൗരഭ് കുമാര്‍

ഏകദിന ടീം: ഋതുരാജ് ഗയ്കവാദ്, രോഹിത്, ഇഷാന്‍ കിഷന്‍, സൂര്യകുമാര്‍, ശ്രേയസ്, വെങ്കടേഷ്, ദീപക് ചഹര്‍, ദീപക് ഹൂഡ, ഭുവി, ഹര്‍ഷല്‍, മുഹമ്മദ് സിറാജ്, സഞ്ജു സാംസണ്‍, രവീന്ദ്ര ജഡേജ, ചഹല്‍, രവി ബിഷ്‌ണോയി, കുല്‍ദീപ്, ആവേശ് ഖാന്‍.

The post സഞ്ജു സാംസണ്‍ ഇന്ത്യന്‍ ടീമില്‍; ശ്രീലങ്കയ്‌ക്കെതിരായ ടെസ്റ്റ്, ട്വന്റി20 ടീമിനെ പ്രഖ്യാപിച്ചു appeared first on Starvision News Malayalam.

നേരത്തെ ടോസ് നേടി ബാറ്റിംഗ് തിരഞ്ഞെടുത്ത ഇന്ത്യ നിശ്ചിത 50 ഓവറില്‍ അഞ്ച് വിക്കറ്റിന് 290 റണ്‍സാണെടുത്തത്. 37​ ​റ​ൺ​സെ​ടു​ക്കു​ന്ന​തി​നി​ടെ​ ​ര​ണ്ട് ​വി​ക്ക​റ്റു​ക​ൾ​ ​ന​ഷ്ട​മാ​യി​രു​ന്ന​ ​ഇ​ന്ത്യ​യെ​ ​മൂ​ന്നാം​ ​വി​ക്ക​റ്റി​ൽ​ ​ഒ​രു​മി​ച്ച​ ​നാ​യ​ക​ൻ​ ​യാ​ഷ് ​ധു​ള്ളി​ന്റെ​യും​ ​(78​​)​ ​ഷെ​യ്ഖ് ​റ​ഷീ​ദി​ന്റെ​യും​ ​(67​​)​ ​മി​ക​ച്ച​ ​ബാ​റ്റിം​ഗാ​ണ് ​വ​ലി​യൊ​രു​ ​ത​ക​ർ​ച്ച​യി​ൽ​ ​നി​ന്ന് ​ര​ക്ഷ​പെ​ടു​ത്തി​യ​ത്. ഇ​ൻ​ഫോം​ ​ബാ​റ്റ്സ്മാ​ൻ​ ​അം​ഗ്രി​ഷ് ​ര​ഘു​വം​ശി​യെ​ ​(6​)​ ​എ​ട്ടാം​ ​ഓ​വ​റി​ൽ​ ​ന​ഷ്ട​മാ​കു​മ്പോ​ൾ​ ​സ്കോ​ർ​ ​ബോ​ർ​ഡി​ൽ​ 16​ ​റ​ൺ​സേ​ ​ഉ​ണ്ടാ​യി​രു​ന്നു​ള്ളൂ.​സാ​ൽ​സ്മാ​ൻ​ ​അം​ഗ്രി​ഷി​നെ​ ​ക്ളീ​ൻ​ ​ബൗ​ൾ​ഡാ​ക്കു​ക​യാ​യി​രു​ന്നു.​ടീം​ ​സ്കോ​ർ​ 37​ലെ​ത്തി​ച്ച​യ​പ്പോ​ൾ​ ​ഹ​ർ​നൂ​ർ​ ​സിം​ഗും​ ​(16​)​ ​കൂ​ടാ​രം​ ​ക​യ​റി.​ ​തു​ട​ർ​ന്നാ​ണ് ​സെ​ഞ്ച്വ​റി​ ​കൂ​ട്ടു​കെ​ട്ടു​മാ​യി​ ​യാ​ഷും​ ​ഷെ​യ്ഖും​ ​ക​ളം​ ​നി​റ​ഞ്ഞ​ത്.

The post അണ്ടർ 19 ലോകകപ്പ് ക്രിക്കറ്റിൽ ഇന്ത്യ ഫൈനലിൽ appeared first on Starvision News Malayalam.