കൽപറ്റ: മുണ്ടക്കൈ-ചൂരൽമല ദുരന്തബാധിതർക്കായി സംസ്ഥാന സർക്കാർ നിർമിക്കുന്ന മാതൃകാ ടൗൺഷിപ്പ് പദ്ധതി യാഥാർഥ്യമാകാൻ ഇനി ഒരു തടസ്സവും ഇല്ലെന്ന് മുഖ്യമന്ത്രി പിണറായി വിജയൻ. സംസ്ഥാന സർക്കാരിന്റെ നാലാം വാർഷികാഘോഷത്തോട് അനുബന്ധിച്ച് സംഘടിപ്പിക്കുന്ന ‘എന്റെ കേരളം’ പരിപാടിയുടെ ഭാഗമായി നടന്ന ജില്ലാതല യോഗത്തിൽ സംസാരിക്കുകയായിരുന്നു മുഖ്യമന്ത്രി.

‘‘പുനരധിവാസം സംബന്ധിച്ച് നേരത്തെ ചില ആശങ്കകൾ ഉയർന്നിരുന്നു. സർക്കാർ തീരുമാനത്തിന് അനുകൂലമായി ഹൈക്കോടതി നിലപാട് സ്വീകരിച്ചെങ്കിലും പരമോന്നത കോടതിയെ സമീപിച്ചതിനാൽ ചിലരിലെങ്കിലും ആശങ്ക അവശേഷിച്ചിരുന്നു. എന്നാൽ ഇന്നലെയോടെ അതും മാറി. സർക്കാർ നേരത്തെ നൽകിയ വാക്ക് യഥാർഥ്യമാകാൻ പോവുകയാണ്. ടൗൺഷിപ്പ് പടിപടിയായി നിശ്ചിത സമയത്ത് തന്നെ പൂർത്തിയാക്കും. തങ്ങൾ അതുവരേക്കും ജീവിച്ചപോന്ന വിധത്തിൽ അയൽക്കാരും ബന്ധുക്കളും ഒന്നുചേർന്നുള്ള സാമൂഹ്യജീവിതം പുന:സ്ഥാപിച്ചു തരണം എന്നായിരുന്നു ദുരന്തബാധിതർ സർക്കാറിനോട് ആവശ്യപ്പെട്ടിരുന്നത്. ആ വാക്കാണ് ഇപ്പോൾ പാലിക്കപ്പെടുന്നത്.’’ – മുഖ്യമന്ത്രി പറഞ്ഞു.

‘‘സാധാരണ ഗതിയിൽ ഒരു സർക്കാരും നേരിടേണ്ടി വരാത്ത പ്രതിസന്ധി ഘട്ടത്തിലൂടെയാണ് സംസ്ഥാന സർക്കാർ കടന്നുപോയത്. നിപ, ഓഖി, മഹാപ്രളയം, കോവിഡ്, മുണ്ടക്കൈ-ചൂരൽമല ദുരന്തം എന്നിവയുണ്ടായി. ഇത്തരം ഘട്ടങ്ങളിൽ ഒരു സംസ്ഥാനത്തിനെ സഹായിക്കേണ്ടത് കേന്ദ്ര സർക്കാരാണ്. എന്നാൽ കേന്ദ്രം അർഹതപ്പെട്ട സഹായം നൽകിയില്ല എന്ന് മാത്രമല്ല, സഹായിക്കാൻ മുന്നോട്ടുവന്നവരെ വിലക്കുകയും ചെയ്തു. ഇതുകൊണ്ടൊന്നും നമ്മൾ തകർന്നില്ല. നമ്മുടെ ജനങ്ങൾ ഒരുമയും ഐക്യവും പ്രകടിപ്പിച്ച് ഒന്നിച്ചു നിന്നു. ഇത്‌ കണ്ട് രാജ്യവും ലോകവും ആശ്ചര്യപ്പെട്ടു. ഇത് സാധ്യമായതിന് പിന്നിൽ ഒറ്റ കാരണമേ ഉള്ളൂ; നാടിന്റെ ഒരുമയും ജനങ്ങളുടെ ഐക്യവും.’’ – മുഖ്യമന്ത്രി പറഞ്ഞു.

‘‘പിഡിഎൻഎ (പോസ്റ്റ് ഡിസാസ്റ്റർ നീഡ്‌സ് അസസ്മെന്റ്) കണക്കിന് കാത്തു നിൽക്കുകയാണ് കേന്ദ്രം എന്ന് പറഞ്ഞു. പക്ഷെ, പിഡിഎൻഎ കണക്കിന് കാക്കാതെ തന്നെ ത്രിപുരയ്ക്ക് കേന്ദ്രസഹായം ലഭിച്ചു. ദുരന്തം മുൻകൂട്ടി കണ്ടു ബിഹാറിനും സഹായം നൽകി. പക്ഷെ, അർഹതപ്പെട്ടത് കേരളത്തിന്‌ മാത്രം നൽകിയില്ല’’.– മുഖ്യമന്ത്രി പറഞ്ഞു.

മേപ്പാടി പരൂർക്കുന്നിൽ ഭൂരഹിതരായ 123 പട്ടികവർഗ കുടുംബങ്ങൾക്ക് പട്ടികവർഗ വികസന വകുപ്പും മണ്ണ് സംരക്ഷണ വകുപ്പും നിർമിച്ചു നൽകിയ വീടുകളുടെ താക്കോൽദാനവും മുഖ്യമന്ത്രി നിർവഹിച്ചു. സംസ്ഥാനത്തെ ഏറ്റവും വലിയ ആദിവാസി പുനരധിവാസ കേന്ദ്രമാണ് മേപ്പാടി പരൂർകുന്നിൽ ഒരുക്കിയത്. 6.6 കോടി രൂപയാണ് നിര്‍മ്മാണ ചെലവ്. ഭവനത്തിനു പുറമേ 10 സെന്റ് ഭൂമിയും നൽകിയിട്ടുണ്ട്.

The post ‘സർക്കാർ നേരത്തെ നൽകിയ വാക്ക് യഥാർഥ്യമാകാൻ പോവുകയാണ്; മാതൃകാ ടൗൺഷിപ്പ് പദ്ധതിക്ക് ഒരു തടസ്സവുമില്ല’ appeared first on Starvision News Malayalam.

കൃത്യമായി ഉന്നംപിടിച്ച് മറ്റാര്‍ക്കും അപകടം ഏല്‍ക്കാതെ ശത്രുവിനെ മാത്രം വകവരുത്തുന്നതിന് ഓരോ ഷോട്ടായി വെടി ഉതിര്‍ക്കാന്‍ കഴിയുന്നതാണ് ഈ ആയുധം. കേരളാ പോലീസിന്‍റെ കൈവശമുളള ആയുധങ്ങളുടെ പ്രത്യേകതയും അവയുടെ പ്രവര്‍ത്തന രീതിയും പോലീസ് ഉദ്യോഗസ്ഥര്‍ വിശദീകരിച്ച് നല്‍കും എന്‍റെ കേരളം എക്സിബിഷനിലെ പോലീസ് സ്റ്റാളില്‍.

ഒരു മിനിറ്റില്‍ 600 റൗണ്ടുവരെ ഫയര്‍ ചെയ്യാന്‍ കഴിയുന്ന ഇസ്രായേല്‍ നിര്‍മ്മിത 9 എം.എം എസ്.എം.ജി തോക്കാണ് ആയുധ ശേഖരത്തിലെ മറ്റൊരു ആകര്‍ഷണം. ആട്ടോമാറ്റിക് ആയും ഒറ്റയായും ഫയര്‍ ചെയ്യാം. ഓടിക്കൊണ്ടിരിക്കുന്ന അക്രമിയെ കീഴ്പ്പെടുത്തുന്നതിന് ഒരു തവണ കാഞ്ചി വലിച്ചാല്‍ രണ്ട് വെടി ഉതിര്‍ക്കുന്ന വിധത്തിലും ഈ ആയുധം ക്രമീകരിക്കാം. വളരെ ലളിതമായി കൈകാര്യം ചെയ്യാവുന്ന ഈ തോക്ക് സുരക്ഷാഡ്യൂട്ടിക്ക് സ്ഥിരമായി ഉപയോഗിക്കുന്നു.

ഇതിന് പുറമെ ഇന്ത്യന്‍ നിര്‍മ്മിതവും റഷ്യന്‍ നിര്‍മ്മിതവുമായ എ.കെ.47 തോക്കുകളും പ്രദര്‍ശനത്തിലുണ്ട്. 30 റൗണ്ട് മെഗസിന്‍ കപ്പാസിറ്റി ഉളളവയാണ് ഓരോ തോക്കും. തൃച്ചിയിലെ ആയുധ ഫാക്ടറിയില്‍ നിന്നുളളതാണ് താര്‍ എന്ന പേരിലുള്ള ഇന്ത്യന്‍ നിര്‍മ്മിത എ.കെ.47 തോക്ക്. മൊബൈല്‍ ഗെയിമുകളിലൂടെ അടുത്തറിഞ്ഞ മെഷിന്‍ ഗണ്ണുകള്‍ കുട്ടികളും മുതിര്‍ന്നവരും കൗതുകപൂര്‍വ്വം വീക്ഷിക്കുന്നു.

പോലീസ് ഉദ്യോഗസ്ഥര്‍ കൊണ്ടുനടക്കുന്ന ഇന്‍സാസ് റൈഫിള്‍, ഓസ്ട്രിയന്‍ നിര്‍മ്മിത ഗ്ലോക്ക് പിസ്റ്റല്‍, മുപ്പത് റൗണ്ട് മെഗസിന്‍ കപ്പാസിറ്റിയുളള ലൈറ്റ് മെഷീന്‍ ഗണ്‍ എന്നിവയും കാണാം പോലീസിന്‍റെ തോക്ക് ശേഖരത്തില്‍.

ഒരേ സമയം ആറ് ഗ്രനേഡുകള്‍ വരെ നിറയ്ക്കാന്‍ കഴിയുന്ന മള്‍ട്ടി ഷെല്‍ ലോഞ്ചര്‍ ആണ് മറ്റൊരു ആകര്‍ഷണം. റിവോള്‍വിംഗ് സംവിധാനത്തില്‍ പ്രവര്‍ത്തിക്കുന്ന ഈ ആയുധത്തില്‍ ഷെല്ലുകളും റബ്ബര്‍ ബുളളറ്റുകളും ലോഡ് ചെയ്യാന്‍ കഴിയും. കളര്‍ ഗ്രനേഡ് ഉള്‍പ്പെടെ വിവിധതരം ഗ്രനേഡുകളും പ്രദര്‍ശനത്തിലുണ്ട്. പോലീസിന്‍റെ ആയുധങ്ങള്‍ക്ക് പുറമെ ഓരോന്നിലും ഉപയോഗിക്കുന്ന വെടിക്കോപ്പുകളും പ്രദര്‍ശിപ്പിച്ചിട്ടുണ്ട്. തിരുവനന്തപുരം സിറ്റി ആര്‍മറര്‍ സബ് ഇന്‍സ്പെക്ടര്‍ വി.സുരേഷ് കുമാറിന്‍റെ നേതൃത്വത്തിലുളള അഞ്ചംഗ പോലീസ് സംഘമാണ് കേരളാ പോലീസിന്‍റെ ആയുധങ്ങള്‍ പൊതുജനങ്ങള്‍ക്ക് പരിചയപ്പെടുത്തുന്നത്. ജൂൺ രണ്ടിന് അവസാനിക്കുന്ന പ്രദർശനത്തിൽ പോലീസിന്റെ സ്റ്റാളുകളുടെ പ്രവർത്തനം ഏകോപിപ്പിക്കുന്നത് സ്റ്റേറ്റ് പോലീസ് മീഡിയ സെൻറർ ആണ്.

The post അത്യാധുനിക ആയുധ ശേഖര പ്രദര്‍ശനവുമായി ‘എന്‍റെ കേരളം’ മെഗാ എക്സിബിഷനില്‍ കേരളാ പോലീസ് appeared first on Starvision News Malayalam.

കോഴിക്കോട് ബീച്ചില്‍ ഏപ്രില്‍ 19 ന് ആരംഭിച്ച പ്രദര്‍ശനത്തില്‍ കേരള പോലീസിന്‍റെ ഏഴു വിഭാഗങ്ങളാണ് ഏഴു സ്റ്റാളുകളിലായി പങ്കെടുത്തത്. ബോംബ് ഡിറ്റക്ഷന്‍ ആന്‍ഡ് ഡിസ്പോസല്‍ സ്ക്വാഡ്, ഫിംഗര്‍ പ്രിന്‍റ് ബ്യൂറോ, ഫോറന്‍സിക് സയന്‍സ് ലബോറട്ടറി, സൈബര്‍ ഡോം, ആംസ് ആന്‍റ് അമ്യുണിഷന്‍, ടെലികമ്യൂണിക്കേഷൻ, സ്റ്റേറ്റ് പോലീസ് മീഡിയ സെന്‍റര്‍ എന്നീ വിഭാഗങ്ങളാണ് പ്രദര്‍ശനത്തില്‍ പങ്കെടുത്തത്.

വിവിധതരം ആധുനിക പോലീസ് വാഹനങ്ങളുടെ പ്രദര്‍ശനം ഒട്ടേറെപ്പേരെ ആകര്‍ഷിച്ചു. പ്രദര്‍ശന നഗരിയില്‍ ദിവസവും വൈകുന്നേരം ഒരുക്കിയ പോലീസ് നായ്ക്കളുടെ അഭ്യാസപ്രകടനങ്ങളും ശ്രദ്ധേയമായി. അക്രമികളില്‍ നിന്ന് സ്വയം രക്ഷപ്പെടുന്നതിനുള്ള പ്രതിരോധമാര്‍ഗങ്ങള്‍ കുട്ടികളെയും സ്ത്രീകളെയും പഠിപ്പിക്കുന്ന കേരള പോലീസിന്‍റെ വനിത സ്വയം പ്രതിരോധ വിഭാഗത്തിന്‍റെ സേവനം ധാരാളം പേര്‍ പ്രയോജനപ്പെടുത്തി.

സ്റ്റേറ്റ് പോലീസ് മീഡിയ സെന്‍ററിനായിരുന്നു പോലീസ് പവലിയന്‍റെ ഏകോപനച്ചുമതല.

The post എന്‍റെ കേരളം: മികച്ച സ്റ്റാളിനുള്ള സമ്മാനം കേരള പോലീസിന് appeared first on Starvision News Malayalam.