Ghulam Nabi Azad | Starvision News Malayalam

ഹിന്ദുമതത്തില്‍നിന്ന് പരിവര്‍ത്തനം ചെയ്തവരാണ് ഭൂരിഭാഗം മുസ്‌ലിങ്ങളും; ഗുലാംനബി

Starvision News Desk — Fri, 18 Aug 2023 05:58:57 +0000

ശ്രീനഗർ: രാജ്യത്തെ മുസ്ലിങ്ങളിൽ ഭൂരിഭാഗം പേരും ഹിന്ദുമതത്തില്‍നിന്ന് പരിവര്‍ത്തനം ചെയ്യപ്പെട്ടവരാണെന്ന്‌ ഡി.പി.എ.പി. (Democratic Progressive Azad Party) ചെയർമാൻ ഗുലാം നബി ആസാദ്. ഇതിനുള്ള ഉദാഹരണം കശ്മീരിൽ കാണാൻ സാധിക്കുമെന്നും അവിടെ പണ്ഡിറ്റുമാരിൽനിന്ന് മതം മാറിയവരാണ് ഭൂരിഭാഗം മുസ്ലിങ്ങളെന്നും അദ്ദേഹം കൂട്ടിച്ചേർത്തു. ദോഡ ജില്ലയിൽ നടന്ന പരിപാടിയിൽ സംസാരിക്കവെയാണ് അടുത്തിടെ കോണ്‍ഗ്രസ് വിട്ട് പുതിയ പാര്‍ട്ടി രൂപവത്കരിച്ച അദ്ദേഹം ഇക്കാര്യം പറഞ്ഞത്. പിന്നാലെ പരാമര്‍ശത്തെ സ്വാഗതംചെയ്ത് വിഎച്ച്പിയും ബജ്രംഗ് ദള്ളും അടക്കമുള്ളവര്‍ രംഗത്തെത്തി. ‘വളരെ ഏറെ പഴക്കമുള്ള മതമാണ് ഹിന്ദുമതം. ഇസ്ലാം 1500 വർഷങ്ങൾക്ക് മുമ്പ് മാത്രം ഉണ്ടായതാണ്. പത്തോ ഇരുപതോ ആൾക്കാർ മാത്രമാണ് പുറത്തുനിന്ന് വന്നവർ. എന്നാൽ മറ്റുള്ള എല്ലാ മുസ്ലിങ്ങളും ഹിന്ദുമതത്തില്‍നിന്ന് പരിവര്‍ത്തനം ചെയ്തവരുമാണ്. ഇതിനുള്ള ഉദാഹരണാണ് കശ്മീരിൽ കാണാൻ സാധിക്കുന്നത്. 600 വർഷങ്ങൾക്ക് മുമ്പ് ആരായിരുന്നു കശ്മീരിലെ മുസ്ലിങ്ങൾ? എല്ലാവരും കശ്മീരി പണ്ഡിറ്റുമാരായിരുന്നു. അവർ ഇസ്ലാമിലേക്ക് മതം മാറിയവരാണ്’- അദ്ദേഹം പറഞ്ഞു. ‘

ഹിന്ദു മതവിശ്വാസികൾ മരിച്ചാൽ വിവിധ സ്ഥലങ്ങളിൽ അവരെ ദഹിപ്പിക്കും. ചാരം നദികളിൽ ഒഴുക്കും. ചാരം കൂടിക്കലർന്ന വെള്ളമാണ് നമ്മൾ കുടിക്കാറുള്ളത്. സമാനമാണ് മുസ്ലിങ്ങളുടെ മൃതദേഹം ദഹിപ്പിച്ചാലും സംഭവിക്കുന്നത്. മാംസവും എല്ലുകളും രാജ്യത്തെ മണ്ണോട് ചേരും. ഹിന്ദുവും മുസ്ലിമും ഈ രാജ്യത്തെ മണ്ണോട് ചേർന്നവരാണ്. എന്ത് വ്യത്യാസങ്ങളാണ് രണ്ടുപേരും തമ്മിലുള്ളത്?’- ഗുലാം നബി ചോദിച്ചു. മതം രാഷ്ട്രീയത്തിൽ വോട്ട് ബാങ്ക് ആയി ഉപയോഗിക്കരുതെന്ന് പറഞ്ഞ അദ്ദേഹം, വോട്ടുചെയ്യുന്നത് ഹിന്ദുവിന്റെയും മുസ്ലിമിന്റേയും പേരിനെ അടിസ്ഥാനപ്പെടുത്തിയാകരുത് എന്നും അഭിപ്രായപ്പെട്ടു.

The post ഹിന്ദുമതത്തില്‍നിന്ന് പരിവര്‍ത്തനം ചെയ്തവരാണ് ഭൂരിഭാഗം മുസ്‌ലിങ്ങളും; ഗുലാംനബി appeared first on Starvision News Malayalam.

കോൺഗ്രസിലേക്ക് മടങ്ങുന്നുവെന്ന വാർത്ത നിഷേധിച്ച് ഗുലാം നബി ആസാദ്

News Desk — Sat, 31 Dec 2022 01:58:30 +0000

ന്യൂഡൽഹി: കോണ്‍ഗ്രസിലേക്ക് മടങ്ങാൻ ഒരുങ്ങുന്നുവെന്ന വാർത്തകൾ നിഷേധിച്ച് മുൻ കോണ്‍ഗ്രസ് നേതാവ് ഗുലാം നബി ആസാദ്. നാല് മാസം മുമ്പാണ് ഗുലാം നബി ആസാദ് കോണ്‍ഗ്രസിൽ നിന്ന് രാജിവെച്ചത്. കോണ്‍ഗ്രസിലേക്കുള്ള മടങ്ങിവരവ് സംബന്ധിച്ച് മുതിർന്ന നേതാക്കളുമായി ഗുലാം നബി ചർച്ചകൾ നടത്തിവരികയാണെന്ന് വാർത്താ ഏജൻസിയായ എഎൻഐ റിപ്പോർട്ട് ചെയ്തു.

“ഞാൻ കോൺഗ്രസിലേക്ക് മടങ്ങുന്നു എന്ന എഎൻഐ നൽകിയ വാർത്ത ഞെട്ടിക്കുന്നതാണ്. എന്‍റെ അനുയായികളുടെയും നേതാക്കളുടെയും മനോവീര്യം കെടുത്താൻ കോൺഗ്രസിലെ ഒരു വിഭാഗം നേതാക്കൾ പ്രചരിപ്പിക്കുന്ന കഥകളാണിവ. എനിക്ക് കോൺഗ്രസ് പാർട്ടിയോടോ അതിന്റെ നേതൃത്വത്തോടോ യാതൊരു വിരോധവുമില്ല. എന്നാൽ അത്തരം കഥകൾ കെട്ടിച്ചമയ്ക്കുന്നവരോട് അതിൽ നിന്ന് പിൻമാറാൻ അഭ്യർത്ഥിക്കുന്നു. ഈ കഥ തികച്ചും അടിസ്ഥാനരഹിതമാണെന്ന് ഞാൻ അടിവരയിടുന്നു,” നബി ട്വീറ്റ് ചെയ്തു.

ഗുജറാത്ത്, ഹിമാചൽ പ്രദേശ് നിയമസഭാ തിരഞ്ഞെടുപ്പ് വേളയിൽ ഗുലാം നബി പറഞ്ഞത് കോണ്‍ഗ്രസിന് മാത്രമേ ബിജെപിയെ നേരിടാൻ കഴിയൂ എന്നാണ്. ഇതാണ് അദ്ദേഹം കോണ്‍ഗ്രസിലേക്ക് തിരിച്ചുവരുന്നു എന്ന ചർച്ചയ്ക്ക് തുടക്കമിട്ടത്. കൂടാതെ, ഭാരത് ജോഡോ യാത്രയിൽ പങ്കെടുക്കാൻ യാത്രയുടെ കൺവീനർ ദിഗ്വിജയ് സിംങ് അദ്ദേഹത്തെ ക്ഷണിച്ചു.

The post കോൺഗ്രസിലേക്ക് മടങ്ങുന്നുവെന്ന വാർത്ത നിഷേധിച്ച് ഗുലാം നബി ആസാദ് appeared first on Starvision News Malayalam.

കോണ്‍ഗ്രസിലേക്ക് തിരികെയെത്താനുറച്ച് ഗുലാം നബി ആസാദ്

News Desk — Fri, 30 Dec 2022 15:33:21 +0000

ന്യൂഡല്‍ഹി: നാല് മാസം മുമ്പ് നാടകീയമായി പാർട്ടി വിട്ട മുതിർന്ന കോൺഗ്രസ് നേതാവ് ഗുലാം നബി ആസാദ് പാർട്ടിയിലേക്ക് തിരികെ മടങ്ങാനുള്ള നീക്കങ്ങൾ നടത്തുന്നതായി റിപ്പോർട്ട്. ഗുലാം നബി ആസാദ് കോൺഗ്രസ് നേതൃത്വവുമായി ചർച്ച നടത്തിവരികയാണെന്നും റിപ്പോർട്ടുകളുണ്ട്.

ഓഗസ്റ്റ് 26 നാണ് ഗുലാം നബി കോൺഗ്രസുമായുള്ള അഞ്ച് പതിറ്റാണ്ടിലേറെ നീണ്ട ബന്ധം വിച്ഛേദിച്ചത്. ഒക്ടോബറിൽ ജമ്മു കശ്മീർ ആസ്ഥാനമായി ഡെമോക്രാറ്റിക് ആസാദ് പാർട്ടി എന്ന പേരിൽ ഒരു പുതിയ രാഷ്ട്രീയ പ്രസ്ഥാനവും രൂപീകരിച്ചിരുന്നു.

ബി.ജെ.പിയെ നേരിടാൻ കോൺഗ്രസിന് മാത്രമേ കഴിയൂവെന്ന് അദ്ദേഹം അടുത്തിടെ പറഞ്ഞിരുന്നു. കോൺഗ്രസിന്‍റെ നയത്തെയല്ല, മറിച്ച് അതിന്‍റെ ദുർബലമായ സംഘടനാ സംവിധാനത്തെയാണ് എതിർക്കുന്നതെന്നും അദ്ദേഹം പറഞ്ഞു.

The post കോണ്‍ഗ്രസിലേക്ക് തിരികെയെത്താനുറച്ച് ഗുലാം നബി ആസാദ് appeared first on Starvision News Malayalam.