തിരുവനന്തപുരം: സർക്കാർ പൊതുവിതരണ സംവിധാനത്തെ കൂടുതൽ ജനസൗഹൃദമാക്കുകയെന്ന ലക്ഷ്യത്തോടെ നെടുമങ്ങാട് താലൂക്കിൽ പുതിയ രണ്ട് കേരളാ സ്റ്റോറുകൾ കൂടി പ്രവർത്തനം തുടങ്ങി. ഓണത്തിന് മുമ്പ് 1000 കെ സ്റ്റോറുകൾ തുറക്കുകയാണ് സർക്കാർ ലക്ഷ്യമെന്ന് ഭക്ഷ്യ പൊതുവിതരണ വകുപ്പ് മന്ത്രി ജി.ആർ അനിൽ പറഞ്ഞു. നെടുമങ്ങാട് താലൂക്കിലെ മുക്കോലയ്ക്കലും വേങ്കോടും കെ സ്റ്റോർ ഉദ്ഘാടനം നിർവഹിച്ച് സംസാരിക്കുകയായിരുന്നു മന്ത്രി.

ജനങ്ങൾ ആശ്രയിക്കുന്ന ദൈനംദിന സേവനങ്ങളും സാധനങ്ങളും റേഷൻ കടകളിലൂടെ ലഭ്യമാക്കുകയാണ് കെ സ്റ്റോറുകളുടെ പ്രവർത്തനത്തിലൂടെ ഉദ്ദേശിക്കുന്നത്. കെ സ്റ്റോറുകൾ കൂടുതൽ മെച്ചപ്പെടുത്തുന്നതിനുള്ള നടപടികളുമായി മുന്നോട്ടു പോകും. അമിതമായ വിലവർധനക്കെതിരെയുള്ള സർക്കാരിന്റെ ഇടപെടലുകളാണ് കെ സ്റ്റോറുകളെന്നും മന്ത്രി പറഞ്ഞു.

നെടുമങ്ങാട് മുനിസിപ്പാലിറ്റി പരിധിയിൽ മുക്കോലയ്ക്കലുള്ള 260 നമ്പർ റേഷൻകടയും , കരകുളം ഗ്രാമപഞ്ചായത്തിലെ വേങ്കോട് സ്ഥിതിചെയ്യുന്ന 70 നമ്പർ റേഷൻ കടയുമാണ് കെ-സ്റ്റോറുകളായി മാറ്റിയത്. പശ്ചാത്തലസൗകര്യം വികസിപ്പിച്ചും ആധുനിക സാങ്കേതിക വിദ്യ ഉപയോഗിച്ച് കൂടുതൽ സേവനങ്ങൾ ഒരുക്കിയുമാണ് റേഷൻ കടകളെ കെ-സ്‌റ്റോറുകളാക്കുന്നത്.

നിലവിൽ റേഷൻ കാർഡുകൾക്ക് ലഭിക്കുന്ന ഭക്ഷ്യധാന്യങ്ങൾക്ക് പുറമേ ശബരി ,മിൽമ ഉത്പന്നങ്ങളും അഞ്ച് കിലോ തൂക്കമുള്ള ഛോട്ടു ഗ്യാസ് സിലിണ്ടറുകളും കെ-സ്റ്റോറുകളിൽ ലഭിക്കും. ഇലക്ട്രിസിറ്റി ബിൽ, ടെലഫോൺ ബിൽ എന്നിവയുടെ അടവ്, പഞ്ചായത്ത് വില്ലേജ്-സപ്ലൈ ഓഫീസുകളിൽ നിന്നുള്ള ഓൺലൈൻ സേവനങ്ങൾ ഉൾപ്പെടെ 52 ഇനം സേവനങ്ങൾ, 10,000 രൂപ വരെയുള്ള ബാങ്കിങ് സൗകര്യങ്ങൾ എന്നിവയും കെ-സ്‌റ്റോറിലുണ്ട്.

മൂന്ന് ഘട്ടങ്ങളിലായി നെടുമങ്ങാട് താലൂക്കിൽ 22 റേഷൻ കടകളെ കെ-സ്‌റ്റോറുകളായി മാറ്റിയിട്ടുണ്ട്. നാലാം ഘട്ടത്തിൽ 15 റേഷൻ കടകളാണ് കെ-സ്‌റ്റോറുകളായി മാറുന്നത്.

മുക്കോലക്കൽ നടന്ന ചടങ്ങിൽ നെടുമങ്ങാട് നഗരസഭാ ചെയർപേഴ്‌സൺ സി.എസ് ശ്രീജയും വേങ്കോട് നടന്ന ചടങ്ങിൽ കരകുളം ഗ്രാമപഞ്ചായത്ത് പ്രസിഡന്റ് യു.ലേഖാറാണിയും അധ്യക്ഷത വഹിച്ചു. നെടുമങ്ങാട് മുനിസിപ്പാലിറ്റി കൗൺസിലർ പ്രിയ പി നായർ, നെടുമങ്ങാട് ബ്ലോക്ക് പഞ്ചായത്ത് പ്രസിഡന്റ് വി.അമ്പിളി എന്നിവർ കെ സ്റ്റോറുകളിലെ ആദ്യ വിൽപന നടത്തി.

The post ഓണത്തിന് മുൻപ് ആയിരം കെ സ്റ്റോറുകൾ തുറക്കും :മന്ത്രി ജി ആർ അനിൽ appeared first on Starvision News Malayalam.

പോത്തന്‍കോട് (തിരുവനന്തപുരം) : മതാതീത ആത്മീയതയിലും മാനവ ഐക്യത്തിലും ഊന്നിയുളളതാണ് നവജ്യോതിശ്രീകരുണാകരഗുരുവിന്റെ ദര്‍ശനങ്ങളെന്ന് മുന്‍ രാഷ്ട്രപതി രാംനാഥ് കോവിന്ദ്. ശാന്തിഗിരി ആശ്രമത്തിലെ തൊണ്ണൂറ്റിയേഴാമത് നവപൂജിതം ആഘോഷങ്ങള്‍ ഉദ്ഘാടനം ചെയ്തു സംസാരിക്കുകയായിരുന്നു അദ്ധേഹം. ലോകത്തിന് ശാന്തിയും സമാധാനവും ആത്മീയ ഉണര്‍വും പകരാന്‍ ജീവിതം സമര്‍പ്പിച്ച മഹാഗുരുവാണ് നവജ്യോതിശ്രീകരുണാകരഗുരു. ആത്മസാക്ഷാത്കാരം തേടിയുളള ജീവിതയാത്രയിലൂടെ ഗുരു സ്ഥാപിച്ചത് മാനവികതയില്‍ അധിഷ്ടിതമായൊരു ആത്മീയ നവോത്ഥാനകേന്ദ്രമാണ്. തന്നെക്കാണാനെത്തുന്ന അനേകര്‍ക്ക് ഗുരു പകര്‍ന്ന സ്വാന്തനവും മാര്‍ഗ്ഗനിര്‍ദേശവും ഗുരുസ്ഥാനീയ ശിഷ്യപൂജിതയിലൂടെ ലഭിക്കുന്നുവെന്നതാണ് ഇവിടെ ആത്മീയപരിണാമത്തിന്റെ തുടര്‍ച്ച സാധ്യമാക്കുന്നത്. ഗുരു ഉയര്‍ത്തിപ്പിടിച്ച മൂല്യങ്ങളെല്ലാം വരുതലമുറകള്‍ക്ക് വെളിച്ചമാകണമെന്നും ശിഷ്യപൂജിതയെ ദര്‍ശിച്ചപ്പോള്‍ അഗാധമായ ആത്മീയാനുഭൂതി തനിക്കുണ്ടായെന്നും മുന്‍രാഷ്ട്രപതി പറഞ്ഞു.

ഭക്ഷ്യമന്ത്രി ജി. ആർ.അനിൽ അദ്ധ്യക്ഷത വഹിച്ച ചടങ്ങിൽ ഗവർണർ ആരിഫ് മുഹമ്മദ് ഖാൻ മുഖ്യാതിഥിയായി. വാക്കാണ് സത്യം, സത്യമാണ് ഗുരു, ഗുരുവാണ് ദൈവം എന്ന ഗുരുവചനത്തെ അന്വര്‍ത്ഥമാക്കുന്ന കേന്ദ്രമാണ് ശാന്തിഗിരി ആശ്രമമെന്ന് ഗവര്‍ണര്‍ പറഞ്ഞു. മലയാളത്തില്‍ ആരംഭിച്ച പ്രസംഗത്തിനിടെ എല്ലാവര്‍ക്കും അദ്ധേഹം ഓണാശംസകള്‍ നേര്‍ന്നു. ഇന്ത്യയും മിഡില്‍ഈസ്റ്റും തമ്മിലുളള ബിസിനസ് റിലേഷന്‍സ് രംഗത്തെ സംഭാവനകള്‍ക്ക് വി.കെ.എല്‍ & അല്‍-നമല്‍ ഗ്രൂപ്പ് ചെയര്‍മാന്‍ ഡോ.വര്‍ഗീസ് കുര്യനെ ചടങ്ങില്‍ ആദരിച്ചു. നവപൂജിതം സുവനീറിന്റെ പ്രകാശനവും നടന്നു. കേരളത്തിലെ ആദ്യ ആര്‍ട്ടിഫിഷ്യന്‍ ഇന്റലിന്‍സ് ഹൈടെക് സ്കൂളായി ശാന്തിഗിരി വിദ്യാഭവന്‍ മാറുന്നതിന്റെ പ്രഖ്യാപനവും 100 വിദ്യാര്‍ത്ഥികള്‍ക്ക് സൌജന്യ സിവില്‍സര്‍വീസ് പരിശീലനം നല്‍കുന്നതിന്റെയും പ്രഖ്യാപനം രാംനാഥ് കോവിന്ദ് നിര്‍വഹിച്ചു.

വേദിക് അക്കാദമി മുന്‍രാഷ്ട്രപതിക്കും ഗവര്‍ണര്‍ക്കും ഓണക്കോടി സമ്മാനിച്ചു. മുൻ പ്രതിപക്ഷ നേതാവ് രമേശ് ചെന്നിത്തല, ആശ്രമം പ്രസിഡന്റ് സ്വാമി ചൈതന്യ ജ്ഞാന തപസ്വി, ജനറൽ സെക്രട്ടറി സ്വാമി ഗുരുരത്നം ജ്ഞാന തപസ്വി, ഡയറക്ടര്‍ സ്വാമി നവനന്മ ജ്ഞാന തപസ്വി, മാണിക്കൽ ഗ്രാമപഞ്ചായത്ത് പ്രസിഡന്റ് കുതിരകുളം ജയൻ, എം.ജി.സര്‍വകലാശാല മുന്‍വൈസ്ചാന്‍സലര്‍ ഡോ.ബാബു സെബാസ്റ്റ്യന്‍,സിന്ദൂരം ചാരിറ്റീസ് ചെയര്‍മാന്‍ സബീർ തിരുമല, ഡോ.കെ.എന്‍. ശ്യാമപ്രസാദ്, ഭാരതീയ ജനതാപാര്‍ട്ടി ജില്ലാ ട്രഷറര്‍ എം.ബാലമുരളി, ദേശീയ ന്യൂനപക്ഷ കമ്മീഷന്‍ പാനല്‍ ബോര്‍ഡ് അംഗം ജോര്‍ജ്ജ് സെബാസ്റ്റ്യന്‍, ഡോ.പി.എ.ഹേമലത എന്നിവര്‍ ചടങ്ങില്‍ സംബന്ധിച്ചു. രാവിലെ 9 ന് ആശ്രമത്തിലെത്തിയ മുന്‍രാഷ്ട്രപതി താമരപര്‍ണ്ണശാലയില്‍ പുഷ്പസമര്‍പ്പണം നടത്തിയ ശേഷം ശിഷ്യപൂജിത അമൃതജ്ഞാന തപസ്വിനിയുമായി കൂടിക്കാഴ്ച നടത്തി. സമ്മേളനത്തിനു ശേഷം അദ്ധേഹം ഡല്‍ഹിയിലേക്ക് മടങ്ങി.

The post മതാതീത ആത്മീയതിലും മാനവഐക്യത്തിലും ഊന്നിയുളളതാണ് ശ്രീകരുണാകരഗുരുവിന്റെ ദര്‍ശനങ്ങള്‍- രാം നാഥ് കോവിന്ദ് appeared first on Starvision News Malayalam.

നെടുമങ്ങാട് നിയോജകമണ്ഡലം എം.എൽ.എ കൂടിയായ ഭക്ഷ്യപൊതുവിതരണവകുപ്പ് മന്ത്രി ജി.ആർ അനിൽ അധ്യക്ഷനായിരുന്നു. നാക് അക്രഡിറ്റേഷനിൽ കോളേജിനെ എ പ്ലസ് പ്ലസ് ഗ്രേഡിലേക്ക് ഉയർത്താൻ എല്ലാവരുടേയും കൂട്ടായപരിശ്രമം ഉണ്ടാകണമെന്നും, സർക്കാറിന്റെ പിന്തുണയുള്ളതിനാലാണ് പുതിയ പദ്ധതികൾ കോളേജിൽ സാധ്യമാക്കാനായതെന്നും മന്ത്രി ജി.ആർ അനിൽ പറഞ്ഞു. കിഫ്ബി ഫണ്ടിൽ നിന്നും 7. 61 കോടി രൂപ ചെലവാക്കിയാണ് അക്കാദമി ബ്ലോക്കിന്റെയും ഹോസ്റ്റലിന്റെയും നിർമാണം പൂർത്തിയാക്കിയത്. നാലു നിലകളുള്ള അക്കാദമിക് ബ്ലോക്കിൽ പത്ത് ക്ലാസ് മുറികളും രണ്ട് റിസർച്ച് മുറികളുമുൾപ്പെടെ 14 മുറികളുണ്ട്. മൂന്ന് നിലകളിലായി 26 മുറികളാണ് വനിതാ ഹോസ്റ്റലിലുള്ളത്. ഒരു മുറിയിൽ മൂന്ന് കുട്ടികൾ എന്ന നിലയിൽ 78 പെൺകുട്ടികൾക്ക് താമസസൗകര്യമൊരുക്കും

. ക്രസന്റ് കൺസ്ട്രക്ഷൻ കമ്പനിയാണ് കെട്ടിടങ്ങൾ നിർമിച്ചത്. കോളേജ് അധികൃതരുടെ വിവിധ ആവശ്യങ്ങൾ പരിഗണിച്ച് 2.26 കോടിരൂപയുടെ പദ്ധതികൾക്കാണ് അനുമതി ലഭിച്ചത്. മലയോര മേഖലയായതിനാൽ മണ്ണിടിച്ചിൽ ഒഴിവാക്കി നിലവിലുള്ള എർത്ത് കട്ടിംഗ് സംരക്ഷിക്കുന്നതിനുള്ള സംരക്ഷണഭിത്തി നിർമിക്കുന്നതിനായി 1.25 കോടി രൂപ, 75 മീറ്റർ നീളത്തിൽ കോൺക്രീറ്റ് റോഡിനായി 27,67,000 രൂപ, പി.ജി ബ്ലോക്കിന്റെ നിർമാണം പൂർത്തിയാക്കാൻ 56 ലക്ഷം രൂപ, പുതിയ ടോയ്‌ലെറ്റ് ബ്ലോക്കിന്റെ നിർമാണത്തിനായി 13.7 ലക്ഷം രൂപ, മെയിൻ ബ്ലോക്കിന്റെ മുൻവശത്തായി 139 മീറ്റർ നീളത്തിൽ റോഡ് നിർമാണത്തിന് 5.2 ലക്ഷം രൂപ എന്നിവയാണ് ഫണ്ട് അനുവദിച്ച പദ്ധതികൾ. കൂടാതെ വനിതാ ഹോസ്റ്റലിലെ മതിൽ, ഗേറ്റ് എന്നിവയുടെ നിർമാണം, ലൈബ്രറി കോംപ്ലക്‌സ് തുടർനിർമാണം, കോളേജ് കാന്റീൻ കിച്ചൺ നിർമാണം എന്നിവയും നടക്കുന്നുണ്ട്. നെടുമങ്ങാട് നഗരസഭ ചെയർപേഴ്‌സൺ സി.എസ് ശ്രീജ, വാർഡ് കൗൺസിലർ അജിത എസ.്, നെടുമങ്ങാട് ഗവൺമെന്റ് കോളേജ് പ്രിൻസിപ്പൽ ഡോ. അലക്‌സ് എൽ. എന്നിവരും ചടങ്ങിൽ പങ്കെടുത്തു.

The post നെടുമങ്ങാട് ഗവൺമെന്റ് കോളേജിൻ്റെ പുതിയ അക്കാദമിക് ബ്ലോക്കിന്റെയും വനിതാ ഹോസ്റ്റലിന്റയും ഉദ്ഘാടനം ഉന്നത വിദ്യാഭ്യാസ വകുപ്പ് മന്ത്രി ആർ.ബിന്ദു നിർവഹിച്ചു appeared first on Starvision News Malayalam.

തിരുവനന്തപുരം

The post ഭക്ഷ്യസുരക്ഷാ നിയമ നടപടികൾ കർശനമാക്കണണം; മന്ത്രി ജി ആർ അനിൽ appeared first on Starvision News Malayalam.

തിരുവനന്തപുരം

ജിആർ അനിലിന്‍റെ പരാമർശത്തിൽ അതൃപ്തി അറിയിച്ചാണ് മുഖ്യമന്ത്രി പ്രതികരിച്ചത്. ഭക്ഷ്യമന്ത്രി മുഖ്യമന്ത്രിക്കയച്ച കത്തിലെ വിവരങ്ങളാണ് മാധ്യമങ്ങൾക്ക് ലഭിച്ചതെന്ന് മുഖ്യമന്ത്രി വിമർശിച്ചു. മന്ത്രിമാർക്ക് അഭിപ്രായം പറയാനും മുഖ്യമന്ത്രിക്ക് കത്ത് നൽകാനും അവകാശമുണ്ട്. എന്നാൽ, കത്തിനെ കുറിച്ച് മാധ്യമങ്ങളിൽ വന്ന വാർത്തകൾ ശരിയല്ല. കത്ത് ഓഫീസിലെത്തി അത് തുറക്കുന്നതിന് മുമ്പ് തന്നെ ഈ വാർത്ത മാധ്യമങ്ങളിൽ പ്രത്യക്ഷപ്പെടാൻ തുടങ്ങി. ഇതിന്‍റെ ഉത്തരവാദിത്തം മന്ത്രിക്കാണ്. സാധാരണ നിലയിൽ ആലോചിച്ചാണ് ചീഫ് സെക്രട്ടറി നിയമന കാര്യങ്ങളിൽ തീരുമാനമെടുക്കുന്നത്. ആദ്യമായി മന്ത്രിയായതുകൊണ്ട് മനസിലാകാത്തതായിരിക്കുമെന്നും മുഖ്യമന്ത്രി പറഞ്ഞു. മുഖ്യമന്ത്രിയുടെ മറുപടിയോടെ വിഷയത്തിൽ കൂടുതൽ ചർച്ച ഉണ്ടായില്ല.

മാധ്യമപ്രവർത്തകൻ കെ.എം ബഷീറിനെ കൊലപ്പെടുത്തിയ കേസിലെ പ്രതിയായ ശ്രീറാമിന്‍റെ നിയമനത്തിൽ അതൃപ്തി പ്രകടിപ്പിച്ച് ജി.ആർ അനിൽ കഴിഞ്ഞ ദിവസം മുഖ്യമന്ത്രിക്ക് കത്തയച്ചിരുന്നു. ഓണക്കിറ്റ് വിതരണ പ്രക്രിയ പുരോഗമിക്കുന്നതിനിടെ ഉദ്യോഗസ്ഥനെ സ്ഥലം മാറ്റിയ നടപടി ശരിയല്ലെന്ന് മന്ത്രി കത്തിൽ ചൂണ്ടിക്കാട്ടിയിരുന്നു. തിങ്കളാഴ്ച രാത്രിയാണ് ശ്രീറാമിനെ ആലപ്പുഴ കളക്ടർ സ്ഥാനത്ത് നിന്ന് നീക്കി ഉത്തരവിറക്കിയത്. സപ്ലൈകോ ജനറൽ മാനേജർ തസ്തിക ജോയിന്‍റ് സെക്രട്ടറിക്ക് തുല്യമായി ഉയർത്തി. ശ്രീറാമിനെ കളക്ടറായി നിയമിച്ചതിനെതിരെ ശക്തമായ പ്രതിഷേധം ഉയർന്നിരുന്നു.

The post ഭക്ഷ്യമന്ത്രി ജി.ആർ അനിലിനെ വിമർശിച്ച് മുഖ്യമന്ത്രി പിണറായി വിജയൻ appeared first on Starvision News Malayalam.

The post മന്ത്രി ജി ആര്‍ അനിലിന് കോവിഡ് appeared first on Starvision News Malayalam.

The post സംസ്ഥാനത്തെ റേഷൻ വിതരണത്തിലുണ്ടായ സാങ്കേതിക തകരാർ പരിഹരിച്ചെന്ന് മന്ത്രി ജി.ആര്‍ അനില്‍ appeared first on Starvision News Malayalam.

ജില്ലയില്‍ 91 ലക്ഷത്തിലധികം കാര്‍ഡ് ഉടമകളുണ്ട്. അവരുടെ സംരക്ഷണം വലിയൊരു കാര്യമായാണ് വകുപ്പ് കാണുന്നത്. ഭക്ഷ്യ പൊതു വിതരണ രംഗത്തെ പ്രശ്‌നങ്ങളെല്ലാം അതിവേഗത്തില്‍ പരിഹരിച്ച് മുന്നേറാനുള്ള ശ്രമവും വകുപ്പ് നടത്തുന്നുണ്ട്. ഇ-പോസ് മെഷീന്റെ തകരാറു മൂലം ഭക്ഷ്യധാന്യ വിതരണം മുടങ്ങുന്നതിനെ കുറിച്ച് നിരവധി പരാതികളുണ്ടായിരുന്നു. അത്തരം പരാതികള്‍ പരിഹരിക്കപ്പെട്ടിട്ടുണ്ട്. എഫ്.സി.ഐ ഗോഡൗണുമായി ബന്ധപ്പെട്ട് വന്നുകൊണ്ടിരുന്ന പ്രശ്‌നങ്ങള്‍ക്കും ശാശ്വത പരിഹാരം കാണാന്‍ വകുപ്പിന് സാധിച്ചു. സപ്ലൈകോ, എഫ്‌സിഐ ഗോഡൗണുകളിലെ ഉദ്യോഗസ്ഥര്‍ പരിശോധിച്ച് ഗുണനിലവാരം ഉറപ്പാക്കിയ ശേഷം മാത്രം ലോഡ് വാഹനങ്ങളിലേക്ക് കയറ്റിയാല്‍ മതിയെന്ന നിര്‍ദ്ദേശം നല്‍കിയിട്ടുണ്ട്. ഭക്ഷ്യവസ്തുക്കളുടെ തൂക്കത്തെ സംബന്ധിച്ചും കര്‍ശന നിര്‍ദേശം നല്‍കിയിട്ടുണ്ട്. ഉപഭോക്താക്കള്‍ അനുഭവിക്കുന്ന പ്രശ്‌നങ്ങള്‍ ശ്രദ്ധയില്‍പെടുമ്പോള്‍ തന്നെ അടിയന്തരമായി ഇടപെടാനും പരിഹാരമുണ്ടാക്കാനുമുള്ള ശ്രമം വകുപ്പ് ഉദ്യോഗസ്ഥര്‍ നടത്തുന്നുണ്ടെന്നും മന്ത്രി പറഞ്ഞു.

ഡിസംബര്‍ 24 ന് ഉപഭോക്തൃ സംരക്ഷണ ദിനത്തില്‍ വിപുലമായ പരിപാടികള്‍ വകുപ്പ് സംഘടിപ്പിക്കും. പ്ലാസ്റ്റിക് ഉപേക്ഷിക്കാം പ്രകൃതിയെ രക്ഷിക്കാം എന്നതാണ് ഇതിന്റെ മുദ്രാവാക്യമായി എടുത്തിരിക്കുന്നതെന്നും മന്ത്രി പറഞ്ഞു.

പരിപാടിയോടാനുബന്ധിച്ച് ”പ്ലാസ്റ്റിക് മലിനീകരണം എന്ന വിഷയത്തില്‍ സെമിനാറും നടത്തി. കൂടാതെ പന്ത്രണ്ടാം ക്ലാസ് വരെയുള്ള സ്‌കൂള്‍ വിദ്യാര്‍ത്ഥികള്‍ക്കായി ‘ഉണരു ഉപഭോക്താവേ ഉണരൂ’ എന്ന വിഷയത്തില്‍ ചിത്രരചനാ മത്സരവും കോളേജ് വിദ്യാര്‍ത്ഥികള്‍ക്കായി ഹരിത ഉപഭോഗം, പ്ലാസ്റ്റിക് മലിനീകരണം’ എന്ന വിഷയത്തില്‍ ഫോട്ടോഗ്രഫി മത്സരവും സംഘടിപ്പിച്ചു.

പേരൂര്‍ക്കട വെറ്റിനറി കൗണ്‍സില്‍ ഹാളില്‍ നടന്ന പരിപാടിയില്‍ ജില്ലാ ഉപഭോക്തൃ കമ്മീഷന്‍ പ്രസിഡന്റ് പി.വി ജയരാജന്‍ അദ്ധ്യക്ഷത വഹിച്ചു. പേരൂര്‍ക്കട കൗണ്‍സിലര്‍ ജമീല ശ്രീധരന്‍, ജില്ലാ സപ്ലൈ ഓഫീസര്‍ സി എസ് ഉണ്ണി കൃഷ്ണകുമാര്‍, പൊല്യൂഷന്‍ കണ്‍ട്രോള്‍ ബോര്‍ഡ് ചീഫ് എന്‍വിയോണ്‍മെന്റല്‍ എഞ്ചിനീയര്‍ ഷീല എ.എം, ജില്ലാ ഉപഭോക്തൃ സമിതി സെക്രട്ടറി വേണുഗോപാല്‍ തുടങ്ങിയവരും പങ്കെടുത്തു.

The post സപ്ലൈ ഓഫീസുകളില്‍ ഫ്രണ്ട് ഓഫീസ് പ്രവര്‍ത്തനം ജനുവരിയില്‍ ആരംഭിക്കും: മന്ത്രി ജി.ആര്‍ അനില്‍ appeared first on Starvision News Malayalam.

റേഷന്‍ കട വഴിയുള്ള കിറ്റ് ഇനിയുണ്ടാകില്ലെന്ന് മന്ത്രി ഇന്നലെ അറിയിച്ചിരുന്നു. കോവിഡ് കാലത്തെ സ്തംഭനാവസ്ഥ പരിഗണിച്ചാണ് കിറ്റ് നല്‍കിയതെന്നും വിലക്കയറ്റത്തിന്റെ സാഹചര്യത്തില്‍ കിറ്റ് നല്‍കില്ലെന്നും വരും മാസങ്ങളില്‍ കിറ്റ് കൊടുക്കുന്ന കാര്യം സര്‍ക്കാരിന്റെ പരിഗണനയിലോ ആലോചനയിലോ ഇല്ലെന്നും മന്ത്രി പറഞ്ഞിരുന്നു. വില നിയന്ത്രിക്കാന്‍ സര്‍ക്കാര്‍ ഇടപെടുന്നുണ്ടെന്നും മന്ത്രി വിശദീകരിച്ചിരുന്നു.

The post സൗജന്യ ഭക്ഷ്യക്കിറ്റ് നിര്‍ത്തലാക്കുമെന്ന് പറഞ്ഞിട്ടില്ല; ദുരിത കാലങ്ങളില്‍ ഇനിയും കിറ്റുകള്‍ നല്‍കും: ജി.ആര്‍ അനില്‍ appeared first on Starvision News Malayalam.

ഓണക്കിറ്റിന്റെ വിതരണവും ഈ ദിവസങ്ങളില്‍ തുടരുന്നതാണെന്നും കിറ്റ് കൈപ്പറ്റാന്‍ ബാക്കിയുള്ളവര്‍ കിറ്റുകള്‍ കൈപ്പറ്റേണ്ടതാണെന്നും അദ്ദേഹം അഭ്യര്‍ത്ഥിച്ചു. ഇന്നലെ വരെ (28/08/2021) 83,26,447 ലക്ഷം കിറ്റുകള്‍ കാര്‍ഡുടമകള്‍ കൈപ്പറ്റിയിട്ടുണ്ട്. കാര്‍ഡുകളുടെ ഇനം തിരിച്ചുള്ള വിശദാംശങ്ങള്‍ ചുവടെ ചേര്‍ക്കുന്നു.

കാര്‍ഡുകളുടെ എണ്ണം-കിറ്റ് കൈപ്പറ്റിയവരുടെ എണ്ണം- ശതമാനം (എന്ന ക്രമത്തില്‍)

5,83,536(AAY കാര്‍ഡുകള്‍)- 5,67,521 – 97.25%
32,50,609 (PHH കാര്‍ഡുകള്‍) – 31,42,198 – 96.66%
24,96,285(NPS കാര്‍ഡുകള്‍) – 22,93,529 – 91.87%
27,33,459(NPNS കാര്‍ഡുകള്‍) – 23,23,199 – 85%
ആകെ കാര്‍ഡുകള്‍-90,63,889 – കിറ്റ് കൈപ്പറ്റിയവരുടെ ആകെ എണ്ണം-83,26,447 (91.86%)

ആഗസ്റ്റ് മാസത്തെ നോര്‍മല്‍ റേഷന്‍ വിഹിതം ആകെ കാര്‍ഡുകളുടെ 93.99% ഉം PMGKAY പ്രകാരമുള്ള വിഹിതം 92.18%ഉം കാര്‍ഡുടമകള്‍ കൈപ്പറ്റിയതായും ബഹു. മന്ത്രി അറിയിച്ചു. 30,31 തിയതികളിലായി പരമാവധി കാര്‍ഡുടമകള്‍ റേഷന്‍ വിഹിതം കൈപ്പറ്റേണ്ടതാണെന്നും അദ്ദേഹം അറിയിച്ചു.

The post ആഗസ്റ്റ് മാസത്തെ റേഷന്‍ വിഹിതം കൈപ്പറ്റാനുള്ളവര്‍ 30,31 തീയതികളിലായി കൈപ്പറ്റണം: മന്ത്രി ജി ആര്‍ അനില്‍ appeared first on Starvision News Malayalam.