ആറാം വാർഷികത്തിന് ആശംസകൾ അർപ്പിച്ചു കൊണ്ട് പ്രമുഖ സാമൂഹ്യ ജീവകാരുണ്യ പ്രവർത്തകനായ കെ ടി സലിം, സലാം മമ്പാട്ടുമൂല എന്നിവർ സംസാരിച്ചു. പ്രജീഷ് എം ടി അധ്യക്ഷത വഹിച്ച ചടങ്ങിൽ ചിഞ്ചു സ്വാഗതവും, മൈമൂന നന്ദിയും രേഖപ്പെടുത്തി. ഗ്രൂപ്പ്‌ അംഗം സാബു അവതാരകനുമായിരുന്നു. ഗ്രൂപ്പിലെ കലാകാരൻമാരുടെയും കുട്ടികളുടെയും കലാവിരുന്ന് കണ്ണും മനസ്സും നിറച്ചെന്ന് കാണികൾ അഭിപ്രായപ്പെട്ടു.

സമാന മനസ്കരായ ഏതാനും കൂട്ടുകാരുടെ ഹൃദയത്തിൽ രൂപപ്പെട്ട ആശയത്തിൽ നിന്നും പിറവി എടുത്ത ഹാർട്ട്‌ ഗ്രൂപ്പ്‌ ന്റെ പ്രവർത്തനം ആറു വർഷം പിന്നീടുമ്പോൾ, സൗഹൃദ വലയത്തിന്റെ വലിയ വിജയമാണിതെന്നും കൂടാതെ ഔദോഗിക ചടങ്ങിൽ രണ്ടു വനിതകൾക്ക് പ്രാതിനിധ്യം നൽകിയതിൽ പ്രശംസിച്ചു കൊണ്ട് ഉത്ഘാടനം നിർവഹിച്ച ബിനു മണ്ണിൽ പറയുകയുണ്ടായി.

സമൂഹത്തിൽ നഷ്ടപെടുന്ന സ്നേഹവും സൗഹാർദവും വീണ്ടെടുക്കാനും, പരസ്പരം തണലേകാനും, ഒറ്റപ്പെട്ട മനസുകൾക്ക് കരുത്തേകാനും ഉള്ള തങ്ങളുടെ ശ്രമം ഊർജ്ജസ്വലമായി നിൽകുന്നു എന്നും ഇനിയും അത് തുടരും എന്നും ഹാർട്ട്‌ സംഘടകർ അറിയിച്ചു. ഹാർട്ട്‌ ഫെസ്റ്റ് ആഘോഷങ്ങളുടെ കൊടിയിറങ്ങുമ്പോൾ അഭിമാനിക്കാൻ ഏറെയുണ്ടെന്ന് ഏവരും ഒരെ സ്വരത്തിൽ അഭിപ്രായപ്പെട്ടു.

The post ഹാർട്ട്‌ ബഹ്‌റൈൻ കൂട്ടായ്മയുടെ ആറാം വാർഷിക ആഘോഷം സംഘടിപ്പിച്ചു appeared first on Starvision News Malayalam.