തിരുവനന്തപുരം: ഓസ്‌ട്രേലിയന്‍ മലയാളികളുടെ ചലച്ചിത്രാവിഷ്‌കാരങ്ങള്‍ക്കായി  അസോസിയേഷന്‍ ഓഫ്  മൂവി ലവേഴ്‌സ് ഓസ്‌ട്രേലിയ (അംലാ) എന്ന പേരില്‍ പുതിയ കൂട്ടായ്മ നിലവില്‍ വന്നു. ഇതാദ്യമായാണ് കേരളത്തിന് പുറത്ത് മലയാള ചലച്ചിത്ര സംഘടന രൂപീകൃതമാകുന്നത്. ഓസ്‌ട്രേലിയയില്‍ സിനിമയുടെ വിവിധ മേഖലയില്‍ പ്രവർത്തിക്കുന്ന മലയാളി കലാകാരന്മാരും പ്രവര്‍ത്തിക്കാന്‍ ആഗ്രഹിക്കുന്ന പ്രവാസി മലയാളി കലാകാരന്മാരും ചലച്ചിത്ര കലാസ്വാദകരുമാണ് കൂട്ടായ്മയിലെ അംഗങ്ങള്‍.

സിനിമകള്‍, ഡോക്യുമെന്ററികള്‍, സംഗീത ആല്‍ബങ്ങള്‍,നാടകോത്സവം,റിയാലിറ്റി ഷോകൾ, ടെലിവിഷന്‍ പരിപാടികള്‍ തുടങ്ങിയവയുടെ നിര്‍മാണം, പ്രദര്‍ശനം എന്നിവയ്ക്ക് പുറമെ ചലച്ചിത്ര കലാ പരിശീലനവും വിവിധ ചലച്ചിത്ര സംഘടനകളുമായി സഹകരിച്ച് കൊണ്ട് ഓസ്ട്രേലിയയില്‍ മലയാളം ചലച്ചിത്രോത്സവവും സംഘടിപ്പിക്കാനുമാണ് 
ആംലാ ലക്ഷ്യമിടുന്നത്.    

കേരളത്തില്‍ നിന്നോ വിദേശ രാജ്യങ്ങളില്‍ നിന്നോ സിനിമയുടെ ചിത്രീകരണവുമായി ബന്ധപ്പെട്ട് ഓസ്ട്രേലിയയിൽ ക്യൂന്‍സ്ലാന്‍ഡിൽ എത്തുന്ന മലയാള ചലച്ചിത്ര പ്രവര്‍ത്തകരുടെ ചിത്രീകരണത്തിനാവശ്യമായ ലൊക്കേഷൻ,ലൈറ്റ് യൂണിറ്റ്, വിവിധ തരം ക്യാമറ ഉള്‍പ്പെടെ ചിത്രീകരണത്തിനാവശ്യമായ എല്ലാ സൗകര്യങ്ങളും നല്‍കുക, കേരളത്തില്‍ പുതുമുഖങ്ങള്‍ക്കും പ്രവാസി കലാകാരന്മാര്‍ക്കും അവസരം നല്‍കി ചെറിയ ബജറ്റില്‍ നിര്‍മ്മിക്കുന്ന കുടുംബചിത്രങ്ങള്‍ ഓസ്ട്രേലിയയില്‍ സംഘടിപ്പിക്കുന്ന ചലച്ചിത്രമേളകളില്‍ പ്രദര്‍ശിപ്പിക്കുക. എന്നിവയും  ആംലാ ലക്ഷ്യമിടുന്നു.

ക്വീന്‍സ്ലാന്‍ഡിലെ ഗോള്‍ഡ്‌കോസ്റ്റില്‍ സംഘടിപ്പിച്ച പൊതുസമ്മേളനത്തിലാണ് ആംലാ കൂട്ടായ്മ രൂപീകരിച്ചത്. യോഗത്തില്‍ പുതിയ ഭാരവാഹികളെയും തിരഞ്ഞെടുത്തു. ഭരണ സമിതി അംഗങ്ങളായി നടനും തിരക്കഥാകൃത്തും നിർമ്മാതാവും സംവിധായകനുമായ  ജോയ് കെ.മാത്യു പ്രസിഡന്റ്, നടിയും നർത്തകിയുമായ  ഡോ.ചൈതന്യ ഉണ്ണി സെക്രട്ടറി, നടൻ അഡ്വ.ഷാമോൻ അബ്‍ദുൾ റസാഖ് ട്രഷറർ, വൈസ് പ്രസിഡന്റ്  സാജു സി.പി., ജോയിൻ സെക്രട്ടറി, ജോബിഷ് ലൂക്ക , സ്റ്റോറി കോഡിനേറ്റർ  ഇന്ദു എം.സുകുമാരൻ, മ്യൂസിക് കോഡിനേറ്റർ തങ്കം ടി.സി., ലൊക്കേഷൻ കോഡിനേറ്റർ ഷാജി തെക്ക്നത്ത്, പോൾ ഷിബു, ഈവന്റ് കോഡിനേറ്റർ ജിബി തോമസ്, ഷീജാ മോൾ സെബാസ്റ്റ്യൻ, മീഡിയ കോഡിനേറ്റർ മോൻസി മാത്യു, പ്രൊഡക്ഷൻ കോഡിനേറ്റർ പൗലോസ് പുന്നോർപ്പിള്ളിൽ,ഫിനാൻസ് കോഡിനേറ്റർ ജയലക്ഷ്മി തുടങ്ങിയവരെയും യോഗം ഐക്യകണ്‌ഠേന അടുത്ത രണ്ട് വർഷത്തേക്ക് തിരഞ്ഞെടുത്തു. 

രണ്ട് മലയാള സിനിമകളുടേയും ഒരു ഡോക്യൂമെന്ററിയുടേയും ഭാഗമാകാനും വിവിധ ചലച്ചിത്ര സംഘടനകളുമായി സഹകരിച്ച് കൊണ്ട് ചലച്ചിത്ര പ്രവര്‍ത്തകര്‍ക്കും കലാകാരന്മാർക്കും കലാസ്വാദകര്‍ക്കും ഉപകാരപ്രദമായ അടുത്ത രണ്ട് വര്‍ഷത്തേക്കുള്ള പദ്ധതികള്‍ ആവിഷ്‌കരിച്ച് നടപ്പിലാക്കാനും പൊതുയോഗം പുതിയ കമ്മിറ്റിയെ ചുമതലപ്പെടുത്തി.

The post ഓസ്‌ട്രേലിയയില്‍ മലയാള ചലച്ചിത്ര സംഘടന ‘ആംലാ’ നിലവില്‍ വന്നു; കേരളത്തിന് പുറത്തെ ആദ്യ ചലച്ചിത്രകൂട്ടായ്മ appeared first on Starvision News Malayalam.

മനാമ: ബഹ്റൈനൗന എക്‌സിക്യൂട്ടീവ് ഓഫീസ് സീഫ് മാളില്‍ സംഘടിപ്പിച്ച പ്രദര്‍ശനം ബഹ്‌റൈന്‍ വിദ്യാഭ്യാസ മന്ത്രി ഡോ. മുഹമ്മദ് ബിന്‍ മുബാറക് ജുമ ഉദ്ഘാടനം ചെയ്തു. മെയ് 4 മുതല്‍ 10 വരെയാണ് പ്രദര്‍ശനം.
ബഹ്റൈനൗന പദ്ധതി പ്രകാരം നടപ്പിലാക്കിയ പരിപാടികള്‍ക്കും സംരംഭങ്ങള്‍ക്കും നല്‍കിയ പിന്തുണയ്ക്ക് ആഭ്യന്തര മന്ത്രിയും മന്ത്രിതല സമിതി ചെയര്‍മാനുമായ ജനറല്‍ ഷെയ്ഖ് റാഷിദ് ബിന്‍ അബ്ദുല്ല അല്‍ ഖലീഫയോട് മന്ത്രി നന്ദി പറഞ്ഞു.
ആറ് പ്രധാന മേഖലകളിലായി വിവിധ സംവേദനാത്മക പരിപാടികള്‍ പ്രദര്‍ശനത്തിലുണ്ട്. പെയിന്റിംഗ്- ശില്‍പ വര്‍ക്ക്ഷോപ്പുകള്‍ ഉള്‍പ്പെട്ട ആര്‍ട്ടിസ്റ്റിക് സര്‍ഗ്ഗാത്മകത മേഖല, വിദ്യാഭ്യാസ ഗെയിമുകളിലൂടെയും സംവേദനാത്മക പ്രദര്‍ശനങ്ങളിലൂടെയും ബഹ്റൈന്‍ പൈതൃകത്തിന്റെ ഘടകങ്ങള്‍ പ്രദര്‍ശിപ്പിക്കുന്ന ഹെറിറ്റേജ് ആന്റ് ഐഡന്റിറ്റി സോണ്‍, നിര്‍മിത ബുദ്ധിയിലും വെര്‍ച്വല്‍ റിയാലിറ്റിയിലും പ്രായോഗിക അനുഭവങ്ങള്‍ കണ്ടെത്താന്‍ സന്ദര്‍ശകര്‍ക്ക് സൗകര്യം നല്‍കുന്ന ടെക്‌നോളജി ആന്റ് ഇന്നൊവേഷന്‍ സോണ്‍, ആരോഗ്യകരമായ ജീവിതശൈലി പ്രോത്സാഹിപ്പിക്കുന്ന കായിക പ്രവര്‍ത്തനങ്ങളും മത്സരങ്ങളും ഉള്‍പ്പെട്ട സ്പോര്‍ട്സ് ആന്റ് ഫിറ്റ്നസ് സോണ്‍, സന്നദ്ധപ്രവര്‍ത്തനത്തിന്റെ മൂല്യം എടുത്തുകാണിക്കുകയും ഇടപെടലിനുള്ള യഥാര്‍ത്ഥ അവസരങ്ങള്‍ നല്‍കുകയും ചെയ്യുന്ന വോളണ്ടിയറിംഗ് ആന്റ് കമ്മ്യൂണിറ്റി പങ്കാളിത്ത മേഖല, പുതിയ തലമുറയുടെ അഭിലാഷങ്ങള്‍ പ്രതിഫലിപ്പിക്കുന്ന സംരംഭക പദ്ധതികള്‍ അവതരിപ്പിക്കുന്ന യൂത്ത് ആന്റ് ഇന്നൊവേഷന്‍ സോണ്‍ എന്നിവ.
എല്ലാ ദിവസവും രാവിലെ 10 മുതല്‍ രാത്രി 10 വരെ സന്ദര്‍ശകര്‍ക്കായി തുറന്നിരിക്കുന്ന പ്രദര്‍ശനത്തില്‍ അറബിയിലും ഇംഗ്ലീഷിലും ഗൈഡഡ് ടൂറുകള്‍ ലഭ്യമാണ്.

The post ബഹ്റൈനൗന പ്രദര്‍ശനം വിദ്യാഭ്യാസ മന്ത്രി ഉദ്ഘാടനം ചെയ്തു appeared first on Starvision News Malayalam.

മനാമ: ബഹ്റൈന്‍ ടൂറിസം ആന്‍ഡ് എക്സിബിഷന്‍സ് അതോറിറ്റി (ബി.ടി.ഇ.എ) സംഘടിപ്പിച്ച ബഹ്റൈന്‍ സമ്മര്‍ ടോയ് ഫെസ്റ്റിവല്‍ 2024ന്റെ ആദ്യ പതിപ്പ് എക്സിബിഷന്‍സ് വേള്‍ഡ് ബഹ്റൈനില്‍ വിജയകരമായി സമാപിച്ചതായി പ്രഖ്യാപിച്ചു.
ഫെസ്റ്റിവല്‍ കാണാന്‍ സ്വദേശികളും വിദേശികളുമായ 97,000ത്തിലധികം ആളുകള്‍ എത്തിയതായി ബി.ടി.ഇ.എ. റിസോഴ്സ് ആന്‍ഡ് പ്രോജക്ട്സ് ഡെപ്യൂട്ടി സി.ഇ.ഒ. ഡാന ഒസാമ അല്‍ സാദ് അറിയിച്ചു. ബന്ധപ്പെട്ട സര്‍ക്കാര്‍ അധികാരികളുടെയും സ്വകാര്യമേഖലാ സ്ഥാപനങ്ങളുടെയും സഹകരണങ്ങളെ അവര്‍ അഭിനന്ദിച്ചു.
അല്‍ ദാന ആംഫി തിയേറ്റര്‍, സ്പേസ്ടൂണ്‍, എക്സിബിഷന്‍ വേള്‍ഡ് ബഹ്റൈന്‍, നാഷണല്‍ ബാങ്ക് ഓഫ് ബഹ്റൈന്‍ എന്നിവയുടെ സംയുക്തവും ക്രിയാത്മകവുമായ സഹകരണമുണ്ടായി.

ഇത് രാജ്യത്തുടനീളമുള്ള ടൂറിസത്തെ ഗണ്യമായി ശക്തിപ്പെടുത്തുകയും ഹോസ്പിറ്റാലിറ്റി മേഖലയെ ശക്തിപ്പെടുത്തുകയും ചെയ്യും. ടൂറിസം മേഖല വികസിപ്പിക്കാനും 2022-2026 ലെ ടൂറിസം സ്ട്രാറ്റജിയുടെ ലക്ഷ്യങ്ങള്‍ കൈവരിക്കാനുമുള്ള പദ്ധതികള്‍ക്ക് അനുസൃതമായി, എല്ലാ പങ്കാളികളുമായും സഹകരിച്ച് ഉത്സവം ഒരു വാര്‍ഷിക പരിപാടിയാക്കാന്‍ ആഗ്രഹിക്കുന്നതായും അവര്‍ പറഞ്ഞു.

സമ്മര്‍ ടോയ് ഫെസ്റ്റിവല്‍ 2024ലെ വേനല്‍ക്കാലത്ത് വിനോദസഞ്ചാര പ്രസ്ഥാനത്തെ ഉത്തേജിപ്പിക്കാന്‍ സഹായിച്ചു. ഇത് ഹോട്ടലുകളിലും ലോഡ്ജുകളിലും താമസിക്കുന്നവരുടെ നിരക്കില്‍ ഗണ്യമായ വര്‍ദ്ധനവുണ്ടാക്കി. സല്ലാക്ക്, സഖീര്‍ പ്രദേശങ്ങളിലെ വിനോദസഞ്ചാരവും വാണിജ്യ പ്രവര്‍ത്തനങ്ങളും വര്‍ദ്ധിച്ചു, സമീപത്തെ റിസോര്‍ട്ടുകള്‍, ഹോട്ടലുകള്‍, റെസ്റ്റോറന്റുകള്‍, കഫേകള്‍, വിവിധ ഷോപ്പുകള്‍ എന്നിവയുടെ വാണിജ്യ പ്രവര്‍ത്തനങ്ങളും വര്‍ദ്ധിച്ചു.

വിവിധ ചാരിറ്റബിള്‍ ഓര്‍ഗനൈസേഷനുകളില്‍നിന്നും ദേശീയ ചാരിറ്റി സംരംഭങ്ങളില്‍ നിന്നുമുള്ള കുട്ടികളെയും അവശരായ സൈനികര്‍ക്കുള്ള റോയല്‍ ഫണ്ട്, ഭിന്നശേഷിക്കാരുടെ രക്ഷിതാക്കള്‍ക്കും സുഹൃത്തുക്കള്‍ക്കുമുള്ള ബഹ്റൈന്‍ അസോസിയേഷന്‍, അല്‍ സനാബല്‍ ഓര്‍ഫന്‍ കെയര്‍ സൊസൈറ്റി, ബഹ്റൈന്‍ ഡൗണ്‍ സിന്‍ഡ്രോം സൊസൈറ്റി എന്നിവയില്‍നിന്നുള്ള ആളുകളെയും സ്വീകരിച്ചുകൊണ്ട് ഫെസ്റ്റിവല്‍ അതിന്റെ സാമൂഹിക പ്രതിബദ്ധത പ്രകടമാക്കി. ഇവര്‍ക്ക് ഭക്ഷണം നല്‍കുകയും വിനോദ സൗകര്യങ്ങളൊരുക്കുകയും ചെയ്തു.

The post ബഹ്‌റൈന്‍ സമ്മര്‍ ടോയ് ഫെസ്റ്റിവല്‍ സമാപിച്ചു appeared first on Starvision News Malayalam.

മനാമ: വ്യോമയാന വ്യവസായത്തിലെ മുൻനിര ആഗോള ഇവൻ്റായ റൂട്ട്‌സ് വേൾഡ് 2024ൻ്റെ ഇരുപത്തിയൊമ്പതാം പതിപ്പിന് ബഹ്‌റൈൻ ആതിഥേയത്വം വഹിക്കും. മേഖലയിൽ ആദ്യമായാണ് ഈ ഇവൻ്റ് നടക്കുന്നത്. 2024 ഒക്ടോബറിൽ എക്സിബിഷൻ വേൾഡിലായിരിക്കും പരിപാടി നടക്കുക.
ബഹ്‌റൈൻ ടൂറിസം ആൻഡ് എക്‌സിബിഷൻ അതോറിറ്റി (ബീറ്റ) സി.ഇ.ഒ. സാറാ ബുഹിജിയും ബഹ്‌റൈൻ എയർപോർട്ട് കമ്പനിയുടെ (ബി.എ.സി) ചീഫ് എക്‌സിക്യൂട്ടീവ് ഓഫീസർ മുഹമ്മദ് യൂസിഫ് അൽ ബിൻഫലയും ഒപ്പുവെച്ച കരാർ പ്രകാരം ഒക്ടോബർ ആറു മുതൽ എട്ടു വരെ റൂട്ട്‌സ് വേൾഡ് 2024 എക്‌സിബിഷനും സമ്മേളനവും നടത്തും.
എയർപോർട്ടുകൾ, എയർലൈനുകൾ, എയർ സർവീസുകൾ, ടൂറിസം അധികാരികൾ, എയർ നാവിഗേഷൻ ഡെവലപ്‌മെൻ്റ് മേഖലയിലെ പ്രമുഖർ എന്നിവരിൽ നിന്നുള്ള പ്രതിനിധികൾ ഉൾപ്പെടെ 2,500ലധികം വ്യവസായ വിദഗ്ധരും വ്യോമഗതാഗത വിദഗ്ധരും പരിപാടിയിൽ പങ്കെടുക്കും.

റൂട്ട്‌സ് വേൾഡ് 2024ൻ്റെ 29-ാമത് പതിപ്പ് ആഗോള, പ്രാദേശിക വ്യോമഗതാഗത വ്യവസായത്തിൻ്റെ പുരോഗതി ലക്ഷ്യമിട്ട് വൈവിധ്യമാർന്ന പാനൽ ചർച്ചകൾ, വർക്ക്‌ഷോപ്പുകൾ തുടങ്ങിയവ സംഘടിപ്പിക്കും.
വിമാനക്കമ്പനികൾ, ലോജിസ്റ്റിക് സ്ഥാപനങ്ങൾ, ലോകമെമ്പാടുമുള്ള വിമാനത്താവളങ്ങൾ എന്നിവയ്‌ക്കിടയിലുള്ള മത്സര ചലനാത്മകത ഉൾപ്പെടെ ഈ മേഖലയിലെ പ്രധാന പ്രവണതകളുടെ സമഗ്രമായ വിശകലനം നടക്കും. ചർച്ചകളിൽ എയർ ട്രാഫിക് മാനേജ്‌മെൻ്റിലെ സമീപകാല സംഭവവികാസങ്ങൾ, എയർലൈനുകളുടെ സാമ്പത്തികവും പ്രവർത്തനപരവുമായ പ്രകടനം, ഭാവിയിലെ വളർച്ചാ സാധ്യതകൾ, കൂടാതെ സ്വകാര്യവൽക്കരണ അവസരങ്ങൾ, ലയനങ്ങൾ, സുസ്ഥിര സംരംഭങ്ങൾ, പരിസ്ഥിതി സംരക്ഷണം തുടങ്ങിയ വിഷയങ്ങളും ഉൾപ്പെടും.

The post റൂട്ട്സ് വേൾഡ് 2024ന് ബഹ്റൈൻ ആതിഥേയത്വം വഹിക്കും appeared first on Starvision News Malayalam.

മനാമ: ബഹ്റൈൻ ടൂറിസം ആൻഡ് എക്സിബിഷൻ അതോറിറ്റിയുടെ ആഭിമുഖ്യത്തിൽ നടത്തുന്ന ബഹ്റൈൻ ഫുഡ് ഫെസ്റ്റിവലിന്റെ എട്ടാം എഡിഷൻ ഫെബ്രുവരി എട്ട് മുതൽ 24 വരെ നടക്കും. വൈവിധ്യമാർന്ന ഭക്ഷണത്തിന് പുറമെ തത്സമയ സംഗീത പ്രകടനങ്ങൾ, ആകർഷകമായ ഗെയിമുകൾ, മറ്റ് നിരവധി ആവേശകരമായ പ്രവർത്തനങ്ങൾ എന്നിവ ഫുഡ് ഫെസ്റ്റിവലിനോടനുബന്ധിച്ച് ആസ്വദിക്കാനാകും. 1,75,000 ത്തോളം പേരാണ് കഴിഞ്ഞ വർഷം ഫെസ്റ്റിവലിൽ പങ്കെടുത്തത്. ബഹ്‌റൈനിലെ ഏറ്റവും വലിയ ഭക്ഷണ ഇവന്റുകളിൽ ഒന്നാണിത്.

The post ബഹ്റൈൻ ഫുഡ്ഫെസ്റ്റിവെൽ ഫെബ്രുവരി 8 മുതൽ 24 വരെ appeared first on Starvision News Malayalam.

മ​നാ​മ: ര​ണ്ടാം അ​റ​ബ് ഇ​ന്റ​ർ​നാ​ഷ​ന​ൽ സൈ​ബ​ർ സു​ര​ക്ഷാ സ​മ്മേ​ള​ന​ത്തി​നും എ​ക്‌​സി​ബി​ഷ​നും ബ​ഹ്‌​റൈ​ൻ ആ​തി​ഥേ​യ​ത്വം വ​ഹി​ക്കും. ഡി​സം​ബ​ർ 5-6 തീ​യ​തി​ക​ളി​ൽ എക്‌സിബിഷൻ വേൾഡ് ബഹ്‌റൈനിൽ നടക്കുന്ന സ​മ്മേ​ള​നം ബഹ്‌റൈനിലെ നാഷണൽ സൈബർ സെക്യൂരിറ്റി സെന്ററിന്റെ കൂ​ടി സ​ഹ​ക​ര​ണ​ത്തോ​ടെ​യാ​ണ് ന​ട​ക്കു​ന്ന​ത്. സൈബർ സുരക്ഷയിൽ ആഗോള സഹകരണം കെട്ടിപ്പടുക്കുക, സൈബർ ഭീഷണികൾക്കെതിരെ കൂട്ടായ പ്രതിരോധം വർദ്ധിപ്പിക്കുക, ലോകമെമ്പാടുമുള്ള വ്യക്തികൾക്കും ബിസിനസുകൾക്കും സർക്കാരുകൾക്കും സുരക്ഷിതമായ ഡിജിറ്റൽ അന്തരീക്ഷം സൃഷ്ടിക്കുക എന്നിവയാണ് സ​മ്മേ​ള​നം ലക്ഷ്യമിടുന്നത്.

കിരീടാവകാശിയും സായുധ സേനയുടെ ഡെപ്യൂട്ടി സുപ്രീം കമാൻഡറും ബഹ്‌റൈൻ പ്രധാനമന്ത്രിയുമായ പ്രിൻസ് സൽമാൻ ബിൻ ഹമദ് അൽ ഖലീഫയുടെ രക്ഷാകർതൃത്വത്തിലാണ് പരിപാടി നടക്കുക. കൂ​ടു​ത​ൽ സു​ര​ക്ഷി​ത​മാ​യ ഡി​ജി​റ്റ​ൽ മേ​ഖ​ല കൈ​വ​രി​ക്കാ​നു​ള്ള ശ്ര​മ​ങ്ങ​ൾ​ക്ക് സ​മ്മേ​ള​നം സ​ഹാ​യ​ക​ര​മാ​കു​മെ​ന്ന് എ​ൻ.​സി.​എ​സ്‌.​സി ചീ​ഫ് എ​ക്‌​സി​ക്യൂ​ട്ടി​വ് ശൈ​ഖ് സ​ൽ​മാ​ൻ ബി​ൻ മു​ഹ​മ്മ​ദ് ആ​ൽ ഖ​ലീ​ഫ പ​റ​ഞ്ഞു. സൈ​ബ​ർ ഭീ​ഷ​ണി​ക​ളു​ടെ വ​ർ​ധി​ച്ചു​വ​രു​ന്ന സാ​ഹ​ച​ര്യ​ത്തി​ൽ സ​ഹ​ക​ര​ണ​വും വി​വ​ര കൈ​മാ​റ്റ​വും നി​ർ​ണാ​യ​ക​മാ​ണ്. സൈ​ബ​ർ സു​ര​ക്ഷാ പ​ങ്കാ​ളി​ക​ൾ​ക്ക് ഒ​ത്തു​ചേ​രാ​നും അ​റി​വ് പ​ങ്കി​ടാ​നും നൂ​ത​ന​മാ​യ പ​ര്യ​വേ​ക്ഷ​ണം ന​ട​ത്താ​നും എ​ക്‌​സി​ബി​ഷ​ൻ അ​വ​സ​രം ന​ൽ​കും. സ​ർ​ക്കാ​ർ, വ്യ​വ​സാ​യം, അ​ക്കാ​ദ​മി​ക് എ​ന്നി​വി​ട​ങ്ങ​ളി​ൽ​നി​ന്നു​ള്ള പ്ര​ഭാ​ഷ​ക​ർ മു​ഖ്യ അ​വ​ത​ര​ണ​ങ്ങ​ൾ അ​വ​ത​രി​പ്പി​ക്കും. പാ​ന​ൽ ച​ർ​ച്ച​ക​ളും പ്ര​സ​ക്ത​മാ​യ സൈ​ബ​ർ സു​ര​ക്ഷാ വി​ഷ​യ​ങ്ങ​ളെ​ക്കു​റി​ച്ചു​ള്ള സെ​ഷ​നു​ക​ളും ന​ട​ക്കും. സൈബർ സുരക്ഷാ വെല്ലുവിളികളെ ഫലപ്രദമായി നേരിടാൻ ഇന്ററാക്ടീവ് വർക്ക്‌ഷോപ്പുകളും പരിശീലന സെഷനുകളും ഉണ്ടായിരിക്കും.

The post ബ​ഹ്‌​റൈ​നി​ൽ അ​ന്താ​രാ​ഷ്ട്ര സൈ​ബ​ർ സു​ര​ക്ഷാ സ​മ്മേ​ള​ന​വും എ​ക്‌​സി​ബി​ഷ​നും appeared first on Starvision News Malayalam.

പുതിയ ആധാര്‍ കാര്‍ഡിനുള്ള അപേക്ഷ സ്വീകരിക്കല്‍, ആധാര്‍ കാര്‍ഡില്‍ രേഖപ്പെടുത്തിയിരിക്കുന്ന പേര്, മൊബൈല്‍ നമ്പര്‍ എന്നിവ തിരുത്തല്‍, കുട്ടികള്‍ക്കുള്ള ആധാര്‍ രജിസ്‌ട്രേഷന്‍ തുടങ്ങിയ സേവനങ്ങള്‍ മേളയിലെ അക്ഷയ സെന്ററില്‍ ലഭ്യമാകും. ആരോഗ്യ വകുപ്പിന്റെ സ്റ്റാളുകളില്‍ യുണീക്ക് ഹെല്‍ത്ത് ഐ.ഡി, ഭിന്നശേഷിക്കാര്‍ക്കുള്ള ഏകീകൃത തിരിച്ചറിയല്‍ കാര്‍ഡ് എന്നിവയ്ക്കുള്ള രജിസ്‌ട്രേഷന്‍, കോവിഡ് വാക്‌സിനേഷന്‍ സര്‍ട്ടിഫിക്കറ്റിലെ തെറ്റു തിരുത്തല്‍ തുടങ്ങിയ സേവനങ്ങളുമുണ്ടാകും. ഇതിന് പുറമെ റേഷന്‍ കാര്‍ഡ് സംബന്ധമായ സേവനങ്ങള്‍, കെ.എസ്.ഇ.ബിയുടെ പുരപ്പുറ സൗരോര്‍ജ്ജ പദ്ധതിക്ക് വേണ്ടിയുള്ള രജിസ്‌ട്രേഷന്‍, പുതിയ വൈദ്യുതി കണക്ഷനുള്ള അപേക്ഷ, എംപ്ലോയ്‌മെന്റ് എക്‌സ്‌ചേഞ്ചില്‍ പേരുചേര്‍ക്കല്‍, രജിസ്‌ട്രേഷന്‍ പുതുക്കല്‍, അനെര്‍ട്ടുമായി ബന്ധപ്പെട്ട സേവനങ്ങള്‍, കൃഷി വകുപ്പിന്റെ മൊബൈല്‍ യൂണിറ്റ് വഴി മണ്ണ് പരിശോധന, ഭക്ഷ്യസുരക്ഷാ വകുപ്പിന്റെ മൊബൈല്‍ യൂണിറ്റില്‍ വെള്ളം, പാല്‍, ഭക്ഷ്യ എണ്ണ തുടങ്ങിയവയുടെ ഗുണമേന്‍മ പരിശോധിക്കാനുള്ള അവസരം എന്നിവയും ലഭ്യമാകും.

കൂടാതെ മുഖ്യമന്ത്രിയുടെ ദുരിതാശ്വാസ നിധിയിലേക്കുള്ള അപേക്ഷ, കോവിഡ് ധനസഹായത്തിനുള്ള അപേക്ഷ എന്നിവ സമര്‍പ്പിക്കാനും അപേക്ഷകളുടെ തല്‍സ്ഥിതി അറിയുവാനും റവന്യൂ വകുപ്പിന്റെ സ്റ്റാളുകളില്‍ സൗകര്യമുണ്ട്. റവന്യൂ വകുപ്പിന്റെ മറ്റ് നിരവധി സേവനങ്ങളെക്കുറിച്ചുള്ള വിവരങ്ങളും ഇവിടെ നിന്നും ലഭിക്കും.

മേള സന്ദര്‍ശിക്കുന്നവര്‍ക്ക് തിരുവനന്തപുരത്തിന്റെ തനതായ രുചികളും മറ്റ് ജില്ലകളിലെ വ്യത്യസ്തമായ രുചികളും ഗോത്ര രുചികളും ആസ്വദിക്കാനാവുന്ന വിധത്തില്‍ വിപുലമായ ഭക്ഷ്യമേളയാണ് ഒരുക്കിയിരിക്കുന്നത്. കുടുംബശ്രീ, പട്ടിക വര്‍ഗ വകുപ്പ്, ജയില്‍ വകുപ്പ്, മില്‍മ, ഫിഷറീസ് വകുപ്പ്, കെ.ടി.ഡി.സി, മീറ്റ് പ്രോഡക്റ്റ്സ് ഓഫ് ഇന്ത്യ, തുടങ്ങിയവര്‍ ഒരുക്കുന്ന ഫുഡ് കോര്‍ട്ടും മേളയുടെ പ്രധാന ആകർഷണമാണ്. ഇവിടെ മുന്നൂറോളം പേര്‍ക്ക് ഒരേസമയം ഭക്ഷണം കഴിക്കാനുള്ള അവസരമുണ്ടാകും.

മേളയുടെ ഏഴു ദിനങ്ങളിലും വൈകുന്നേരങ്ങളിൽ നിശാഗന്ധിയിൽ പ്രമുഖ കലാകാരന്മാർ അവതരിപ്പിക്കുന്ന കലാ പരിപാടികളും അരങ്ങേറും.

The post ‘എന്റെ കേരളം’ മേള: 300 ഓളം പ്രദർശന-വിപണന-സേവന സ്റ്റാളുകൾ appeared first on Starvision News Malayalam.

തൊ​ഴി​ൽ വി​പ​ണി​യി​ൽ മെ​ച്ച​പ്പെ​ട്ട​തും പ​രി​ശീ​ല​നം സി​ദ്ധി​ച്ച​വ​രു​മാ​യ തൊ​ഴി​ല​ന്വേ​ഷ​ക​രെ ല​ഭ്യ​മാ​ക്കു​ന്ന​തി​ന്​ ഇ​തു​പ​ക​രി​ക്കു​മെ​ന്ന്​ മ​ന്ത്രി പ​റ​ഞ്ഞു. തൊ​ഴി​ൽ വി​പ​ണി​യി​ൽ ത​ദ്ദേ​ശീ​യ തൊ​ഴി​ൽ ശ​ക്​​തി ല​ഭ്യ​മാ​ക്കാ​നു​ള്ള പ​ദ്ധ​തി​യു​ടെ ഭാ​ഗ​മാ​ണി​ത്. ഇ​ത്ത​രം എ​ക്​​സ്​​പോ​ക​ൾ വി​ദ്യാ​ഭ്യാ​സ​ത്തി​നും പ​രി​ശീ​ല​ന പ​രി​പാ​ടി​ക​ൾ​ക്കും മാ​ത്ര​മ​ല്ല, മ​റി​ച്ച് തൊ​ഴി​ൽ വി​പ​ണി മെ​ച്ച​പ്പെ​ടു​ത്താ​നും കാ​ര​ണ​മാ​കും.​ തൊ​ഴി​ൽ മേ​ഖ​ല​യി​ൽ ഭാ​വി​യി​ൽ ഉ​യ​ർ​ന്നു​വ​രു​ന്ന വെ​ല്ലു​വി​ളി​ക​ളെ നേ​രി​ടാ​നും വ​രും ത​ല​മു​റ​ക്ക്​ ദി​ശാ​ബോ​ധം ന​ൽ​കാ​നും സാ​ധി​ക്കേ​ണ്ട​തു​ണ്ടെ​ന്ന്​ അ​ദ്ദേ​ഹം പറഞ്ഞു.

The post ബഹ്‌റൈനിൽ തൊ​ഴി​ൽ പ​രി​ശീ​ല​ന, വി​ദ്യാ​ഭ്യാ​സ എ​ക്​​സി​ബി​ഷ​ൻ ആരംഭിച്ചു appeared first on Starvision News Malayalam.