എഴുനൂറോളം കര്‍ഷകര്‍ക്കാണ് ഈ സമരത്തില്‍ ജീവന്‍ നഷ്ടപ്പെട്ടത്. നിരവധി കര്‍ഷകര്‍ക്കും അവരുടെ കുടുംബാംഗങ്ങള്‍ക്കും തീരാത്ത വേദനയും മാനസിക സംഘര്‍ഷവുമാണ് ഈ സമരം മൂലമുണ്ടായത്. ഇപ്പോള്‍ കാട്ടിയ വിവേകം പ്രധാനമന്ത്രി നേരത്തെ കാണിച്ചിരുന്നൂവെങ്കില്‍ നിരവധി വിലപ്പെട്ട കര്‍ഷകരുടെ ജീവന്‍ നഷ്ടപ്പെടില്ലായിരുന്നു.

അടുത്തിടെ നടന്ന തെരഞ്ഞെടുപ്പുകളില്‍ ബിജെപിയ്ക്കുണ്ടായ തിരിച്ചടിയുടെ തിരിച്ചറിവിലാണ് ഉത്തര്‍ പ്രദേശിലെയും പഞ്ചാബിലെയും തെരഞ്ഞെടുപ്പു വരാന്‍ പോകുന്ന പശ്ചാത്തലത്തില്‍ പ്രധാനമന്ത്രി ഈ പ്രഖ്യാപനം നടത്തിയിരിക്കുന്നത്. ആള്‍ ഇന്ത്യാ ഫോര്‍വേഡ് ബ്ലോക്കും പാര്‍ട്ടിയുടെ കര്‍ഷക സംഘടനയായ ആള്‍ ഇന്ത്യാ അഗ്രഗാമി കിസാന്‍ സഭയും തുടക്കം മുതല്‍ തന്നെ കര്‍ഷക സമരത്തോടൊപ്പം ഉണ്ടായിരുന്നു. വിവാദ കാര്‍ഷിക നിയമങ്ങളെ ന്യായീകരിച്ചുകൊണ്ട് ഇന്നലെ വരെ സംസാരിച്ചിരുന്ന സര്‍ക്കാര്‍ അനുകൂലികളും മന്ത്രിമാരും പൊതുസമൂഹത്തോട് മാപ്പു പറയണം.

നിയമങ്ങള്‍ പിന്‍ വലിക്കുമെന്ന് പ്രധാനമന്ത്രി പ്രഖ്യാപിച്ചാല്‍ മാത്രം പോരാ പാര്‍ലമെന്‍ററി നടപടികളിലൂടെ വിവാദ നിയമങ്ങള്‍ പിന്‍ വലിക്കണമെന്നും കര്‍ഷക സമരത്തിനിടെ മരിച്ച കര്‍ഷകരുടെ കുടുംബാംഗങ്ങള്‍ക്ക് സാമ്പത്തിക സഹായം നല്‍കണമെന്നും ദേവരാജന്‍ ആവശ്യപ്പെട്ടു.

സ്വതന്ത്ര ഭാരതത്തില്‍ നാളിതുവരെ നടന്ന സമരങ്ങളുടെ ചരിത്രത്തില്‍ സുവര്‍ണ്ണ ലിപികളില്‍ രേഖപ്പെടുത്തേണ്ടുന്ന ഐതിഹാസിക സമരം നടത്തിയ കര്‍ഷകരെയും അവര്‍ക്ക് പിന്തുണ നല്‍കിയ കേന്ദ്ര തൊഴിലാളി സംഘടനകളെയും ഫോര്‍വേഡ് ബ്ലോക്ക് അഭിനന്ദിക്കുന്നുവെന്നും ദേവരാജന്‍ അറിയിച്ചു.

The post വിവാദ കാര്‍ഷിക നിയമങ്ങള്‍ പിന്‍വലിച്ചത് വൈകി വന്ന വിവേകം: ജി ദേവരാജന്‍ appeared first on Starvision News Malayalam.

ജനാധിപത്യത്തിന്‍റെ നാലാം തൂണെന്നു വിശേഷിപ്പിക്കുന്ന മാധ്യമങ്ങള്‍ സമൂഹത്തിനു നേരെ തുറന്നു വച്ച കണ്ണാടിയാണ്. ജനങ്ങളുടെ ആശങ്കകളും ആവലാതികളും പൊതുസമൂഹത്തെയും ഭരണാധികാരികളെയും അറിയിക്കുവാന്‍ മാധ്യമങ്ങള്‍ക്ക് ബാധ്യതയുണ്ട്. കോവിഡ് പ്രതിരോധ പ്രവര്‍ത്തനങ്ങളില്‍ വ്യാപകമായുണ്ടായ വീഴ്ചകള്‍ ബന്ധപ്പെട്ടവരുടെ ശ്രദ്ധയില്‍ കൊണ്ടുവരാന്‍ മാധ്യമങ്ങളാണ് വലിയ പങ്കുവഹിച്ചത്.

ഗംഗാ നദിയില്‍ ശവശരീരങ്ങള്‍ ഒഴുകി നടക്കുന്നതും മൃതദേഹങ്ങള്‍ കൂട്ടത്തോടെ സംസ്കരിക്കുന്നതും രാജ്യവും ലോകവും ഞെട്ടലോടെ കണ്ടത് മാധ്യമങ്ങള്‍ വഴിയാണ്. ഇക്കാരണത്താല്‍ ദൈനിക്‌ ഭാസ്കര്‍ എന്ന ഹിന്ദി പത്രസ്ഥാപനത്തിന്‍റെ ഓഫീസുകളും എട്ടുമാസമായി നടക്കുന്ന കര്‍ഷക സമരവും പൗരത്വ നിയമത്തിനെതിരായ സമരവും പ്രാധാന്യത്തോടെ റിപ്പോര്‍ട്ട് ചെയ്തതിന്‍റെ പേരില്‍ ന്യൂസ്‌ക്ലിക്ക് ഡോട്ട് ഇന്‍ എന്ന സ്ഥാപനവും സര്‍ക്കാര്‍ നടത്തിയ രാജ്യദ്രോഹമായ പെഗാസസ് ഫോണ്‍ ചോര്‍ത്തല്‍ പുറത്തുകൊണ്ടുവന്ന ദി വയര്‍ എന്ന ഓണ്‍ലൈന്‍ മാധ്യമ സ്ഥാപനവും ആദായ നികുതി വകുപ്പിനെയും പോലീസിനെയും ഉപയോഗിച്ച് റെയിഡ് ചെയ്ത നടപടി അങ്ങേയറ്റം അപലപനീയമാണ്.

സര്‍ക്കാര്‍ പ്രോലോഭനങ്ങളില്‍ അടിയറവു പറയാത്ത മാധ്യമങ്ങളെ ഭീഷണിപ്പെടുത്തി വരുതിയിലാക്കാന്‍ ശ്രമിക്കുന്ന ഫാസിസ്റ്റു ഭരണരീതികള്‍ക്കെതിരായി ജനാധിപത്യ വിശ്വാസികള്‍ ശബ്ദമുയര്‍ത്തണമെന്നും ദേവരാജന്‍ ആവശ്യപ്പെട്ടു.

The post മാധ്യമസ്ഥാപനങ്ങളിലെ റെയിഡ്: സ്വതന്ത്ര മാധ്യമ പ്രവര്‍ത്തനത്തിനു നേരേയുള്ള കടന്നുകയറ്റം: ജി ദേവരാജന്‍ appeared first on Starvision News Malayalam.