ഇക്കഴിഞ്ഞ സെപ്റ്റംബറില്‍ വിദേശവനിതയുമായുള്ള ഭര്‍ത്താവിന്റെ രഹസ്യബന്ധത്തെക്കുറിച്ച് കാജല്‍ അറിഞ്ഞിരുന്നു. ഭര്‍ത്താവും കാമുകിയും ഒരുമിച്ചുള്ള ചില ചിത്രങ്ങളും യുവതി കാണാനിടയായി. ഇതോടെ ഭര്‍ത്താവിനെ ബന്ധത്തില്‍നിന്ന് വിലക്കുകയും ഇനി യുക്രൈനില്‍ ജോലിക്കായി പോകരുതെന്നും ആവശ്യപ്പെട്ടു. എന്നാല്‍, നവംബര്‍ എട്ടാം തീയതി ഭാര്യയെ കബളിപ്പിച്ച് നിതീഷ് യുക്രൈനിലേക്ക് കടന്നുവെന്നാണ് കാജലിന്റെ കുടുംബം നല്‍കിയ പരാതിയില്‍ ആരോപിക്കുന്നത്.മുംബൈയിലെ ഓഫീസിലേക്ക് പോകുകയാണെന്ന് പറഞ്ഞാണ് നിതീഷ് കല്യാണിലെ വീട്ടില്‍നിന്ന് യാത്രതിരിച്ചത്. എന്നാല്‍, ഇത് കള്ളമായിരുന്നു. തുടര്‍ന്ന് യുക്രൈനിലെത്തിയ ശേഷം ഇയാള്‍ ഭാര്യയ്ക്ക് ചില സന്ദേശങ്ങളും അയച്ചു. താന്‍ യുക്രൈനില്‍ എത്തിയെന്നും ഇനി തിരികെ വരില്ലെന്നുമാണ് സന്ദേശത്തിലുണ്ടായിരുന്നത്. ഇതോടെയാണ് യുവതി വീടിനുള്ളില്‍ ജീവനൊടുക്കിയത്.

ആത്മഹത്യയ്ക്ക് മുന്‍പ് താന്‍ മരിക്കാന്‍ പോകുകയാണെന്ന് സൂചിപ്പിച്ച് സുഹൃത്തുക്കള്‍ക്കും ചില ബന്ധുക്കള്‍ക്കും യുവതി സന്ദേശം അയച്ചിരുന്നു. ഭര്‍ത്താവിന്റെ സന്ദേശം ലഭിച്ചതിന് പിന്നാലെ അമ്മയെ വിളിച്ച് ഇക്കാര്യം അറിയിക്കുകയും ചെയ്തു. ഇതിനുപിന്നാലെയാണ് യുവതി കടുംകൈ ചെയ്തതെന്നാണ് പോലീസ് പറയുന്നത്.അതേസമയം, കാജലിന്റെ മരണവിവരമറിഞ്ഞ് കഴിഞ്ഞദിവസമാണ് നിതീഷ് നായര്‍ നാട്ടില്‍ തിരിച്ചെത്തിയത്. തുടര്‍ന്ന് കല്യാണിലെ വീട്ടില്‍നിന്നാണ് ഇയാളെ അറസ്റ്റ് ചെയ്തതെന്നും പോലീസ് അറിയിച്ചു.

The post ഭര്‍ത്താവ് വിദേശത്തെ കാമുകിയെ കാണാൻപോയി, ഭാര്യ നാട്ടില്‍ ജീവനൊടുക്കി appeared first on Starvision News Malayalam.