ജനുവരി മൂന്നാം തീയതി (വെള്ളിയാഴ്ച) ഭൂമിയുടെ തൊട്ടരികിലൂടെ രണ്ട് ഛിന്നഗ്രഹങ്ങള്‍ കടന്നുപോകും. നാസയാണ് ഇത് സംബന്ധിച്ച റിപ്പോര്‍ട്ട് പുറത്ത് വിട്ടിരിക്കുന്നത്. ഭൂമിയ്ക്ക് നേരെ വന്നുകൊണ്ടിരിക്കുന്നഛിന്ന ഗ്രഹങ്ങളുടെ പേര് യഥാക്രമം 2024 വൈ.സി 9 എന്നും 2024 വൈ.എല്‍ 1 എന്നുമാണ്. 44 അടി വലുപ്പമുള്ള ഛിന്ന ഗ്രഹമാണ് 2024 വൈ.സി 9. മണിക്കൂറില്‍ 31293 കിലോമീറ്റര്‍ വേഗതയിലാണ് ഗ്രഹത്തിന്റെ സഞ്ചാരം.ഭൂമിയില്‍ നിന്നും 13,10,000 കിലോമീറ്റര്‍ ദൂരത്തിലൂടെയാണ് ഛിന്നഗ്രഹം കടന്നുപോകുന്നത്. കൃത്യമായി പറഞ്ഞാല്‍ ഭൂമിക്കും ചന്ദ്രനും ഇടയിലുള്ള ദൂരത്തിന്റെ മൂന്നിരട്ടിയാണ് വ്യത്യസം. ഛിന്നഗ്രഹങ്ങളെ കുറിച്ച് വളരെ അടുത്ത് നിന്ന് പഠിക്കാന്‍ കഴിയുന്ന അവസരമായിട്ടാണ് ശാസ്ത്രലോകം ഇതിനെ കാണുന്നത്. ശാസ്ത്രപരമായി നോക്കിക്കാണുമ്പോള്‍ വളരെ ചെറിയ ദൂരത്തിലാണ് ഛിന്നഗ്രഹങ്ങള്‍ കടന്നുപോകുന്നത്. 2024 വൈ.സി 9 ഇപ്പോഴത്തെ സാഹചര്യത്തില്‍ ഭൂമിക്ക് യാതൊരുവിധ ഭീഷണിയും ഉയര്‍ത്തുന്നില്ലെന്നാണ് ശാസ്ത്രജ്ഞരുടെ നിഗമനം.
ഇന്ത്യന്‍ സമയം വെള്ളിയാഴ്ച രാത്രി 11:33-നാണ് 2024 വൈ.എല്‍ 1 ഭൂമിക്കരികിലേക്കെത്തുക. താരതമ്യേനെ ചെറിയ ഈ ഗ്രഹത്തിന് 38 അടി അഥവാ ഒരു ബസ്സിന്റെ അത്രയും വലുപ്പമാണുള്ളത്. മണിക്കൂറില്‍ 17,221 കിലോമീറ്റര്‍ വേഗതയില്‍ സഞ്ചരിക്കുന്ന ഈ ഛിന്നഗ്രഹം ഭൂമിയില്‍ നിന്ന് 33,60,000 കിലോമീറ്റര്‍ അകലെ കൂടെയാണ് കടന്നുപോകുക. ഭൂമിയും ചന്ദ്രനും തമ്മിലുള്ള അകലത്തിന്റെ ആറ് മടങ്ങോളമാണ് ഈ ദുരപരിധി. അതിനാല്‍ തന്നെ 2024 വൈ.എല്‍ 1 ഛിന്നഗ്രഹം ഭൂമിക്ക് യാതൊരു ഭീഷണിയും ഉയര്‍ത്തുന്നില്ലെന്നാണ് ശാസ്ത്രലോകത്തിന്റെ അനുമാനം.

The post നാളെ ഭൂമിക്ക് അരികിലൂടെ രണ്ട് ഛിന്നഗ്രഹങ്ങള്‍ കടന്നുപോകും; വേഗത മണിക്കൂറില്‍ 31,000+ കിലോമീറ്റര്‍ appeared first on Starvision News Malayalam.

മനാമ: 2024ലെ അവസാനത്തെ സൂപ്പർ മൂണിന് സാക്ഷ്യം വഹിക്കാൻ ബഹ്‌റൈൻ ഒരുങ്ങുന്നു. ഭൂമിയിൽനിന്ന് 3,57,000 കിലോമീറ്റർ അകലെ ദൃശ്യമാകുന്ന സൂപ്പർ മൂൺ പ്രതിഭാസം നാളെ ബഹ്റൈൻ്റെ ആകാശം ചുവപ്പിക്കും.
ഹിജ്റ വർഷം 1446ലെ റബീഉൽ താനിയിലെ പൗർണമി ദിനമായ നാളെയും വെള്ളിയാഴ്ചയും ദൃശ്യമാകുന്ന പൂർണചന്ദ്രനോടൊപ്പമായിരിക്കും ഈ ആകാശ വിസ്മയയ്ക്കാഴ്ചയെന്ന് ജ്യോതിശാസ്ത്ര ഗവേഷകൻ മുഹമ്മദ് ദെറ അൽ അസ്ഫൂർ പറഞ്ഞു.
നാളെ സൂര്യാസ്തമയത്തിന് തൊട്ടുമുമ്പ് വൈകുന്നേരം 5.04ന് ചന്ദ്രനുദിക്കും. പിറ്റേന്ന് രാവിലെ 6.26ന് അസ്തമിക്കും. ഒക്ടോബറിലെ പൗർണമി ‘വേട്ടക്കാരുടെ ചന്ദ്രൻ’ എന്ന പേരിലാണ് അറിയപ്പെടുന്നത്. വടക്കെ അമേരിക്കയിലെയും യൂറോപ്പിലെയും പുരാതന ഗോത്രങ്ങളിൽനിന്നാണ് ഈ പേര് വന്നതെന്നും അദ്ദേഹം പറഞ്ഞു.

The post സൂപ്പർ മൂൺ എത്തുന്നു; ബഹ്റൈൻ ആകാശം ചുവക്കും appeared first on Starvision News Malayalam.