മനാമ: ബഹറിനിലെ പത്തനംതിട്ട ജില്ലക്കാരുടെ കൂട്ടായ്മയായ പത്തനംതിട്ട ജില്ലാ പ്രവാസി അസോസിയേഷൻ ട്യൂബ്ലിയിലുള്ള ലേബർ ക്യാമ്പിൽ വച്ച് ഇഫ്താർ സംഗമം നടത്തി. സൗഹൃദത്തിനും ആത്മീയ അഭിവൃദ്ധിക്കും ഊന്നൽ നൽകിയ ഈ സംഗമത്തിൽ 200-ലധികം ആളുകൾ പങ്കെടുത്തു.

സംഘടനയുടെ വിവിധ പ്രവർത്തനങ്ങളിൽ സജീവമായ സാമൂഹ്യ പ്രവർത്തകരായ ചെമ്പൻ ജലാൽ, മണിക്കുട്ടൻ, സെയ്ദ് ഹനീഫ് എന്നിവരോടൊപ്പം കോർഡിനേറ്റർ അനിൽ കുമാർ, അസോസിയേഷന്റെ എക്സിക്യൂട്ടീവ് കമ്മിറ്റി അംഗങ്ങളും മെമ്പർമാരും കുടുംബാംഗങ്ങളും ഈ ചടങ്ങിൽ പങ്കെടുത്തു.

ഈ ഇഫ്താർ സംഗമം സംഘടനയുടെ സാമൂഹിക പ്രതിബദ്ധതയുടെ ഭാഗമായും പ്രവാസി കൂട്ടായ്മയുടെ ഐക്യത്തിൻ്റെ ഉദാഹരണമായും മാറി. മെമ്പർമാരുടേയും ഭാരവാഹികളുടെയും പിന്തുണയും സഹകരണവും ഈ ആഘോഷത്തെ കൂടുതൽ പ്രഭാവിതമാക്കി.

The post പത്തനംതിട്ട ജില്ലാ പ്രവാസി അസോസിയേഷൻ ഇഫ്താർ സംഗമം സംഘടിപ്പിച്ചു appeared first on Starvision News Malayalam.

മനാമ: അൽ ഫുർഖാൻ സെന്റർ ഇഫ്‌താർ സംഗമം സംഘടിപ്പിച്ചു. സാമൂഹിക സാംസ്കാരിക രംഗത്തെ പ്രമുഖർ പങ്കെടുത്ത ഇഫ്‌താർ അൽ ഫുർഖാൻ സെന്റർ അഡ്മിനിസ്റ്റ്രേറ്റർ ശൈഖ്‌ മുദഫ്ഫർ അൽമീർ ഉദ്ഘാടനം ചെയ്തു.

ഇന്ത്യൻ സ്കൂൾ സെക്രട്ടറി രാജപാണ്ട്യൻ വരദ പിള്ളൈ, മുസ്റ്റഫ കെപി (കെഎംസിസി ബഹ്‌റൈൻ സംസ്ഥാന ട്രഷറർ), എബ്രഹാം ജോൺ (സാമൂഹിക പ്രവർത്തകൻ), ബിനു കുന്നന്താനം, രാജു കല്ലുമ്പുറം (ഓഐസിസി), അബ്ദുൽ അസീസ്‌ ടിപി, രിസാലുദ്ദീൻ (അൽ മന്നായി സെന്റർ), ഷാനവാസ്‌ (ഫ്രെന്റ്സ്‌ സോഷ്യൽ അസോസിയേഷൻ), ഹംസ മേപ്പാടി, നൂറുദ്ദീൻ ഷാഫി (ഇന്ത്യൻ ഇസ്‌ലാഹി സെന്റർ), അബ്ദുൽ വാഹിദ്‌ (സമസ്ത ബഹ്‌റൈൻ), ബഷീർ അമ്പലായി (ബിസിനസ്‌ ഫോറം), ഇസ്‌ഹാഖ്‌ പികെ, ശാഫി വേളം, ബഷീർ മാത്തോട്ടം എന്നീ പ്രമുഖ ർ പങ്കെടുത്തു. അൽ ഫുർഖാൻ സെന്റർ രക്ഷാധികാരി അബ്ദുൽ മജീദ്‌ തെരുവത്ത്‌, നഷാദ്‌ പിപി (സ്കൈ) എന്നിവർ അഥിതികളെ സ്വീകരിച്ചു. അൽ ഫുർഖാൻ മലയാളം പ്രസിഡന്റ്‌ സൈഫുല്ല ഖാസിം ആമുഖ ഭാഷണം നിർവഹിച്ചു. മൂസാ സുല്ലമി റമദാൻ സന്ദേശം നടത്തി. അൽ ഫുർഖാൻ മലയാളം ജനറൽ സെക്രട്ടറി സുഹൈൽ മേലടി നന്ദി പ്രകാശിപ്പിച്ചു.

The post അൽ ഫുർഖാൻ സെന്റർ ഇഫ്‌താർ സംഗമം appeared first on Starvision News Malayalam.

മനാമ: കൊല്ലം പ്രവാസി അസോസിയേഷന്‍ നടത്തിയ ഇഫ്താര്‍ സംഗമം ജന പങ്കാളിത്തം കൊണ്ട് ശ്രദ്ധേയമായി. കെസിഎ അങ്കണത്തിൽ നടന്ന ഇഫ്താര്‍ സംഗമത്തില്‍ 600 ൽ അധികം ആളുകൾ പങ്കെടുത്തു. കെ പി എ രക്ഷാധികാരിയും, മുൻ ലോക കേരളാ സഭാ അംഗവുമായ ബിജു മലയിൽ ഇഫ്താര്‍ സംഗമം ഉത്‌ഘാടനം ചെയ്തു. ഫ്രണ്ട്സ് സോഷ്യൽ അസോസിയേഷൻ ജനറൽ സെക്രട്ടറി സയ്യിദ് റമദാൻ നദവി റമളാൻ സന്ദേശം നൽകി.

കൊല്ലം പ്രവാസി അസോസിയേഷൻ പ്രസിഡന്റ് അനോജ് മാസ്റ്റർ അധ്യക്ഷത വഹിച്ച ചടങ്ങിൽ ബഹറിൻ കേരളീയ സമാജം പ്രസിഡന്റ് പി വി രാധാകൃഷ്ണപിള്ള, ജനറൽ സെക്രട്ടറി വർഗീസ് കാരയ്ക്കൽ, ഇന്ത്യൻ സ്കൂൾ സെക്രട്ടറി രാജപാണ്ട്യൻ, ഡോക്ടർ പി വി ചെറിയാൻ എന്നിവർ സന്നിഹിതരായിരുന്നു. കെപിഎ സ്ഥാപക പ്രസിഡന്റ് നിസാർ കൊല്ലം , കെപിഎ ട്രഷറർ മനോജ് ജമാൽ, അസിസ്റ്റന്റ് ട്രഷറർ കൃഷ്ണകുമാർ, കെ പി എ രക്ഷാധികാരി ചന്ദ്ര ബോസ്, ബി . കെ . എസ് . ലേഡീസ് വിങ്ങ് സെക്രട്ടറി മോഹിനി തോമസ്, കെ സി എ പ്രസിഡന്റ് ജെയിംസ് മാത്യു, ബഹറിൻ പ്രതിഭ രക്ഷാധികാരിയും ലോക കേരള സഭ അംഗവുമായ ശ്രീജിത്ത്, ഗുരുദേവ സോഷ്യൽ സൊസൈറ്റി ചെയർമാൻ സനീഷ് കുറുമുള്ളിൽ, സാമൂഹ്യ പ്രവർത്തകനായ കെ . ആർ . നായർ, മോനി ഓടി കണ്ടത്തിൽ, സിജി കോ – ഓർഡിനേറ്റർ ഷിബു പത്തനംതിട്ട, പ്രവാസി വെൽഫെയർ സെക്രട്ടറി ജോഷി തുടങ്ങി ബഹ്‌റൈനിലെ സാമൂഹ്യ സാംസ്കാരിക രംഗത്തെ പ്രമുഖർ ആശംസകള്‍ അറിയിച്ചു.

കെ പി എ സെക്രട്ടറി അനിൽ കുമാർ സ്വാഗതം പറഞ്ഞ യോഗത്തിനു ഇഫ്‌താർ കമ്മിറ്റി കൺവീനർ സിദ്ധിക്ക് ഷാൻ നന്ദി രേഖപ്പെടുത്തി. കെ പി എ സെക്രട്ടറി രജീഷ് പട്ടാഴി, കെപിഎ വൈസ് പ്രസിഡന്റ് കോയിവിള മുഹമ്മദ് കുഞ്ഞ് എന്നിവർ ചടങ്ങുകൾ നിയന്ത്രിച്ചു. സെക്രട്ടറിയറ്റ് കമ്മിറ്റി അംഗങ്ങള്‍, സെന്‍ട്രല്‍ കമ്മിറ്റി അംഗങ്ങള്‍, ഏരിയ ഭാരവാഹികള്‍,പ്രവാസിശ്രീ യൂണിറ്റു ഹെഡുകള്‍ എന്നിവര്‍ ഇഫ്താര്‍ സംഗമത്തിന് നേതൃത്വം നല്‍കി.

The post കൊല്ലം പ്രവാസി അസോസിയേഷന്‍ ഇഫ്താര്‍ സംഗമം ജന പങ്കാളിത്തം കൊണ്ട് ശ്രദ്ധേയമായി appeared first on Starvision News Malayalam.

മനാമ: കെഎംസിസി ബഹ്‌റൈൻ ഇസ ടൌൺ ഇന്ത്യൻ സ്കൂൾ ഗ്രൗണ്ടിൽ സംഘടിപ്പിച്ച ഗ്രാൻഡ് ഇഫ്താറിൽ പതിനായിരത്തിലധികം പേർ പങ്കെടുത്തു കൊണ്ട് വീണ്ടും ചരിത്രം രചിച്ചു.

ഗ്രാൻഡ് ഇഫ്താർ സംഗമത്തിൽ ബഹ്‌റൈൻ വ്യവസായ വകുപ്പ് മന്ത്രി അബ്ദുള്ള ബിൻ ആദിൽ ഫക്രൂ, മുഖ്യാതിഥി ആയിരുന്നു ഇന്ത്യൻ അംബാസ്സഡോർ ഡോക്ടർ വിനോദ് ജെകബ് സംഗമം ഉത്ഘാടനം ചെയ്തു.

ഇത്രയും വലിയ ജന സാഗരം അത്ഭുതമാണെന്നും ഇത് കെഎംസിസി ക്ക് മാത്രമേ സാധ്യമാകുകയുള്ളുവെന്നും ഇന്ത്യൻ അംബാസിസോർ പറഞ്ഞു.
കെഎംസിസി ക്ക് തുല്യം കെഎംസിസി മാത്രമാണെന്നും കെഎംസിസി ക്ക് മാത്രം സാധ്യമാകുന്ന അത്ഭുത പ്രതിഭാസമാണ് ഈ ഒത്തു ചേരലെന്നും ഇന്ത്യൻ അംബാസ്സഡോർ കൂട്ടിച്ചേർത്തു.

റമദാൻ എന്നത് ഒരു വ്യക്തിക്ക് അവൻ ആരാണ് എന്ന് തിരിച്ചറിയാനുള്ള അവസരം നൽകുന്ന ആരാധന കർമ്മമാണ്. ഒപ്പം സഹജീവിയെയും അവന്റെ രക്ഷിതാവിനെയും തിരിച്ചറിയുന്നസന്ദർഭം. അത് കൊണ്ട് തന്നെ ഇത്തരം സമൂഹ നോമ്പ് തുറകൾ മനുഷ്യർക്കിടയിൽ സ്നേഹത്തിന്റെ പാലം പണിയാൻ ഉള്ളതാണെന്നും പ്രാസങ്ങികർ ചൂണ്ടികാട്ടി ഇന്ത്യയും ബഹ്‌റൈനും തമ്മിലുള്ള പരമ്പരഗതമായ ഊഷ്മള ബന്ധം ഊട്ടിയുറപ്പിക്കുന്നതാണ് ഇത്തരം ഇഫ്താർ എന്ന് അവർ കൂട്ടിച്ചേർത്തു.

ഇസ ടൌൺ ഇന്ത്യൻ സ്കൂൾ ഗ്രൗണ്ടിൽ പ്രത്യേകം ഒരുക്കിയ ഇരിപ്പിടങ്ങളും സജ്ജീകരണങ്ങളും നിറഞ്ഞു കവിഞ്ഞ ജന സഹസ്രങ്ങൾ ആണ് പരിപാടിയിലേക്ക് എത്തിച്ചേർന്നത്. സ്ത്രീകളുടെയും കുട്ടികളുടെയും വലിയ പങ്കാളിത്തം ശ്രദ്ധേയമായി. സ്വദേശി പ്രമുഖരുടെയും ബഹറിനിലെ പ്രവാസി കൂട്ടായ്മകളുടെ ഭാരവാഹികൾക്ക് പുറമെ ബിസിനസ് രംഗത്തെ പ്രമുഖരും മീഡിയ പ്രതിനിധികളും സന്നിഹിതരായിരുന്നു.

കെഎംസിസി ബഹ്‌റൈൻ പ്രസിഡന്റ് ഹബീബ് റഹ്മാൻ ഇഫ്താർ സംഗമത്തിൽ അധ്യക്ഷത വഹിച്ചു. ബഹ്‌റൈൻ പാർലമെന്റ് മെമ്പർ ഹസൻ ഈദ് ബുകമ്മാസ്
ക്യാപിറ്റൽ ഗവർണറേറ് ഡയറക്ടർ അഹ്‌മദ്‌ ലോറി, കേണൽ ഫൈസൽ അർജാൽ,
സമസ്ത പ്രസിഡന്റ് സയ്യിദ് ഫഖ്‌റുദീൻ തങ്ങൾ, ഇന്ത്യൻ സ്കൂൾ ചെയർമാൻ ബിനു മണ്ണിൽ വർഗീസ് കേരളീയ സമാജം പ്രസിഡന്റ് പി. വി. രാധാകൃഷ്ണ പിള്ള ശാസ്ത്രി വിജയ് കുമാർ മുഖ്യ, ഫാദർ സ്ലീവ വട്ടുവേലി കോർ എപ്പിസ്കോപ,
ഒ ഐ സി സി ഗ്ലോബൽ സെക്രട്ടറി രാജു കല്ലുമ്പുറം, ജ്യൂസർ രൂപ്വാല ( ലുലു ബഹ്‌റൈൻ), വേൾഡ് കെഎംസിസി സെക്രട്ടറി അസ്സൈനാർ
കളതിങ്കൽ, എന്നിവർ ആശംസ നേർന്നു.

കെഎംസിസി മുൻ പ്രസിഡന്റ്‌ കുട്ടൂസ മുണ്ടേരി എം. എം. എസ് ഇബ്രാഹിം,, മുഹമ്മദ്‌ റഫീഖ് (മലബാർ ഗോൾഡ്, സോമൻ ബേബി, സുബൈർ കണ്ണൂർ, ഫ്രാൻസിസ് കൈത്താരത്ത്, എൻ കെ. മജീദ് തെരുവത്, സവാദ് കുരുട്ടി, ഹാരിസ് പഴയങ്ങാടി, തുടങ്ങിയവർ സന്നിഹിതരായിരുന്നു.

കെഎംസിസി ജനറൽ സെക്രട്ടറി ശംസുദ്ധീൻ വെള്ളികുളങ്ങര സ്വാഗതവും മുസ്തഫ കെ പി നന്ദിയും പറഞ്ഞു. അസ്‌ലം ഹുദവി ഖിറാഅത് നിർവഹിച്ചു.

വിവിധ സ്പോൺസർമാരുടെ സഹകരണത്തോടെ ഒരുക്കിയ ഗ്രാന്‍ഡ് ഇഫ്താര്‍ സംഗമം ആളുകളുടെ പങ്കാളിത്തം കൊണ്ടും സംഘടനാമികവു കൊണ്ടും ശ്രദ്ധേയമായി. കെഎംസിസി പ്രവർത്തകരെ കൂടാതെ ജാതി മത ഭേദമന്യേ നിരവധിപേർ ഇഫ്താറിന്റെ ഭാഗമായതോടെ സംഗമം സാഹോദര്യബന്ധം കൂട്ടിയുറപ്പിക്കുന്നവേദി കൂടിയായി.
സംഗമത്തിന് ഓർഗാനൈസിങ് സെക്രട്ടറി ഗഫൂർ കൈപ്പമംഗലം വൈസ് പ്രസിഡന്റ്‌റുമാരായ അസ്‌ലം വടകര, എ. പി. ഫൈസൽ, റഫീഖ് തോട്ടക്കര, ഷാഫി പാറക്കട്ട, സലീം തളങ്കര, എൻ കെ അബ്ദുൽ അസീസ് , സഹീർ കാട്ടാമ്പള്ളി സെക്രട്ടറിമാരായ അഷ്‌റഫ് കക്കണ്ടി, ഫൈസൽ കോട്ടപ്പള്ളി, ഫൈസൽ കണ്ടിതാഴ, അഷ്‌റഫ് കാട്ടിൽ പീടിക, റിയാസ് വയനാട് എസ് കെ നാസ്സർ, എന്നിവര്‍ നേതൃത്വം നല്‍കി.

വിവിധ ജില്ല, ഏരിയ, മണ്ഡലം, പഞ്ചായത്ത്‌ കമ്മിറ്റി ഭാരവാഹികളും വളണ്ടിയർമാരും അടുക്കും ചിട്ടയുമാർന്ന പ്രവർത്തനങ്ങളിലൂടെ ഇഫ്താർ സംഗമത്തെ മികവുറ്റതാക്കി.

കെ എം സി സി വനിതാ വിങ്ങ് നേതാക്കളും പ്രവർത്തകമാരും ഗ്രാൻഡ് ഇഫ്‌താറിന്റെ വിജയത്തിനായി സജീവമായി പ്രവർത്തിച്ചു.

The post ആയിരങ്ങൾ ഒഴുകിയെത്തി കെഎംസിസി ബഹ്‌റൈൻ ഗ്രാൻഡ് ഇഫ്താർ പുതു ചരിതം കുറിച്ചു appeared first on Starvision News Malayalam.

മനാമ : ബഹ്‌റൈനിലെ മലയാളി കുടുംബങ്ങളുടെ കൂട്ടായ്മയായ, “ബഹ്‌റൈൻ മലയാളി കുടുംബം”, (BMK), റമളാൻ മാസത്തിലെ പ്രവർത്തനങ്ങളുടെ ഭാഗമായി, തൊഴിലാളികൾക്കൊപ്പം ഇഫ്താർ സംഗമം സംഘടിപ്പിച്ചു. അറാദിലെ ഷിപ്പിങ് കമ്പനിയിലെ തൊഴിലാളികളുടെ താമസസ്ഥലത്ത് സംഘടിപ്പിച്ച ഇഫ്താർ സംഗമത്തിൽ 175 ഓളം തൊഴിലാളികൾ പങ്കെടുത്തു.

സഹകരിച്ച എല്ലാവർക്കും, BMK ക്ക്‌ വേണ്ടി, ഉപദേശക സമിതി അംഗവും, ഇഫ്താർ മീറ്റ് കോ ഓർഡിനേറ്ററുമായിരുന്ന അബ്ദുൽ റെഹ്മാൻ കാസർഗോഡ്, പ്രസിഡന്റ്‌ : ധന്യ സുരേഷ് , സെക്രട്ടറി : രാജേഷ് രാഘവ് ഉണ്ണിത്താൻ, ആക്ടിങ് ട്രെഷറർ : പ്രദീപ്‌ കാട്ടിൽ പറമ്പിൽ, എന്നിവർ നന്ദി അറിയിച്ചു.

The post ബഹ്‌റൈൻ മലയാളി കുടുംബം (BMK) ഇഫ്താർ സംഗമം സംഘടിപ്പിച്ചു appeared first on Starvision News Malayalam.

മനാമ: ബഹ്റൈനിലെ ഭാരതി അസോസിയേഷൻ, ഇന്ത്യൻ ക്ലബ്ബുമായി സഹകരിച്ച് ഇന്ത്യൻ ക്ലബ് ഇൻഡോർ ഓഡിറ്റോറിയത്തിൽ ഗ്രാൻ്റ് ഇഫ്താർ വിരുന്ന് സംഘടിപ്പിച്ചു.

സമൂഹത്തിൻ്റെ വിവിധ തുറകളിൽപെട്ട 450ലധികം ആളുകൾ പങ്കെടുത്തു.
ഇന്ത്യൻ ക്ലബ്ബ് വൈസ് പ്രസിഡന്റ് ജോസഫ് ജോയ് സ്വാഗത പ്രസംഗം നടത്തി. ഭാരതി അസോസിയേഷൻ പ്രസിഡന്റ് വല്ലം ബഷീർ, ഡിസ്കവർ ഇസ്ലാം സൊസൈറ്റിയെ പ്രതിനിധീകരിച്ച് അൻവർദീൻ എന്നിവർ പ്രഭാഷണം നടത്തി.

ഭാരതി അസോസിയേഷൻ ജനറൽ സെക്രട്ടറി അബ്ദുൾ ഖയ്യൂം നന്ദി പറഞ്ഞു.
തമിഴ്‌നാട്ടിൽ ഇഫ്താർ വിരുന്നിൽ വിളമ്പുന്ന പരമ്പരാഗത കഞ്ഞിയായ ‘നോമ്പു കഞ്ഞി’ വിരുന്നിൽ ഉൾപ്പെടുത്തിയിരുന്നു.

The post ഭാരതി അസോസിയേഷനും ഇന്ത്യൻ ക്ലബ്ബും ചേർന്ന് ഗ്രാൻ്റ് ഇഫ്താർ വിരുന്ന് നടത്തി appeared first on Starvision News Malayalam.

മനാമ: ഇന്ത്യൻ ഓവർസീസ് കോൺഗ്രസ് തമിഴ്നാട് ഘടകം അർഹതപ്പെട്ടവർക്കായി നടത്തിയ നോമ്പ് തുറ ഭക്ഷണ വിതരണം തൊഴിലാളി സഹോദരങ്ങളെ പരിശുദ്ധ റംസാൻ മാസത്തിൽ ചേർത്ത് നിർത്തുവാനും വിശപ്പ് അറിയുന്നവർക്കായി വിതരണം ചെയ്തതിലൂടെ പുണ്യ പ്രവർത്തനമായി കാണുന്നതിൽ സന്തോഷവും അഭിമാനവും സമാധാനവുമായിട്ടാണ് വിലിയിരുത്തുന്നതെന്ന് ഐഒസി ബഹ്റൈൻ സംഘടനക്ക് കീഴിൽ പുതുതായി രൂപികരിച്ച ഐഒസി ബഹ്റൈൻ തമിഴ്നാട് ഘടകം ഭാരവാഹികൾ അറിയിച്ചു.

ബഹ്റൈനിലെ തൊഴിലാളി കളുടെ വാസസ്ഥലമായ തൂബ്ലിയിലെ ട്രോവൺ തൊഴിലാളി സഹോദരങ്ങളുടെ വാസസ്ഥലത്താണ് ഭക്ഷണ പൊതികൾ വിതരണം നടന്നത്.

ഐഒസി ബഹ്റൈൻ പ്രസിഡൻ്റ് മുഹമ്മദ് മൻസൂർ, ജനറൽ സെക്രട്ടറി ബഷീർ അമ്പലായി, മുഹമ്മദ് ഗയാസുല്ല, സന്തോഷ് ഓസ്റ്റിൻ, സാമൂഹ്യ പ്രവർത്തകനായ സയ്യിദ് ഹനീഫ്, ഐഒസി ബഹ്റൈൻ തമിഴ്നാട് ഘടകം പ്രസിഡണ്ട് നയാഖം മരിയദാസ്, വൈസ് പ്രസിഡൻ്റ് സൂസയി നയാഖം, ജനറൽ സെക്രട്ടറി പ്രവീൺ ലാസർ തുടങ്ങിയവർ പരിപാടിയിൽ സംബന്ധിച്ചു.

The post ഐഒസി ബഹ്റൈൻ തമിഴ്നാട് ഘടകം നോമ്പ്തുറ ഭക്ഷണ വിതരണം നടത്തി appeared first on Starvision News Malayalam.

മനാമ: ഹാർട്ട് ബഹ്‌റൈൻ കൂട്ടായ്‌മയുടെ ഇഫ്‌താർ വിരുന്നു സിഞ്ചിലുള്ള പ്രവാസി സെന്റർ ഹാളിൽ വെച്ച് നടന്നു. ശ്രീ യൂനുസ് സലിം ഇഫ്താർ സന്ദേശം നൽകി കൊണ്ട് പുണ്യ മാസത്തിൽ എടുക്കുന്ന നോമ്പിന്റെയ് പ്രേത്യേകതളെ കുറിച്ച് സംവദിച്ചത് ഹാർട്ട് അംഗങ്ങൾക്ക് നല്ലൊരു അനുഭവമായി തീർന്നു.

100 ലേറെ പേർ പങ്കെടുത്ത ഇഫ്താർ വിരുന്നിനു കാസ്സിം കല്ലായി സ്വാഗതവും വിജു നന്ദിയും അറിയിച്ചു. ഹാർട്ട്‌ കൂട്ടായ്മയുടെ അടുത്ത പ്രോഗ്രാമായ ബ്ലഡ് ഡോനെഷൻ ക്യാമ്പ് ഏപ്രിൽ 19 ന് നടത്തപെടുമെന്നു ഭാരവാഹികൾ അറിയിച്ചു.

The post ഹാർട്ട് ബഹ്‌റൈൻ കൂട്ടായ്‌മ ഇഫ്‌താർ വിരുന്ന് സംഘടിപ്പിച്ചു appeared first on Starvision News Malayalam.

മനാമ: പാലക്കാട്ടുകാരുടെ കുടുംബ കൂട്ടായ്‌മ,പാലക്കാട് പ്രവാസി അസോസിയേഷൻ ഇഫ്ത്താർ സംഗമം സംഘടിപ്പിച്ചു,ആദിലിയലിൽ ഇന്ത്യൻ ഡർബാർ റെസ്റ്റോറെന്റ് ബൊട്ടീക് ഹാളിൽ വച്ച് നടന്ന സംഗമത്തിൽ ബഹറിൻ ദാവൂദി ബോറ ഡയറക്ടർ ബോർഡ് ചെയർമാൻ ഹാതിം അബ്ബാസ് മുഖ്യാതിഥി ആയ ചടങ്ങിൽ,സമസ്‌ത കേരള ജംഇയ്യത്തുൽ ഉലമ ബഹറിൻ മദ്രസ അദ്ധ്യാപകൻ ഉസ്താദ് അൻസാർ അൻവരി വിശിഷ്ടതിഥിയും മുഖ്യ പ്രഭാഷകനും ആയിരുന്നു.കൂട്ടായ്മയിലെ അംഗങ്ങളും കുടുംബാഗങ്ങളും സുഹൃത്തുക്കളും പങ്കെടുത്ത ചടങ്ങിൽ ബഹറിനിലെ പ്രമുഖ സാമൂഹ്യ,സംഘടനരംഗത്തു പ്രവർത്തിക്കുന്ന നിരവധി നേതാക്കളും ഒത്തുചേർന്നു.

വർത്തമാന കാലത്തു ഇഫ്ത്താറും ഇത്തരം കൂടിച്ചേരലുകളും അതിൻറെ ആശയത്തിന് നിരക്കാത്ത രീതിയിൽ ആർഭാടത്തിന്റെയും,കെട്ടുകാഴ്ചയുടെയും രൂപത്തിലേക്ക് മാറുമ്പോൾ,തികച്ചും വ്യത്യസ്തമായി ഇഫ്താറിന്റെ ദൈവികത ഒട്ടും ചോർന്നുപോവാതെ ആത്മാർത്ഥതയും നിഷ്ടയും കൊണ്ട് ഇതു വേറിട്ട് നിൽക്കുന്നു എന്ന് തൻറെ റമദാൻ സന്ദേശത്തിൽ ഉസ്താദ് അൻസാർ അൻവരിയും,ദാവൂദി ബോറ പ്രഭാഷകൻ അലിസ്‌ഗർ മർച്ചന്റ് ഉം അഭിപ്രായപ്പെട്ടു.കൂടിച്ചേർന്ന എല്ലാവർക്കും,സംഘടനക്കും ഇഫ്താറിന്റെ പുണ്യം ലഭിക്കുമാറാകട്ടെ എന്ന് പ്രാർത്ഥിക്കുന്നതായും ആശംസിച്ചു.

ഹക്കിം,ഹാരിസ്,നിസാർ,ഹലീൽ,ഫിറോസ്,ഇസ്മയിൽ എന്നീ കോർഡിനേറ്റർമാർ നിയന്ത്രിച്ച സംഗമത്തിൽ,സൂക്ഷ്മതയോടെ സംഘടിപ്പിച്ച ഈ സംഗമം,കലാ സാസ്കാരിക സാമൂഹ്യ പ്രവർത്തന രംഗത്ത് ഒരു മാതൃക സൃഷ്ടിക്കുക എന്ന കൂട്ടായ്മയുടെ ലക്ഷ്യം പ്രവർത്തികമാക്കിയതിനു എല്ലാ പ്രവർത്തക സമിതി അംഗങ്ങളെയും രക്ഷാധികാരി ജയശങ്കർ തൻ്റെ സ്വാഗത പ്രസംഗത്തിൽ അഭിനന്ദിച്ചു,മറ്റു രക്ഷാധികാരികളായ ശ്രീധർ തേറമ്പിൽ,ദീപക് മേനോൻ,പ്രവർത്തക സമിതി അംഗങ്ങളായ രാജൻ ,രാജീവ് ആളൂർ തുടങ്ങിയവർ ആശംസകൾ നേർന്നു.

സംഗമത്തിൽ ക്ഷണം സ്വീകരിച്ചു പങ്കെടുത്ത സാമൂഹ്യ,വിദ്യാഭ്യാസ,സംഘടനാ,മത രംഗത്തെ നേതാക്കളായ ലത്തീഫ് മരക്കാട്ട്,ബിജു ജോർജ്,മോനി ഒടിക്കണ്ടത്തിൽ,ഗഫൂർ ടി സി ,ജമാൽ,ഡോക്ടർ മനോജ്‌കുമാർ,ചന്ദ്രബോസ്,യൂ കെ അനിൽ,ഇ വി രാജീവൻ,ഗോപിനാഥ് മേനോൻ,ജ്യോതിഷ് പണിക്കർ,ഫൈസൽ എഫ് എം,ശശികുമാർ,പ്രശാന്ത് ധർമരാജ്,രഞ്ജിത്ത് അൽനാമല്,സത്യൻ പേരാമ്പ്ര,ജയറാം രവി,സുന്ദർ നായർ,ജയപ്രകാശ്,സുബ്രമണ്യൻ,തുടങ്ങിയവർക്ക് പാലക്കാട് പ്രവാസി അസോസിയേഷന്റെ നന്ദിയും കടപ്പാടും അറിയിച്ചു.

The post പാലക്കാട് പ്രവാസി അസോസിയേഷൻ ഇഫ്ത്താർ സംഗമം ശ്രദ്ധേയമായി appeared first on Starvision News Malayalam.