തിരുവനന്തപുരം: വിദേശരാജ്യങ്ങളിൽനിന്ന് അനധികൃതമായി ഇന്ത്യയിൽ പ്രവേശിക്കുന്നവരെയും കേസുകളിൽ പ്രതികളാകുന്നവരെയും താമസിപ്പിക്കുന്ന കൊല്ലത്തെ ട്രാൻസിറ്റ് ഹോമിൽ കഴിയുന്നത് 29 പേർ. വിചാരണ നേരിടുന്നവരാണ് കൂടുതലും. ശിക്ഷ കഴിഞ്ഞ് രാജ്യത്തേക്ക് മടങ്ങാൻ എംബസിയിൽനിന്ന് രേഖകൾ ശരിയാകാൻ കാത്തിരിക്കുന്നവരും കൂട്ടത്തിലുണ്ട്. ബംഗ്ലദേശിൽ നിന്നാണ് കൂടുതൽ പേർ. 3 ശ്രീലങ്കൻ വനിതകളെ പത്തനാപുരത്തുള്ള സ്ഥാപനത്തിൽ പാർപ്പിച്ചിരിക്കുകയാണ്. കുട്ടികളും ഇവിടെയാണുള്ളത്. 2022ൽ ഹൈക്കോടതി നിർദേശപ്രകാരം സ്ഥാപനം ആരംഭിച്ചതിനുശേഷം 5 പേരെ സ്വന്തം നാട്ടിലേക്ക് അയച്ചു.

‌സംസ്ഥാനത്തെ ആദ്യ ട്രാൻസിറ്റ് ഹോം കൊല്ലം ജില്ലയിലെ കൊട്ടിയത്ത് 2022 നവംബർ 24നാണ് തുറന്നത്. തൃശൂരിൽ പൊലീസിന്റെ നേതൃത്വത്തിലുള്ള കേന്ദ്രത്തിന്റെ പ്രവർത്തനം അവസാനിപ്പിച്ചാണ് കൊല്ലത്ത് വാടക കെട്ടിടത്തിൽ കേന്ദ്രം ആരംഭിച്ചത്. മയക്കുമരുന്നു കേസിലെ പ്രതികൾ, വ്യാജ പാസ്പോർട്ട് നിർമിച്ച് ഇന്ത്യയിലെത്തിയവർ, വിദേശത്തേക്ക് കടക്കാന്‍ ശ്രമിച്ച് പിടിയിലായ ശ്രീലങ്കക്കാർ, ബംഗ്ലദേശിൽനിന്നുള്ള ബുദ്ധമതക്കാർ തുടങ്ങിയവർ കൂട്ടത്തിലുണ്ടെന്ന് അധിക‍ൃതർ പറഞ്ഞു.

ട്രാൻസിറ്റ് കേന്ദ്രത്തിലുള്ള വിവിധ രാജ്യക്കാർ: നൈജീരിയ–5, എൽസാൽവദോർ–1, ശ്രീലങ്ക–11, ബംഗ്ലദേശ്–9, അഫ്ഗാനിസ്ഥാൻ– 1, മാലദ്വീപ്–1, വെനസ്വേല–1. ഇതിൽ നെജീരിയ, എൽസാവദോർ രാജ്യക്കാർ മയക്കുമരുന്നു കേസിലെ പ്രതികളാണ്. ബംഗ്ലദേശ് സ്വദേശികൾ മിക്കവരും വ്യാജ പാസ്പോർട്ട് ഉപയോഗിച്ച് രാജ്യത്തേക്കു കടന്നവരും. ശ്രീലങ്കക്കാർ കാനഡയിലേക്കു കടക്കാൻ കേരളതീരത്തെത്തിയവരാണ്. പത്തനാപുരത്തെ സ്വകാര്യ അഭയ കേന്ദ്രത്തിൽ താമസിക്കുന്ന ശ്രീലങ്കൻ വനിതകളും കാനഡയിലേക്ക് പോകാൻ കേരളത്തിലെത്തിയവരാണ്. കേസുകൾ തീർന്നവരുടെ വിവരങ്ങൾ അതതു രാജ്യങ്ങളുടെ എംബസിയെ അറിയിക്കും. ഇന്ത്യയിലെ വിവിധ അന്വേഷണ ഏജൻസികളുടെയും എംബസികളുടെയും അനുമതി ലഭിച്ചാൽ സ്വന്തം രാജ്യത്തേക്കു വിടും.
ഹോം മാനേജർ, സെക്യൂരിറ്റി ചീഫ്, 3 പൊലീസുകാർ, കെയർ ടേക്കർ, രണ്ട് ഗേറ്റ് കീപ്പർ, ക്ലീനിങ് സ്റ്റാഫ്, വാച്ച്മാൻ എന്നീ തസ്തികളാണ് കേന്ദ്രത്തിലുള്ളത്. ഹോം മാനേജരുടെ ചാർജ് പ്രൊബേഷൻ ഓഫിസർക്കാണ്. നിലവിലെ പൗരത്വ നിയമഭേദഗതിയുമായി കേന്ദ്രത്തിനു ബന്ധമില്ലെന്നും ഹൈക്കോടതി നിർദേശപ്രകാരമാണ് കേന്ദ്രം ആരംഭിച്ചതെന്നും അധികൃതർ വ്യക്തമാക്കി. നൈജീരിയൻ പൗരൻമാർ കോടതിയെ സമീപിച്ചതിനെ തുടർന്നാണ് കേന്ദ്രം ആരംഭിച്ചത്. കേന്ദ്രത്തിന് സ്വന്തമായി കെട്ടിടം നിർമിക്കുന്നതിനുള്ള നടപടികൾ ആരംഭിച്ചതായി അധികൃതർ പറഞ്ഞു. ജയിൽ വകുപ്പിന്റെ സ്ഥലത്ത് ഫ്ലാറ്റ് സമുച്ചയം നിർമിക്കാനാണ് ആലോചന.

The post കൊല്ലത്തെ ട്രാൻസിറ്റ് ഹോമിൽ കഴിയുന്ന 29 പേർ അനധികൃതമായി ഇന്ത്യയിലെത്തിയ വിദേശികൾ; കൂടുതലും ബംഗ്ലദേശുകാർ appeared first on Starvision News Malayalam.

മനാമ: വിദേശ രാജ്യങ്ങളിലേയ്ക്ക് പണമയക്കുമ്പോൾ 2 ശതമാനം ടാക്സ് ഈടാക്കണമെന്ന ബഹ്റൈൻ പാർലിമെന്റ് എംപിമാരുടെ നിർദേശം ഉപരിസഭയായ ശൂറ കൗൺസിൽ തള്ളി. രാജ്യത്തിന്റെ സാമ്പത്തികവും സാമൂഹികവുമായ മേഖലകൾക്ക് ഹാനികരമായ നിർദേശമാണിതെന്ന് ശൂറ കൗൺസിൽ വ്യക്തമാക്കി. ഇത്തരം ഒരു തീരുമാനം വന്നാൽ ബ​ഹ്​​റൈ​നി​ൽ നി​ന്നും നി​യ​മ വി​ധേ​യ​മാ​യി അ​യ​ക്കു​ന്ന പ​ണ​ത്തി​ൽ കു​റ​വു​ണ്ടാ​വു​ക​യും നി​യ​മ വി​രു​ദ്ധ വ​ഴി​ക​ളി​ലൂ​ടെ പ​ണം അ​യ​ക്ക​പ്പെ​ടു​ക​യും ചെ​യ്യു​ന്ന സാ​ഹ​ച​ര്യം ഉണ്ടാവുകയും ചെയ്യൂമെന്ന് ശൂറ കൗൺസിൽ പ്രതിനിധികൾ അഭിപ്രായപ്പെട്ടു.

കൂടാതെ കള്ളപണ ഇടപാടുകൾ വർദ്ധിക്കുകയും രാ​ജ്യ​ത്തി​ന്‍റെ പ​ദ​വി​ക്കും പ്ര​ശ​സ്​​തി​ക്കും മ​ങ്ങ​ലേ​ൽ​ക്കു​ക​യും ചെ​യ്യു​മെ​ന്നും വ്യക്തമാക്കി. ഇതോടൊപ്പം മറ്റ് പല രാജ്യങ്ങളുമായി ബഹ്റൈൻ ഉണ്ടാക്കിയിട്ടുള്ള കരാറുകൾ ലംഘിക്കപ്പെടാനും ഇത്തരമൊരു നീക്കം വഴിവെക്കുമെന്നും അത് വഴി വിദേശനാണ്യത്തിന്റെ ഒഴുക്ക് കുറയുമെന്നും ശൂറകൗൺസിൽ വ്യക്തമാക്കി. പാ​ർ​ല​മെ​ന്‍റ്​ നി​ർ​ദേ​ശ​ങ്ങ​ൾ ശൂ​റ കൗ​ൺ​സി​ൽ പാ​സാ​ക്കി​യാ​ൽ മാ​ത്ര​മേ മ​ന്ത്രി​സ​ഭ​യി​ൽ ച​ർ​ച്ച​ക്ക്​ വ​രു​ക​യു​ള്ളൂ.

The post വിദേശ രാജ്യങ്ങളിലേയ്ക്ക് പണമയക്കാൻ ടാക്സ് ഈടാക്കണമെന്ന നിർദേശം തള്ളി ശൂറ കൗൺസിൽ appeared first on Starvision News Malayalam.