മനാമ: ഇന്ത്യയിലെ അമിറ്റി യൂണിവേഴ്‌സിറ്റിയുമായി ധാരണാപത്രം ഒപ്പിടാനുള്ള ബഹ്റൈന്‍ സാങ്കേതിക സര്‍വകലാശാലയുടെ അഭ്യര്‍ത്ഥനയ്ക്ക് ഉന്നത വിദ്യാഭ്യാസ കൗണ്‍സില്‍ ട്രസ്റ്റി ബോര്‍ഡ് യോഗം അംഗീകാരം നല്‍കി. ഉന്നത വിദ്യാഭ്യാസ മേഖലയില്‍ ചില നിയന്ത്രണങ്ങള്‍ ഏര്‍പ്പെടുത്താനും വിദ്യാഭ്യാസ മന്ത്രിയും കൗണ്‍സില്‍ ചെയര്‍മാനുമായ ഡോ. മുഹമ്മദ് ബിന്‍ മുബാറക് ജുമയുടെ അധ്യക്ഷതയില്‍ ചേര്‍ന്ന യോഗം തീരുമാനിച്ചു.

അംഗീകൃത പ്രോഗ്രാമുകളില്‍ പങ്കാളികളാകാനുള്ള സ്വകാര്യ ഉന്നത വിദ്യാഭ്യാസ സ്ഥാപനങ്ങളുടെ സന്നദ്ധത വിലയിരുത്തും. കഴിഞ്ഞ അധ്യയന വര്‍ഷത്തിലെ ബാച്ചിലേഴ്‌സ്, മാസ്റ്റേഴ്‌സ് പ്രോഗ്രാമുകളിലെ അവസാന പരീക്ഷകള്‍ നിരീക്ഷിക്കും.
വ്യാജ യോഗ്യതകളുള്ളതും അംഗീകൃതമല്ലാത്തതോ വ്യാജമോ ആയതുമായ വിദ്യാഭ്യാസ സ്ഥാപനങ്ങളെ നിയന്ത്രിക്കും. ഇതുസംബന്ധിച്ച നടപടികള്‍ വിദ്യാഭ്യാസ മന്ത്രി കൗണ്‍സിലിനെ അറിയിച്ചു. ഇക്കാര്യത്തില്‍ പബ്ലിക് പ്രോസിക്യൂഷനുമായി ഏകോപിപ്പിച്ച് സ്വീകരിച്ച നടപടികള്‍ അദ്ദേഹം വിശദീകരിച്ചു. ഉന്നത വിദ്യാഭ്യാസ സ്ഥാപനങ്ങളിലെ തൊഴില്‍ പരിശീലന ചട്ടങ്ങള്‍ സംബന്ധിച്ച് കൗണ്‍സില്‍ തീരുമാനം പുറപ്പെടുവിച്ചു.

ഇന്‍ഫര്‍മേഷന്‍ സയന്‍സിലും ആര്‍ട്ടിഫിഷ്യല്‍ ഇന്റലിജന്‍സിലും ഒരു ബാച്ചിലര്‍ ഓഫ് സയന്‍സും സോഫ്റ്റ്വെയര്‍ എഞ്ചിനീയറിംഗില്‍ സയന്‍സ് ബിരുദ കോഴ്‌സും തുടങ്ങാനുള്ള അമേരിക്കന്‍ യൂണിവേഴ്‌സിറ്റിയുടെ അഭ്യര്‍ത്ഥന, ഇറ്റലിയിലെ ഫ്‌ളോറന്‍സ് സര്‍വകലാശാല ആതിഥേയത്വം വഹിക്കുന്ന സുസ്ഥിര വാസ്തുവിദ്യയിലെ മാസ്റ്റേഴ്‌സ് പ്രോഗ്രാം താല്‍ക്കാലികമായി നിര്‍ത്തിവയ്ക്കാനുള്ള കിംഗ്ഡം യൂണിവേഴ്‌സിറ്റിയുടെ അഭ്യര്‍ത്ഥന, സൗദി അറേബ്യയിലെ കിംഗ് ഫൈസല്‍ യൂണിവേഴ്‌സിറ്റിയുമായി ധാരണാപത്രം ഒപ്പിടാനുള്ള കിംഗ്ഡം യൂണിവേഴ്‌സിറ്റിയുടെ അഭ്യര്‍ത്ഥന, സൗദി അറേബ്യയിലെ നാഷണല്‍ പവര്‍ അക്കാദമിയുമായി ധാരണാപത്രം ഒപ്പിടാനുള്ള ഗള്‍ഫ് സര്‍വകലാശാലയുടെ അഭ്യര്‍ത്ഥന, യു.എ.ഇയിലെ ദുബായ് സര്‍വകലാശാലയുമായി ധാരണാപത്രം ഒപ്പിടാനുള്ള ബഹ്റൈന്‍ സാങ്കേതിക സര്‍വകലാശാലയുടെ അഭ്യര്‍ത്ഥന, തായ്വാനിലെ നാഷണല്‍ തായ്പേയ് നഴ്സിംഗ് ആന്‍ഡ് ഹെല്‍ത്ത് സയന്‍സസുമായി സഹകരണ കരാറില്‍ ഒപ്പുവെക്കാനുള്ള ബഹ്റൈന്‍ മെഡിക്കല്‍ യൂണിവേഴ്സിറ്റിയുടെ അഭ്യര്‍ത്ഥന, ബഹ്റൈന്‍ മെഡിക്കല്‍ യൂണിവേഴ്സിറ്റിയുടെ ബോര്‍ഡ് ഓഫ് ട്രസ്റ്റി പുനഃസംഘടിപ്പിക്കാനുള്ള അഭ്യര്‍ത്ഥന, ഖാലിദ് അല്‍ ഹമ്മാദി അധ്യക്ഷനായ ഒരു താല്‍ക്കാലിക ട്രസ്റ്റി ബോര്‍ഡ് രൂപീകരിക്കാനും പ്രൊഫസര്‍ സ്റ്റീഫന്‍ മക്ആര്‍തറിനെ സര്‍വകലാശാല പ്രസിഡന്റായി നിയമിക്കാനുമുള്ള അഭ്യര്‍ത്ഥന, ബഹ്റൈന്‍ മെഡിക്കല്‍ യൂണിവേഴ്സിറ്റിയുടെ ബോര്‍ഡ് ഓഫ് ട്രസ്റ്റി പുനഃസംഘടിപ്പിക്കാനുള്ള അഭ്യര്‍ത്ഥന, ഖാലിദ് അല്‍ ഹമ്മാദി അധ്യക്ഷനായ ഒരു താല്‍ക്കാലിക ട്രസ്റ്റി ബോര്‍ഡ് രൂപീകരിക്കാനും പ്രൊഫസര്‍ സ്റ്റീഫന്‍ മക്ആര്‍തറിനെ സര്‍വകലാശാല പ്രസിഡന്റായി നിയമിക്കാനുമുള്ള അഭ്യര്‍ത്ഥന, ഡോ. നജ്മ ഗുലൂം രേധാ താഖിയെ യൂണിവേഴ്‌സിറ്റി പ്രസിഡന്റായി നിയമിക്കണമെന്ന അറബ് ഓപ്പണ്‍ യൂണിവേഴ്‌സിറ്റിയുടെ അപേക്ഷ എന്നിവയ്ക്ക് യോഗം അംഗീകാരം നല്‍കി.

The post ഇന്ത്യയിലെ അമിറ്റി യൂണിവേഴ്‌സിറ്റി- ബഹ്‌റൈന്‍ സാങ്കേതിക സര്‍വകലാശാല ധാരണാപത്രത്തിന് അംഗീകാരം appeared first on Starvision News Malayalam.