രണ്ട് ദിവസത്തെ സൗദി സന്ദര്‍ശനത്തിനായി നിയോമിലെത്തിയ സുല്‍ത്താന്‍ ഹൈതം ബിന്‍ താരിഖിനെ സൗദി കിരീടാവകാശി, ഒരുമിച്ച് യൂറോ കപ്പ് ഫൈനല്‍ കാണാന്‍ ക്ഷണിക്കുകയായിരുന്നു. ഒമാന്‍ ഭരണാധികാരിയായി ചുമതലയേറ്റ ശേഷം സുല്‍ത്താന്‍ ഹൈതം നടത്തിയ ആദ്യ വിദേശ പര്യടനമായിരുന്നു സൗദിയിലേത്.

കടുത്ത ഫുട്ബോള്‍ ആരാധകനാണ് സൗദി കിരീടാവകാശി മുഹമ്മദ് ബിന്‍ സല്‍മാന്‍. സൗദി പ്രൊഫഷണല്‍ ലീഗിന് ശേഷമുള്ള രാജ്യത്തെ രണ്ടാമത്തെ ലീഗ് കിരീടാവകാശിയുടെ പേരിലാണ് അറിയപ്പെടുന്നതും. 2018ല്‍ റഷ്യയില്‍ നടന്ന ലോകകപ്പ് മത്സരം വീക്ഷിക്കാന്‍ റഷ്യന്‍ പ്രസിഡന്റ് വ്ലാദിമിര്‍ പുചിനൊപ്പം മുഹമ്മദ് ബിന്‍ സല്‍മാനുമുണ്ടായിരുന്നു. ഫുട്‍ബോള്‍ പ്രിയനായ ഒമാന്‍ ഭരണാധികാരി സുല്‍ത്താന്‍ ഹൈതമാവട്ടെ എണ്‍പതുകളില്‍ ഒമാന്‍ ഫുട്‍ബോള്‍ അസോസിയേഷനെ നയിച്ചിരുന്നയാളാണ്. രണ്ട് ദിവസത്തെ സന്ദര്‍ശനം പൂര്‍ത്തിയാക്കി തിങ്കളാഴ്‍ചയാണ് സുല്‍ത്താന്‍ ഹൈതം ബിന്‍ താരിഖ് മസ്‍കത്തിലേക്ക് മടങ്ങിയത്.

The post സൗദി കിരീടാവകാശി യൂറോ കപ്പ് ഫൈനല്‍ കണ്ടത് ഒമാന്‍ ഭരണാധികാരിക്കൊപ്പം appeared first on Starvision News Malayalam.