കാസർകോട്: കാറഡുക്ക അഗ്രികൾച്ചറൽ വെൽഫെയർ കോ ഓപ്പറേറ്റീവ്‌ സൊസൈറ്റിയിൽ ഭരണസമിതിയെയും അംഗങ്ങളെയും വഞ്ചിച്ച് സെക്രട്ടറി കോടികൾ തട്ടിപ്പ് നടത്തിയ സംഭവത്തിൽ മൂന്നുപേര്‍ അറസ്റ്റിൽ.

ഒളിവിൽ കഴിയുന്ന സഹകരണസംഘം സെക്രട്ടറി കർമ്മന്തോടി ബാളക്കണ്ടത്തെ കെ. രതീശന്റെ സുഹൃത്തുക്കളായ നെല്ലിക്കാട്ട് സ്വദേശി അനിൽകുമാർ, പറക്കളായി സ്വദേശി ഗഫൂർ, മൗവ്വൽ സ്വദേശി ബഷീർ എന്നിവരാണ് അറസ്റ്റിലായത്.

രതീശൻ സംഘത്തിൽനിന്നും തട്ടിയെടുത്ത പണയസ്വർണം ദേശസാത്കൃത ബാങ്കിൽ പണയം വെച്ചവരാണിവരെന്ന് അന്വേഷണ സംഘം വ്യക്തമാക്കി. അറസ്റ്റിലായ ബഷീർ പള്ളിക്കര പഞ്ചായത്തിലെ ലീഗ് ജനപ്രതിനിധിയാണ്. ഇതിലൊരാൾക്ക് നേരത്തെ രതീശൻ ബാങ്ക് വഴി പണം കൈമാറിയതിന്റെ രേഖയും അന്വേഷണ സംഘത്തിന് ലഭിച്ചതായാണ് വിവരം.

The post കാറഡുക്ക കർഷക ക്ഷേമ സഹകരണ സംഘത്തിലെ തട്ടിപ്പ് കേസിൽ മൂന്ന് പേർ അറസ്റ്റിൽ appeared first on Starvision News Malayalam.