മനാമ: ബഹ്‌റൈനിൽ നിയമതടസങ്ങൾ മൂലം മുൻപ് നാട്ടിലേക്ക് പോകാൻ കഴിയാതിരുന്ന തിരുവനന്തപുരം നെയ്യാറ്റിൻകര സ്വദേശിക്ക് തടസം നീക്കിയതിനെത്തുടർന്ന് അനന്തപുരി അസോസിയേഷൻ വിമാനടിക്കറ്റ് നൽകി സഹായിച്ചു.

അനന്തപുരി അസോസിയേഷൻ പ്രസിഡന്റ് ദിലീപ്കുമാർ, ജനറൽ സെക്രട്ടറി സന്തോഷ് ബാബു, സുധീർ തിരുനിലത്ത് എന്നിവർ ചേർന്ന് ടിക്കറ്റ് കൈമാറി . വൈസ് പ്രസിഡന്റ് മഹേഷ് വിശ്വനാഥൻ സഹായപ്രവർത്തനങ്ങൾ ഏകികരിച്ചു. ചടങ്ങിൽ മറ്റു എക്സിക്യൂട്ടീവ് കമ്മറ്റി അംഗങ്ങളുടെ സഹായവും സാന്നിധ്യവും ഉണ്ടായിരുന്നു. വരും നാളുകളിൽ അനന്തപുരി അസോസിയേഷൻ ജീവകാരുണ്യ പ്രവർത്തനങ്ങൾക്കു കൂടുതൽ ഊന്നൽ നൽകുമെന്നു കമ്മറ്റി അറിയിച്ചു.

The post അനന്തപുരി അസോസിയേഷൻ വിമാന ടിക്കറ്റ് നൽകി appeared first on Starvision News Malayalam.

കോഴിക്കോട്: കരിപ്പൂരില്‍ നിന്നുള്ള ഹജ്ജ് യാത്ര കൂലി കുറയും. ഇക്കാര്യത്തില്‍ കേന്ദ്രം ഉറപ്പ് നല്‍കിയെന്ന് മന്ത്രി വി അബ്ദു റഹ്മാന്‍ വ്യക്തമാക്കി. വിമാന യാത്ര നിരക്കില്‍ തീരുമാനം എടുത്തത് കേന്ദ്രം ആണെന്നും ലീഗ് നേതാക്കള്‍ കാര്യം അറിയാതെ സംസ്ഥാന സര്‍ക്കാരിനെ പഴിക്കുകയാണെന്നും മന്ത്രി അഭിപ്രായപ്പെട്ടു.

കേരളത്തിലെയും രാജ്യത്തെ മറ്റു ഭാഗങ്ങളിലെയും എംബാര്‍ക്കേഷന്‍ പോയന്റുകളില്‍ നിന്ന് വ്യത്യസ്തമായി കരിപ്പൂരില്‍ നിന്നുള്ള ഹജ്ജ് യാത്രക്കാരോട് അധികൃതരുടെ ഭാഗത്തുനിന്ന് ക്രൂരമായ വിവേചനവും വിമാന ടിക്കറ്റ് ചാര്‍ജ്ജിലുള്ള ഭീമമായ അന്തരവും വിശദമായി മന്ത്രിയുടെ ശ്രദ്ധയില്‍പ്പെടുത്തിയെന്നും മുസ്ലിം ലീഗ് എം പിമാര്‍ വിവരിച്ചു. ഹജ്ജ് യാത്രക്കാരായ തീര്‍ത്ഥാടകരോട് ഈ രീതിയിലുള്ള ചൂഷണം ഒരു നിലയിലും നീതീകരിക്കാന്‍ കഴിയില്ല. വേഗത്തില്‍ ഇടപെടല്‍ നടത്തി പരിഹരിക്കാനുള്ള നടപടിയുണ്ടാകണമെന്ന് മന്ത്രിയോട് ആവശ്യപ്പെട്ടതായും അവര്‍ പറഞ്ഞു.

നേരത്തെ തന്നെ കരിപ്പൂരില്‍ നിന്ന് ഹജ്ജിന് പോകുന്ന യാത്രക്കാരുടെ വിമാന ടിക്കറ്റ് ചാര്‍ജില്‍ ഇളവ് നല്‍കുമെന്ന് കേന്ദ്ര ഹജ്ജ് കാര്യ വകുപ്പ് മന്ത്രി ഉറപ്പ് നല്‍കിയെന്ന് മുസ്ലിം ലീഗ് എം പിമാര്‍ അറിയിച്ചിരുന്നു. കരിപ്പൂരില്‍ നിന്ന് ഹജ്ജിന് പോകുന്ന യാത്രക്കാരോട് കാട്ടുന്ന കടുത്ത വിവേചനം പരിഹരിക്കാനും നീതിപുലര്‍ത്താനും അടിയന്തരമായി ഇടപെടണമെന്നാവശ്യപ്പെട്ട് മുസ്ലിം ലീഗ് ലോക്‌സഭാംഗങ്ങളായ ഇ ടി മുഹമ്മദ് ബഷീര്‍, ഡോ. എം പി അബ്ദുസ്സമദ് സമദാനി എന്നിവരും രാജ്യസഭാംഗമായ പി വി അബ്ദുള്‍ വഹാബും ന്യൂനപക്ഷ – ഹജ്ജ്കാര്യ മന്ത്രി സ്മൃതി ഇറാനിയെ കണ്ട് നിവേദനം നല്‍കിയിരുന്നെന്നും മുസ്ലിം ലീഗ് നേതാക്കള്‍ അറിയിച്ചു.

The post കരിപ്പൂരില്‍ നിന്നുള്ള ഹജ്ജ് യാത്ര കൂലി കുറയുമെന്ന് കേന്ദ്രം ഉറപ്പ് നല്‍കിയതായി മന്ത്രി വി അബ്ദു റഹ്മാന്‍ appeared first on Starvision News Malayalam.

മുംബൈ

സാധാരണയായി, ഏവിയേഷൻ ടർബൈൻ ഇന്ധനത്തിന്റെ വില എല്ലാ മാസവും 1, 16 തീയതികളിൽ പരിഷ്കരിക്കുന്നു. രണ്ടാഴ്ചയ്ക്കുള്ളിൽ അന്താരാഷ്ട്ര എണ്ണ വിലയുടെ നിരക്കിന്റെ അടിസ്ഥാനത്തിലാണ് ഇന്ധന വില പരിഷ്കരിക്കുന്നത്. മുംബൈയിൽ ഒരു കിലോലിറ്റർ ഏവിയേഷൻ ടർബൈൻ ഇന്ധനത്തിന്റെ വില 1,20,875.86 രൂപയാണ്. കൊൽക്കത്തയിൽ 1,26,516.29 എന്ന നിരക്കിലാണ് എടിഎഫ് ലഭ്യമാവുക. അന്താരാഷ്ട്ര വിപണിയിൽ എണ്ണ വിലയിലുണ്ടായ ഇടിവ് കണക്കിലെടുത്താണ് വ്യോമയാന ഇന്ധന വില കുറച്ചത്.

ഈ വർഷം ഇത് മൂന്നാം തവണയാണ് നിരക്ക് കുറയുന്നത്. ജൂണിൽ കിലോലിറ്ററിൻ 141,232.87 രൂപയായിരുന്നു വില. ഈ വർഷം തുടക്കം മുതൽ 11 തവണയാണ് നിരക്ക് വർധിപ്പിച്ചത്. ഒരു എയർലൈനിന്റെ പ്രവർത്തന ചെലവിന്റെ 40 ശതമാനം ജെറ്റ് ഇന്ധനമായതിനാൽ, വില വർദ്ധനവും വിമാനത്തിന്റെ ചെലവ് വർദ്ധിപ്പിക്കും. നിലവിലെ മാറ്റത്തിന്റെ പശ്ചാത്തലത്തിൽ വിമാന ടിക്കറ്റ് നിരക്ക് കുത്തനെ കുറയുമെന്നാണ് സൂചന.

The post ജെറ്റ് ഇന്ധന വില 12% കുറഞ്ഞു; വിമാന ടിക്കറ്റ് നിരക്കിൽ കുറവുണ്ടാകും appeared first on Starvision News Malayalam.