വാരിയബിള്‍ ടെക് ലിമിറ്റഡ് എന്ന കമ്പനിയുടെ പേരില്‍ ‘ഗെയിന്‍ബിറ്റ്‌കോയിന്‍’ എന്നറിയപ്പെടുന്ന പദ്ധതിയിലൂടെയാണ് വന്‍ തട്ടിപ്പ് നടന്നത്. സിംപിയുടെ ഭര്‍ത്താവും കമ്പനിയുടെ പ്രൊമോട്ടറുമായ അജയ് ഭരദ്വാജ്, മറ്റുപ്രൊമോട്ടര്‍മാരായ അമിത് ഭരദ്വാജ്, വിവേക് ഭരദ്വാജ്, മഹേന്ദര്‍ ഭരദ്വാജ് എന്നിവരാണ് കേസിലെ മറ്റുപ്രധാനപ്രതികള്‍. കമ്പനിയുടെ മള്‍ട്ടിലെവല്‍ മാര്‍ക്കറ്റിങ് ഏജന്റുമാരും കേസില്‍ ഉള്‍പ്പെട്ടിട്ടുണ്ട്. മഹാരാഷ്ട്രയിലും ഡല്‍ഹിയിലും കമ്പനിക്കെതിരേ നിരവധി കേസുകള്‍ രജിസ്റ്റര്‍ ചെയ്തതിന് പിന്നാലെയാണ് സംഭവത്തില്‍ ഇ.ഡി.യും അന്വേഷണം ആരംഭിച്ചത്. വന്‍പ്രതിഫലം വാഗ്ദാനം ചെയ്ത് നിക്ഷേപങ്ങള്‍ സ്വീകരിച്ചതില്‍ സിംപി ഭരദ്വാജ് ഉള്‍പ്പെടെയുള്ളവര്‍ക്ക് കൃത്യമായ പങ്കുണ്ടെന്നാണ് ഇ.ഡി.യുടെ കണ്ടെത്തല്‍. ബിറ്റ്‌കോയിന്‍ രൂപത്തില്‍ വന്‍തുക നിക്ഷേപം സ്വീകരിച്ച പ്രതികള്‍ ഇത് വിദേശത്തെ കമ്പനികളിലേക്കാണ് മാറ്റിയതെന്നും വിദേശരാജ്യങ്ങളില്‍ ഒട്ടേറെ വസ്തുവകകള്‍ വാങ്ങാനായി ഇത് ചെലവഴിച്ചെന്നും അന്വേഷണ ഉദ്യോഗസ്ഥര്‍ പറയുന്നു. അതേസമയം, കേസിലെ മുഖ്യപ്രതികളായ അജയ് ഭരദ്വാജ്, മഹേന്ദര്‍ ഭരദ്വാജ് എന്നിവരടക്കം ഇപ്പോഴും ഒളിവിലാണ്.

The post 6600 കോടിയുടെ ബിറ്റ്‌കോയിൻ നിക്ഷേപത്തട്ടിപ്പ്; പ്രൊമോട്ടറായ സ്ത്രീ അറസ്റ്റിൽ, സ്വത്ത് കണ്ടുകെട്ടി appeared first on Starvision News Malayalam.