മനാമ: ബഹ്റൈനില്‍ ഒരു സെമികണ്ടക്ടര്‍ നിര്‍മാണ കേന്ദ്രം സ്ഥാപിക്കുന്നതിനായി 100 മില്യണ്‍ ഡോളര്‍ നിക്ഷേപിക്കാന്‍ പോളിമടെക് ഇലക്ട്രോണിക്സ് പദ്ധതിയിടുന്നതായി ഗേറ്റ്വേ ഗള്‍ഫ് 2024 ഫോറത്തില്‍ കമ്പനി മാനേജിംഗ് ഡയറക്ടറും സി.ഇ.ഒയുമായ എന്‍. ഈശ്വരറാവു അറിയിച്ചു.
ബഹ്റൈന്റെ സാമ്പത്തിക വൈവിധ്യവല്‍ക്കരണ നയവുമായി യോജിച്ചുകൊണ്ട് മേഖലയിലെ സാങ്കേതിക രംഗത്ത് ഒരു സുപ്രധാന വികസനം ഈ നിക്ഷേപം മൂലമുണ്ടാകുമെന്നാണ് പ്രതീക്ഷ.
കമ്പനി ബഹ്റൈനില്‍ ആദ്യഘട്ടമായാണ് 100 ദശലക്ഷം ഡോളര്‍ നിക്ഷേപിക്കുന്നതെന്ന് അദ്ദേഹം ബി.എന്‍.എയോട് പറഞ്ഞു. ഈ പ്രാരംഭഘട്ടം രണ്ട് ഘട്ടങ്ങളായി വിഭജിച്ചിരിക്കയാണ്. ഘട്ടം 1 എയില്‍ പാട്ടത്തിനെടുത്ത സ്ഥലങ്ങളില്‍ 16.5 ദശലക്ഷം ഡോളര്‍ നിക്ഷേപം ഉള്‍പ്പെടുന്നു. അവിടെ പ്രവൃത്തികള്‍ 2025 ജനുവരി രണ്ടാം വാരത്തില്‍ ആരംഭിക്കും. ഘട്ടം 1 ബിയില്‍ 83.5 ദശലക്ഷം നിക്ഷേപമിറക്കും.
ഈ നിക്ഷേപത്തിനായുള്ള പ്രക്രിയ കാര്യക്ഷമമാക്കുന്നതില്‍ നിര്‍ണായക പങ്ക് വഹിച്ചതിന് ബഹ്റൈനിലെ ഇക്കണോമിക് ഡെവലപ്മെന്റ് ബോര്‍ഡിന് (ഇ.ഡി.ബി) റാവു അഭിനന്ദനമറിയിച്ചു.

The post ബഹ്റൈനില്‍ പോളിമടെക് ഇലക്ട്രോണിക്‌സ് 100 ദശലക്ഷം ഡോളറിന്റെ സെമികണ്ടക്ടര്‍ നിര്‍മാണകേന്ദ്രം സ്ഥാപിക്കും appeared first on Starvision News Malayalam.

The post ബഹ്‌റൈനില്‍ ടൂറിസം മേഖലയ്ക്ക് ഊര്‍ജം പകരാന്‍ 16 പുതിയ ഹോട്ടലുകള്‍ തുറക്കും appeared first on Starvision News Malayalam.

മനാമ: ബഹ്‌റൈനിലെ സോഫ്റ്റ് വെയര്‍ എഞ്ചിനീയര്‍മാര്‍ക്കും മറ്റു സാങ്കേതിക വിദഗ്ധര്‍ക്കും നിയമനം നല്‍കുമെന്ന് ജെ.പി. മോര്‍ഗന്‍ പേയ്‌മെന്റ്‌സ് വ്യക്തമാക്കി. ഉയര്‍ന്ന നിലവാരമുള്ള സോഫ്റ്റ് വെയറും ഉല്‍പ്പന്നങ്ങളും നിര്‍മിക്കുന്നതിനുള്ള ഡിസൈന്‍, അനലിറ്റിക്‌സ്, വികസനം, കോഡിംഗ്, ആപ്ലിക്കേഷന്‍ പ്രോഗ്രാമിംഗ് എന്നിവ മെച്ചപ്പെടുത്തുന്നതിനുള്ള ലോകത്തിലെ ഏറ്റവും വലിയ സാങ്കേതികവിദ്യകളുള്ള കമ്പനികളിലൊന്നാണ് ജെ.പി. മോര്‍ഗന്‍സ്.
ഡിജിറ്റലായി ശാക്തീകരിക്കപ്പെട്ട സാമ്പത്തിക സേവന മേഖല ബഹ്‌റൈന്റെ വളര്‍ച്ചയ്ക്കും വൈവിധ്യവല്‍ക്കരണത്തിനും അടിത്തറയിടുന്നതായി സുസ്ഥിര വികസന മന്ത്രിയും ബഹ്‌റൈന്‍ സാമ്പത്തിക വികസന ബോര്‍ഡ് ചീഫ് എക്‌സിക്യൂട്ടീവുമായ നൂര്‍ ബിന്‍ത് അലി അല്‍ ഖുലൈഫ് പറഞ്ഞു.
സാങ്കേതിക പ്രതിഭകളുടെ ശേഖരം വളര്‍ത്തുന്നതിനും മേഖലയിലും ആഗോളതലത്തിലും ബിസിനസ് മൂല്യം വര്‍ദ്ധിപ്പിക്കുന്നതിനും ഒരു നിര്‍ണായക പങ്കാളിയായി ബഹ്‌റൈനെ കാണുന്നുവെന്ന് ജെ.പി. മോര്‍ഗന്‍ പേയ്‌മെന്റ്‌സിലെ പേയ്‌മെന്റ് ടെക്‌നോളജി ഗ്ലോബല്‍ ഹെഡ് മൈക്ക് ബ്ലാന്‍ഡിന പറഞ്ഞു.

The post ജെ.പി. മോര്‍ഗന്‍ പേയ്‌മെന്റ്‌സ് ബഹ്‌റൈനിലെ സാങ്കേതിക വിദഗ്ധര്‍ക്ക് നിയമനം നല്‍കും appeared first on Starvision News Malayalam.