ടെസ്റ്റ് പൈലറ്റുമാര്‍ ഒന്നര വര്‍ഷം റഷ്യയില്‍ പരിശീലനം പൂര്‍ത്തിയാക്കിയിരുന്നു. ബെംഗളൂരുവില്‍ ഐഎസ്ആര്‍ഒയ്ക്കു കീഴിലെ ഹ്യൂമന്‍ സ്‌പേസ് ഫ്‌ലൈറ്റ് സെന്ററിലും പരിശീലനം നടത്തി. ദുഷ്‌കര വെല്ലുവിളികള്‍ നേരിടാന്‍ സമര്‍ഥരെന്ന നിലയിലാണ് ദൗത്യത്തിനു യുദ്ധവിമാന പൈലറ്റുമാരെ തിരഞ്ഞെടുത്തത്. 2020ലാണ് ബഹിരാകാശ യാത്രയ്ക്കുവേണ്ടി നാലുപേരെയും തിരഞ്ഞെടുത്തത്.

ഇന്ത്യയുടെ ബഹിരാകാശ ഗവേഷണരംഗത്ത് വലിയ മുതല്‍ക്കൂട്ടാവുന്ന മൂന്ന് പദ്ധതികളാണ് പ്രധാനമന്ത്രി ഉദ്ഘാടനം ചെയ്യുന്നതെന്ന് മുഖ്യമന്ത്രി പിണറായി വിജയന്‍ പറഞ്ഞു. ഇത് കേരളത്തിന് അഭിമാനകരമായ നിമിഷമാണ്. ഈ നിമിഷം ഡോക്ടര്‍ വിക്രം സാരാഭായ് ഓര്‍ക്കാതിരിക്കാന്‍ കഴിയില്ല. അതിനായി സ്ഥലം ലഭ്യമാക്കിയ നാട്ടുകാരെയും സഭാ നേതാക്കളെയും നന്ദിയോടെ സ്മരിക്കുന്നുവെന്നും മുഖ്യമന്ത്രി പറഞ്ഞു. ഇവിടെനിന്ന് ഒഴിഞ്ഞുപോകുന്നത് ഉപജീവനത്തിന് വെല്ലുവിളിയാകുമെന്നറിഞ്ഞിട്ടും ശാസ്ത്രനേട്ടമാണ് വലുതെന്ന് അവര്‍ തിരിച്ചറഞ്ഞു. ഇന്ത്യന്‍ ബഹിരാകാശത്തെ കൂടുതല്‍ ഉയര്‍ച്ചയിലേക്ക് നയിക്കാന്‍ വിഎസ്എസ് സിക്കും ഐഎസ്ആര്‍ഒയ്ക്കും കഴിയട്ടെയെന്ന് മുഖ്യമന്ത്രി പറഞ്ഞു.

ചടങ്ങില്‍ കേന്ദ്രമന്ത്രി വി മുരളീധരന്‍, ഗവര്‍ണര്‍ ആരിഫ് മുഹമ്മദ് ഖാന്‍, ഐഎസ്ആര്‍ഒ ചെയര്‍മാന്‍ തുടങ്ങിയവര്‍ പങ്കെടുത്തു.

The post ‘ഗഗന്‍യാനി’ല്‍ പോകുന്ന നാല് യാത്രികരെ പ്രഖ്യാപിച്ച് പ്രധാനമന്ത്രി; മലയാളികളുടെ അഭിമാനമായി പ്രശാന്ത് ബാലകൃഷ്ണന്‍ നായര്‍ appeared first on Starvision News Malayalam.

നാല് റിവേഴ്സ് ഫ്ലോ നോസിലുകളുള്ള ഒരു സവിശേഷ സ്പെഷ്യൽ പർപ്പസ് സോളിഡ് റോക്കറ്റ് മോട്ടോർ ആണ് എൽഇഎം. കൂടാതെ 5.98 സെക്കൻഡ് ജ്വലന സമയം മാത്രം ഉപയോഗിച്ച് പരമാവധി 842 കെഎൻ സമുദ്രനിരപ്പ് ത്രസ്റ്റ് സൃഷ്ടിക്കാൻ എൽഇഎമ്മിന് കഴിയും. ക്രൂ മൊഡ്യൂളിലെ എക്സ്ഹോസ്റ്റ് പ്ലൂം ഇംപിംഗ്മെന്‍റ് ഒഴിവാക്കുന്നതിന് പരമ്പരാഗത റോക്കറ്റ് മോട്ടോറുകളിൽ നിന്ന് വ്യത്യസ്തമായി, വിക്ഷേപണ വാഹനത്തിന്‍റെ മുൻവശത്താണ് എൽഇഎമ്മിന്‍റെ നോസിൽ അറ്റം ഘടിപ്പിച്ചിരിക്കുന്നത്.

മോട്ടോർ ബാലിസ്റ്റിക് പാരാമീറ്ററുകളുടെ വിലയിരുത്തൽ, മോട്ടോർ സബ്സിസ്റ്റം പ്രകടനത്തിന്‍റെ സാധൂകരണം, ഡിസൈൻ മാർജിനുകളുടെ സ്ഥിരീകരണം, നോസിൽ ലൈനറുകളുടെ തെർമൽ പെർഫോമൻസ് വിലയിരുത്തൽ എന്നിവയാണ് സ്റ്റാറ്റിക് ടെസ്റ്റിന്‍റെ പ്രധാന ലക്ഷ്യങ്ങൾ.

The post ഐഎസ്ആർഒ ഗഗൻയാൻ ലോ ആൾട്ടിറ്റ്യൂഡ് എസ്കേപ്പ് മോട്ടോർ വിജയകരമായി പരീക്ഷിച്ചു appeared first on Starvision News Malayalam.