തിരുവനന്തപുരം: നിയമനത്തട്ടിപ്പ് കേസില്‍ അറസ്റ്റിലായ മൂന്നാം പ്രതി റയീസിനെ പൊലീസ് കസ്റ്റഡിയില്‍ വിട്ടു. ചോദ്യം ചെയ്യലിനായി മൂന്നു ദിവസത്തേക്കാണ് പൊലീസ് കസ്റ്റഡിയില്‍ വിട്ടത്. റയീസിന്റെ മൊബൈലില്‍ നിന്നാണ് വ്യാജ നിയമനക്കത്ത് തയ്യാറാക്കിയതും, അത് ഇ മെയില്‍ വഴി അയച്ചു നല്‍കിയതെന്നുമാണ് പൊലീസിന്റെ കണ്ടെത്തല്‍. നിയമനക്കോഴക്കേസില്‍ മലപ്പുറം സ്വദേശി ഹരിദാസന്റെ രഹസ്യമൊഴി രേഖപ്പെടുത്താന്‍ പൊലീസ് കോടതിയില്‍ അപേക്ഷ നല്‍കി. തിരുവനന്തപുരം ചീഫ് ജുഡീഷ്യല്‍ മജിസ്‌ട്രേറ്റ് കോടതിയിലാണ് കന്റോണ്‍മെന്റ് എസ്എച്ച്ഒ അപേക്ഷ നല്‍കിയത്.
ഹരിദാസന്‍ തുടര്‍ച്ചയായി മൊഴിമാറ്റുന്ന പശ്ചാത്തലത്തിലാണ് രഹസ്യ മൊഴി രേഖപ്പെടുത്താനുള്ള തീരുമാനം. അന്വേഷണം മുന്നോട്ടുകൊണ്ടു പോകുന്നതിന് ഹരിദാസന്റെ രഹസ്യമൊഴി എത്രയും വേഗം രേഖപ്പെടുത്തണമെന്ന് അപേക്ഷയില്‍ പൊലീസ് ആവശ്യപ്പെടുന്നു. ഹരിദാസന്‍ തുടര്‍ച്ചയായ രണ്ടാം ദിവസവും കന്റോണ്‍മെന്റ് പൊലീസിന് മുമ്പാകെ ഹാജരായി. മലപ്പുറത്തു വെച്ച് ചോദ്യം ചെയ്തപ്പോള്‍ അഖില്‍ മാത്യുവിന് പണം നല്‍കിയതായി ഹരിദാസന്‍ പറഞ്ഞിരുന്നു. എന്നാല്‍ കന്റോണ്‍മെന്റ് പൊലീസിന് മുമ്പാകെ ഹാജരായപ്പോള്‍, ആര്‍ക്കും പണം നല്‍കിയിട്ടില്ലെന്നും ബാസിത് പറഞ്ഞതുകൊണ്ടാണ് അഖില്‍ മാത്യുവിന്റെ പേര് പറഞ്ഞതെന്നും ഹരിദാസന്‍ പറഞ്ഞിരുന്നു.

The post നിയമനത്തട്ടിപ്പ് കേസ്: റയീസിനെ പൊലീസ് കസ്റ്റഡിയില്‍ വിട്ടു; ഹരിദാസന്റെ രഹസ്യമൊഴി രേഖപ്പെടുത്താന്‍ അപേക്ഷ appeared first on Starvision News Malayalam.

തി​രു​വ​ന​ന്ത​പു​രം: മു​ഖ്യ​മ​ന്ത്രി​യു​ടെ കീഴിലുള്ള വിവര- പൊതുസമ്പർക്ക വകുപ്പിൽ (പി.​ആ​ർ.​ഡി​) ജോ​ലി വാ​ഗ്​​ദാ​നം ചെ​യ്തും തൊ​ഴി​ൽ ത​ട്ടി​പ്പ്.​ പ​ത്ത​നം​തി​ട്ട സ്വ​ദേ​ശി​ക്ക്​ 34,000 രൂ​പ ന​ഷ്ട​പ്പെ​ട്ടു. എ​റ​ണാ​കു​ളം സ്വ​ദേ​ശി നെ​ടു​മ്പാ​ശ്ശേ​രി ആ​പ്പി​ൾ അ​പ്പാ​ർ​ട്ട്​​മെ​ന്‍റി​ൽ അ​രു​ൺ മേ​നോ​ൻ (40) എ​ന്ന​യാ​ൾ​ക്കെ​തി​രെ ക​ന്‍റോ​ൺ​മെ​ന്‍റ്​ പൊ​ലീ​സ്​ വി​വി​ധ വ​കു​പ്പു​ക​ൾ പ്ര​കാ​രം കേ​സെ​ടു​ത്തു. ജൂ​ൺ 21ന്​ ​വ്യാ​ജ നി​യ​മ​ന ഉ​ത്ത​ര​വ്​ അ​യ​ച്ചു​കൊ​ടു​ത്താ​ണ്​ ത​ട്ടി​പ്പ്​ ന​ട​ത്തി​യ​ത്. prdkerala.hr.gvtkerala.in@gmail.com എ​ന്ന വി​ലാ​സ​ത്തി​ൽ​നി​ന്നാ​ണ്​ തി​രു​വ​ന​ന്ത​പു​രം ഐ ​ആ​ൻ​ഡ്​​ പി.​ആ​ർ.​ഡി വ​കു​പ്പി​ൽ കാ​ഷ്വ​ൽ ത​സ്തി​ക​യി​ലേ​ക്കു​ള്ള അ​പേ​ക്ഷ പി.​ആ​ർ.​ഡി ഡ​യ​റ​ക്ട​ർ അം​ഗീ​ക​രി​ച്ചെ​ന്നും 14 ദി​വ​സ​ത്തി​നു​ള്ളി​ൽ വെ​രി​ഫി​ക്കേ​ഷ​ൻ ഉ​ത്ത​ര​വ്​ ല​ഭി​ക്കു​മെ​ന്നു​മു​ള്ള​ ആ​ദ്യ ഇ- ​മെ​യി​ൽ സ​ന്ദേ​ശം. ജൂ​ലൈ 15ന്​ ​പി.​ആ​ർ.​ഡി​യു​ടെ​ത​ന്നെ മ​റ്റൊ​രു ഇ- ​മെ​യി​ൽ വി​ലാ​സ​ത്തി​ൽ​നി​ന്ന്​ ഒ​റി​ജി​ന​ൽ സ​ർ​ട്ടി​ഫി​ക്ക​റ്റു​ക​ളു​മാ​യി ആ​ഗ​സ്റ്റ്​ ഏ​ഴി​ന്​ രാ​വി​ലെ 11ന്​ ​പി.​ആ​ർ.​ഡി ഓ​ഫി​സി​ൽ ഹാ​ജ​രാ​ക​ണ​മെ​ന്ന്​ ആ​വ​ശ്യ​പ്പെ​ട്ടു​ള്ള മെ​യി​ൽ വ​ന്നു. ആ​ഗ​സ്റ്റ്​ മൂ​ന്നി​ന്​ സ​ർ​ട്ടി​ഫി​ക്ക​റ്റ് വെ​രി​ഫി​ക്കേ​ഷ​ൻ 14ലേ​ക്ക്​ മാ​റ്റി​യെ​ന്ന മെ​യി​ൽ വ​ന്നു. പി​ന്നീ​ട്​ സ​ർ​ട്ടി​ഫി​ക്ക​റ്റ് വെ​രി​ഫി​ക്കേ​ഷ​ന് നേ​രി​ട്ട് ഹാ​ജ​രാ​കേ​ണ്ട​തി​ല്ലെ​ന്നും മെ​യി​ലി​ലേ​ക്ക്​ അ​പ്​​ലോ​ഡ്​ ചെ​യ്താ​ൽ മ​തി​യെ​ന്നു​ള്ള മെ​യി​ൽ വ​ന്നു. 19ന്​ ​നി​യ​മ​ന ഉ​ത്ത​ര​വ് ല​ഭി​ക്കു​ന്ന​തി​ന് മു​ന്നോ​ടി​യാ​യു​ള്ള പ​രി​ശീ​ല​ന ക്ലാ​സ് സം​ബ​ന്ധി​ച്ച വി​വ​രം അ​റി​യി​ച്ചു​ള്ള സ​ന്ദേ​ശ​വും വ​ന്നു. നി​യ​മ​നം മാ​ത്രം ല​ഭി​ച്ചി​ല്ല. 2023 ജൂ​ൺ മു​ത​ൽ 2023 ആ​ഗ​സ്റ്റ് മാ​സം​വ​രെ​യു​ള്ള കാ​ല​യ​ള​വി​ൽ നെ​ടു​മ്പാ​ശ്ശേ​രി​യി​ലു​ള്ള ആ​പ്പി​ൾ അ​പ്പാ​ർ​ട്ട്മെ​ന്റി​ൽ​വെ​ച്ച് പ​രാ​തി​ക്കാ​ര​നി​ൽ​നി​ന്ന്​ 34,000 രൂ​പ കൈ​പ്പ​റ്റി​യ​ശേ​ഷം പ​റ​ഞ്ഞ ജോ​ലി​യോ പ​ണ​മോ ന​ൽ​കി​യി​ല്ലെ​ന്നാ​ണ്​ മൊ​ഴി.

The post മു​ഖ്യ​മ​ന്ത്രി​യു​ടെ കീഴിലുള്ള പി.​ആ​ർ.​ഡി വകുപ്പിൽ തൊ​ഴി​ൽ ത​ട്ടി​പ്പ് appeared first on Starvision News Malayalam.

പ്രധാനമന്ത്രിക്ക് കടുത്ത സുരക്ഷാ വെല്ലുവിളികളുള്ള സാഹചര്യത്തിൽ സുരക്ഷാപ്ളാൻ ചോർന്നത് കേന്ദ്ര സർക്കാരും കേന്ദ്രസുരക്ഷാ ഏജൻസികളും അതീവ ഗൗരവത്തോടെയാണ് എടുത്തിട്ടുള്ളത്. റിപ്പോർട്ട് ച‌ോർന്നതോടെ പ്രധാനമന്ത്രിയുടെ സുരക്ഷാ ചുമതല പൂർണമായും എസ്.പി.ജിയുടെയും കേന്ദ്ര ഇന്റലിജൻസ് ബ്യൂറോയുടെയും നിയന്ത്രണത്തിലാക്കിയിരുന്നു. എസ്.പി.ജി തലവനും ഉന്നത ഉദ്യോഗസ്ഥരും കേരളത്തിലെത്തിയാണ് പ്രധാനമന്ത്രിയുടെ വേദികളിൽ സുരക്ഷാ നടപടികൾക്ക് നേതൃത്വം നൽകിയത്. പൊലീസ് നിര, ജനക്കൂട്ട നിയന്ത്രണം, വാഹന നിയന്ത്രണം തുടങ്ങി കായികാദ്ധ്വാനമുള്ള ജോലികൾ മാത്രമാണ് സംസ്ഥാന പൊലീസിനെ ഏൽപിച്ചത്. സുരക്ഷാ പ്ലാൻ ചോർച്ചയിൽ കേന്ദ്ര ഇന്റലിജൻസ് ബ്യൂറോ പ്രാഥമിക റിപ്പോർട്ട് കേന്ദ്ര ആഭ്യന്തര മന്ത്രാലയത്തിന് കൈമാറിയിട്ടുണ്ട്. ഐ.ബിയുടെ കേരളത്തിന്റെ ചുമതലയുള്ള ഡെപ്യൂട്ടി ഡയറക്ടറോട് വിശദ റിപ്പോർട്ട് ആവശ്യപ്പെട്ടിരിക്കുകയാണ്.സ്പെഷ്യൽ ആക്ട് പ്രകാരം വി.വി.ഐ.പികളുടെ സുരക്ഷയുമായി ബന്ധപ്പെട്ട രഹസ്യങ്ങൾ ചോർത്തുന്നത് മൂന്നുവർഷം തടവും പിഴയും ലഭിക്കാവുന്ന കുറ്റമാണ്.

The post പ്രധാനമന്ത്രിയുടെ സുരക്ഷാ വിവരങ്ങൾ ചോർന്നതിൽ പണി കിട്ടിയത് കേരള പൊലീസിന്, കൊടുത്തതാകട്ടെ എസ് പി ജി തലവൻ നേരിട്ടെത്തി appeared first on Starvision News Malayalam.