മനാമ: സെന്റ് മേരീസ് ഇന്ത്യൻ ഓർത്തഡോക്സ് കത്തീഡ്രലിൽ കഴിഞ്ഞ മൂന്ന് വർഷക്കാലമായി സേവനമനുഷ്ഠിച്ച ഫാ. ജേക്കബ് തോമസ് അച്ചന് സ്നേഹപൂർവ്വമായ യാത്രയയപ്പ് നൽകി. യാത്രയയപ്പ് സമ്മേളനത്തിൽ അസിസ്റ്റന്റ് വികാരി റവ. ഫാ. തോമസ്‌കുട്ടി അധ്യക്ഷത വഹിച്ചു. ഇന്ത്യൻ അംബാസഡർ വിനോദ് ജേക്കബ് ‘കെ.സി.ഇ.സി പ്രസിഡന്റ് റവ. ഫാ. സ്ലീബ പോൾ വട്ടവേലിൽ കോർഎപ്പിസ്കോപ്പ, ഇടവക സീനിയർ മെമ്പർ സോമൻ ബേബി, മുൻ സെക്രട്ടറിമാരായ ജേക്കബി പി. മാത്യു, എം. എം. മാത്യു, ബിനു എം. ഈപ്പൻ എന്നിവർ ആശംസകൾ അർപ്പിച്ചു.

മറുപടി പ്രസംഗത്തിൽ ഫാ. ജേക്കബ് തോമസ് അച്ചൻ, തന്റെ ശുശ്രൂഷാ കാലയളവിൽ ഇടവകാംഗങ്ങളിൽ നിന്നും ലഭിച്ച സ്നേഹത്തിനും സഹകരണത്തിനും പിന്തുണയ്ക്കും ഹൃദയം നിറഞ്ഞ നന്ദി രേഖപ്പെടുത്തി. ചടങ്ങിൽ സഹധർമ്മിണി മെറിൻ പ്രീത്ത ജേക്കബും കുടുംബാംഗങ്ങളും സന്നിഹിതരായിരുന്നു. ഇടവക മുൻ ട്രസ്റ്റിമാരായ ജിസൺ ജോർജ്, സജി ജോർജ് എന്നിവർ ചടങ്ങിൽ പങ്കെടുത്തു. ഇടവക ട്രസ്റ്റി കെ. പി. ജോൺ സ്വാഗതം ആശംസിക്കുകയും ഇടവക സെക്രട്ടറി എബി കുരുവിള നന്ദി രേഖപ്പെടുത്തുകയും ചെയ്തു. ഫാ. ജേക്കബ് തോമസ് അച്ചന്റെ ആത്മാർത്ഥമായ ശുശ്രൂഷകൾക്കും കത്തീഡ്രലിന്റെ ആത്മീയവും സാമൂഹികവുമായ വളർച്ചയ്ക്കായി നൽകിയ വിലപ്പെട്ട സംഭാവനകൾക്കും യോഗം പ്രത്യേകം നന്ദി രേഖപ്പെടുത്തി.

The post സെന്റ് മേരീസ് ഇന്ത്യൻ ഓർത്തഡോക്സ് കത്തീഡ്രൽ ഫാ. ജേക്കബ് തോമസ് അച്ചന് യാത്രയയപ്പ് നൽകി appeared first on Starvision News Malayalam.

മനാമ: ബഹ്‌റൈനിൽ 40 വർഷത്തെ ദീർഘകാല പ്രവാസ ജീവിതം അവസാനിപ്പിച്ചു നാട്ടിലെക്ക്‌ മടങ്ങുന്ന വില്ല്യാപ്പള്ളി മുസ്ലിം ജമാഅത് പ്രസിഡന്റും കെഎംസിസി മുൻ സംസ്ഥാന സെക്രെട്ടറിയും ബഹ്‌റൈനിലെ സജീവ സാമൂഹിക പ്രവർത്തകനുമായ ശരീഫ് വില്ല്യാപ്പള്ളിക്ക് വില്ല്യാപ്പള്ളി മുസ്ലിം ജമാഅത് ബഹ്‌റൈൻ ചാപ്റ്റർ പ്രൌഡമായ യാത്രയപ്പ് നൽകി. മനാമ കെഎംസിസി ഹാളിൽ നടന്ന യാത്രയപ്പ് സംഗമത്തിൽ നിരവധി പേർ പങ്കെടുത്തു. എ പി ഫൈസൽ അധ്യക്ഷത വഹിച്ചു, ബഹ്‌റൈൻ കെഎംസിസി സംസ്ഥാന ആക്ടിംഗ് ജനറൽ സെക്രട്ടറി അഷ്‌റഫ്‌ കാട്ടിൽ പീടിക ഉത്ഘാടനം ചെയ്തു. നിരവധി പൊതുപ്രവർത്തങ്ങൾ നടത്തി ഏവർക്കും മാതൃകയാണ് ശരീഫ് വില്ല്യാപ്പള്ളി എന്ന് അദ്ദേഹം സൂചിപ്പിക്കുകയുണ്ടായി സാമൂഹിക ജീവ കാരുണ്യ മേഖലകളിൽ അദ്ദേഹം നൽകിയ നൽകിയ സംഭാവനകൾ ഏറെ പ്രശംസനീയമാണെന്നും അദ്ദേഹം കൂട്ടി ചേർത്തു. വി എം ജെ യുടെ മുഖ്യ രക്ഷധികാരി ഇബ്രാഹിം മൊമെന്റോ നൽകി ആദരിച്ചു.

കെഎംസിസി സംസ്ഥാന ഭാരവാഹികളായ ഷാഫി പറക്കട്ടെ, ഫൈസൽ കോട്ടപ്പള്ളി, ഫൈസൽ കണ്ടീതായ, കെഎംസിസി കോഴിക്കോട് ജില്ലാ ഭാരവാഹികളായ ഷാഫി വേളം, അഷറഫ് തൊടന്നൂർ, എൻ കെ മൂസഹാജി ഹാഷിംഹാജി തുടങ്ങിയവർ ആശംസകളർപ്പിച്ചു സംസാരിച്ചു. മജീദ് കിങ് കറക്ക്, നിസാർ തയ്യുള്ളതിൽ, അഷ്‌റഫ്‌ തയ്യിൽ, നിസാർ വീരാളി, സുബൈർ പുളിയാവ്,ഷൗക്കത്ത് കൊരങ്കണ്ടി, നസീം പേരാമ്പ്ര,അഷ്‌റഫ്‌ പേരാമ്പ്ര,മുനീർ ഒഞ്ചിയം തുടങ്ങിയവർ ചടങ്ങിൽ സന്നിഹിതരായിരുന്നു. അനസ് ഏലത്ത്, അഫ്സൽ വട്ടക്കണ്ടി, അൻഷിദ് പികെ, സാലി കെ, ബാസിത്ത് അനാറത്ത്, ജുനൈദ്, ശകീർ മിടിയേരി തുടങ്ങിയർ പരിപാടി നിയന്ത്രിച്ചു. നാട്ടിൽ നിന്നും ഹ്രിസ്വ സന്ദർശനർത്ഥം ബഹ്‌റൈനിൽ എത്തിയ പി പി ഇബ്രാഹിം ഹാജിയെ ചടങ്ങിൽ ആദരിച്ചു. വില്ല്യാപ്പള്ളി മുസ്ലിം ജമാഅത് ബഹ്‌റൈൻ ചാപ്റ്റർ ജനറൽ സെക്രട്ടറി പി.കെ. ഇസ്ഹാഖ് സ്വാഗതവും സഹീർ പറമ്പത്ത് നന്ദിയും പറഞ്ഞു.

The post വില്ല്യാപ്പള്ളി മുസ്ലിം ജമാഅത് ബഹ്‌റൈൻ ചാപ്റ്റർ പ്രസിഡന്റ് ഷരീഫ് വില്ല്യാപ്പള്ളിക്ക് യാത്രയപ്പ് നൽകി appeared first on Starvision News Malayalam.

മനാമ: ഒന്നര പതിറ്റാണ്ട് നീണ്ട പ്രവാസ ജീവിതം പൂർത്തിയാക്കി നാട്ടിലേക്ക് മടങ്ങുന്ന പ്രവാസി വെൽഫെയർ ബഹ്റൈൻ കേന്ദ്ര എക്സിക്യൂട്ടീവ് അംഗവും സാംസ്കാരിക പ്രവർത്തകനുമായ രാജീവ് നാവായിക്കുളത്തിന് പ്രവാസി വെൽഫെയർ ബഹ്റൈൻ യാത്രയയപ്പ് നൽകി. പ്രവാസി വെൽഫെയറിന്റെ രൂപീകരണ കാലം മുതൽ കേന്ദ്ര എക്സിക്യൂട്ടീവ് അംഗമായി പ്രവർത്തിച്ചുവരുന്ന രാജീവ് നാവായിക്കുളം കവിയും നാടക രചയിതാവുമാണ്. കഴിഞ്ഞ 15 വർഷമായി ബഹ്റൈനിലെ സാമൂഹിക-സാംസ്കാരിക-സേവന മേഖലകളിൽ അദ്ദേഹം സജീവ സാന്നിധ്യമായിരുന്നു. രാജീവിന്റെ നിസ്വാർത്ഥ സേവനങ്ങളെ അഭിനന്ദിച്ച് സംഘടിപ്പിച്ച യാത്രയയപ്പ് ചടങ്ങ് സൗഹൃദത്തിന്റെയും സാഹോദര്യത്തിൻ്റെയും സ്നേഹത്തിന്റെയും നിമിഷങ്ങളാൽ ധന്യമായിരുന്നു. പ്രവാസ ലോകത്തെ അദ്ദേഹത്തിന്റെ ക്രിയാത്മക ഇടപെടലുകൾ മാതൃകാപരമാണെന്ന് ചടങ്ങിൽ പങ്കെടുത്തവർ അഭിപ്രായപ്പെട്ടു.

പ്രവാസി വെൽഫെയർ ജനറൽ സെക്രട്ടറി ആഷിഖ് എരുമേലി സ്വാഗതം ആശംസിച്ച പരിപാടിയിൽ പ്രസിഡന്റ് മജീദ് തണൽ അധ്യക്ഷത വഹിച്ചു. ബദറുദ്ദീൻ പൂവാർ, മുഹമ്മദലി സി.എം, ഷരീഫ് കായണ്ണ, ഇർഷാദ് കോട്ടയം, ഷാഹുൽ ഹമീദ് വെന്നിയൂർ, ലത്തീഫ് കടമേരി, അക്ബർ ഷാ, അഡ്വ. ഷഫ്ന തയ്യിബ്, സാജിർ ഇരിക്കൂർ, മൊയ്തു തിരുവള്ളൂർ, അനസ് കാഞ്ഞിരപ്പള്ളി, സഞ്ജു സാനു, അബ്ദുല്ല കുറ്റ്യാടി, ജിജി മുജീബ്, സബീന ഖാദർ, സുമയ്യ ഇർഷാദ് എന്നിവർ ആശംസകൾ നേർന്ന് സംസാരിച്ചു. മറുപടി പ്രസംഗത്തിൽ രാജീവ് നാവായിക്കുളം തന്റെ പ്രവാസകാല അനുഭവങ്ങളും സംഘടനയോടും സഹപ്രവർത്തകരോടുമുള്ള നന്ദിയും പങ്കുവെച്ചു.

The post രാജീവ് നാവായിക്കുളത്തിന് പ്രവാസി വെൽഫെയർ ബഹ്റൈൻ യാത്രയപ്പ് നൽകി appeared first on Starvision News Malayalam.

മനാമ:  ഇന്ത്യൻ സ്കൂൾ പന്ത്രണ്ടാം ക്ലാസ് വിദ്യാർത്ഥികൾക്ക്  നിറപ്പകിട്ടാർന്ന ഫെയർവെൽ സംഘടിപ്പിച്ചു. ഇന്ത്യൻ സ്‌കൂളിലെ  അവരുടെ ദീർഘവും അവിസ്മരണീയവുമായ യാത്രയുടെ പരിസമാപ്തിയെ അടയാളപ്പെടുത്തുന്നതായിരുന്നു ഈ ഫെയർവെൽ. 

 ആദരിക്കപ്പെടുന്ന വിദ്യാർത്ഥികളിൽ പലരും ഐ‌എസ്‌ബിയിൽ ഏകദേശം പതിനാല് വർഷത്തെ സ്കൂൾ വിദ്യാഭ്യാസം പൂർത്തിയാക്കിയവരായിരുന്നു. ‘ഓറിയ 2026’ എന്ന് ഉചിതമായി പേരിട്ട  ഈ പരിപാടി സ്കൂളിലെ അവരുടെ സുവർണ്ണ വർഷങ്ങളുടെ ആഘോഷത്തെ പ്രതീകപ്പെടുത്തുന്നതായിരുന്നു.  

സ്‌കൂൾ  ചെയർമാൻ അഡ്വ. ബിനു മണ്ണിൽ വറുഗീസ്,  പ്രിൻസിപ്പൽ വി.ആർ പളനിസ്വാമി, സീനിയർ സ്കൂൾ അക്കാദമിക് അഡ്മിനിസ്ട്രേഷൻ വൈസ് പ്രിൻസിപ്പൽ ജി. സതീഷ്, സീനിയർ സെക്ഷൻ ഹെഡ് ടീച്ചർ റെജി വർഗീസ്, സ്റ്റാഫ് പ്രതിനിധി പാർവതി ദേവദാസ്, മറ്റ് ഫാക്കൽറ്റി അംഗങ്ങൾ എന്നിവർ സന്നിഹിതരായിരുന്നു. ദേശീയ ഗാനത്തോടെയാണ്  ചടങ്ങ് ആരംഭിച്ചത്. തുടർന്ന് മുഹമ്മദ് അർഫാൻ വിശുദ്ധ ഖുർആൻ  പാരായണം ചെയ്തു. തുടർന്ന് വിദ്യാർത്ഥികൾ സ്കൂൾ പ്രാർത്ഥന ആലപിച്ചു. തന്റെ പ്രസംഗത്തിൽ, സ്‌കൂൾ  ചെയർമാൻ അഡ്വ. ബിനു മണ്ണിൽ വറുഗീസ് വിദ്യാർത്ഥികളെ അഭിനന്ദിക്കുകയും അവരുടെ ഭാവി പരിശ്രമങ്ങളിൽ വിജയം ആശംസിക്കുകയും ചെയ്തു.

പ്ലാറ്റിനം ജൂബിലി വർഷത്തിൽ സ്കൂളിൽ പഠിച്ച ബാച്ചിൽ പെട്ടവരായിരുന്നു ഈ വിദ്യാർത്ഥികൾ എന്നും അതിനാൽ അവരെ ‘പ്ലാറ്റിനം ജൂബിലി ബാച്ച്’ എന്ന് വിശേഷിപ്പിച്ചുവെന്നും അദ്ദേഹം ചൂണ്ടിക്കാട്ടി. സ്കൂൾ പകർന്നുനൽകിയ മൂല്യങ്ങളും അച്ചടക്കവും മുന്നോട്ട് കൊണ്ടുപോകാൻ അദ്ദേഹം അവരെ പ്രോത്സാഹിപ്പിച്ചു. അസി. ഹെഡ് ഗേൾ അൻവിത വി.വി  സ്വാഗതം പറഞ്ഞു.  ആഘോഷത്തിന് മധുരമേകി  ഹെഡ് ബോയ് ജോയൽ ജോർജ് ജോഗിയും ഹെഡ് ഗേൾ മീനാക്ഷി മധു ദീപ്തിയും കേക്ക് മുറിച്ചു.

വിടവാങ്ങൽ പ്രസംഗത്തിൽ അവർ  അവരുടെ സ്വഭാവം, മൂല്യങ്ങൾ, അഭിലാഷങ്ങൾ എന്നിവ രൂപപ്പെടുത്തുന്നതിൽ സ്‌കൂൾ വഹിച്ച നിർണായക പങ്കിന്  ഹൃദയംഗമമായ നന്ദി പ്രകടിപ്പിച്ചു. വിദ്യാർത്ഥികൾ ഊർജസ്വലമായ പാശ്ചാത്യ ബാൻഡ് പ്രകടനവും  സിനിമാറ്റിക് നൃത്ത പരമ്പരയും അവതരിപ്പിച്ചു.

വിദ്യാർത്ഥികളുടെ കഴിവുകളെ അംഗീകരിക്കുന്നതിനായി മികച്ച കലാകാരൻ, മികച്ച സംഗീതജ്ഞൻ തുടങ്ങിയ പ്രത്യേക അവാർഡുകൾ സമ്മാനിച്ചു. വിദ്യാർത്ഥികൾ അവരുടെ അധ്യാപകരുടെ ബാല്യകാല ഫോട്ടോഗ്രാഫുകൾ തിരിച്ചറിയുകയും ഗൃഹാതുര സ്പർശം നൽകുകയും ചെയ്യുന്ന ഒരു രസകരമായ സംവേദനാത്മക ഗെയിം ഏവരെയും ആകർഷിച്ചു.  

പരിപാടിയുടെ ഒരു പ്രധാന ആകർഷണം വിദ്യാർത്ഥികൾ തന്നെ  ചിത്രീകരിച്ച്, എഡിറ്റ് ചെയ്ത ഒരു വിടവാങ്ങൽ വീഡിയോ ആയിരുന്നു. അസി. ഹെഡ് ബോയ് ആരോൺ ജോഷ് തോമസ് നന്ദി പറഞ്ഞു. 11-ാം ക്ലാസ് വിദ്യാർത്ഥികളായ ജോയൽ ഷൈജു, ഇവാന റേച്ചൽ ബിനു, ഇഷിത, ശ്രാവണ, ആര്യൻ, യാസ്മിൻ, റിവ, അഭിനവ്, ഇഷാൻ എന്നിവർ പരിപാടിയുടെ അവതാരകരായിരുന്നു.  

The post പന്ത്രണ്ടാം ക്ലാസ് വിദ്യാർത്ഥികൾക്ക് ഇന്ത്യൻ സ്കൂൾ ഫെയർവെൽ സംഘടിപ്പിച്ചു  appeared first on Starvision News Malayalam.

മനാമ: ദീർഘകാലത്തെ പ്രവാസ ജീവിതത്തിനു ശേഷം നാട്ടിലേക്കു മടങ്ങുന്ന ബഹ്‌റൈൻ സെൻറ് പീറ്റേഴ്‌സ് യാക്കോബായ പള്ളി ഇടവക അംഗങ്ങളായ അച്ചൻകുഞ്ഞ് വി. ജെ, ഭാര്യ ഉഷ അച്ചൻകുഞ്ഞിനും, മാണി മാത്യു, ഭാര്യ ജോജി സൂസൻ മാണിക്കും ഇടവക അംഗങ്ങളുടെ കൂട്ടായ്മയായ ഫ്രെണ്ട്സ് ഓഫ് സെന്റ്. പീറ്റേഴ്‌സിൻറെ ആഭിമുഖ്യത്തിൽ സൽമാനിയയിലെ ഇന്ത്യൻ ഡിലൈറ്റ് റെസ്റ്റോറന്റിൽ വെച്ച് യാത്രയയപ്പു നൽകി. ഇടവക വികാരി വെരി റവറന്റ് സ്ലീബാ പോൾ വട്ടവേലിൽ കോറെപ്പിസ്കോപ്പ, സഭ മാനേജിങ് കമ്മറ്റി അംഗം ഷാജ് ബാബു, മറ്റു ഇടവക ഭാരവാഹികളും നൂറോളം ഇടവക അംഗങ്ങളും പങ്കെടുത്തു.

മനാമ: ദീർഘകാലത്തെ പ്രവാസ ജീവിതത്തിനു ശേഷം നാട്ടിലേക്കു മടങ്ങുന്ന ബഹ്‌റൈൻ സെൻറ് പീറ്റേഴ്‌സ് യാക്കോബായ പള്ളി ഇടവക അംഗങ്ങളായ അച്ചൻകുഞ്ഞ് വി. ജെ, ഭാര്യ ഉഷ അച്ചൻകുഞ്ഞിനും, മാണി മാത്യു, ഭാര്യ ജോജി സൂസൻ മാണിക്കും ഇടവക അംഗങ്ങളുടെ കൂട്ടായ്മയായ ഫ്രെണ്ട്സ് ഓഫ് സെന്റ്. പീറ്റേഴ്‌സിൻറെ ആഭിമുഖ്യത്തിൽ സൽമാനിയയിലെ ഇന്ത്യൻ ഡിലൈറ്റ് റെസ്റ്റോറന്റിൽ വെച്ച് യാത്രയയപ്പു നൽകി. ഇടവക വികാരി വെരി റവറന്റ് സ്ലീബാ പോൾ വട്ടവേലിൽ കോറെപ്പിസ്കോപ്പ, സഭ മാനേജിങ് കമ്മറ്റി അംഗം ഷാജ് ബാബു, മറ്റു ഇടവക ഭാരവാഹികളും നൂറോളം ഇടവക അംഗങ്ങളും പങ്കെടുത്തു.

The post ഫ്രണ്ട്‌സ് ഓഫ് സെൻറ് പീറ്റേഴ്‌സ് യാത്രയയപ്പു നൽകി appeared first on Starvision News Malayalam.

മനാമ: 30 വർഷത്തെ ബഹ്‌റൈൻ പ്രവാസ ജീവിതം മതിയാക്കി നാട്ടിലേക്കു മടങ്ങുന്ന ഷിബു എബ്രഹാമിന് സീറോ മലബാർ സൊസൈറ്റി യാത്രയയപ്പു നൽകി.
സൽമാനിയ സിംസ് ഓഫീസിൽ സംഘടിപ്പിച്ച യാത്രയപ്പ് ചടങ്ങിൽ സിംസ് പ്രസിഡന്റ് ഷാജൻ സെബാസ്റ്യൻ അധ്യക്ഷത വഹിച്ചു. ജനറൽ സെക്രട്ടറി സബിൻ കുര്യാക്കോസ് സ്വാഗതവും വൈസ് പ്രസിഡന്റ് ജീവൻ ചാക്കോ നന്ദിയും പറഞ്ഞു.

2011-12 കാലഘട്ടത്തിൽ സിംസ് ട്രെഷറർ ആയി പ്രവർത്തിച്ച ഷിബുവിന്റെ സംഭാവനകൾക്ക് ചടങ്ങിൽ പങ്കെടുത്തവർ നന്ദി രേഖപ്പെടുത്തുകയും അദ്ദേഹത്തിന്റെ ഭാവി പ്രവർത്തങ്ങൾക്ക് ആശംസ അറിയിക്കുകയും ചെയ്തു.
സീറോ മലബാർ സൊസൈറ്റിയുടെ ഉപഹാരം ചടങ്ങിൽ വെച്ച് ഷിബു എബ്രഹാമിന് കൈമാറി. സിംസ് എക്സിക്യൂട്ടീവ് അംഗങ്ങളായ സിജോ ആന്റണി, ജെയ്‌മി തെറ്റയിൽ, രതീഷ് സെബാസ്റ്റ്യൻ എന്നിവർക്കൊപ്പം മുൻഭാരവാഹികളും സീനിയർ അംഗങ്ങളും ചടങ്ങിൽ പങ്കെടുത്തു.

The post ഷിബു എബ്രഹാമിന് സിംസ് യാത്രയയപ്പു നൽകി appeared first on Starvision News Malayalam.

ഗുദൈബിയ മന്നാഇ ഹാളിൽ സംഘടിപ്പിച്ച പരിപാടിയിൽ സെന്റർ പ്രസിഡണ്ട് ഹംസ അമേത്ത് അധ്യക്ഷത വഹിച്ചു.

ജനറൽ സെക്രട്ടറി എം. എം. രിസാലുദ്ദീൻ സ്വാഗതം പറഞ്ഞ ചടങ്ങിൽ യാഖൂബ് ഈസ്സ, അബ്ദുൽ അസീസ് ടി.പി., ഹംസ കെ. ഹമദ്, സമീർ ഫാറൂഖി, ദിൽഷാദ് മുഹറഖ്, മുജീബ് മാഹി, എം.പി. സക്കീർ ഹുസൈൻ, മജീദ് പട്ള, റഷീദ് മാഹി, എന്നിവർ ആശംസകൾ അർപ്പിച്ചു സംസാരിച്ചു.

അൽ മന്നാഇ സെന്റർ സൽമാനിയ യുണിറ്റ് അംഗമായിരുന്ന അദ്ദേഹത്തിന്റെ നിശബ്ദ സേവനം തികച്ചും മാതൃകാപരവും സെന്ററിന്റെ പ്രവർത്തനങ്ങൾക്ക് സഹായകരവുമായിരുന്നു എന്ന് ആശംസകർ ഓർമ്മിച്ചു.

അഷ്‌റഫിന്റെ മറുപടി പ്രസംഗത്തിന് ശേഷം ബിനു ഇസ്മയിലിന്റെ നന്ദിയോടെ യോഗം അവസാനിച്ചു.

The post അൽ മന്നാഇ സെന്റർ യാത്രയയപ്പ് നൽകി appeared first on Starvision News Malayalam.

മനാമ: ബഹ്‌റൈൻ മാർത്തോമ്മാ ഇടവകയുടെ ഇരുപതാമത് വികാരിയായി മൂന്നുവർഷം സേവനം അനുഷ്ഠിച്ച റവ. ഡേവിഡ് വർഗീസ് ടൈറ്റസിനും കുടുംബത്തിനും ഇടവക യാത്രയയപ്പ് നൽകി. മാർത്തോമാ കോംപ്ലക്സിൽ ഇടവക സഹ വികാരി റവ.ബിബിൻസ് മാത്യൂസ് ഓമനാലിയുടെ അധ്യക്ഷതയിൽ കൂടിയ യോഗത്തിൽ ഇടവക വൈസ് പ്രസിഡന്റ് ജോൺസൺ ടി തോമസ് സ്വാഗതം പറഞ്ഞു. ഇടവക ട്രസ്റ്റി മാരായ എബ്രഹാം തോമസ് ബിജു കുഞ്ഞച്ചൻ എന്നിവർ ആശംസകൾ അറിയിക്കുകയും ഇടവകയുടെ ഉപഹാരം കൈമാറുകയും ചെയ്തു. ഇടവക അൽമായ ശുശ്രൂഷകരായ റിബു ബേബി മാത്യു, മെൽവിൻ തോമസ് ജോൺ എന്നിവരും പങ്കെടുത്ത യോഗത്തിൽ സെക്രട്ടറി ഷെറി മാത്യൂസ് നന്ദി അറിയിച്ചു. സുനിൽ ജോൺ, ചാക്കോ പി മത്തായി എന്നിവർ പ്രാർത്ഥനയ്ക്ക് നേതൃത്വം നൽകി.

The post ബഹ്‌റൈൻ മാർത്തോമ്മാ ഇടവക വികാരിക്ക് യാത്രയയപ്പ് നൽകി appeared first on Starvision News Malayalam.

മനാമ : ഐ വൈ സി സി ഹമദ് ടൗൺ ഏരിയ മുൻ പ്രസിഡന്റും, ആർട്സ് വിംഗ് കൺവീനറും ദീർഘകാലം എക്സിക്യൂട്ടീവ് കമ്മറ്റി അംഗവുമായിരുന്ന ജോൺസൺ കൊച്ചിക്ക് യാത്രയയപ്പ് നൽകി. കെ സിറ്റി ബിസിനസ്‌ സെന്ററിൽ വെച്ച് ചേർന്ന യോഗത്തിൽ ദേശീയ പ്രസിഡന്റ് ഫാസിൽ വട്ടോളി, സെക്രട്ടറി അലൻ ഐസക് ട്രഷറർ നിധീഷ് ചന്ദ്രൻ എന്നിവർ സംസാരിച്ചു. സംഘടയുടെ പേരിലുള്ള ഉപഹാരം ദേശീയ പ്രസിഡന്റ് ഫാസിൽ വട്ടോളി കൈമാറി.ജോൺസൺ സംഘടനയ്ക്ക് ഒരു മുതൽകൂട്ടായിരുന്നു എന്നും,നാട്ടിലും കോൺഗ്രസ്‌ പാർട്ടിക്കും, സമൂഹത്തിനും ഗുണകരമാകുന്ന രീതിയിൽ പ്രവർത്തിക്കുവാൻ സാധിക്കട്ടെ എന്നും യോഗത്തിൽ പങ്കെടുത്ത് സംസാ രിച്ചവർ ആശംസിച്ചു.

The post ഐ വൈ സി സി ബഹ്‌റൈൻ ജോൺസൺ കൊച്ചിക്ക് യാത്രയയപ്പ് നൽകി appeared first on Starvision News Malayalam.

വോയ്‌സ് ഓഫ് ആലപ്പിയുടെ കലാ സാംസ്കാരിക സാമൂഹിക പ്രവർത്തന രംഗത്ത് ബാലമുരളി കൃഷ്ണൻ നിറ സാന്നിധ്യമായിരുന്നു. വോയ്‌സ് ഓഫ് ആലപ്പി പ്രസിഡന്റ്‌ സിബിൻ സലീമും ജനറൽ സെക്രട്ടറി ധനേഷ് മുരളിയും ചേർന്ന് ബാലമുരളി കൃഷ്ണന് സ്നേഹോപഹാരം സമ്മാനിച്ചു, തുടർന്ന് എല്ലാ ഏരിയാകമ്മിറ്റി ഭാരവാഹികളും സംഘടനയുടെ പ്രധാന അംഗങ്ങളും അദ്ദേഹത്തിന് ആശംസകൾ നേർന്ന് സംസാരിച്ചു. ഉമൽഹസ്സം വൈസ് പ്രസിഡന്റ് ടോജി തോമസ് ഏവർക്കും നന്ദി രേഖപ്പെടുത്തി.

The post ബാലമുരളിക്ക് വോയ്‌സ് ഓഫ് ആലപ്പിയുടെ യാത്രയയപ്പ് appeared first on Starvision News Malayalam.