പാളയം വരെ പോകുന്നതിനായി പേരൂര്‍ക്കടയില്‍ നിന്ന് സ്വകാര്യബസില്‍ 13 രൂപയാണ് ടിക്കറ്റ് ചാര്‍ജ്. എന്നാല്‍, ഷിറാസിന്റെ കൈവശം 12 രൂപ മാത്രമാണ് ഉണ്ടായിരുന്നത്. ഒരു രൂപ കുറവുള്ളതിനാല്‍ യാത്ര പറ്റില്ലെന്നു പറഞ്ഞ കണ്ടക്‌ടര്‍ ഇയാളെ ബസില്‍ നിന്ന് ഇറക്കിവിടാന്‍ ശ്രമിച്ചു. തുടർന്നാണ് മർദ്ദനത്തിൽ കലാശിച്ചത്.

ഇതിനുശേഷം യാത്രക്കാരന്‍ മര്‍ദ്ദിച്ചെന്ന് ആരോപിച്ച്‌ ബസ് ജീവനക്കാരായ അനീഷും സുനിലും പേരൂര്‍ക്കട പൊലീസില്‍ വ്യാജപരാതിയും നല്‍കി. ബസിനുള്ളില്‍ ഉണ്ടായിരുന്നവര്‍ ആരുംതന്നെ സംഭവത്തോട് പ്രതികരിച്ചില്ലെങ്കിലും യാത്രക്കാരില്‍ ഒരാള്‍ ഈ രംഗങ്ങള്‍ മൊബൈല്‍ ക്യാമറയില്‍ പകര്‍ത്തി സമൂഹമാധ്യമങ്ങളില്‍ പ്രചരിപ്പിച്ചതോടെയാണ് സംഭവം പുറത്തറിഞ്ഞത്. സൂര്യ എന്ന സ്വകാര്യ ബസിനെതിരെയാണ് പൊലീസ് കേസെടുത്തത്.

The post ടിക്കറ്റ് ചാർജിൽ ഒരു രൂപ കുറഞ്ഞു; യാത്രക്കാരനെ മർദ്ദിച്ച് ബസ് ജീവനക്കാര്‍ appeared first on Starvision News Malayalam.