റാസല്‍ഖൈമയില്‍ ഡിസംബര്‍ മാസത്തില്‍ അടയ്്ക്കുന്ന മുഴുവന്‍ പിഴ സംഖ്യകള്‍ക്കും 50 ശതമാനം കിഴിവുണ്ടാവുമെന്ന് പൊതുസേവന വകുപ്പ് (റാക് പിഎസ്ഡി) അറിയിച്ചു. ദേശീയദിനാഘോഷത്തിന്റെ ഭാഗമായി പൊജതുജനങ്ങള്‍ക്ക് സന്തോഷം പകരുന്നതിനുള്ള വകുപ്പിന്റെ പ്രതിജ്ഞാബദ്ധതയുടെ ഭാഗമാണ് ഈ സംരംഭമെന്ന് റാസല്‍ഖൈമ സര്‍വീസസ് ഡിപ്പാര്‍ട്ട്മെന്റ് ഡയറക്ടര്‍ ജനറല്‍ ഖാലിദ് ഫദല്‍ അല്‍ അലി പറഞ്ഞു.

പരിസ്ഥിതി നിയമലംഘനങ്ങള്‍ ഉള്‍പ്പെടെ റാക് പിഎസ്ഡിക്ക് കീഴില്‍ വരുന്ന എല്ലാ പിഴകള്‍ക്കും ഇളവ് ലഭിക്കും. പിഴ കുടിശ്ശിക തീര്‍പ്പാക്കുന്നതിന് പൊതുജനങ്ങളെ പ്രോത്സാഹിപ്പിക്കുന്നതിനും വ്യക്തികളുടെ സാമൂഹികവും സാമ്പത്തികവുമായ അവസ്ഥകള്‍ കണക്കിലെടുത്തുമാണ് ഇളവ് നല്‍കുന്നത്. പൊതുജനങ്ങളുടെ സാമ്പത്തിക ബാധ്യതകള്‍ ലഘൂകരിക്കാനും സമൂഹത്തിന്റെ മൊത്തത്തിലുള്ള വികസനത്തിന് സംഭാവന നല്‍കാനുമാണ് വകുപ്പ് ലക്ഷ്യമിടുന്നത്. ഈ അവസരം പരമാവധി പ്രയോജനപ്പെടുത്തണമെന്ന് അധികാരികള്‍ സ്വദേശികളോടും വിദേശികളോടും അഭ്യര്‍ത്ഥിച്ചു.

The post യുഎഇ ദേശീയ ദിനം; എമിറേറ്റുകളില്‍ പിഴത്തുകയില്‍ 50% ഇളവ് appeared first on Starvision News Malayalam.