ഇപ്പോൾ നിർമ്മിക്കുന്ന വിഗ്രഹം പൂർത്തിയാക്കാൻ 80 ദിവസമെടുക്കും, ജൂൺ 1 മുതൽ നിർമ്മാണ പ്രവർത്തനങ്ങൾ ആരംഭിച്ചിരുന്നു. ഓഗസ്റ്റ് 31ന് ഭക്തർക്കുള്ള ദർശനം ആരംഭിക്കുമെന്ന് സംഘാടകർ അറിയിച്ചു. വിവിധ സംസ്ഥാനങ്ങളിൽ നിന്നുള്ള 50 മുതൽ 100 വരെ ആളുകളാണ് വിഗ്രഹം നിർമ്മിക്കുന്നതെന്ന് സംഘാടകരിൽ ഒരാളായ നരേഷ് പറഞ്ഞു. രാജ്യത്തെ ഏറ്റവും വലിയ ഗണേശ വിഗ്രഹം കാണാൻ രാജ്യത്തിന്‍റെ വിവിധ ഭാഗങ്ങളിൽ നിന്നുള്ള ഭക്തർ ഇവിടെ എത്തുമെന്നും നരേഷ് കൂട്ടിച്ചേർത്തു.

ഖൈർതാബാദിൽ ഗണപതി വിഗ്രഹങ്ങൾ സ്ഥാപിക്കാൻ തുടങ്ങിയിട്ട് പതിറ്റാണ്ടുകളായി. 1954-ൽ ഷക്കറിയ ജിയാണ് ഇവിടെ ആദ്യത്തെ ഗണേശ വിഗ്രഹം പ്രതിഷ്ഠിച്ചത്. പിന്നീട് എല്ലാ വർഷവും ഒരടി വീതം ഉയർത്തുകയായിരുന്നു പതിവ്. വിഗ്രഹത്തിന്‍റെ വലുപ്പം കുറയ്ക്കാൻ സംഘാടകർ പദ്ധതിയിട്ടിരുന്നെങ്കിലും ഭക്തർ എതിർത്തു.

The post രാജ്യത്തെ ഏറ്റവും വലിയ ഗണേശ വിഗ്രഹമൊരുങ്ങുന്നു;
ചിലവ് ഒരു കോടിയിലധികം appeared first on Starvision News Malayalam.