മനാമ: ബഹ്‌റൈനിലെ ഇന്ത്യന്‍ ലേഡീസ് അസോസിയേഷന്റെ (ഐ.എല്‍.എ) ദീപാവലി ആഘോഷം ഒക്ടോബര്‍ 25ന് ഐ.എല്‍.എ. ആസ്ഥാനത്ത് നടക്കും.
പരിപാടി മൂന്നു മണിക്ക് ആരംഭിക്കും. ഇതിന്റെ ഭാഗമായി അല്‍ ഹിലാലുമായി സഹകരിച്ച് സ്തനാര്‍ബുദ ബോധവല്‍ക്കരണത്തിനായുള്ള പിങ്ക് ഇനിഷ്യേറ്റീവ് പരിപാടിയുണ്ടാകുമെന്നും ഐ.എല്‍.എ. പ്രസിഡന്റ് കിരണ്‍ മാംഗ്ലെ അറിയിച്ചു.

The post ഐ.എല്‍.എ. ദീപാവലി ആഘോഷം ഒക്ടോബര്‍ 25ന് appeared first on Starvision News Malayalam.

മനാമ: ഇന്ത്യന്‍ ലേഡീസ് അസോസിയേഷന്‍ (ഐ.എല്‍.എ) സംഘടിപ്പിക്കുന്ന ദാണ്ഡിയ നൈറ്റ് 2024ന്റെ ടിക്കറ്റുകള്‍ പുറത്തിറക്കി. ലുലു ഹൈപ്പര്‍ മാര്‍ക്കറ്റില്‍ തിങ്കളാഴ്ച വൈകിട്ട് 5.30 നാണ് പരിപാടി ആരംഭിച്ചത്. മുഖ്യാതിഥി ജൂസര്‍ റൂപ്പര്‍ വാല, മുഹമ്മദ് സാക്കി, ഹമദാന്‍ എന്നിവര്‍ ചടങ്ങില്‍ സന്നിഹിതരായിരുന്നു.
മാധ്യമ പങ്കാളികളായ സ്റ്റാര്‍വിഷന്‍ മീഡിയ, സലാം ബഹ്‌റൈന്‍, ബഹ്‌റൈന്‍ ദിസ് മന്ത്, ദി 973 ഷോ എന്നിവ ഈ സുപ്രധാന സന്ദര്‍ഭം റിപ്പോര്‍ട്ട് ചെയ്യുന്നതില്‍ നിര്‍ണായക പങ്ക് വഹിച്ചു.

സാമൂഹ്യ ഐക്യം, സംസ്‌കാരം, ഇന്ത്യന്‍ ലേഡീസ് അസോസിയേഷനെ നിലനിര്‍ത്തുന്ന ചൈതന്യം എന്നിവയുടെ ഊര്‍ജ്ജസ്വലമായ ആഘോഷമായിരിക്കും ദണ്ഡിയ നൈറ്റ് 2024. നൃത്തം, സംഗീതം, ഒത്തൊരുമയുടെ സന്തോഷകരമായ നിമിഷങ്ങള്‍ എന്നിവയിലൂടെ സമ്പന്നമായ പൈതൃകം ആഘോഷിക്കാന്‍ ജീവിതത്തിന്റെ എല്ലാ തുറകളിലുമുള്ള വ്യക്തികളെ ഒരുമിച്ച് കൊണ്ടുവരുന്ന ഈ പരിപാടി വര്‍ഷങ്ങളായി നടന്നുവരുന്നുണ്ട്.

ബെംകോ, ബി.എഫ്.സി, ഐവേള്‍ഡ്, ഫസ്റ്റ് മോട്ടോഴ്‌സ്, ലുലു ഹൈപ്പര്‍ മാര്‍ക്കറ്റ്, ഷിഫ അല്‍ ജസീറ, കെവല്‍റാം, ശ്രീസൂക്യ, മലബാര്‍ ഗോള്‍ഡ് തുടങ്ങിയ പ്രമുഖ സ്‌പോണ്‍സര്‍മാരുടെ ഉദാരമായ പിന്തുണയിലൂടെയാണ് ഈ വര്‍ഷത്തെ ദണ്ഡിയ നൈറ്റ് നടത്തുന്നത്. പരിപാടിക്ക് വിലമതിക്കാനാവാത്ത സംഭാവനകള്‍ നല്‍കുന്ന സ്‌പോണ്‍സര്‍മാര്‍ക്ക് ഐ.എല്‍.എ. അഗാധമായ നന്ദി അറിയിച്ചു.
ഈ വര്‍ഷത്തെ പരിപാടിയില്‍ ദുബായില്‍ നിന്നുള്ള ഡി.ജെ. രാഹുല്‍ പോലുള്ളവരുടെ ആവേശകരമായ പങ്കാളിത്തങ്ങളുണ്ടാകും. അദ്ദേഹം ഊര്‍ജ്ജവും ആശ്ചര്യങ്ങളും നിറഞ്ഞ ഒരു സായാഹ്നമൊരുക്കും. സ്‌പോണ്‍സര്‍മാരുടെയും ഐ.എല്‍.എ. അംഗങ്ങളായ വനിതാ സംരംഭകരുടെയും വിവിധ കിയോസ്‌കുകളും മികച്ച സമ്മാനങ്ങള്‍ വാഗ്ദാനം ചെയ്യുന്ന മത്സരങ്ങളുമുണ്ടാകും. ഐ വേള്‍ഡിന്റെ സഹായത്തോടെ ഐഫോണ്‍ 15 അടക്കമുള്ള സമ്മാനങ്ങള്‍ ഉള്‍പ്പെടുന്ന മെഗാ നറുക്കെടുപ്പുമുണ്ടാകും.
ടിക്കറ്റ് 5 ദിനാര്‍ നിരക്കില്‍ 2024 സെപ്റ്റംബര്‍ 16 വരെ ലഭ്യമാണ്. ഒരു ഗ്രൂപ്പ് ഡിസ്‌കൗണ്ട് വാഗ്ദാനമുണ്ട്- 10 ടിക്കറ്റുകള്‍ വാങ്ങുന്നവര്‍ക്ക് 1 അധിക ടിക്കറ്റ് സൗജന്യമായി ലഭിക്കും. സെപ്റ്റംബര്‍ 16ന് ശേഷം ടിക്കറ്റ് നിരക്ക് 7 ദിനാറായി ഉയരും. ടിക്കറ്റുകള്‍ ഓണ്‍ലൈനിലും ക്യു ലിങ്കിലും ലഭ്യമാണ്. പരിപാടിയില്‍നിന്ന് ലഭിക്കുന്ന മുഴുവന്‍ തുകയും സഹായം ആവശ്യമുള്ള കുട്ടികളുടെ വിദ്യാഭ്യാസത്തിനും ക്ഷേമത്തിനും വിനിയോഗിക്കാനായി ഐ.എല്‍.എ. സ്‌നേഹ കിഡ്‌സിന് നല്‍കും.

ഓണ്‍ലൈനില്‍ ടിക്കറ്റ് വാങ്ങുന്നതിന് സന്ദര്‍ശിക്കുക: https://events.q-tickets.com/bahrain/eventdetails/5989237390/ila-dandiya-2024
ലുലു ഫുഡ് കോര്‍ട്ട് ഒരുക്കിയ രുചികരമായ നവരാത്രി വിഭവങ്ങളുമായാണ് ടിക്കറ്റ് പുറത്തിറക്കല്‍ ചടങ്ങ് സമാപിച്ചത്.
ദണ്ഡിയ നൈറ്റ് 2024 അവിസ്മരണീയമായ ഒരു ആഘോഷമായിരിക്കും, ഒരു മഹത്തായ ലക്ഷ്യത്തിനായി സംഭാവന ചെയ്യുന്നതില്‍ പങ്കാളികളാകാനും പുതിയ ഓര്‍മ്മകള്‍ സൃഷ്ടിക്കാനും എല്ലാവരെയും ക്ഷണിക്കുന്നതായി ഐ.എല്‍.എ. ഭാരവാഹികള്‍ പറഞ്ഞു.
കൂടുതല്‍ വിവരങ്ങള്‍ക്ക് ഐ.എല്‍.എയുമായി 97333560046 നമ്പറില്‍ ബന്ധപ്പെടാവുന്നതാണ്.

The post ദാണ്ഡിയ നൈറ്റ് 2024: ടിക്കറ്റ് പുറത്തിറക്കി appeared first on Starvision News Malayalam.

മനാമ: ബഹ്‌റൈനില്‍ സാമൂഹിക സേവന രംഗത്ത് വിശിഷ്ട സംഭാവന നല്‍കിയതിന് ഇന്ത്യന്‍ ലേഡീസ് അസോസിയേഷനെ (ഐ.എല്‍.എ) ക്യാപ്പിറ്റൽ ഗവര്‍ണറേറ്റ് വോളണ്ടിയര്‍ പാസ് 2024 നല്‍കി ആദരിച്ചു. ബഹ്‌റൈനിലെ സാമൂഹിക സേവനത്തിലും സാമൂഹിക സംരംഭങ്ങളിലുമുള്ള ഐ.എല്‍.എയുടെ അര്‍പ്പണബോധത്തിനുള്ള അംഗീകാരമാണ് ഈ ബഹുമതി. പ്രസിഡന്റ് കിരണ്‍ മംഗ്ലെ, വൈസ് പ്രസിഡന്റ് ഡോ. തേജേന്ദര്‍ കൗര്‍ സര്‍ന, ട്രഷറര്‍ ശീതള്‍ ഷാ എന്നിവര്‍ ചേര്‍ന്ന് പുരസ്‌കാരം ഏറ്റുവാങ്ങി. അദ്‌ലിയയിലെ ദിവാന്‍ ഹബ്ബില്‍ നടന്ന ചടങ്ങില്‍ ഡെപ്യൂട്ടി ഗവര്‍ണര്‍ ഹസ്സന്‍ അബ്ദുല്ല അല്‍ മദനി, ബഹ്‌റൈന്‍ ക്യാപ്പിറ്റല്‍ ഗവര്‍ണറേറ്റ് ഇന്‍ഫര്‍മേഷന്‍ ആന്റ് ഫോളോ-അപ്പ് ഡയറക്ടര്‍ യൂസഫ് ലോരി എന്നിവര്‍ ചേര്‍ന്ന് പുരസ്‌കാരം സമ്മാനിച്ചു.

ഈ അംഗീകാരം ലഭിച്ചതില്‍ അതിയായ സന്തോഷമുണ്ടെന്ന് കിരണ്‍ മംഗ്ലെ പറഞ്ഞു. ഈ അംഗീകാരം പുതിയ ഊര്‍ജ്ജത്തോടെയും അര്‍പ്പണബോധത്തോടെയും സമൂഹത്തിന് സംഭാവനകള്‍ ചെയ്യാന്‍ പ്രചോദിപ്പിക്കുന്നു. ഈ നേട്ടത്തില്‍ പങ്കുവഹിച്ച എല്ലാ അംഗങ്ങള്‍ക്കും പിന്തുണച്ചവര്‍ക്കും പങ്കാളികള്‍ക്കും ഐ.എല്‍.എ. ഹൃദയംഗമമായ നന്ദി അറിയിക്കുന്നതായും അവര്‍ പറഞ്ഞു.

The post ഐ.എല്‍.എയ്ക്ക് ക്യാപ്പിറ്റൽ ഗവര്‍ണറേറ്റ് വോളണ്ടിയര്‍ പാസ് 2024 സമ്മാനിച്ചു appeared first on Starvision News Malayalam.

മനാമ: ബഹ്‌റൈനിലെ താഴ്ന്ന വരുമാനക്കാരായ തൊഴിലാളികള്‍ക്കായി ഇന്ത്യന്‍ ലേഡീസ് അസോസിയേഷന്‍ (ഐ.എല്‍.എ) എല്ലാ വര്‍ഷവും സംഘടിപ്പിക്കുന്ന സ്‌പോക്കണ്‍ ഇംഗ്ലീഷ് ക്ലാസ് ഇത്തവണ സെപ്റ്റംബര്‍ ആറിന് ആരംഭിക്കും.
ചെലവേറിയ പരിശീലനങ്ങള്‍ താങ്ങാന്‍ കഴിയാത്ത വ്യക്തികള്‍ക്ക് സ്‌പോക്കണ്‍ ഇംഗ്ലീഷിലെ അടിസ്ഥാന ആശയവിനിമയ കഴിവുകളുണ്ടാക്കുക എന്നതാണ് ഈ കോഴ്‌സ് ലക്ഷ്യമിടുന്നത്. സ്പീക്ക് ഈസി ഉപസമിതി അംഗങ്ങളായ ഡോ. റൂബി തോമസ്, നിഷ മാറോളി എന്നിവരാണ് കോഴ്‌സ് ഏകോപിപ്പിക്കുന്നത്.

കോഴ്‌സ് രണ്ടു മാസം നീണ്ടുനില്‍ക്കും. ആഴ്ചയില്‍ രണ്ടു തവണ ക്ലാസുകള്‍ നടക്കും. കോഴ്‌സിന്റെ അവസാനം വിശിഷ്ടാതിഥികള്‍ പങ്കെടുക്കുന്ന ഗ്രാന്‍ഡ് ഫിനാലെയില്‍ വിദ്യാര്‍ത്ഥികള്‍ക്ക് സര്‍ട്ടിഫിക്കറ്റ് സമ്മാനിക്കും. അവിടെ അവര്‍ക്ക് പുതുതായി നേടിയ കഴിവുകള്‍ പ്രദര്‍ശിപ്പിക്കാനും അവസരമുണ്ടാകും. പങ്കെടുക്കുന്നവരെ ഇംഗ്ലീഷില്‍ അടിസ്ഥാന ആശയവിനിമയ കഴിവുകള്‍ നേടാന്‍ സഹായിക്കുക, ജോലിസ്ഥലത്തും അവരുടെ സാമൂഹിക ഇടപെടലുകളിലും കൂടുതല്‍ ഫലപ്രദമാകാന്‍ പ്രാപ്തരാക്കുക എന്നതാണ് ഈ പദ്ധതിയുടെ പ്രധാന ലക്ഷ്യം.

പാഠ്യപദ്ധതിയില്‍ അടിസ്ഥാന സംസാര ഇംഗ്ലീഷ്, ആശയവിനിമയം, സാമൂഹിക കഴിവുകള്‍, മര്യാദകള്‍ എന്നിവ ഉള്‍പ്പെടുന്നു. എന്റോള്‍മെന്റിനായി നാമമാത്രമായ 10 ദിനാര്‍ ഫീസ് ഈടാക്കുന്നു. ഇത് ഫീസ് എന്നതിലുപരി പങ്കെടുക്കുന്നവരില്‍ നിന്നുള്ള പ്രതിബദ്ധത ഉദ്ദേശിച്ചാണ്. ഹൈസ്‌കൂള്‍ വിദ്യാഭ്യാസമാണ് കോഴ്‌സിനു ചേരാനുള്ള അടിസ്ഥാന യോഗ്യത. നാമമാത്ര ഫീസ് അടയ്ക്കാന്‍ കഴിയാത്ത വിദ്യാര്‍ത്ഥികള്‍ക്ക് സ്‌പോണ്‍സറെ കണ്ടെത്താന്‍ ഐ.എല്‍.എ. സഹായിക്കും.

മലബാര്‍ ബിരിയാണി ഹൗസ് സല്‍മാനിയ, വൃന്ദാവന്‍ റെസ്റ്റോറന്റ് മനാമ, മൈസൂര്‍ ഭവന്‍, സംഗീത റെസ്റ്റോറന്റ്, സിറ്റിമാര്‍ട്ട് സൂപ്പര്‍മാര്‍ക്കറ്റ് ഹൂറ എന്നിവിടങ്ങളില്‍ കോഴ്‌സിനുള്ള അപേക്ഷാ ഫോമുകള്‍ ലഭ്യമാണ്. തിരഞ്ഞെടുക്കപ്പെടുന്ന അപേക്ഷകരെ കോഴ്‌സില്‍ ചേരാന്‍ ഐ.എല്‍.എ. ആസ്ഥാനത്ത് അഭിമുഖത്തിന് വിളിക്കും.

The post ഐ.എല്‍.എ. സ്‌പോക്കണ്‍ ഇംഗ്ലീഷ് ക്ലാസ് appeared first on Starvision News Malayalam.

ഇതിന്റെ ഭാഗമായി സ്‌നേഹ ചില്‍ഡ്രന്റെ സഹകരണത്തോടെ പ്രത്യേക യോഗ ക്യാമ്പ് സംഘടിപ്പിച്ചു. ഐ.എല്‍.എ. ആസ്ഥാനത്തു നടന്ന പരിപാടിക്ക് ആയുര്‍വേദ ഡൈജസ്റ്റീവ് സ്‌പെഷ്യലിസ്റ്റും സീനിയര്‍ യോഗ കോച്ചുമായ നീലാഞ്ജന ഭരദ്വാജ്, കോസ്‌മെറ്റിക് ഡെന്റിസ്റ്റും യോഗാദ്ധ്യാപികയുമായ ഡോ. സജ്‌നി വൈദ്യ എന്നിവര്‍ നേതൃത്വം നല്‍കി. ഐ.എല്‍.എ. പ്രസിഡന്റ് കിരണ്‍ മാംഗ്ലെ ചടങ്ങില്‍ സംസാരിച്ചു.

The post ഐ.എല്‍.എ. യോഗ ദിനം ആഘോഷിച്ചു appeared first on Starvision News Malayalam.

മനാമ: ഇന്ത്യന്‍ ലേഡീസ് അസോസിയേഷന്‍ (ഐ.എല്‍.എ) കുട്ടികള്‍ക്കായി ‘ആഗാസ്’ (ഉര്‍ദു ഫോര്‍ ന്യൂ ബിഗിനിംഗ്‌സ്) എന്ന പേരില്‍ ശാക്തീകരണ പരിപാടി ആരംഭിക്കുന്നു. അംഗങ്ങളുടെയും അംഗങ്ങളല്ലാത്തവരുടെയും 13 വയസുള്ള കുട്ടികള്‍ക്ക് ഈ പരിപാടിയില്‍ പങ്കാളികളാവാം.
17 വയസു വരെ കുട്ടികള്‍ക്ക് സാമൂഹ്യസേവനം, പരിസ്ഥിതി സംരക്ഷണം, ജീവകാരുണ്യ പ്രവര്‍ത്തനം എന്നിവയിലും അതിനുവേണ്ടി ധനം സമാഹരിക്കുന്നതിലും പരിശീലനം നല്‍കുന്ന പരിപാടിയാണിതെന്ന് ഭാരവാഹികള്‍ അറിയിച്ചു.

നമ്മുടെ ഇളംതലമുറക്കാര്‍ ഭാവിയുടെ പരിപാലകരാണെന്ന് ഐ.എല്‍.എ പ്രസിഡന്റ് കിരണ്‍ മാംഗ്ലെ പറഞ്ഞു. ഈ ഇന്റര്‍നെറ്റ്- സമൂഹമാധ്യമ യുഗത്തില്‍ സമൂഹത്തെ എങ്ങനെ സേവിക്കണമെന്ന് അവര്‍ക്കറിയാം. അവര്‍ക്ക് അതിനുള്ള നൈപുണ്യം വളര്‍ത്തിയെടുക്കാന്‍ ഈ പരിശീലന പരിപാടി വഴി സാധിക്കുമെന്നാണ് കരുതുന്നതെന്നും അവര്‍ പറഞ്ഞു.

ഐ.എല്‍.എ അംഗങ്ങളായ ഡോ. ഹേമലതാ സിംഗ്, സ്വാതി സനാപ്, പ്രിയങ്ക ജസ്സാല്‍ എന്നിവര്‍ പരിശീലന പരിപാടിക്ക് നേതൃത്വം നല്‍കും. പരിപാടിയുടെ ഉദ്ഘാടനം ജൂണ്‍ അഞ്ചിന് നടക്കും. പ്രമുഖ പരിസ്ഥിതി പ്രവര്‍ത്തകന്‍ കായ് മീതിംഗ് ചടങ്ങില്‍ സംസാരിക്കും.
പരിപാടിയില്‍ പങ്കെടുക്കാന്‍ ഗൂഗിള്‍ ഫോം വഴി അപേക്ഷിക്കാം. 5 ദിനാറാണ് രജിസ്‌ട്രേഷന്‍ ഫീസ്. അതിനു പുറമെ പരിപാടിയില്‍ പങ്കെടുക്കുന്ന അംഗങ്ങളുടെ കുട്ടികള്‍ക്ക് 40 ദിനാറും അംഗങ്ങളല്ലാത്തവരുടെ കുട്ടികള്‍ക്ക് 55 ദിനാറുമാണ് ഫീസ്. സംഘടനയില്‍ അംഗങ്ങളാവാന്‍ ആഗ്രഹിക്കുന്നവര്‍ക്ക് +97336990111 എന്ന നമ്പറില്‍ മെമ്പര്‍ഷിപ്പ് സെക്രട്ടറി ഹില്‍ഡ ലോബോയുമായി ബന്ധപ്പെടാവുന്നതാണ്.

The post കുട്ടികള്‍ക്ക് ശാക്തീകരണ പരിപാടിയുമായി ഐ.എല്‍.എ appeared first on Starvision News Malayalam.

ഇന്ത്യൻ ലേഡീസ് അസോസിയേഷൻ പുതിയ പരിസരത്തേക്ക് മാറ്റിയപ്പോൾ അൽ തൗഫീഖ് ക്ലീനിംഗ് ആൻഡ് മെയിന്റനൻസ് കമ്പനി മികച്ച സേവനങ്ങൾ നൽകുകയും സഹായിക്കുകയും ചെയ്തു. ഇന്ത്യൻ ലേഡീസ് അസോസിയേഷൻ അവരുടെ സേവനങ്ങൾക്ക് ആത്മാർത്ഥമായ നന്ദി രേഖപ്പെടുത്തി.

The post ഇന്ത്യൻ ലേഡീസ് അസോസിയേഷൻ ഡ്രൈ റേഷൻ വിതരണം ചെയ്തു appeared first on Starvision News Malayalam.

The post ഇന്ത്യൻ ലേഡീസ് അസോസിയേഷൻ ഡ്രൈ റേഷൻ കിറ്റ് വിതരണം ചെയ്തു appeared first on Starvision News Malayalam.