തിരുവനന്തപുരം: സംസ്ഥാന സർക്കാർ ജീവനക്കാരുടെയും അധ്യാപകരുടെയും ആനുകൂല്യങ്ങൾ നിഷേധിക്കുന്നതിൽ പ്രതിഷേധിച്ച് യുഡിഎഫ് സർവീസ് സംഘടനകളുടെ നേതൃത്വത്തിൽ നാളെ പണിമുടക്ക്. പണിമുടക്കിന് മുന്നോടിയായി സർക്കാർ ഡയസ്നോൺ പ്രഖ്യാപിച്ചു. സംസ്ഥാനത്ത് 6 ഗഡു ക്ഷാമബത്ത കുടിശികയാണെന്നു സമരസമിതി ചെയർമാൻ ചവറ ജയകുമാർ പറഞ്ഞു. ഡയസ്നോൺ ബാധകമാകുന്നവരുടെ നാളത്തെ ശമ്പളം ഫെബ്രുവരിയിലെ ശമ്പളത്തിൽ നിന്നും കുറവു ചെയ്യും. പണിമുടക്കു ദിവസം അനുമതിയില്ലാതെ ഹാജരാകാത്ത താൽക്കാലിക ജീവനക്കാരെ സർവീസിൽ നിന്നു നീക്കം ചെയ്യും. അടിയന്തര സാഹചര്യങ്ങളിലൊഴികെ ഒരുവിധ അവധിയും അനുവദിക്കാൻ പാടില്ല.അക്രമ പ്രവർത്തനങ്ങളിൽ ഏർപ്പെടുകയോ പൊതുമുതൽ നശിപ്പിക്കുകയോ ചെയ്യുന്ന ജീവനക്കാരെ പ്രോസിക്യൂട്ട് ചെയ്യുമെന്നും ഉത്തരവിൽ വ്യക്തമാക്കിയിട്ടുണ്ട്.

The post സംസ്ഥാന സർക്കാർ ജീവനക്കാരുടെ പണിമുടക്ക് നാളെ appeared first on Starvision News Malayalam.

കാസർകോട്: നവ കേരള സദസിൽ എല്ലാ സർക്കാർ ജീവനക്കാരും പങ്കെടുക്കണമെന്ന് വിചിത്ര ഉത്തരവുമായി കാസർകോട് ജില്ലാ കളക്ടർ. ആരെയും ഒഴിവാക്കാതെയാണ് കളക്ടറുടെ ഉത്തരവ്. നവംബർ 18, 19 തീയതികളിലാണ് ജില്ലയിൽ നവ കേരള സദസ് നടക്കുന്നത്. അതത് മണ്ഡലത്തിലെ ഉദ്യോഗസ്ഥരാണ് പരിപാടിയിൽ പങ്കെടുക്കേണ്ടത്. ഞായറാഴ്ച പ്രവർത്തി ദിവസമാക്കിയാണ് കളക്ടർ വിചിത്ര ഉത്തരവിറക്കിയിരിക്കുന്നത്. ഇന്നലെ വൈകിട്ടാണ് ഉത്തരവിറക്കിയത്.

ചീഫ് സെക്രട്ടറിയുടെ ഉത്തരവ് പരാമർശമാക്കിയാണ് കളക്ടറുടെ നടപടി. ജനങ്ങളുമായി സംവദിക്കാനാണ് നവ കേരള സദസെന്നും ഇത് കേരള സർക്കാരിന്റെ ഔദ്യോഗിക പരിപാടിയാണെന്നുമടക്കമുള്ള പരാമ‍ർശങ്ങളും ഉത്തരവിലുണ്ട്. എല്ലാ സർക്കാർ ജീവനക്കാരും പങ്കെടുക്കണം, 2023 നവംബർ 19 ഞായർ പ്രവർത്തി ദിവസമാണ്, പങ്കെടുക്കാൻ ഡ്യൂട്ടി നൽകിക്കൊണ്ട് വകുപ്പ് ജില്ലാ മേധാവി ഉത്തരവിറക്കണം, എല്ലാ ജീവനക്കാരും പങ്കെടുക്കുന്നു എന്ന് ഉറപ്പുവരുത്തണമെന്നും വകുപ്പ് ജില്ലാ മേധാവികൾക്ക് നിർദേശം നൽകിയിരിക്കുന്നു. നി‍ർദേശവുമായി ബന്ധപ്പെട്ട വിവരം നവംബർ 16ന് മുമ്പ് വകുപ്പ് ജില്ലാ മേധാവികൾ കളക്ടറേറ്റിൽ അറിയിക്കണം. എന്നാൽ ഉത്തരവിൽ അടിയന്തര സേവനങ്ങളെക്കുറിച്ച് പരാമർശിച്ചിട്ടില്ല. ഉത്തരവ് പ്രകാരം പ്രവ‍ർത്തിക്കണമെങ്കിൽ സർക്കാർ ആശുപത്രികൾ അടക്കം അടച്ചുപൂട്ടേണ്ടി വരും. പൊലീസ് സ്റ്റേഷൻ, ഫയർഫോഴ്സ് എന്നീ വിഭാ​ഗങ്ങളും എന്ത് ചെയ്യണമെന്നറിയാതിരിക്കുകയാണ്. ഉത്തരവിൽ ആശങ്കയിലാണ് കാസർ‌കോട്ടെ ജീവനക്കാ‍ർ.

The post ‘നവകേരള സദസിൽ മുഴുവൻ സർക്കാർ ഉദ്യോഗസ്ഥരും പങ്കെടുക്കണം’; ഉത്തരവുമായി കാസർകോട് ജില്ലാ കളക്ടർ appeared first on Starvision News Malayalam.