കൊച്ചി: ഇന്ത്യന്‍ സൂപ്പര്‍ ലീഗിന്റെ 2026 (ഐഎസ്എല്‍) സീസണില്‍ കേരള ബ്ലാസ്റ്റേഴ്‌സിന്റെ ആദ്യ ഹോം മത്സരം നടക്കാനിരിക്കെ വാടക കൂട്ടി ചോദിച്ച് ജിസിഡിഎ. നേരത്തെ ആവശ്യപ്പെട്ടതിലും ഇരട്ടി തുകയാണ് ജിസിഡിഎ ഇമെയില്‍ മുഖേന ആവശ്യപ്പെട്ടിരിക്കുന്നത്.

ബ്ലാസ്റ്റേഴ്‌സ് അധികൃതരും ജിസിഡിഎയും ആയി ഇതുസംബന്ധിച്ച് ചര്‍ച്ചകള്‍ നടക്കുന്നുണ്ട്. ഞായറാഴ്ചയാണ് ബ്ലാസ്റ്റേഴ്‌സിന്റെ ആദ്യ ഹോം മത്സരം. മുംബൈ സിറ്റി എഫ്‌സിയാണ് എതിരാളികള്‍. സീസണിലെ ആദ്യ മത്സരത്തില്‍ മോഹന്‍ ബഗാന്‍ സൂപ്പര്‍ ജയന്റ്‌സിനോട് ബ്ലാസ്റ്റേഴ്‌സ് തോറ്റിരുന്നു.

നേരത്തെ ബ്ലാസ്‌റ്റേഴ്‌സിന്റെ ഹോം മത്സരങ്ങള്‍ കോഴിക്കോട് കോര്‍പറേഷന്‍ സ്റ്റേഡിയത്തിലേക്ക് മാറ്റാന്‍ ആലോചിച്ചിരുന്നു. എന്നാല്‍ കാഴിക്കോട് സ്റ്റേഡിയം ഒരുക്കിയെടുക്കുന്നതിനുള്ള പ്രായോഗിക പ്രയാസം പരിഗണിച്ച് കൊച്ചിയില്‍ത്തന്നെ തുടരാന്‍ തീരുമാനിക്കുകയായിരുന്നു. അയേസമയം ബ്ലാസ്റ്റേഴ്‌സിന്റെ കളികള്‍ കൊച്ചിയില്‍ നടത്തുന്നതിനുള്ള എല്ലാ സജ്ജീകരണങ്ങളും ഒരുക്കുമെന്ന് ജിസിഡിഎ നേരത്തെ അറിയിച്ചിരുന്നു.

The post ബ്ലാസ്റ്റേഴ്‌സിന്റെ ഹോം മത്സരം പ്രതിസന്ധിയില്‍? ഇരട്ടി തുക ആവശ്യപ്പെട്ട് ജിസിഡിഎ appeared first on Starvision News Malayalam.

തിരുവനന്തപുരം: സന്തോഷ് ട്രോഫി ഫൈനലില്‍ സര്‍വീസസിനോട് പൊരുതി തോറ്റ കേരള ടീമിനെ അഭിനന്ദിച്ച് മുഖ്യമന്ത്രി പിണറായി വിജയന്‍. ഫൈനലില്‍ വിജയിക്കാന്‍ കഴിഞ്ഞില്ലെങ്കിലും അവസാനം വരെയും പൊരുതിനിന്ന് നാടിന്റെയാകെ അഭിമാനമായി മാറാന്‍ ടീമിന് സാധിച്ചെന്നും ടൂര്‍ണമെന്റിലുടനീളം കേരളം കാഴ്ചവെച്ച പോരാട്ടവീര്യം നമ്മുടെ കായിക മേഖലയുടെ ഭാവിയെക്കുറിച്ച് ശുഭപ്രതീക്ഷയാണ് നല്‍കുന്നതെന്നും അദ്ദേഹം ഫെയ്‌സ്ബുക്കില്‍ കുറിച്ചു. കേരള ടൂറിസം ഗൈഡ്

സര്‍വീസസിനോട് എതിരില്ലാത്ത ഒരു ഗോളിനാണ് കേരളം തോറ്റത്. അധിക സമയത്ത് അഭിഷേക് പാവറിന്റെ ഗോളിലാണ് പട്ടാളം എട്ടാം കിരീടം ചൂടിയത്.

ഫെയ്‌സ്ബുക്ക് കുറിപ്പ്

സന്തോഷ് ട്രോഫി ഫുട്‌ബോളില്‍ റണ്ണേഴ്‌സ് അപ്പായ കേരള ടീമിന് അഭിനന്ദനങ്ങള്‍. ആവേശകരമായ ഫൈനല്‍ മത്സരത്തില്‍ എക്‌സ്ട്രാ ടൈമിന്റെ രണ്ടാം പകുതിയിലെ ഗോളിനാണ് കേരളത്തിനു സര്‍വ്വീസസിനെതിരെ തോല്‍വി വഴങ്ങേണ്ടി വന്നത്. ഫൈനലില്‍ വിജയിക്കാന്‍ കഴിഞ്ഞില്ലെങ്കിലും അവസാനം വരെയും പൊരുതിനിന്ന് നാടിന്റെയാകെ അഭിമാനമായി മാറാന്‍ നമ്മുടെ ടീമിന് സാധിച്ചു. ടൂര്‍ണമെന്റിലുടനീളം കേരളം കാഴ്ചവെച്ച പോരാട്ടവീര്യം നമ്മുടെ കായിക മേഖലയുടെ ഭാവിയെക്കുറിച്ച് ശുഭപ്രതീക്ഷയാണ് നല്‍കുന്നത്. കൂടുതല്‍ നേട്ടങ്ങള്‍ കൈവരിക്കാന്‍ കേരള ഫുട്‌ബോള്‍ ടീമിനു കഴിയട്ടെ എന്ന് ആശംസിക്കുന്നു.

The post അവസാനം വരെയും പൊരുതി നാടിന്റെ അഭിമാനമായി; കേരള ടീമിന് അഭിനന്ദനവുമായി മുഖ്യമന്ത്രി appeared first on Starvision News Malayalam.

ന്യൂഡൽഹി: വരാനിരിക്കുന്ന ഇന്ത്യൻ സൂപ്പർ ലീഗ് (ISL) സീസണിന്റെ സംപ്രേഷണ അവകാശം ഏറ്റെടുക്കാൻ ഏഴ് കമ്പനികൾ ബിഡ് സമർപ്പിച്ചു. ബിഡ് സമർപ്പിക്കാൻ ഫെബ്രുവരി 1 ഞായറാഴ്ച വരെ എ ഐ എഫ് എഫ് സമയം അനുവദിച്ചിരുന്നു. സമയം അവസാനിക്കാൻ മണിക്കൂറുകൾ മാത്രം ബാക്കി നിൽക്കെ അപ്രതീക്ഷിതമായി ജിയോസ്റ്റാർ ബിഡ് സമർപ്പിച്ചു.

കൊൽക്കത്ത ആസ്ഥാനമായ ആനന്ദബസാർ പത്രിക (ABP) ഗ്രൂപ്പ്, ഫാൻകോഡ്, ജിയോസ്റ്റാർ, കെ പി എസ് സ്റ്റുഡിയോസ് എന്നിവരാണ് നിലവിൽ സംപ്രേഷണ അവകാശത്തിനായി മുന്നോട്ട് വന്നിരിക്കുന്നത്. ബാക്കിയുള്ള മൂന്ന് കമ്പനികളുടെ വിവരങ്ങൾ ഇതുവരെ എ ഐ എഫ് എഫ് പ്രസിദ്ധീകരിച്ചിട്ടില്ല.

ജനുവരി 23ന് പ്രീ-ബിഡ് ക്ലാരിഫിക്കേഷൻ മീറ്റിങിൽ പങ്കെടുത്ത സോണി, സീ, ബ്രിട്ടീഷ് മീഡിയ ഗ്രൂപ്പായ ടു സർക്കിൾസ് എന്നിവർ ബിഡ് സമർപ്പിക്കാഞ്ഞതും ശ്രദ്ധേയമായി. ബിഡ് സമർപ്പിക്കാനുള്ള തീയതി ഫെബ്രുവരി 4 വരെ നീട്ടണമെന്ന് കമ്പനികൾ ആവശ്യപ്പെട്ടെങ്കിലും എ ഐ എഫ് എഫ് അതിന് വഴങ്ങിയില്ല. ബിഡുകൾ പരിഗണിച്ച് ഉടൻ തന്നെ എ ഐ എഫ് എഫ് തുടർ നടപടികൾ ആരംഭിക്കുമെന്നാണ് വിവരം.

ഇത്തവണ കരാർ സ്വന്തമാക്കുന്നവർക്ക് ലൈവ് ടെലിവിഷൻ സംപ്രേഷണം, ഡിജിറ്റൽ-ഒടിടി സ്ട്രീമിംഗ്, മൊബൈൽ ട്രാൻസ്മിഷൻ തുടങ്ങിയവ ഉൾപ്പെടുത്തിയ സമഗ്രമായ പാക്കേജാണ് എ ഐ എഫ് എഫ് വാഗ്ദാനം ചെയ്തിരിക്കുന്നത്. പുതിയ ഐഎസ്എൽ സീസൺ ഫെബ്രുവരി 14ന് ആരംഭിക്കും. സാൾട്ട് ലേക്ക് സ്റ്റേഡിയത്തിൽ മോഹൻ ബഗാൻ സൂപ്പർ ജയന്റ്സും കേരള ബ്ലാസ്റ്റേഴ്സും തമ്മിലുള്ള മത്സരത്തോടെയാകും ടൂർണമെന്റിന് തുടക്കം.

The post ഐഎസ്എൽ സംപ്രേഷണത്തിനായി ഏഴ് പേർ രംഗത്ത്; അപ്രതീക്ഷിതമായി ബിഡ് നൽകി ജിയോസ്റ്റാർ, സോണിയും സീ സ്പോർട്സും പിന്മാറി appeared first on Starvision News Malayalam.

മനാമ: കെഎംസിസി ബഹ്‌റൈൻ സ്പോർട്സ് വിങ്ങിന്റെ നേതൃത്വത്തിൽ സംഘടിപ്പിക്കുന്ന ഫുട്ബാൾ ടൂർണമെന്റ് ഒക്ടോബർ 16 17 18 തീയതികളിൽ സിഞ്ച് അൽ അഹ് ലീ സ്‌റ്റേഡിയത്തിൽ നടക്കുമെന്ന് കെഎംസിസി ഓഫീസിൽ നടന്ന വാർത്ത സമ്മേളനത്തിൽ സംഘാടകർ അറിയിച്ചു.

പ്രവാസികളുടെ കായിക ക്ഷമത വർധിപ്പിക്കുക, മാനസിക സംഘർഷം കുറക്കുക എന്നുള്ള ലക്ഷ്യത്തോടെയാണ് കെഎംസിസി സ്പോർട്സ് വിങ് പ്രവർത്തിക്കുന്നത്. ബഹ്‌റൈൻ പ്രവാസി സമൂഹത്തിൽ ഏറ്റവും വലിയ ടൂര്ണമെറ്റുകൾ സംഘടിപ്പിച്ച ചരിത്രമുള്ള കെഎംസിസി സ്പോർട്സ് വിങ് 2024 സീസണിൽ വിപുലമായ ഫുട്ബോൾ ടൂർണമെന്റാണ് സഘടിപ്പിക്കുന്നത്.

ബഹ്‌റൈനിലെ പ്രൊഫെഷണൽ കാറ്റഗറിയിലുള്ള 8 ടീമുകൾ അണിനിരക്കുന്ന ടൂർണമെന്റിൽ പ്രശസ്ത ക്ലബ്ബ്കളായ കെഎംസിസി എഫ്‌സി, യുവ കേരള എഫ്‌സി, അൽ കേരളവി എഫ്‌സി, ഗ്രോ എഫ്‌സി , അൽ മിനാർ എഫ്‌സി , സ്പോർട്ടിങ് എഫ്‌സി, ഗോസി എഫ്‌സി, മറീന എഫ്‌സി തുടങ്ങിയ പ്രബല ടീമുകൾ അണിനിരക്കും. പ്രവാസി മേഖലയിൽ ആരോഗ്യ സംരക്ഷണത്തിനും മാനസിക ഉല്ലാസത്തിനും പ്രാധാന്യം നൽകി കൊണ്ട് എബോവ് 40 കാറ്റഗറിയിലുള്ള ടൂര്ണമെറ്റും സംഘടിപ്പിക്കപ്പെടും.

കുടുംബങ്ങൾക്കായി ഒപ്പന, മുട്ടിപ്പാട്ട്, കലാപരിപാടികൾക്ക് പുറമെ കുട്ടികൾക്കായുള്ള പ്ലെയിങ് ഏരിയകളും സജ്ജീകരിക്കും. കൂടാതെ മലബാറിന്റെ തനതായ ശൈലിയിൽ തട്ടുകടകളും ഗ്രൗണ്ടിന് സമീപത്തു സജ്ജീകരിക്കും. ഫാമിലി എന്റെർറ്റൈന്മെന്റിന്റെ ഭാഗമായി തത്സമയ മത്സരങ്ങൾ നടത്തി വിവിധ സമ്മാനങ്ങൾ വിതരണം ചെയ്യും.

പത്രസമ്മേളനത്തിൽ കെഎംസിസി ജനറൽ സെക്രെട്ടറി ശംസുദ്ധീൻ വെള്ളിക്കുളങ്ങര, സ്‌പോർട് വിങ് ചെയർമാൻ റിയാസ് വയനാട്, കൺവീനർ അഷ്‌കർ വടകര, പ്രോഗ്രാം കമ്മിറ്റി കൺവീനർ ഇർഷാദ് തന്നട, വൈസ് ചെയർമാൻ, ഫൈസൽ ഇസ്മായിൽ, ടീം മാനേജർ സാദിഖ് മഠത്തിൽ, ടീം കോച്ച് നൗഫൽ , പ്രോഗ്രാം കമ്മിറ്റി വൈസ് ചെയർമാൻ ഷമീർ എം എ, ട്രഷറർ ഷഫീഖ് ആർ വി , സ്‌പോർട്ടൂ വിങ് ഭാരവാഹികളായ റഫീഖ് നാദാപുരം, ഖാൻ സാഹിബ് അസസ്‌കോ , ഷാഫി, നസീബ് കൊച്ചിക്കാരൻ , നസീം തെന്നട ടൂർണണമെന്റ് സ്പോൺസർ ഓപ്പോ റീജിയണൽ മാനേജർ ബദർ സാഹിബ് പങ്കെടുത്തു.

The post കെഎംസിസി കപ്പ് ഒക്ടോബർ 16 17 18 തീയതികളിൽ അൽ അഹ് ലീ സ്റ്റേഡിയത്തിൽ appeared first on Starvision News Malayalam.

മനാമ : കേരള ഫുട്ബോൾ അസ്സോസിയേഷൻ ബഹ്റൈൻ 2024 – 26 വർഷത്തെ പ്രസിഡന്റായി തിരഞ്ഞെടുക്കപ്പെട്ട അർഷാദ് അഹ്‌മദിനെ ഐ.വൈ.സി.സി ബഹ്‌റൈൻ – മനാമ ഏരിയ കമ്മിറ്റി ആദരിച്ചു. മനാമയിൽ വെച്ച് നടന്ന ചടങ്ങിൽ ഐ.വൈ.സി.സി ബഹ്‌റൈൻ ദേശീയ പ്രസിഡന്റ്‌ ഷിബിൻ തോമസ്, ദേശീയ ജനറൽ സെക്രട്ടറി രഞ്ജിത്ത് മാഹി, ചാരിറ്റി വിംഗ് കൺവീനർ സലീം അബൂത്വാലിബ്‌, ഐ.വൈ.സി.സി മനാമ ഏരിയ പ്രസിഡന്റ്‌ റാസിബ് വേളം, ഏരിയ സെക്രട്ടറി ഷിജിൽ പെരുമച്ചേരി, ഏരിയ ട്രഷറർ എം.ടി ഹാരിസ് മാവൂർ, മനാമ ഏരിയ ഭാരവാഹികളായ മുർഷിദ്, ശരീഫ്, ബാബു, കിരൺ എന്നിവർ പങ്കെടുത്തു.

The post അർഷാദ് അഹ്മദിനെ ആദരിച്ചു appeared first on Starvision News Malayalam.

പോസ്റ്റിട്ട് മിനുറ്റുകള്‍ക്കകം ആരാധകര്‍ പേരുകള്‍ നിര്‍ദേശിച്ച് രംഗത്തെത്തിയിട്ടുണ്ട്. കൊച്ചി രാജാവും കൊച്ചി ടൈറ്റന്‍സും കൊച്ചി മച്ചാന്‍സും ടീം ഗില്ലാപ്പിയും മുതല്‍ ഏയ്ഞ്ചല്‍സ് ഓഫ് പൃഥ്വി വരെ പേരായി പലരും നിര്‍ദേശിക്കുന്നുണ്ട്. കഴിഞ്ഞ ദിവസമാണ് സൂപ്പർ ലീഗ് കേരളയുടെ ഭാഗമായ കൊച്ചി എഫ്.സിയെ പൃഥ്വിരാജും ഭാര്യ സുപ്രിയ മേനോനും സ്വന്തമാക്കിയത്.

കേരളത്തിലെ ഫുട്ബോളിനെ പ്രൊഫഷണൽ തലത്തിൽ ഉയർത്താനും താഴെക്കിടയിൽ ഫുട്ബോളിനെ വളർത്താനും സൂപ്പർ ലീഗ് കേരളക്ക് കഴിയുമെന്ന് ടീമിനെ സ്വന്തമാക്കിയശേഷം പൃഥ്വിരാജ് പറഞ്ഞിരുന്നു. നമ്മുടെ നാട്ടിലെ മികച്ച കളിക്കാർക്ക് നിരവധി അവസരങ്ങൾ സൃഷ്ടിയ്ക്കുന്നതിനൊപ്പം നമ്മുടെ സംസ്ഥാനത്തിന്‍റെ കായിക സമ്പത്തിനെ മെച്ചപ്പെടുത്താൻ ഇത്തരമൊരു രാജ്യാന്തര ടൂർണമെന്‍റിനാവുമെന്നും പൃഥ്വി പറഞ്ഞിരുന്നു.

പൃഥ്വിരാജിന്‍റെ ലീഗിലെ പങ്കാളിത്തം യുവാക്കൾക്കിടയിൽ ടൂർണമെന്‍റിന് വലിയ പ്രചോദനവും ഊർജവും പകരുമെന്ന് സൂപ്പർ ലീഗ് കേരളയുടെ സിഇഒ മാത്യു ജോസഫ് വ്യക്തമാക്കിയിരുന്നു. ഓഗസ്റ്റ് അവസാനം ആരംഭിക്കുന്ന സൂപ്പർ ലീഗ്  60 ദിവസം നീണ്ടുനിൽക്കും.കൊച്ചിക്ക് പുറമെ തിരുവനന്തപുരം, കോഴിക്കോട്, തൃശൂർ, കണ്ണൂർ, മലപ്പുറം എന്നിവിടങ്ങളിലെ ആറ് ടീമുകളാണ് ആദ്യ സീസണിൽ സൂപ്പർ ലീഗിൽ മാറ്റുരയ്ക്കുന്നത്. നസ്‌ലി മുഹമ്മദ്, പ്രവീഷ് കുഴി പ്പള്ളി, ഷമീം ബക്കർ, മുഹമ്മദ് ഷൈജൽ എന്നിവരാണ് കൊച്ചി എഫ്‌സി ടീമിൽ പൃഥ്വിയുടെയും സുപ്രിയയുടെയും സഹ ഉടമകൾ.

The post കൊച്ചിയുടെ ഫുട്ബോള്‍ ടീമിന് ഒരു കിടിലന്‍ പേര് വേണം, ആരാധകരോട് ചോദിച്ച് പൃഥ്വിരാജ് appeared first on Starvision News Malayalam.

മനാമ: പ്രായം വെറും കടലാസിലെ അക്കങ്ങളാണെന്നും യഥാർത്ഥ യുവത്വം മനസ്സിലാണെന്നും ഒന്നുകൂടെ ഉറക്കെ പ്രഖ്യാപിച്ചുകൊണ്ട് വയോധികരും മധ്യവയസ്കരും യുവാക്കളും കുട്ടികളും കളിക്കളത്തിൽ നിറഞ്ഞാടി അൽ മന്നായിസെന്റർ ഒരുക്കിയ ഈദ് ഫെസ്റ്റ് അക്ഷരാർത്ഥത്തിൽ ആഘോഷമാക്കി.

സിൻജ് അൽ ഇത്തിഹാദ് സ്പോർട്സ് ക്ളബ്ബ് ഗ്രൗണ്ടിൽ ഫുട്‌ബോൾ, ഷൂട്ടൗട്ട്, ഓട്ടം, നടത്തം എന്നിങ്ങനെ വിവിധ മത്സരങ്ങളിൽ നിരവധിപേർ മാറ്റുരച്ചു. 8 ടീമുകൾ പങ്കെടുത്ത കാല്പന്തുകളിയിൽ ഹിദ്ദ് ചാമ്പ്യന്മാരായി.

45 പേരിലധികം പങ്കെടുത്ത ഷൂട്ടൗട്ട് മത്സരത്തിൽ ഹംസ അമേത്ത് എല്ലാ റൗണ്ടിലും മുന്നിലെത്തി മെഡൽ കരസ്ഥമാക്കി. ഏറെ ആവേശകരമായ വടം വലി മത്സരത്തിൽ മുഹറഖ്, ഹൂറ, മനാമ, ഹിദ്ദ് , ഈസ ടൗൺ, റഫ, ഉമ്മുൽ ഹസം എന്നിവിടങ്ങളിൽ നിന്നുമുള്ള ടീമുകൾ മാറ്റുരച്ചതിൽ മുഹറഖ്‌, ഉമ്മുൽ ഹസം, മനാമ എന്നിവർ ജേതാക്കളായി.

സ്ത്രീകൾക്ക് ഇൻഡോർ മത്സരങ്ങളും കുട്ടികൾക്കും മുതിർന്നവർക്കും ഔട്ട്ഡോർ മത്സരങ്ങളുമായിരുന്നു സംഘടിപ്പിച്ചത് . വിജയികളായവർക്ക് മെഡലുകളും ഈദ് സ്‌പെഷ്യൽ ഗിഫ്റ്റ് ഹാമ്പറായി 9 കുടുംബങ്ങൾക്ക് നറുക്കെടുപ്പിലൂടെ മുഹമ്മദ് അമാനി മൗലവി രചിച്ച 8 വോള്യങ്ങളടങ്ങിയ ഖുർആൻ തഫ്സീറും നൽകി.

ദിൽഷാദ് മുഹറഖ് (പ്രോഗ്രം കാപ്റ്റൻ) സമീർ അലി റിഫ (ഇവന്റ്‌ മാനേജ്‌മന്റ്‌ ), നസീർ പി.കെ. ( പ്രൊഗ്രാം സെക്രട്ടറി), അബ്ദുൽ ഗഫൂർ (ലൈറ്റ്‌ & സൗണ്ട്‌), മുജീബ്‌ തേങ്ങാപട്ടണം, ഷംസീർ, അബ്ദുൽ വഹാബ്‌ (രെജിസ്ട്രേഷൻ), ലത്തീഫ് സി.എം.(റിഫ്രഷ്മെന്റ്) ലത്തീഫ് ചാലിയം (പ്രോഗ്രാം കോർഡിനേറ്റർ) ഹംസ റോയൽ, ഹംസ അമേത്ത്, എന്നിവർ പരിപാടികൾ നിയന്ത്രിച്ചു.

The post ഈദ് ഫെസ്റ്റ് ആഘോഷമാക്കി അൽ മന്നാ ഇ സെന്റർ appeared first on Starvision News Malayalam.

മനാമ: ബഹ്‌റൈനിലെ പ്രൊഫെഷണൽ ഫുട്‍ബോൾ ടീമായ അൽമിനാർ എഫ് സി ജനറൽ ബോഡി മീറ്റിംഗ് ഉമ്മുൽഹസ്സം ബാങ്കോക്ക് റെസ്റ്റോറന്റിൽ വെച്ച് സംഘടിപ്പിച്ചു, 2024 വർഷത്തേക്കുള്ളഭാരവാഹികളെ തിരഞ്ഞെടുത്തു. അബ്ദുൽ ലത്തീഫ് ചെയർമാനായ ക്ലബിന്റെ പ്രെസിഡന്റായി നിയാസ് തെയ്യനെയും ജനറൽ സെക്രട്ടറി ആയി മുസ്തഫ, വൈസ് പ്രെസിഡന്റായി മജീദ്, അജ്മൽ എന്നിവരെ തിരഞ്ഞെടുത്തു . ജോയിന്റ് സെക്രട്ടറിമാരായി ഹംസ,ഫായിസ് എന്നിവരും ട്രെഷറർ സ്ഥാനത്തേക്ക് അരുണും നിയമിതനായി .

ക്ലബ്ബിന്റെ അഡ്വൈസറി ബോർഡിലേക്ക് ബാങ്കോക്ക് റെസ്റ്റോറന്റ്ഷംസുദീൻ, BDMA ചീഫ്മാസ്റ്റർഷാമിർഖാൻ , അമോഹ ഹിളർ, ,മെഹ്‌റൂഫ് എന്നിവർ പ്രത്യേകം തിരഞ്ഞെടുക്കപ്പെട്ടു. ടീം മാനേജർ സ്ഥാനം കൈവരിക്കുന്നത് അർഷാദ്.

ടീമിന്റെ എക്സികുട്ടീവ് അംഗങ്ങൾ , മീഡിയ , പ്രാക്ടീസ് കോഓർഡിനേഷൻ തസ്‌കിതകൾക്കുള്ള സ്ഥാനങ്ങളിലേക്കുംഅംഗങ്ങളെ തിരഞ്ഞെടുത്തു .പ്രസ്തുത പരിപാടിയിൽ അരുൺ സ്വാഗതവും നന്ദി ദിൽഷാബും നിർവഹിച്ചു . തുടർന്ന് അടുത്ത മാസം പങ്കെടുക്കാനിരിക്കുന്ന മീഡിയ വൺടൂർണമെന്റ്സാധ്യതകളും ,ഭാവിയിൽക്ലബ്നടത്താനിരിക്കുന്നസാമൂഹ്യ സേവന പ്രവർത്തനങ്ങളെ കുറിച്ചും ജനറൽ ബോഡിയിൽ സംബന്ധിച്ചു . വരാനിരിക്കുന്ന ടൂർണമെന്റുകളിൽ ടീമിന് ബഹ്‌റൈൻ ഫുട്ബോൾ പ്രേമികളുടെ അകമഴിഞ്ഞ പിൻതുണഉണ്ടാവണമെന്നു ക്ലബ് ചെയര്മാൻ അബ്ദുൾ ലത്തീഫ് കൂട്ടിച്ചേർത്തു .

The post അൽമിനാർ എഫ് സി 2024 വർഷത്തേക്കുള്ള ഭാരവാഹികളെ തിരഞ്ഞെടുത്തു appeared first on Starvision News Malayalam.

അർജന്‍റീന ഫുട്ബോൾ ടീമിന്‍റെ സൗഹൃദ മത്സരത്തിൽ ക്യാപ്റ്റൻ ലിയോണല്‍ മെസി പങ്കെടുക്കുമെന്ന് മന്ത്രി വി അബ്ദുറഹിമാൻ. 2025ലായിരിക്കും സൗഹൃദ മത്സരത്തിനായി അര്‍ജന്‍റീന ടീം കേരളത്തിലെത്തുക. മലപ്പുറത്തെ സ്റ്റേഡിയത്തിന്‍റെ നിർമ്മാണം ആ സമയം പൂർത്തിയാകുമെന്നും അവിടെ ഉദ്ഘാടന മത്സരമായി അര്‍ജന്‍റീനയുടെ സൗഹൃദ മത്സരം നടത്താനാണ് ആലോചനയെന്നും മന്ത്രി പറഞ്ഞു.

അർജന്‍റീനയുമായി ഫുട്ബോൾ പരിശീലനത്തിന് ദീർഘകാല കരാർ ഒപ്പിടും. 5000 കുട്ടികളെ വരെ പരിശീലിപ്പിക്കാൻ തയ്യാറാണെന്ന് അർജന്‍റീന സമ്മതം അറിയിച്ചിട്ടുണ്ട്. ലോകകപ്പ് ജയിച്ച അർജന്‍റീന ടീം അംഗങ്ങൾ മുഴുവൻ കേരളത്തില്‍ കളിക്കാൻ സന്നദ്ധത അറിയിച്ചുവെന്നും മന്ത്രി പറഞ്ഞു.

2025 ജൂണില്‍ കേരളത്തിലെത്താമെന്നാണ് അര്‍ജന്‍റീന ഫുട്ബോള്‍ അസോസിയേഷന്‍ അറിയിച്ചിരുന്നതെങ്കിലും കേരളത്തില്‍ മണ്‍സൂണ്‍ കാലമായതിനാലാണ് മത്സരം ഒക്ടോബറിലേക്ക് മാറ്റിയത്. 2022ലെ ലോകകപ്പ് നേട്ടത്തിന് പിന്നാലെ ഇന്ത്യയില്‍ നിന്ന് ലഭിച്ച പിന്തുണക്ക് നന്ദി അറിയിക്കാനായി ഇന്ത്യയില്‍ സൗഹൃദ മത്സരം കളിക്കാന്‍ അര്‍ജന്‍റീന ഫുട്ബോള്‍ അസോസിയേഷന്‍ താല്‍പര്യം അറിയിച്ചിരുന്നെങ്കിലും ഭീമമായ ചെലവ് താങ്ങാനാകില്ലെന്നും സ്പോണ്‍സര്‍മാരെ കണ്ടെത്താനായില്ലെന്നും വ്യക്തമാക്കി അഖിലേന്ത്യാ ഫുട്ബോള്‍ ഫെഡറേഷന്‍ ഇത് നിരസിച്ചിരുന്നു.

ഇത് കേരളത്തിലെ ഫുട്ബാൾ പ്രേമികളിൽ പ്രത്യേകിച്ചും അര്‍ജന്‍റീന ആരാധകരിൽ സൃഷ്ടിച്ച നിരാശയാണ് മെസിയെയും സംഘത്തെയും കേരളത്തിലേക്ക് ക്ഷണിക്കാൻ പ്രേരണയായതെന്ന് വി അബ്ദുള്‍ റഹിമാന്‍ ഇന്നലെ ഫേസ്ബുക് പോസ്റ്റില്‍ വ്യക്തമാക്കിയിരുന്നു.

അർജന്‍റീന ദേശീയ ഫുട്ബോള്‍ ടീമിന്‍റെ ഇന്‍റർനാഷണൽ റിലേഷൻസ് ഹെഡ് പാബ്ലോ ഡയസ് സംസ്ഥാന കായിക വകുപ്പ് സെക്രട്ടറി പ്രണബ് ജ്യോതിനാഥ് ഐ എ എസ് കെ എഫ് എ സംസ്ഥാന പ്രസിഡന്‍റ് നവാസ് മീരാൻ അടക്കമുള്ള  പ്രതിനിധികൾ പങ്കെടുത്ത ചര്‍ച്ചയിലാണ് കേരളത്തിലെ ഫുട്ബോള്‍ ആരാധകരെ ആവേശത്തിലാഴ്ത്തുന്ന തീരുമാനമുണ്ടായത്.

The post ‘മെസി കേരളത്തിൽ’, മലപ്പുറത്ത് കളിക്കാന്‍ ലയണൽ മെസി വരും appeared first on Starvision News Malayalam.

റിയാദ്: 160 ദശലക്ഷം യൂറോയക്ക് സൗദി അറേബ്യ ക്ലബ് അല്‍ ഹിലാലില്‍ ചേര്‍ന്ന നെയ്മറിൻറെ അരങ്ങേറ്റം വൈകും. പരിക്കാണ് ഇത്തവണയും വഴി മുടക്കിയതെന്നാണ് റിപ്പോര്‍ട്ട്. സെപ്റ്റംബര്‍ പകുതി വരെ താരത്തിനു വിശ്രമം വേണമെന്നു അല്‍ ഹിലാല്‍ പരിശീലകന്‍ ജോര്‍ജ് ജീസസ് വ്യക്തമാക്കി.

ടീമിന്റെ അടുത്ത മത്സരങ്ങളില്‍ നെയ്മര്‍ കളിക്കില്ലെന്നു പരിശീലകന്‍ വെളിപ്പെടുത്തി. രണ്ട് വര്‍ഷ കരാറില്‍ കഴിഞ്ഞ ദിവസമാണ് താരം അല്‍ ഹിലാലില്‍ ചേര്‍ന്നത്. ഫ്രഞ്ച് ചാമ്പ്യന്‍മാരായ പിഎസ്ജിയില്‍ നിന്നാണ് താരം അല്‍ ഹാലിലേക്ക് ചേക്കേറിയത്.

സര്‍ഗാത്മക കളിക്കാരനാണ് നെയ്മര്‍. തീര്‍ച്ചയായും അദ്ദേഹം ടീമിലെത്തുന്നത് ഞങ്ങള്‍ക്ക് കരുത്താണ്. എന്നാല്‍ നെയ്മറെ നേരിയ തോതില്‍ പരിക്ക് അലട്ടുന്നുണ്ട്. എപ്പോള്‍ തിരിച്ചെത്താന്‍ സാധിക്കുമെന്നു ഇപ്പോള്‍ പറയാന്‍ കഴിയില്ല. എങ്കിലും സെപ്റ്റംബര്‍ പകുതിയോടെ അദ്ദേഹം ടീമിനൊപ്പം ചേരുമെന്നാണ് പ്രതീക്ഷിക്കുന്നത്- ജോര്‍ജ് ജീസസ് പറഞ്ഞു.

The post നെയ്മറുടെ അല്‍ ഹിലാല്‍ അരങ്ങേറ്റം വൈകും appeared first on Starvision News Malayalam.