സിജെപി നേതാക്കളായ സൗരവ് ദാസ്, ആശുതോഷ് റങ്ക എന്നിവർ സെപ്റ്റംബർ അഞ്ചിന് എക്‌സിൽ പങ്കുവെച്ച പോസ്റ്റുകളാണ് കേസിനാധാരം. ഭാട്ടിയ നടത്തിയിട്ടില്ലാത്ത പരാമർശങ്ങൾ അദ്ദേഹത്തിന്റേതെന്ന രീതിയിൽ പ്രചരിപ്പിച്ചെന്നാണ് ഹർജിയിലെ ആരോപണം.

എഐ സാങ്കേതികവിദ്യ ഉപയോഗിച്ച് തയ്യാറാക്കിയ പോസ്റ്റിൽ ഭാട്ടിയയുടെ ചിത്രത്തോടൊപ്പം വ്യാജപ്രസ്താവന ചേർത്തതായും ഹർജിയിൽ പറയുന്നു. ഇതിലൂടെ തന്റെ പ്രതിച്ഛായയ്ക്ക് കേടുപാടുണ്ടായെന്ന് ചൂണ്ടിക്കാട്ടിയാണ് ഭാട്ടിയ രണ്ട് കോടി രൂപ നഷ്ടപരിഹാരം ആവശ്യപ്പെട്ട് മാനനഷ്ടക്കേസ് നൽകിയത്.

വിവാദ പോസ്റ്റുകളിൽ ഒന്ന് ഇതിനകം നീക്കം ചെയ്തതായി സിജെപി നേതാക്കൾ കോടതിയെ അറിയിച്ചു. ശേഷിക്കുന്ന പോസ്റ്റുകളും സ്വമേധയാ പിൻവലിക്കാൻ തയ്യാറാണോ എന്ന് പരിശോധിച്ച് കോടതിയെ അറിയിക്കാൻ നിർദേശിച്ചിട്ടുണ്ട്.

അഭിപ്രായപ്രകടനത്തിനുള്ള സ്വാതന്ത്ര്യം എല്ലാവർക്കുമുണ്ടെങ്കിലും അത് ഉത്തരവാദിത്വത്തോടെ വിനിയോഗിക്കണമെന്ന് കോടതി ഓർമിപ്പിച്ചു. കേസ് പിന്നീട് വീണ്ടും പരിഗണിക്കും.

The post ഗൗരവ് ഭാട്ടിയയുടെ പേരിൽ എഐ ഉപയോഗിച്ച് വ്യാജപ്രസ്താവന പ്രചരിപ്പിച്ചെന്ന് ആരോപണം; രണ്ട് കോടി രൂപയുടെ മാനനഷ്ടക്കേസ് appeared first on Starvision News Malayalam.

റായ്പുര്‍: ഛത്തീസ്ഗഢിലെ കോറിയ ജില്ലയില്‍ ബിജെപി നേതാവ് ഉള്‍പ്പെടെ മൂന്ന് പേരെ കാറിനുള്ളിലിട്ട് തീവെച്ചു കൊലപ്പെടുത്തി. മണല്‍ ഖനനവുമായി ബന്ധപ്പെട്ട തര്‍ക്കത്തിനൊടുവിലാണ് ക്രൂരകൃത്യം നടന്നത്. ബിജെപി നേതാവും മുന്‍ ജന്‍പദ് പഞ്ചായത്ത് പ്രസിഡന്റുമായ ഭരത് സിങ് (ലല്ല സിങ് ), അദ്ദേഹത്തിന്റെ ബന്ധു നാഗേന്ദ്ര സിങ്, വീരേന്ദ്ര സിങ് എന്നിവരാണ് കൊല്ലപ്പെട്ടത്.

മണല്‍ ഖനന കരാറിനെച്ചൊല്ലി ഭരത് സിങിന്റെ കുടുംബവും മറ്റൊരു ബിജെപി നേതാവായ മനോജ് ത്രിപാഠിയുടെ കുടുംബവും തമ്മില്‍ മാസങ്ങളായി തര്‍ക്കം നിലനിന്നിരുന്നു. ഈ വൈരാഗ്യമാണ് കൊലപാതകത്തിലേക്ക് നയിച്ചതെന്നാണ് പ്രാഥമിക നിഗമനം. ഭരത് സിങും സംഘവും സഞ്ചരിച്ച ഫോര്‍ച്യൂണര്‍ എസ് യു വിയെ ട്രക്കുകള്‍ ഉപയോഗിച്ച് വളഞ്ഞ ശേഷം പെട്രോള്‍ ഒഴിച്ച് തീയിടുകയായിരുന്നു. ഭരത് സിങ് തല്‍ക്ഷണം മരിച്ചു. മറ്റു രണ്ടുപേര്‍ ആശുപത്രിയില്‍ വെച്ചാണ് മരിച്ചത്. സംഭവവുമായി ബന്ധപ്പെട്ട് ഒമ്പത് പേര്‍ക്കെതിരെ കൊലപാതകം ഉള്‍പ്പെടെയുള്ള കുറ്റങ്ങള്‍ ചുമത്തി കേസെടുത്തു. നാല് പേരെ പൊലീസ് അറസ്റ്റ് ചെയ്തിട്ടുണ്ട്.

The post ബിജെപി നേതാവിനെയും കൂട്ടാളികളെയും കാറിനുള്ളിലിട്ട് തീവെച്ചു കൊന്നു appeared first on Starvision News Malayalam.