ഇ സ്കൂട്ടറുകൾ അലക്ഷ്യമായി ഓടിക്കുന്നത് അപകടങ്ങൾക്ക് ഇടയാക്കുന്നതിനാലാണ് ഇത്തരത്തിലുള്ള നടപടികളിലേക്ക് റോഡ് ട്രാസ്പോർട്ട് അതോറിറ്റി നിർബന്ധിതമായത്. സ്‌കൂട്ടർ റൈഡർമാരെ നിയന്ത്രണങ്ങളെക്കുറിച്ചും ഉപയോഗത്തിനുള്ള നിയുക്ത സ്ഥലങ്ങളെക്കുറിച്ചും ബോധവൽക്കരിക്കാൻ ആർടിഎ ഒരു ബോധവൽക്കരണ കാമ്പയിൻ ആരംഭിക്കും.

ഏപ്രിൽ 13 ബുധനാഴ്ച മുതൽ ദുബായിലുടനീളമുള്ള 10 ജില്ലകളിലെ തിരഞ്ഞെടുത്ത സൈക്ലിംഗ് ട്രാക്കുകളിൽ ഇലക്ട്രിക് സ്കൂട്ടറുകൾ അനുവദിക്കും. 2020 ഒക്ടോബറിൽ ആരംഭിച്ച ഇ-സ്കൂട്ടറുകളുടെ ട്രയൽ ഓപ്പറേഷന്റെ “വൻ വിജയത്തിന്” ശേഷമാണ് ഈ നടപടിയെന്ന് ആർടിഎയും ദുബായ് പോലീസും പറഞ്ഞു.

ഷെയ്ഖ് മുഹമ്മദ് ബിൻ റാഷിദ് ബൊളിവാർഡ്, ജുമൈറ ലേക്‌സ് ടവേഴ്‌സ്, ദുബായ് ഇന്റർനെറ്റ് സിറ്റി, അൽ റിഗ്ഗ, ഡിസംബർ 2 സ്ട്രീറ്റ്, പാം ജുമൈറ, സിറ്റി വാക്ക് എന്നിവയാണ് പ്രാരംഭ ഘട്ടത്തിൽ ഉൾപ്പെടുന്നതെന്ന് ആർടിഎ ഡയറക്ടർ ജനറലും ചെയർമാനുമായ മാറ്റർ അൽ തായർ പറഞ്ഞു. നിർദ്ദിഷ്‌ട ജില്ലകളിലെ ഇ-സ്‌കൂട്ടർ വാടക നാല് കമ്പനികൾക്ക് മാത്രമായി പരിമിതപ്പെടുത്തിയിരിക്കുന്നു. ഇത് രണ്ട് ഇന്റർനാഷണൽ കമ്പനിയും (ടയർ ആൻഡ് ലൈം), രണ്ട് ലോക്കൽ കമ്പനിയും (അർണാബ്, സ്കർട്ട്) ആണ്. 2000 ഇ-സ്‌കൂട്ടറുകളെങ്കിലും കമ്പനികൾ വിന്യസിക്കുമെന്നും അൽ ടയർ കൂട്ടിച്ചേർത്തു.

പരീക്ഷണ ഘട്ടത്തിൽ, നാല് ഓപ്പറേറ്റർമാർക്കും “82 ശതമാനം വരെ” ഉപഭോക്തൃ സംതൃപ്തി റേറ്റിംഗ് ലഭിച്ചു. ദുബായിലെ ഇ-സ്കൂട്ടറുകൾ നിയുക്ത സ്ഥലങ്ങളിൽ മാത്രമേ പാർക്ക് ചെയ്യാൻ പാടുള്ളു. നടപ്പാതകളിലും ഓടുന്ന ട്രാക്കുകളിലും അനുവദിക്കില്ല. വാഹനങ്ങളുടെയോ കാൽനടയാത്രക്കാരുടെയോ സഞ്ചാരത്തിന് തടസ്സം സൃഷ്ടിക്കുന്നതോ റോഡ് ഉപയോക്താക്കൾക്ക് അപകടസാധ്യത ഉണ്ടാക്കുന്നതോ ആയ ഇടങ്ങളിൽ ബൈക്കോ ഇലക്ട്രിക് സ്കൂട്ടറോ പാർക്ക് ചെയ്താൽ 200 ദിർഹം പിഴ ഈടാക്കും.

റൈഡർമാർ പ്രതിഫലിപ്പിക്കുന്ന വസ്ത്രങ്ങളും ഹെൽമെറ്റുകളും ധരിക്കണം. മറ്റ് വാഹനങ്ങളിൽ നിന്നും കാൽനടയാത്രക്കാരിൽ നിന്നും സുരക്ഷിതമായ അകലം പാലിക്കണം. സ്കൂട്ടറിന്റെ വലിപ്പം അതിന്റെ റൈഡറുടേതിന് ആനുപാതികമായിരിക്കണം. അപകടങ്ങൾ പോലീസിലോ ആംബുലൻസിലോ ആർടിഎയിലോ റിപ്പോർട്ട് ചെയ്യണം. സൈ​ക്കി​ൾ, ബൈ​ക്ക് യാ​ത്രി​ക​ർ എ​പ്പോ​ഴും റോ​ഡി​ന്‍റെ വ​ല​തു​വ​ശ​ത്തുകൂ​ടി​യാ​ണ് യാ​ത്ര ചെ​യ്യേ​ണ്ട​ത്. റോ​ഡ്​ മാ​റു​മ്പോ​ൾ കൈ​കൊ​ണ്ട്​ സി​ഗ്ന​ൽ ന​ൽ​കു​ക​യും സു​ര​ക്ഷി​ത​ത്വം ഉ​റ​പ്പാ​ക്കു​ക​യും വേ​ണം. 16 വ​യ​സ്സി​ൽ കു​റ​ഞ്ഞ പ്രാ​യ​മു​ള്ള​വ​ർ​ക്ക്​ ഇ-​സ്കൂ​ട്ട​റി​ന്​ ലൈ​സ​ൻ​സ്​ ല​ഭി​ക്കി​ല്ല. 12 വ​യ​സ്സി​ൽ കു​റ​ഞ്ഞ പ്രാ​യ​മു​ള്ള​വ​ർ സൈ​ക്കി​ൾ ഓ​ടി​ക്കു​മ്പോ​ൾ 18 വ​യ​സ്സ്​ പി​ന്നി​ട്ട മു​തി​ർ​ന്ന ഒ​രാ​ൾ കൂ​ടെ​യു​ണ്ടാ​ക​ണ​മെ​ന്നും നി​ർ​ദേ​ശ​മു​ണ്ട്.

The post ദുബൈയിൽ ഇ-സ്കൂട്ടർ ഓടിക്കാൻ ലൈസൻസ് നിർബന്ധം appeared first on Starvision News Malayalam.