മനാമ: മലപ്പുറം ജില്ലയിൽ നിന്ന് ബഹറൈനിൽ പ്രവാസ ജീവിതം നയിക്കുന്ന മുതിർന്ന പ്രവാസികളെ ബഹ്റൈൻ മലപ്പുറം ഡിസ്റ്റിക് ഫോറം ആദരിക്കുന്നു. ബഹറൈനിൽ 40 വർഷമോ അതിലധികമോ കാലമായി പ്രവാസ ജീവിതം നയിക്കുന്ന മലപ്പുറം ജില്ലയിൽ നിന്നുള്ളവരെയാണ് മലപ്പുറം ജില്ലക്കാരുടെ ബഹറൈനിലെ ജനകീയ കൂട്ടായ്മയായ ബഹറൈൻ മലപ്പുറം ഡിസ്ട്രിക്ട് ഫോറം ആദരിക്കുന്നത് എന്ന് രക്ഷാധികാരി ബഷീർ അമ്പലായി, പ്രസിഡൻറ് സലാം മമ്പാട്ടുമൂല, ജനറൽ സെക്രട്ടറി ഷമീർ പൊട്ടച്ചാല, ട്രഷറർ അലി അഷറഫ് തുടങ്ങിയവർ വാർത്ത കുറിപ്പിൽ അറിയിച്ചു.

The post ബഹ്റൈൻ മലപ്പുറം ഡിസ്ട്രിക്ട് ഫോറം ജില്ലയിൽനിന്നുള്ള ബഹറൈനിലെ മുതിർന്ന പ്രവാസികളെ ആദരിക്കുന്നു appeared first on Starvision News Malayalam.

മനാമ: ബഹ്റൈൻ നിവാസികളായ മലപ്പുറം ജില്ലയിൽ നിന്നുള്ള പ്രവാസികളുടെ ജനകീയ കൂട്ടായ്മയായ ബഹ്റൈൻ മലപ്പുറം ഡിസ്ട്രിക്ട് ഫോറം ലോഗോ പ്രകാശനം നടത്തി. ഉമ്മുൽ ഹസം കിംസ് ഓഡിറ്റോറിയത്തിൽ സംഘടിപ്പിച്ച പരിപാടിയിൽ കൂട്ടായ്മയുടെ രക്ഷാധികാരിയും സീനിയർ അംഗവുമായ മുഹമ്മദലി കെ.ട്ടി (ദാർ അല് ശിഫ) യാണ് ലോഗോ പ്രകാശന കർമ്മം നിർവഹിച്ചത്. കൂട്ടായ്മയുടെ രക്ഷാധികാരി ബഷീർ അമ്പലായി ബഹറൈൻ മലപ്പുറം ഡിസ്ട്രിക്ട് ഫോറത്തിന് വേണ്ടി ലോഗോ തയ്യാറാക്കിയ ഫസലുൾ ഹഖിനെ ( ഫസൽ ഭായ്) അമ്പലായി റിയൽ എസ്റ്റേറ്റ് സ്പോൺസർ ചെയ്ത സമ്മാനം നൽകി വേദിയിൽ അനുമോദിച്ചു. കൂട്ടായ്മയുടെ രക്ഷാധികാരി എൻ.കെ. മുഹമ്മദലി മലപ്പുറം ആശംസകൾ നേർന്നു സംസാരിച്ചു.

ബഹറൈനിലെ സാമൂഹിക,വിദ്യാഭ്യാസ, സാംസ്കാരിക, രംഗത്തെ പ്രമുഖർ പങ്കെടുത്ത പരിപാടിയിൽ പ്രസിഡണ്ട് സലാം മമ്പാട്ടുമൂല അധ്യക്ഷനായി.ജനറൽ സെക്രട്ടറി ഷമീർ പൊട്ടച്ചോല സ്വാഗതവും ട്രഷറർ അലി അഷറഫ് നന്ദിയും പ്രകാശിപ്പിച്ചു. ഓർഗനൈസിങ് സെക്രട്ടറി മൻഷീർ കൊണ്ടോട്ടി , മറ്റു ഭാരവാഹികളായ മുനീർ ഒരവക്കോട്ടിൽ, രാജേഷ് വി കേ, ഷബീർ മുക്കൻ, സകരിയ്യ തുടങ്ങിയവർ നേതൃത്വം നൽകി. ഭാരവാഹികളായ അഷറഫ് കുന്നത്ത് പറമ്പിൽ,ജഷീർ ചങ്ങരംകുളം, വാഹിദ് ബിയ്യത്തിൽ,റസാഖ് പൊന്നാനി,രഘുനാഥ്,ഇസ്സുദ്ദീൻ പാലത്തിങ്ങൽ, പി. മുജീബ്റഹ്മാൻ പുറത്തൂർ,മുജീബ് പൊന്നാനി, ബഷീർ തറമ്മൽ,സാജിദ് കരുളായി, ഫിറോസ് വെളിയങ്കോട്, ആബിദ് താനാളൂർ, മനു തറയത്ത്, രജീഷ് ആർ പി,ബാബു എം. കേ , മഹ്‌റൂഫ് അലി, റഷീദ്,ബക്കർ , മമ്മുകുട്ടി, ജോമോൻ, തുടങ്ങിയവർ പരിപാടികൾ നിയന്ത്രിച്ചു.

The post ബഹ്റൈൻ മലപ്പുറം ഡിസ്ട്രിക്ട് ഫോറം ലോഗോ പ്രകാശനം നടത്തി appeared first on Starvision News Malayalam.

അബുദാബി: മലയാളികൾ അടക്കമുള്ള പ്രവാസികൾക്ക് കനത്ത തിരിച്ചടിയായി അബുദാബിയിൽ സ്വദേശിവത്കരണം ശക്തമാക്കുന്നു. സായിദ് രാജ്യാന്തര വിമാനത്താവളത്തിലെ മിക്ക നിയമനങ്ങളിലും ഇപ്പോൾ സ്വദേശികളുടെ എണ്ണം വർദ്ധിക്കുകയാണ്. ഇവിടെ മലയാളികൾ അടക്കമുള്ള നിരവധി പേരാണ് ജോലി ചെയ്യുന്നത്. ഭാവിയിൽ ജോലി നഷ്ടപ്പെടുമെന്ന ആശങ്കയിലാണ് ഇവർ. കഴിഞ്ഞ വർഷം 475 സ്വദേശികളെയാണ് വിമാനത്താവളത്തിലെ വിവിധ തസ്തികകളിൽ നിയമിച്ചത്. ഇതോടെ 44.3 ശതമാനം ജീവനക്കാരും സ്വദേശികളാണ്.

സ്വദേശികളിൽ 225 പേരും വിമാനത്താവളത്തിലെ പ്രധാന തസ്തികകളിലാണ് ജോലി ചെയ്യുന്നത്. ഫീൽഡ് ജോലി, ഓപ്പറേഷൻ, ലഗേജ് എന്നീ വിഭാഗത്തിലും ഇപ്പോൾ സ്വദേശികൾ ഏറെയാണ്. പരിശീലനം പൂർത്തിയാക്കുന്ന സ്വദേശികളെ ഈ വർഷം മുതൽ സാങ്കേതിക വകുപ്പിലും നിയമിക്കും. ബിരുദം കഴിഞ്ഞതിന് ശേഷം പുറത്തിറങ്ങുന്ന ഉദ്യോഗാർത്ഥികൾക്ക് 12 മാസത്തെ പരിശീലനത്തിന് ശേഷം വിമാനത്താവളത്തിൽ നിയമനം നൽകും.

ഉദ്യോഗാർത്ഥികൾക്ക് ഏവിയേഷൻ രംഗത്ത് തൊഴിൽ പരിചയം ലഭിക്കാൻ വിമാനത്താവള വകുപ്പ് വിവിധ സർവ്വകലാശാലകളുമായി സഹകരിച്ച് പ്രവർത്തിക്കുന്നുണ്ട്. വിമാനത്താവളത്തിലെ പ്രധാനപ്പെട്ട നേതൃ തസ്തികകളിൽ എല്ലാം സ്വദേശികളെ നിയമിക്കുമെന്ന് മാനവവിഭവശേഷി വിഭാഗം അറിയിച്ചു. സ്വദേശികളെ ജോലിക്ക് എടുക്കാൻ വിമാനത്താവള അധികൃതർ എടുക്കുന്ന ശ്രമങ്ങൾ ഏറ്റവും കൂടുതൽ തിരിച്ചടിയുണ്ടാക്കുന്നത് പ്രവാസികൾക്കാണ്. വിമാനക്കമ്പനികളുടെ ചെക്ക് ഇൻ കൗണ്ടറുകളിലും ഗ്രൗണ്ട് ഹാൻഡിലിംഗ് രംഗത്തും ഒട്ടേറെ മലയാളികളാണ് ജോലി ചെയ്യുന്നത്.

The post മലയാളികൾ അടക്കമുള്ള പ്രവാസികൾക്ക് കനത്ത തിരിച്ചടി; സ്വദേശിവത്കരണം ശക്തമാക്കുന്നു appeared first on Starvision News Malayalam.

തിരുവനന്തപുരം: കേരളത്തിൽ പുതിയ സംരംഭങ്ങൾ ആരംഭിക്കാൻ ഏറ്റവും ഉചിതമായ സമയമാണിതെന്ന് വ്യവസായ വകുപ്പ് മന്ത്രി പി രാജീവ്. കഴിഞ്ഞ മൂന്ന് വർഷം കൊണ്ട് സംരംഭങ്ങളുടെ എണ്ണത്തിൽ അഭൂതപൂർണ്ണമായ വർദ്ധനവാണുണ്ടായത്. ചെറുകിട വ്യവസായങ്ങൾക്ക് നൽകുന്ന ലോണുകളിലും 38 ശതമാനം വർധനവുണ്ടായി. കെ-സ്റ്റോർ വഴി ഉൽപ്പന്നങ്ങൾ വിറ്റഴിക്കാൻ പൊതുവിതരണ വകുപ്പുമായി ധാരണയായിട്ടുണ്ടെന്നും മന്ത്രി പറഞ്ഞു.

പൂർണമായും പ്രശ്‌നരഹിതമായിരിക്കും സംരംഭങ്ങൾ എന്ന ധാരണ വേണ്ട. പക്ഷേ അവയെ മറികടക്കാനുള്ള സഹായം സർക്കാരിന്റെ ഭാഗത്തു നിന്നും ഉണ്ടാകും. വെളിച്ചെണ്ണ, പ്രാദേശിക വിഭവമായ ചക്കയുടെ ഫുഡ് പ്രോസസിംഗ് തുടങ്ങിയ മേഖലകളിൽ പുതിയ സാധ്യതകളുണ്ട്. കേരളത്തിൽ നിരവധി പുതിയ വ്യവസായ പാർക്കുകൾ ആരംഭിക്കുകയാണ്. വിഴിഞ്ഞം തുറമുഖം വലിയ സാധ്യതകൾ തുറന്നിടുന്നുണ്ട്. ഇവയൊക്കെയും സംരംഭകർ പ്രയോജനപ്പെടുത്തണം.

അവരവരുടെ പരിചിതമേഖലയ്ക്ക് അനുസരിച്ചായിരിക്കണം സംരംഭങ്ങൾ ആരംഭിക്കേണ്ടത്. എടുത്തുചാടി സംരംഭങ്ങൾ ആരംഭിക്കരുത്, അതിനാവശ്യമായ പഠനങ്ങൾ നടത്താനും തയ്യാറാകണമെന്നും മന്ത്രി കൂട്ടിച്ചേർത്തു. പ്രവാസ ജീവിതം അവസാനിപ്പിച്ച് തിരികെ നാട്ടിലെത്തിയവർക്കായി ചെറുകിട/ ഇടത്തരം സംരംഭങ്ങൾ തുടങ്ങുന്നതിന് പിന്തുണ നൽകുക എന്ന ലക്ഷ്യത്തോടെ കേരള സംസ്ഥാന വ്യവസായ വികസന കോർപ്പറേഷനുമായി (കെഎസ്‌ഐഡിസി) സഹകരിച്ച് ഉന്നത വിദ്യാഭ്യാസവകുപ്പിന് കീഴിലെ അസാപ് കേരള നടപ്പിലാക്കുന്ന ”സംരംഭം” പദ്ധതി ഉദ്ഘാടനം നിർവഹിച്ചു സംസാരിക്കുകയിരുന്നു മന്ത്രി.

കേരളത്തിലെ എട്ട് ജില്ലകളിലാണ് ഈ പദ്ധതി നടപ്പിലാക്കുന്നത്. കെഎസ്‌ഐഡിസി മാനേജിങ് ഡയറക്ടർ എസ്. ഹരികിഷോർ, എക്‌സിക്യൂട്ടീവ് ഡയറക്ടർ ഹരികൃഷ്ണൻ ആർ എന്നിവർ സംസാരിച്ചു. ഉദ്ഘാടനത്തോടനുബന്ധിച്ച് സംരംഭം പദ്ധതിയിൽ രജിസ്ട്രേഷൻ പൂർത്തിയാക്കിയ പ്രവാസികൾ, സ്റ്റേക്ക്‌ഹോൾഡർമാർ, നോർക്ക ഭാരവാഹികൾ കൂടാതെ പ്രവാസി ഫോറം പ്രതിനിധികൾ എന്നിവർ പങ്കെടുത്ത പാനൽ ചർച്ചയും വിദഗ്ധരുമായുള്ള ഇന്ററാക്ടിവ് സെഷനും സംഘടിപ്പിച്ചു.

The post പ്രവാസികൾക്ക് വലിയ അവസരം; പുതിയ സംരംഭങ്ങൾ ആരംഭിക്കാൻ ഉചിതമായ സമയം : മന്ത്രി പി രാജീവ് appeared first on Starvision News Malayalam.

തിരുവനന്തപുരം: ജില്ലയിലെ പ്രവാസിസംരംഭകര്‍ക്കായി നോർക്ക റൂട്ട്സും കാനറാ ബാങ്കും സംയുക്തമായി സംഘടിപ്പിച്ച ബിസിനസ് ലോൺ ക്യാമ്പില്‍ 3.72 കോടി യുടെ വായ്പകള്‍ക്ക് ശിപാര്‍ശ നല്‍കി. പാളയം ഹസ്സന്‍ മരക്കാര്‍ ഹാളില്‍ (വിവേകാനന്ദ കൾച്ചറൽ ഇൻസ്റ്റിറ്റ്യൂട്ട്) സംഘടിപ്പിച്ച ക്യാമ്പില്‍ 117 പ്രവാസിസംരംഭകരാണ് പങ്കെടുക്കാനെത്തിയത്. ഇവരില്‍ 60 പേരുടെ പദ്ധതികള്‍ക്കാണ് വായ്പകള്‍ ലഭ്യമാകുക.

നാട്ടില്‍ തിരിച്ചെത്തിയ പ്രവാസികളുടെ പുനരധിവാസത്തിനായി സംസ്ഥാന സര്‍ക്കാര്‍ നോര്‍ക്ക റൂട്ട്സ് വഴി നടപ്പിലാക്കുന്ന നോര്‍ക്ക ഡിപ്പാര്‍ട്മെന്റ് പ്രോജക്ട് ഫോര്‍ റിട്ടേണ്‍ഡ് എമിഗ്രന്‍സ് അഥവ എന്‍.ഡി.പി.ആര്‍.ഇ.എം പദ്ധതി പ്രകാരമായിരുന്നു ക്യാമ്പ്. രണ്ട് വർഷത്തിൽ കൂടുതൽ വിദേശത്തു ജോലിചെയ്തു നാട്ടിൽ സ്ഥിരതാമസമാക്കിയ പ്രവാസി കേരളീയർക്ക് സ്വയംതൊഴിൽ സംരംഭങ്ങൾ ആരംഭിക്കുന്നതിനും നിലവിലുള്ളവയുടെ വിപുലീകരണത്തിനും സഹായിക്കുന്നതാണ് പദ്ധതി.
—————————————————
സി. മണിലാല്‍
പബ്ളിക് റിലേഷന്‍സ് ഓഫീസര്‍, നോര്‍ക്ക റൂട്ട്സ്-തിരുവനന്തപുരം
ഫോണ്‍: +91-9446317775
www.norkaroots.org, www.nifl.norkaroots.org, www.lokakeralamonline.kerala.gov.in

The post തിരുവനന്തപുരം നോർക്ക കാനറാ ബാങ്ക് പ്രവാസി ബിസിനസ് ലോൺ ക്യാമ്പ്; 3.72 കോടി യുടെ വായ്പകള്‍ക്ക് ശിപാര്‍ശ appeared first on Starvision News Malayalam.

The post കൂ​ടു​ത​ൽ ​സ്വ​ദേ​ശി​ക​ൾ​ക്ക്​ തൊ​ഴി​ൽ ന​ൽ​കി​യ സ്ഥാ​പ​ന​ങ്ങ​ളു​ടെ ലി​സ്റ്റ്​ തൊ​ഴി​ൽ മ​ന്ത്രാ​ല​യം പു​റ​ത്തു​വി​ട്ടു appeared first on Starvision News Malayalam.

The post നോർക്ക ക്ഷേമനിധി പെൻഷൻ 5000 രൂപയാക്കണം: അബുദാബി മലയാളി സമാജം appeared first on Starvision News Malayalam.

മനാമ: കേന്ദ്ര സർക്കാർ നടപ്പിലാക്കിയ ഇൻഷുറൻസ് പരിരക്ഷപദ്ധതികളേയും, വ്യവസായ പദ്ധതികളേയും അടിസ്ഥാനമാക്കി നടത്തിയ പ്രഭാക്ഷണത്തിൽ പ്രവാസം മതിയാക്കി തിരിച്ചു വരുന്ന പ്രവാസികൾക്കായി രാജ്യത്തിൻ്റെ ഏത് ഭാഗത്ത് വേണമെങ്കിലും നടപ്പാക്കാവുന്ന പല പദ്ധതികളേയും സാധ്യതകളേയും പറ്റിയും അദ്ദേഹം അറിവ് പകർന്നു . ഭാരതത്തിലെ കേരളം ഒഴികെയുള്ള മിക്ക സംസ്ഥാനങ്ങളിലും ഏകജാലക സംവിധാനം വളരെ കാര്യക്ഷമമാണെന്നും അദ്ദേഹം സൂചിപ്പിക്കുകയുണ്ടായി. രാജ്യത്തു നിന്ന് അനേകം മൈൽ ദൂരെ വന്ന് ജോലി ചെയ്യുന്ന പ്രവാസികൾ രാജ്യത്തെ മറ്റ് സംസ്ഥാനങ്ങളിലെ സൗഹൃദവ്യവസായ അന്തരീക്ഷം ഉപയോപ്പെടുത്തണം എന്നും പറയുകയുണ്ടായി.
ബേങ്കുകൾ ലോൺ നൽകാത്തത് എന്തുകൊണ്ടാണ് എന്ന സദസ്സിലെ ചോദ്യത്തിന്, നമ്മൾ ബാങ്കിനെ ലോൺ സംബന്ധമായി സമീപിക്കുന്ന രീതി ശരിയല്ലെന്നും അതിനുള്ള സംവിധാനങ്ങളും അദ്ദേഹം സദസ്സിനെ പരിചയപ്പെടുത്തി.

മുതിർന്ന കുട്ടികൾക്ക് വേണ്ടി സംസ്കൃതി വനിതാവേദി സംഘടിപ്പിച്ച സെമിനാറിൽ പ്രവാസി വിദ്യാർത്ഥികൾ അഭിമുഖീകരിക്കുന്ന പ്രശ്നങ്ങളെ പറ്റിയും ഇന്ത്യയിൽ ഇന്ന് നിലവിലുള്ള പുതിയ കോഴ്സുകളെപ്പറ്റിയും , വ്യാസ സിവിൽ സർവ്വീസ് അക്കാദമി മാനേജിങ്ങ് ഡയറക്ടർ കൂടിയായ അദ്ദേഹം ക്ലാസ്സ് എടുത്തപ്പോൾ വിദ്യാർത്ഥികൾക്ക് ഒരു വ്യത്യസ്ഥ അനുഭവമായി.
ബഹ്റൈനിലെ ബിസ്സിനസ്സുകാരുമായി നടത്തിയ ബിസിനസ്സ് മീറ്റിൽ വിൻ്റ് ഇൻടർനേഷനലിൻ്റെ മുൻ ചെയർമാൻ എന്ന നിലയിൽ ഇന്ത്യയിൽ വ്യവസായങ്ങൾ തുടങ്ങാനുള്ള അനുകൂല സാഹചര്യങ്ങളും സർക്കാർ സഹായങ്ങളും , കേന്ദ്ര സർക്കാരുകൾ നൽകുന്ന സാമ്പത്തിക സഹായങ്ങളും പരിചയപ്പെടുത്തിയപ്പോൾ മീറ്റിൽ പങ്കെടുത്ത പല ബിസ്സിനസ്സുകാരും സന്തോഷം പങ്കിട്ടു. ഹമ്മദ് ടൗൺ സംസ്കൃതി ഹാളിലും, ബികാസ് ഓഡിറ്റോറിയത്തിലുമായി സംസ്കൃതി കേരള യൂണിറ്റ് സംഘടിപ്പിച്ച് പരിപാടിയിൽ യൂണിറ്റ് പ്രസിഡന്റ് രഞ്ജിത്ത് പാറക്കൽ അധ്യക്ഷസ്ഥാനം വഹിക്കുകയും ജോ. സെക്രട്ടറി സുധീഷ് സുബ്രൻ സ്വാഗതം പറയുകയും കൺവീനർ അനിൽ മടപ്പള്ളി നന്ദി പറയുകയും, ഭാരവാഹികളായ, അജിത്ത് മാത്തൂർ, പ്രഭുലാൽ, ജോതിഷ്, മധു, സന്തോഷ്, ദിലീപ്, കൃഷ്ണകുമാർ, രാജേഷ്, മഹേഷ് കിഷോർ കുമാർ, നിജി സുധീഷ്, ജിജി രജിത്ത്, ധന്യ മധു, സദസ്സ് നിയന്ത്രിക്കുകയും ചെയ്യ്തു. എലൈറ്റ് പ്ലാസ ഹോട്ടലിൽ വച്ച് നടന്ന ബിസിനസ്സ് മീറ്റിൽ സംസ്കൃതി കേന്ദ്ര കമ്മിറ്റി അംഗവും കേരള ഘടകം പ്രഭാരിയുമായ സിജു അധ്യക്ഷസ്ഥാനം വഹിക്കുകയും, സംസ്കൃതി കേന്ദ്ര കമിറ്റി അംഗം അജിസർവാൻ നന്ദി പറയുകയും ചെയ്തു.

The post സംസ്കൃതി ബഹറൈൻ അഡ്വ: എസ് ജയസൂര്യൻ്റെ പ്രഭാക്ഷണം സംഘടിപ്പിച്ചു. appeared first on Starvision News Malayalam.

കു​വൈ​ത്ത് സി​റ്റി

വിദേശികളെ പരമാവധി ഒഴിവാക്കുകയും തൊഴിൽ മേഖലയിൽ സ്വദേശികൾക്ക് കൂടുതൽ തൊഴിലവസരങ്ങൾ നൽകുകയും ചെയ്യുന്ന നയത്തിന്‍റെ ഭാഗമായാണ് ഈ നീക്കം. മൂന്ന് ഘട്ടങ്ങളിലായാണ് പദ്ധതികൾ ആസൂത്രണം ചെയ്യുന്നത്.

ആദ്യ ഘട്ടത്തിൽ രാജ്യത്ത് അനധികൃതമായി താമസിക്കുന്ന വിദേശികളെ കണ്ടെത്തും. ഇതിനായി ആഭ്യന്തര മന്ത്രാലയവുമായി സഹകരിച്ച് പരിശോധനാ കാമ്പയിൻ ആരംഭിച്ചിട്ടുണ്ട്. പരിശോധനയിൽ പിടിക്കപ്പെടുന്നവരെ സ്പോൺസർമാരുടെ ചെലവിൽ നാടുകടത്തും. രണ്ടാം ഘട്ടത്തിൽ, തൊഴിൽ മേഖലയിൽ വിദേശികൾ ആവശ്യമില്ലാത്ത ജോലികൾ കണ്ടെത്തുകയും വർക്ക് പെർമിറ്റുകൾ പുതുക്കുന്നത് നിർത്തുകയും ചെയ്യും.

The post കുവൈത്തിൽ പൊതു-സ്വകാര്യ മേഖലകളിൽ പ്രവാസികളുടെ എണ്ണം കുറക്കുന്നു appeared first on Starvision News Malayalam.