കണ്ടെയ്നറുകൾ കൂട്ടിയിടിച്ച് അപകടം: ഡ്രൈവർക്ക് ഗുരുതര പരിക്ക്

Reporter — Sat, 10 Feb 2024 07:29:25 +0000

തൃശൂർ: ചാലക്കുടി മുരിങ്ങൂരിലെ സിഗ്നൽ ജംഗ്ഷനിൽ കണ്ടെയ്നറുകൾ കൂട്ടിയിടിച്ച് അപകടം. സിഗ്നലിൽ നിർത്തിയ കണ്ടെയ്നറിന് പിന്നിലേക്ക് മറ്റൊരു കണ്ടെയ്നർ ഇടിച്ചു കയറുകയായിരുന്നു. ഇടിയുടെ ആഘാതത്തിൽ പിന്നിൽ വന്ന കണ്ടെയ്നറിന്റെ ക്യാബിൻ ചെയ്സിൽ നിന്നു വേർപെട്ട് അകത്തേയ്ക്ക് ഞെരിഞ്ഞമർന്ന് ഡ്രൈവർക്ക് ഗുരുതരമായി പരിക്കേറ്റു. ഇന്ന് പുലർച്ചെ നാലരയോടെയാണ് അപകടം. എറണാകുളം ഭാഗത്തു നിന്നും തമിഴ്നാട് തിരുപ്പൂരിലേക്ക് പോവുകയായിരുന്ന കണ്ടെയ്നർ സിഗ്നലിൽ നിർത്തിയ മറ്റൊരു കണ്ടെയ്നറിന് പിന്നിൽ വന്നിടിക്കുകയായിരുന്നു. ക്യാബിനിൽ കുടുങ്ങിയപ്പോയ ഡ്രൈവർ കൊല്ലം സ്വദേശിയായ ബേബി (41) യെ ചാലക്കുടി അഗ്നിരക്ഷാ സേനയെത്തിയാണ് പുറത്തെടുത്തത്. ഗുരുതരമായി പരിക്കേറ്റ ബേബി ഉടൻ അപ്പോളോ ആശുപത്രിയിൽ പ്രവേശിപ്പിച്ചു. ചാലക്കുടി അഗ്നി രക്ഷാ നിലയത്തിലെ സീനിയർ ഫയർ ആൻ്റ് റെസ്ക്യൂ ഓഫീസർ സി രമേശ് കുമാറിൻ്റെ നേതൃത്വത്തിലായിരുന്നു രക്ഷാപ്രവർത്തനം.

The post കണ്ടെയ്നറുകൾ കൂട്ടിയിടിച്ച് അപകടം: ഡ്രൈവർക്ക് ഗുരുതര പരിക്ക് appeared first on Starvision News Malayalam.

crashed | Starvision News Malayalam

കണ്ടെയ്നറുകൾ കൂട്ടിയിടിച്ച് അപകടം: ഡ്രൈവർക്ക് ​ഗുരുതര പരിക്ക്

കണ്ടെയ്നറുകൾ കൂട്ടിയിടിച്ച് അപകടം: ഡ്രൈവർക്ക് ഗുരുതര പരിക്ക്