ന്യൂഡൽഹി∙ ലോട്ടറിപോലെയാണ് എക്സിറ്റ്പോളും! സമ്മാനം ഒരിക്കലും അടിക്കാത്തവർക്ക് പോലും നറുക്കെടുപ്പുവരെ ടിക്കറ്റ് പ്രതീക്ഷ നൽകും. എക്സിറ്റ്പോളും അങ്ങനെതന്നെ, അവസാനം വരെ പ്രതീക്ഷ നൽകും. ഫലമുണ്ടാകണമെന്നില്ല. കഴിഞ്ഞ ലോക്സഭാ തിരഞ്ഞെടുപ്പിലെ എക്സിറ്റ്പോൾ പ്രവചനങ്ങൾ തെറ്റിയതിനെ തുടർന്ന് ആക്സിസ് മൈ ഇന്ത്യ ചെയർമാനും മാനേജിങ് ഡയറക്ടറുമായ പ്രദീപ് ഗുപ്ത ചാനൽ അഭിമുഖത്തിനിടെ പൊട്ടിക്കരഞ്ഞ സാഹചര്യമുണ്ടായി.

കൊട്ടിഘോഷിക്കപ്പെടുന്ന എക്സിറ്റ്പോളുകളുടെ ‘ഗുണം’ കുറയുന്നതായാണ് സമീപകാല തിരഞ്ഞെടുപ്പ് ഫലങ്ങൾ തെളിയിക്കുന്നത്. ബിജെപിയുടെ നേതൃത്വത്തിലുള്ള എൻ‌ഡിഎ സഖ്യത്തിന് 350ന് മുകളിൽ സീറ്റുകൾ ലഭിക്കുമെന്നായിരുന്നു മിക്ക എക്സിറ്റ് പോളുകളും പ്രവചിച്ചത്. ഇന്ത്യാ സഖ്യത്തിന് 120–150 സീറ്റുകൾ ലഭിക്കുമെന്നും പ്രവചിച്ചു. എൻഡിഎ സഖ്യം 292ൽ ഒതുങ്ങി. ഇന്ത്യാ സഖ്യത്തിന് 234 സീറ്റുകൾ ലഭിച്ചു. മൂന്നാം തവണയും കേന്ദ്രത്തിൽ അധികാരത്തിലെത്തിയെങ്കിലും ഒറ്റയ്ക്ക് ഭരിക്കാനുള്ള ഭൂരിപക്ഷം ബിജെപിക്ക് ലഭിച്ചില്ല. ലഭിച്ചത് 240 സീറ്റ്.

ഹരിയാന നിയമസഭയിൽ ഹാട്രിക് വിജയം ലക്ഷ്യമിടുന്ന ബിജെപിയെ കോൺഗ്രസ് പരാജയപ്പെടുത്തുമെന്നായിരുന്നു എല്ലാ എക്സിറ്റ് പോളുകളും. 44 മുതൽ 65 സീറ്റുവരെയാണ് കോൺഗ്രസിന് കണക്കാക്കിയത്. ബിജെപിക്ക് 18 മുതൽ 35 സീറ്റുകൾവരെയും. ഈ പ്രവചനങ്ങൾ പിഴച്ചു. ബിജെപി മുന്നേറി. ബിജെപിക്ക് 48 സീറ്റ് ലഭിച്ചപ്പോൾ കോണ്‍ഗ്രസിന് ലഭിച്ചത് 37 സീറ്റുകൾ മാത്രം. കശ്മീരിലെ പ്രവചനങ്ങൾ ഒരു പരിധിവരെ യാഥാർഥ്യമായി. കോൺഗ്രസും നാഷനൽ കോൺഗ്രസും ഉൾപ്പെടുന്ന സഖ്യത്തിനാണ് നേരിയ മുൻതൂക്കം എല്ലാ എക്സിറ്റ് പോളുകളും പ്രവചിച്ചത്. 31 മുതൽ 50 സീറ്റുവരെ. നാഷനൽ കോൺഫറൻസിന് 42 സീറ്റും കോൺഗ്രസിന് 6 സീറ്റും ലഭിച്ചു. 20 മുതൽ 32വരെ സീറ്റുകളാണ് ബിജെപിക്ക് പ്രവചിച്ചത്. 29 സീറ്റുകൾ ലഭിച്ചു. എക്സിറ്റ് പോളുകളിൽ 4 മുതൽ 12 വരെ സീറ്റുകളാണ് പിഡിപിക്ക് പ്രവചിച്ചത്. ഒരളവുവരെ ഈ പ്രവചനവും ഫലിച്ചു. പിഡിപിക്ക് ലഭിച്ചത് 3 സീറ്റുകൾ. മറ്റുള്ള പാർട്ടികൾ 4 മുതൽ 18 വരെ സീറ്റുകൾ വരെ നേടുമെന്നായിരുന്നു പ്രവചനം. ലഭിച്ചത് 7 സീറ്റുകൾ.

ദൈനിക് ഭാസ്കർ, പീപ്പിൾസ് പൾസ്, ഇന്ത്യാ ടുഡെ–സിവോട്ടർ, ആക്സിസ് മൈ ഇന്ത്യ, റിപ്പബ്ലിക്–പി മാർക്ക് അടക്കമുള്ളവ ഹരിയാനയിൽ കോൺഗ്രസിനാണ് മുൻതൂക്കം കൽപിച്ചത്. ഒരു സർവേപോലും ബിജെപിക്ക് 35 സീറ്റിനു മുകളിൽ പ്രവചിച്ചില്ല. കോൺഗ്രസിന് 44 സീറ്റിനു മുകളിൽ ലഭിക്കുമെന്നാണ് എല്ലാവരും പ്രവചിച്ചത്. രണ്ടും യാഥാർഥ്യമായില്ല. ജമ്മു കശ്മീരിൽ 31 സീറ്റിന് മുകളിൽ കോൺഗ്രസ്–എൻസി സഖ്യം നേടുമെന്ന പ്രവചനങ്ങൾ യാഥാർഥ്യമായി. എൻഡിഎയ്ക്ക് 20 സീറ്റിനു മുകളിൽ ലഭിക്കുമെന്ന പ്രവചനങ്ങളും സത്യമായി.

കഴിഞ്ഞ ലോക്സഭാ തിരഞ്ഞെടുപ്പിൽ കേരളത്തെ സംബന്ധിച്ച ചില പ്രവനങ്ങളും പാളി. എൽഡിഎഫിന് ഒരു സീറ്റ് ലഭിക്കുമെന്ന ഇന്ത്യാ ടുഡേ പ്രവചനം ഫലിച്ചു. നാല് സീറ്റ് ലഭിക്കുമെന്ന ടൈംസ് നൗ, രണ്ട് മുതൽ അഞ്ചുവരെ സീറ്റ് ലഭിക്കുമെന്ന സിഎൻഎൻ–ന്യൂസ് 18, മൂന്നു മുതൽ അഞ്ച് സീറ്റുകൾവരെ ലഭിക്കുമെന്ന ഇന്ത്യടിവി എക്സിറ്റ് പോളുകൾ ഫലിച്ചില്ല. എന്‍ഡിഎയ്ക്ക് 3 സീറ്റുകൾവരെ പ്രവചിച്ച ചില പോളുകളും തെറ്റായി. യുഡിഎഫിന് രണ്ടോ അതിലധികമോ സീറ്റുകൾ നഷ്ടപ്പെടുമെന്നായിരുന്നു എല്ലാ സർവേകളും. അഞ്ചിലധികം സീറ്റുകൾ വരെ നഷ്ടപ്പെടുമെന്ന് പ്രവചനമുണ്ടായി. എന്നാൽ ഒരു സീറ്റ് മാത്രമാണ് യുഡിഎഫിന് നഷ്ടമായത്. ബിജെപി ആദ്യമായി സീറ്റ് നേടുമെന്ന പ്രവചനം യാഥാർഥ്യമായി.

The post പ്രവചനങ്ങൾ പാളി; ഹരിയാനയിൽ ഹാട്രിക് വിജയവുമായി ബിജെപി appeared first on Starvision News Malayalam.

മോദി സര്‍ക്കാര്‍ വീണ്ടും അധികാരത്തില്‍ എത്തുമെന്ന് എക്‌സിറ്റ്‌പോള്‍ ഫലം പുറത്തു വന്നതോടെ ഓഹരി വിപണികളിൽ തിങ്കളാഴ്ച വന്‍ കുതിച്ചു ചാട്ടം. സെന്‍സെക്‌സ് 2622 പോയിന്റ് ഉയര്‍ന്ന് 76,583ല്‍ എത്തി. അതേസമയം, നിഫ്റ്റി 807 പോയിന്റുകള്‍ ഉയര്‍ന്ന് 23,337-ല്‍ എത്തി. സെന്‍സെക്‌സില്‍ പവര്‍ ഗ്രിഡ്, എല്‍ ആൻഡ് ടി, എന്‍ടിപിസി, എസ്ബിഐ, ആക്‌സിസ് ബാങ്ക്, എം ആന്‍ഡ് എം, ഐസിഐസിഐ ബാങ്ക്, അള്‍ട്രാടെക് സിമെന്റ് തുടങ്ങിയ കമ്പനികളുടെ ഓഹരികള്‍ കുതിപ്പ് രേഖപ്പെടുത്തി. ഈ ഓഹരികള്‍ മൂന്ന് മുതല്‍ ഏഴ് ശതമാനം വരെയാണ് ഉയര്‍ന്നത്.

ബോര്‍ഡര്‍ മാര്‍ക്കറ്റുകളില്‍ നിഫ്റ്റി സ്‌മോള്‍കാപ് 2.73 ശതമാനവും മിഡ് കാപ് 2.4 ശതമാനവും ഉയര്‍ച്ച രേഖപ്പെടുത്തി. വ്യക്തിഗത ഓഹരികളില്‍ അദാനി പോര്‍ട്‌സ്, ശ്രീറാം ഫിനാന്‍സ്, പവര്‍ ഗ്രിഡ് എന്നിവ ആദ്യ വ്യാപാരത്തില്‍ മികച്ച പ്രകടനം കാഴ്ച വെച്ചു. ആറ് മുതല്‍ ഒന്‍പത് ശതമാനം വരെയാണ് ഓഹരി വില ഉയര്‍ന്നത്. അദാനി പോര്‍ട്‌സിന്റെ ഓഹരികള്‍ ഏകദേശം ഒന്‍പത് ശതമാനത്തോളമാണ് നേട്ടമുണ്ടാക്കിയത്.

മേയ് മാസത്തിലെ വിപണയിലെ ചാഞ്ചാട്ടം ജൂണ്‍ നാലിന് തെരഞ്ഞെടുപ്പ് ഫലം വന്നതിന് ശേഷം താഴേക്കു പോകുമെന്ന് പ്രതീക്ഷിക്കുന്നതായി ഈ രംഗത്തുനിന്നുള്ള വിദഗ്ധര്‍ പറയുന്നു. തെരഞ്ഞെടുപ്പ് ഫലം വരുന്നത് വരെ വിപണികളിലെ ചാഞ്ചാട്ടം ഉയര്‍ന്ന് നില്‍ക്കാന്‍ സാധ്യതയുണ്ട്, ഏഞ്ചല്‍ വണ്ണിലെ ടെക്‌നിക്കല്‍ ആന്‍ഡ് ഡെറിവേറ്റീവ് വിഭാഗം റിസേര്‍ച്ച് ഹെഡ് സമീത് ചവാന്‍ പറഞ്ഞു. തെരഞ്ഞെടുപ്പിന് ശേഷം വിപണിയുടെ ശ്രദ്ധ പുതിയതായി രൂപീകരിക്കുന്ന സര്‍ക്കാരിന്റെ ആദ്യ 100 ദിനങ്ങളിലെ പ്രവര്‍ത്തനങ്ങളിലേക്കും കേന്ദ്ര ബജറ്റിലേക്കും മാറുമെന്ന് വിശകലന വിദഗ്ധര്‍ പറയുന്നു.

The post ഭരണതുടർച്ചയുടെ എക്‌സിറ്റ്‌ പോള്‍: സെന്‍സെക്‌സില്‍ 2600 പോയിന്റ് കുതിപ്പ്, നിഫ്റ്റി 23,300ന് മുകളിൽ appeared first on Starvision News Malayalam.

ദേശീയം

റിപ്പബ്ലിക്
എൻ.ഡി.എ 353- 368, ഇൻഡ്യാ മുന്നണി 118-133, മറ്റുള്ളവർ 30

ഇന്ത്യാ ന്യൂസ് – ഡിഡൈനാമിക്സ്

എൻ.ഡി.എ 371, ഇൻഡ്യാ മുന്നണി 125, മറ്റുള്ളവർ 47

ജൻകിബാത്

എൻ.ഡി.എ 362-392, ഇൻഡ്യാ മുന്നണി 141-161, മറ്റുള്ളവർ 43-48

ന്യൂസ് എക്സ്

എൻ.ഡി.എ 371, ഇൻഡ്യാ മുന്നണി 125, മറ്റുള്ളവർ 47

പോള്‍ ഓഫ് പോള്‍സ്

എൻ.ഡി.എ 365, ഇൻഡ്യാ മുന്നണി 142, മറ്റുള്ളവർ 36

എൻ.ഡി.ടി.വി

എൻ.ഡി.എ 358, ഇൻഡ്യാ മുന്നണി 148, മറ്റുള്ളവർ 37

ദൈനിക് ഭാസ്കർ

എൻ.ഡി.എ 281-350, ഇൻഡ്യാ മുന്നണി 145-201, മറ്റുള്ളവർ 33-49

ന്യൂസ് നാഷൻ

എൻ.ഡി.എ 342-378, ഇൻഡ്യാ മുന്നണി 153-169, മറ്റുള്ളവർ 21

കേരളം

എ.ബി.പി-സീ വോട്ടർ
യു.ഡി.എഫ് 17-19 എൻ.ഡി.എ 1-3, എല്‍.ഡി.എഫ്-0.

ടൈംസ് നൗ-ഇ.ടി.ജി

യു.ഡി.എഫ് 14-15,
എല്‍.ഡി.എഫ് – 4, എൻ.ഡി.എ 1-3

ഇന്ത്യാ ടുഡെ-ആക്‌സസ് മൈ ഇന്ത്യ

ബി.ജെ.പി 2-3, യു.ഡി.എഫ് 17, എല്‍.ഡി.എഫ് 0-1

സി.എൻ.എൻ ന്യൂസ്18

യു.ഡി.എഫ് 15-18, എല്‍.ഡി.എഫ് 2-5, എൻ.ഡി.എ 1-3

ഇന്ത്യാ ടി.വി-സി.എൻ.എസ്.യു.ഡി.എഫ് 13-15, എല്‍.ഡി.എഫ് 3-5, എൻ.ഡി.എ 1-3

ജൻകിബാത്

യു.ഡി.എഫ് 14-17, എല്‍.ഡി.എഫ് 3-5, എൻ.ഡി.എ 0 – 3

The post വിവിധ എക്സിറ്റ്പോള്‍ ഫലങ്ങള്‍ appeared first on Starvision News Malayalam.

തിരുവനനന്തപുരം: സംസ്ഥാനത്ത് ഇക്കുറി യുഡിഎഫിന് മേല്‍ക്കൈ എന്ന് എക്‌സിറ്റ് പോള്‍ ഫലം. ഇരുപത് സീറ്റുകളില്‍ യുഡിഎഫിന് 15 സീറ്റുകള്‍ ലഭിക്കുമെന്നാണ് പ്രവചനം. എല്‍ഡിഎഫിന് 4 സീറ്റും എന്‍ഡിഎക്ക് ഒരു സീറ്റും ലഭിക്കുമെന്നാണ് പ്രവചനം. മൂന്ന് മണ്ഡലങ്ങളില്‍ കടുത്ത പോരാട്ടമാണ് നടന്നതെന്നും വിവിധ എക്‌സിറ്റ്‌പോളുകള്‍ പറയുന്നു. ടൈംസ് നൗ- ഇ.ടി.ജി. റിസേര്‍ച്ച് എക്‌സിറ്റ് പോള്‍ പ്രകാരമാണ് കേരളത്തില്‍ യുഡിഎഫിന് മേല്‍ക്കൈ.

എബിപി സര്‍വേ പ്രകാരം യുഡിഎഫിന് 17 സീറ്റും എന്‍ഡിഎയ്ക്ക് മൂന്ന് സീറ്റും ലഭിക്കുമെന്നാണ് പ്രവചനം. ഇത്തവണ എല്‍ഡിഎഫ് സീറ്റില്ലെന്നുമാണ് എക്‌സിറ്റ് പോള്‍ ഫലം. പത്തനംതിട്ട, തിരുവനന്തപുരം, തൃശൂര്‍ മണ്ഡലങ്ങള്‍ എന്‍ഡിഎ നേടുമെന്നാണ് എക്‌സിറ്റ്‌പോള്‍ പറയുന്നത്‌.

മൂന്നാം തവണയും എന്‍ഡിഎ സഖ്യം അധികാരത്തിലെത്തുമെന്ന് വിവിധ എക്‌സിറ്റ് പോള്‍ ഫലം. എന്‍ഡിഎ സഖ്യത്തിന് 359 സീറ്റുകള്‍ കിട്ടുമെന്നാണ് പ്രവചനം. ഇന്ത്യാ സഖ്യം 154 സീറ്റുകള്‍ നേടുമ്പോള്‍ മറ്റുള്ളവര്‍30 സീറ്റുകള്‍ നേടുമെന്ന് ഇന്ത്യാ ടുഡെ ഏക്‌സിസ് സര്‍വെ പറയുന്നു. ഇന്ന് അവസാനിച്ച എഴ് ഘട്ട വോട്ടോടുപ്പോടെയാണ് ഇത്തവണ ലോക്‌സഭാ തെരഞ്ഞെടുപ്പ് നടന്നത്.

ഇന്ത്യാ ടുഡേ – ആകിസിസ് മൈ ഇന്ത്യ എക്സിറ്റ് പോൾ‌ സർവേ പ്രകാരം ഇന്ത്യാ മുന്നണിക്ക് തമിഴ്നാട്ടിൽ 26 മുതൽ 30 സീറ്റ് വരെയും എൻഡിഎയ്ക്ക് 1 മുതൽ 3 സീറ്റ് വരെയും ലഭിക്കും. മറ്റുളളവർക്ക് 6 മുതൽ 8 സീറ്റ് വരെ ലഭിക്കുമെന്നാണ് പ്രവചനം

ജൂണ്‍ നാലിന് വോട്ടെണ്ണലിലൂടെ യഥാര്‍ത്ഥ ഫലം പുറത്തുവരുമെങ്കിലും അതുവരെയുള്ള ദിനങ്ങളില്‍ ഈ എക്‌സിറ്റ് പോളുകളായിരിക്കും പാര്‍ട്ടികള്‍ക്ക് പ്രതീക്ഷയോ ആശങ്കയോ ആയി തുടരുക. എന്നാല്‍, എക്സിറ്റ് പോള്‍ പ്രവചനങ്ങള്‍ യാഥാര്‍ഥ്യമായതും പ്രവചനങ്ങള്‍ പൂര്‍ണമായും തെറ്റിയതുമായ ചരിത്രങ്ങളുണ്ട്. ഇത്തവണ ചാനലുകളിലെ എക്സിറ്റ് പോള്‍ ചര്‍ച്ചകളില്‍ പങ്കെടുക്കേണ്ടതില്ലെന്ന് കോണ്‍ഗ്രസ് തീരുമാനിച്ചെങ്കിലും പിന്നീട് തീരുമാനം മാറ്റി.

ലോക്‌സഭാ തെരഞ്ഞെടുപ്പിന് പിന്നാലെ ഇരുമുന്നണികളും തികഞ്ഞ ശുഭാപ്തി വിശ്വാസത്തിലാണ്. ഇത്തവണയും അധികാരം നേടുമെന്ന് എന്‍ഡിഎയും അട്ടിമറി നടക്കുമെന്ന് ഇന്ത്യാസഖ്യവും പറയുന്നു. ദക്ഷിണേന്ത്യയിലാണ് ഇന്ത്യാമുന്നണിയുടെ പ്രതീക്ഷയെങ്കിലും ഹിന്ദി ഹൃദയഭൂമിയില്‍ തങ്ങള്‍ ആധിപത്യം തുടരുമെന്നും ദക്ഷിണേന്ത്യയില്‍ മുന്നേറ്റം ഉണ്ടാക്കുമെന്ന് എന്‍ഡിഎ അവകാശപ്പെടുന്നു. ബിജെപിയുടെ താരപ്രചാരകനായ പ്രധാനമന്ത്രി നരേന്ദ്രമോദി ഇരുന്നൂറിലധികം മണ്ഡലങ്ങളില്‍ നേരിട്ടെത്തിയെങ്കില്‍ കോണ്‍ഗ്രസിന്റെയും ഇന്ത്യാമുന്നണിയിലെ കക്ഷികളുടെയും നേതാക്കളില്‍ മിക്കവാറും പ്രചാരണത്തില്‍ സജീവമായിരുന്നു.

ഏപ്രില്‍ 11 മുതല്‍ മെയ് 19 വരെ നടന്ന 2019-ലെ ലോക്സഭാ തെരഞ്ഞെടുപ്പിന്റെ ഫലം മെയ് 23-നാണ് പുറത്തുവന്നത്. പ്രധാനപ്പെട്ട ഏജന്‍സികളെല്ലാം നടത്തിയ എക്സിറ്റ് പോളുകള്‍ എന്‍ഡിഎയുടെ വിജയം സുനിശ്ചിതമെന്ന് പ്രവചിച്ചിരുന്നു. 13 ഏജന്‍സികളുടെ എക്സിറ്റ് പോള്‍ ഫലങ്ങളുടെ ശരാശരി കണക്കെടുക്കുമ്പോള്‍ എന്‍ഡിഎ സഖ്യത്തിന് 306 സീറ്റുകളും യുപിഎയ്ക്ക് 120 സീറ്റുകളുമായിരുന്നു പ്രവചിച്ചിരുന്നത്. എന്നാല്‍, എക്സിറ്റിപോള്‍ പ്രവചനങ്ങള്‍ക്കും മുകളിലായിരുന്നു എന്‍ഡിഎക്കുണ്ടായ വിജയം. 303 സീറ്റുകള്‍ ബിജെപി മാത്രം നേടി എന്‍ഡിഎ 352 സീറ്റുകള്‍ സ്വന്തമാക്കി.

അതേസമയം, ഇത്തവണ ഇന്ത്യാ മുന്നണി 295 സീറ്റുകള്‍ വരെ നേടുമെന്നാണ് പ്രതിപക്ഷ പാര്‍ട്ടികളുടെ വിലയിരുത്തല്‍.ഇന്ത്യാ മുന്നണിയോഗത്തിന് ശേഷം മാധ്യമങ്ങളോട് പ്രതികരിക്കുകകയായിരുന്നു നേതാക്കള്‍.

The post യുഡിഎഫ് 15; എല്‍ഡിഎഫ് 4; ബിജെപി 1; കേരളത്തിലെ എക്‌സിറ്റ്‌പോള്‍ ഫലം appeared first on Starvision News Malayalam.