കൊല്‍ക്കത്ത: ബിസിസിഐ നിര്‍ദേശത്തിന് പിന്നാലെ ബംഗ്ലദേശ് പേസര്‍ മുസ്തഫിസുര്‍ റഹ്മാനെ ടീമില്‍നിന്ന് ഒഴിവാക്കിയതായി ഐപിഎല്‍ ഫ്രാഞ്ചൈസിയായ കൊല്‍ക്കത്ത നൈറ്റ് റൈഡേഴ്സ് അറിയിച്ചിരുന്നു. ഇന്ത്യയും ബംഗ്ലദേശും തമ്മിലുള്ള നയതന്ത്ര സംഘര്‍ഷം രൂക്ഷമായതിനെ തുടര്‍ന്നാണ് താരത്തെ ടീമില്‍ നിന്ന് ഒഴിവാക്കാനുള്ള നിര്‍ദേശം ഇന്ത്യന്‍ ക്രിക്കറ്റ് ബോര്‍ഡ് കൊല്‍ക്കത്ത നൈറ്റ് റൈഡേഴ്‌സിനു നല്‍കിയത്. ഇതുപ്രകാരം താരത്തെ ടീമില്‍ നിന്ന് റിലീസ് ചെയ്തതായി കൊല്‍ക്കത്ത ടീം മാനേജ്‌മെന്റ് ഔദ്യോഗികമായി അറിയിച്ചു.

ഒഴിവാക്കിയതിന് പിന്നാലെ പ്രതികരണം അറിയിച്ചിരിക്കുകയാണ് മുസ്തഫിസുര്‍. അവര്‍ എന്നെ ഒഴിവാക്കിയാല്‍ എനിക്ക് എന്തുചെയ്യാന്‍ കഴിയും എന്നായിരുന്നു സംഭവത്തില്‍ ഒരു ബംഗ്ലദേശ് സ്‌പോര്‍ട്‌സ് മാധ്യമത്തോട് മുസ്തഫിസുറിന്റെ പ്രതികരണം. ഇതിനിടെ ബിസിസിഐ തീരുമാനത്തെ വിമര്‍ശിച്ച് ബംഗ്ലാദേശ് ക്രിക്കറ്റ് ബോര്‍ഡ് രംഗത്തെത്തി. ഇത്തരമൊരു അനുഭവം മുന്‍പ് ഉണ്ടായിട്ടില്ലെന്നും താരങ്ങളുടെ അന്തസ്സും സുരക്ഷയുമാണ് ഞങ്ങളുടെ മുന്‍ഗണനയെന്ന് ബംഗ്ലാദേശ് ക്രിക്കറ്റ് ബോര്‍ഡ് വാര്‍ത്താ കുറിപ്പില്‍ വ്യക്തമാക്കി. ചിലരെ ഒറ്റപ്പെടുത്തുന്ന ആശയങ്ങളില്‍ നിന്ന് പിന്മാറണമെന്നും ബിസിബി വ്യക്തമാക്കി.

ഡിസംബറില്‍ നടന്ന ഐപിഎല്‍ മിനി താരലേലത്തില്‍ 9.2 കോടി രൂപയ്ക്കാണ് മുസ്തഫിസുര്‍ റഹ്മാനെ കൊല്‍ക്കത്ത ടീം സ്വന്തമാക്കിയത്. ഐപിഎലില്‍ ഒരു ബംഗ്ലദേശ് താരത്തിനു ലഭിക്കുന്ന ഏറ്റവും ഉയര്‍ന്ന തുകയാണിത്. താരത്തെ ഒഴിവാക്കിയതോടെ ആവശ്യമെങ്കില്‍ പകരമൊരാളെ ടീമില്‍ ഉള്‍പ്പെടുത്താന്‍ കൊല്‍ക്കത്തയെ അനുവദിക്കുമെന്ന് ബിസിസിഐ അറിയിച്ചിരുന്നു. മാര്‍ച്ച് 26നാണ് ഐപിഎല്‍ തുടങ്ങുന്നത്. നിലവിലെ സാഹചര്യത്തില്‍ സെപ്റ്റംബറില്‍ നടക്കാനിരിക്കുന്ന ഇന്ത്യയുടെ ബംഗ്ലദേശ് പര്യടനവും അനിശ്ചിതത്വത്തിലായി.

മുസ്തഫിസുറിനെ ടീമിലെടുത്തതിനെതിരെ കൊല്‍ക്കത്ത ടീം സഹട ഉടമയും ബോളിവുഡ് താരവുമായ ഷാരൂഖ് ഖാനെതിരെ ഒരു വിഭാഗം ആരാധകര്‍ രൂക്ഷ വിമര്‍ശനവുമായി രംഗത്തെത്തിയിരുന്നു. ഷാരൂഖ് ഖാനെതിരെ ബിജെപി, ശിവ സേനാ നേതാക്കളാണ് വിമര്‍ശനവുമായി രംഗത്തെത്തിയത്. മുസ്തഫിസുറിനെ കളിപ്പിച്ചാല്‍ ഐപിഎല്‍ മത്സരങ്ങള്‍ തടസപ്പെടുത്തുമെന്ന് ഉജ്ജയിനിയിലെ മതനേതാക്കളും ഭീഷണി മുഴക്കിയിരുന്നു.

The post ‘എനിക്ക് എന്ത് ചെയ്യാന്‍ പറ്റും?’; ഐപിഎല്ലില്‍ നിന്ന് ഒഴിവാക്കപ്പെട്ടതിന് പിന്നാലെ മുസ്തഫിസുര്‍ റഹ്മാന്‍ appeared first on Starvision News Malayalam.

മുംബൈ: ടി20 ലോകകപ്പ് മുന്നില്‍ നില്‍ക്കെ സ്റ്റാര്‍ പേസര്‍ ജസ്പ്രിത് ബുംറ, ഓള്‍ റൗണ്ടര്‍ ഹര്‍ദ്ദിക് പാണ്ഡ്യ എന്നിവര്‍ക്ക് വിശ്രമം നല്‍കാനുള്ള നീക്കവുമായി ബിസിസിഐ. ലോകകപ്പിന് മുന്‍പ് നടക്കുന്ന ഏകദിന പോരാട്ടത്തിനുള്ള ടീമിലേക്ക് ഇരുവരേയും പരിഗണിച്ചേക്കില്ല. പൂര്‍ണ ഫിറ്റായി ഇരുവരേയും ലോകകപ്പില്‍ കളിപ്പിക്കാനുള്ള നീക്കമാണ് തീരുമാനത്തിനു പിന്നില്‍.

ഇന്ത്യയുടെ വൈറ്റ് ബോള്‍ ക്രിക്കറ്റിലെ നിര്‍ണായക താരങ്ങളാണ് ഇരുവരും. ലോകകപ്പില്‍ ടീമിന്റെ നട്ടെല്ലുകളായി നില്‍ക്കുന്ന താരങ്ങളും ഇരുവരുമാണ്. പരിക്കേല്‍ക്കുന്നത് ഒഴിവാക്കുക, ജോലി ഭാരം കുരയ്ക്കുക എന്നിവയെല്ലാം തീരുമാനത്തിനു പിന്നിലുണ്ടെന്നാണ് റിപ്പോര്‍ട്ടുകള്‍.

കിവികള്‍ക്കെതിരായ ടി20 പരമ്പരയും ലോകകപ്പിനു മുന്‍പ് ഇന്ത്യ കളിക്കുന്നുണ്ട്. ജനുവരി നാലിനോ അഞ്ചിനോ ഏകദിന പരമ്പരയ്ക്കുള്ള ടീമിനെ പ്രഖ്യാപിക്കും.

വിക്കറ്റ് കീപ്പര്‍ സ്ഥാനത്തു നിന്നു ഋഷഭ് പന്തിനെ മാറ്റി ഇഷാന്‍ കിഷന്‍, ജിതേഷ് ശര്‍മ എന്നിവരിലൊരാളെ ഏകദിന ടീമിലേക്ക് പരിഗണിക്കാനും ബിസിസിഐ ആലോചിക്കുന്നുണ്ട്. നിലവില്‍ കെഎല്‍ രാഹുല്‍ ഏകദിന ടീം വിക്കറ്റ് കീപ്പറായി ടീമിലുണ്ട്. ബേക്ക് അപ്പായാണ് ഇഷാന്‍, ജിതേഷ് എന്നിവരെ പരിഗണിക്കുന്നത്.

സയ്യിദ് മുഷ്താഖ് അലി ട്രോഫി ടി20 പോരാട്ടത്തിന്റെ ഫൈനലില്‍ ഓപ്പണറായി ഇറങ്ങി സെഞ്ച്വറി നേടി മികവ് തെളിയിച്ചതിനു പിന്നാലെ ഇഷാന്‍ കിഷനെ ലോകകപ്പ് ടീമില്‍ ഉള്‍പ്പെടുത്തിയിരുന്നു. സഞ്ജു സാംസണ്‍ ഒന്നാം വിക്കറ്റ് കീപ്പറും ഓപ്പണറുമായി ലോകകപ്പ് ടീമില്‍ സ്ഥാനമുറപ്പിച്ചപ്പോള്‍ സ്റ്റാന്‍ഡ് ബൈ കീപ്പറും ഓപ്പണറുമായാണ് ഇഷാന്റെ വരവ്. പിന്നാലെയാണ് ഏകദിനത്തിലേക്കും താരത്തെ പരിഗണിക്കുന്നത് എന്നാണ് വിവരം.

ജനുവരി 11, 14, 18 തീയതികളിലായാണ് ന്യൂസിലന്‍ഡിനെതിരായ ഏകദിന പരമ്പര. ടി20 പരമ്പര ജനുവരി 21 മുതല്‍ 31 വരെയാണ്. നഗ്പുര്‍, റായ്പുര്‍, ഗുവാഹത്തി, വിശാഖപട്ടണം, തിരുവനന്തപുരം എന്നിവയാണ് ടി20 പരമ്പരയ്ക്കുള്ള വേദികള്‍.

The post ഏകദിനത്തില്‍ പന്തിന് പകരം ഇഷാൻ കിഷൻ? ബുംറയ്ക്കും ഹര്‍ദ്ദിക് പാണ്ഡ്യയ്ക്കും വിശ്രമം appeared first on Starvision News Malayalam.

മുംബൈ: ഇന്ത്യ ക്രിക്കറ്റ് ടീമിന്‍റെ ജേഴ്സി സ്പോണ്‍സര്‍മാരായ ഓണ്‍ലൈന്‍ ഗെയിമിംഗ് ആപ്പായ ഡ്രീം ഇലവനുമായുള്ള ബന്ധം ഔദ്യോഗികമായി അവസാനിപ്പിച്ച് ബിസിസിഐ. പണം വച്ചുള്ള ഓൺലൈൻ ഗെയിമുകളുടെ പ്രവർത്തനം, പരസ്യം എന്നിവ നിരോധിച്ചുകൊണ്ടുള്ള ‘പ്രൊമോഷൻ ആൻഡ്‌ റെഗുലേഷന്‍ ഓഫ് ഓണ്‍ലൈന്‍ ഗെയിമിംഗ് ബില്‍ വ്യാഴാഴ്ച പാര്‍ലമെന്‍റിന്‍റെ ഇരുസഭകളും പാസാക്കിയതിന് പിന്നാലെ ബിസിസിഐയും ഡ്രീം ഇലവനുമായുള്ള ബന്ധം അവസാനിപ്പിക്കുമെന്ന് റിപ്പോര്‍ട്ടുകള്‍ വന്നിരുന്നുവെങ്കിലും ഇന്നാണ് ബിസിസിഐ കരാര്‍ റദ്ദാക്കിയതായി ഔദ്യോഗികമായി സ്ഥിരീകരിച്ചത്. ഭാവിയില്‍ ഇത്തരം സ്ഥാപനങ്ങളുമായി സ്പോണ്‍സര്‍ഷിപ്പ് കരാറില്‍ ഏര്‍പ്പെടില്ലെന്ന് ബിസിസിഐ സെക്രട്ടറി ദേവ്ജിത് സൈക്കിയ വാര്‍്തതാ ഏജന്‍സിയായ എഎൻഐയോട് പറഞ്ഞു. 

ഡ്രീം ഇലവനുമായുള്ള ബന്ധം അവസാനിപ്പിച്ചതോടെ അടുത്തമാസം നടക്കുന്ന ഏഷ്യാ കപ്പില്‍ സ്പോണ്‍സറില്ലാതെയാകും ഇന്ത്യ ഇറങ്ങുക എന്നാണ് സൂചന. ടൊയോട്ട അടക്കമുള്ള വമ്പന്‍ ബ്രാന്‍ഡുകള്‍ ഇന്ത്യൻ ടീമിന്‍റെ ജേഴ്സി സ്പോൺസര്‍ഷിപ്പില്‍ താല്‍പര്യം അറിയിച്ചിട്ടുണ്ട്. നേരത്തെ ഡ്രീം ഇലവന്‍ ഹേമങ് അമിന്‍ ബിസിസിഐ ആസ്ഥാനത്തെത്തി ചര്‍ച്ചകള്‍ നടത്തിയിരുന്നു. ഇതിനുശേഷമാണ് ബിസിസിഐ സ്പോണ്‍സര്‍ഷിപ്പ് കരാര്‍ ഔദ്യോഗികമായി റദ്ദാക്കിയതായി അറിയിച്ചത്. 

അതേസമയം, 2026വരെ ഡ്രീം ഇലവനുമായി സ്പോണ്‍സര്‍ഷിപ്പ് കരാറുണ്ടെങ്കിലും ഇടക്ക് വെച്ച് കരാര്‍ അവസാനിപ്പിച്ചതിന്‍റെ പേരില്‍ ബിസിസിഐക്ക് ഡ്രീം ഇലവൻ നഷ്ടപരിഹാരം നല്‍കേണ്ടിവരില്ലെന്നാണ് വിലയിരുത്തല്‍. സര്‍ക്കാര്‍ നിയമനിര്‍മാണം മൂലം പ്രവര്‍ത്തനം അവസാനിപ്പിക്കേണ്ട സാഹചര്യം വന്നാല്‍ ക്രിക്കറ്റ് ബോര്‍ഡിന് നഷ്ടപരിഹാരം നല്‍കേണ്ടതില്ലെന്ന കരാറിലെ വ്യവസ്ഥയാണ് ഡ്രീം ഇലവന് തുണയായത്.

The post ഡ്രീം ഇലവനുമായുള്ള ബന്ധം ഔദ്യോഗികമായി അവസാനിപ്പിച്ച് ബിസിസിഐ, ഏഷ്യാ കപ്പിൽ ഇന്ത്യ കളിക്കുക സ്പോണ്‍സറില്ലാതെ appeared first on Starvision News Malayalam.

ന്യൂഡല്‍ഹി: ഇന്ത്യ – പാകിസ്താന്‍ സംഘര്‍ഷത്തിന്റെ പശ്ചാത്തലത്തില്‍ ഐപിഎല്‍ മത്സരങ്ങള്‍ അനിശ്ചിതമായി നിര്‍ത്തിവെച്ചു. ബിസിസിഐ വൃത്തങ്ങളെ ഉദ്ധരിച്ച് വാര്‍ത്താ ഏജന്‍സിയായ പിടിഐ ആണ് ഇക്കാര്യം റിപ്പോര്‍ട്ട് ചെയ്തിരിക്കുന്നത്. ബിസിസിഐയോ ഐപിഎല്‍ ഭരണ സമിതിയോ ഇക്കാര്യത്തില്‍ ഔദ്യോഗികമായി ഇതുവരെ പ്രതികരിച്ചിട്ടില്ല.

സംഘര്‍ഷം തുടരുന്ന സാഹചര്യത്തില്‍ ടൂര്‍ണമെന്റിന്റെ ഭാവി സംബന്ധിച്ച തീരുമാനം വെള്ളിയാഴ്ച ഉണ്ടായേക്കുമെന്ന് റിപ്പോര്‍ട്ടുകളുണ്ടായിരുന്നു. സുരക്ഷാ കാരണങ്ങളാലാണ് തീരുമാനമെന്നാണ് റിപ്പോര്‍ട്ട്. ഇരു രാജ്യങ്ങളും തമ്മിലുള്ള സംഘര്‍ഷത്തിന്റെ പശ്ചാത്തലത്തില്‍ വ്യാഴാഴ്ച ധരംശാലയില്‍ നടന്ന പഞ്ചാബ് കിങ്സ് – ഡല്‍ഹി ക്യാപിറ്റല്‍സ് മത്സരം പാതിവഴിയില്‍ ഉപേക്ഷിച്ചിരുന്നു. ജമ്മുവിലും പത്താന്‍കോട്ടിലും അപായ സൈറണ്‍ മുഴങ്ങിയതിനു പിന്നാലെ ധരംശാലയിലെ സ്റ്റേഡിയത്തില്‍ വൈദ്യുതി ബന്ധം വിച്ഛേദിച്ചിരുന്നു. പിന്നാലെ സുരക്ഷ മുന്‍നിര്‍ത്തി മത്സരം ഉപേക്ഷിക്കാന്‍ തീരുമാനിച്ചു.

കഴിഞ്ഞ ദിവസം പാകിസ്താനിലെ റാവൽപിണ്ടിയിൽ സ്റ്റേഡിയത്തിന് പുറത്ത് നടന്ന സ്ഫോടനത്തെ തുടർന്ന് പാകിസ്താൻ സൂപ്പർ ലീഗ് മത്സരങ്ങളുടെ വേദി മാറ്റാൻ പാകിസ്താൻ ക്രിക്കറ്റ് ബോർഡ് തീരുമാനിച്ചിരുന്നു. മത്സരത്തിന് തൊട്ടു മുൻപാണ് സ്ഫോടനമുണ്ടായത്.

The post ഇന്ത്യ – പാക് സംഘര്‍ഷം; ഐപിഎല്‍ മത്സരങ്ങള്‍ നിര്‍ത്തിവെച്ചു appeared first on Starvision News Malayalam.

മനാമ: ‘വ്യാപാരത്തിലൂടെയും തൊഴിലിലൂടെയും സുസ്ഥിരമായ ഭാവി രൂപപ്പെടുത്തല്‍’ എന്ന പ്രമേയത്തില്‍ ബഹ്റൈന്‍ ചേംബര്‍ ഓഫ് കൊമേഴ്സ് ആന്റ് ഇന്‍ഡസ്ട്രി (ബി.സി.സി.ഐ) സംഘടിപ്പിച്ച ബാബ് അല്‍ ബഹ്റൈന്‍ ഫോറം 2025, ബഹ്‌റൈന്‍ കിരീടാവകാശിയും പ്രധാനമന്ത്രിയുമായ സല്‍മാന്‍ ബിന്‍ ഹമദ് അല്‍ ഖലീഫ രാജകുമാരന്‍ നിയോഗിച്ചതനുസരിച്ച് ഉപപ്രധാനമന്ത്രി ഷെയ്ഖ് ഖാലിദ് ബിന്‍ അബ്ദുല്ല അല്‍ ഖലീഫ ഉദ്ഘാടനം ചെയ്തു.
ഫോറത്തിലെ പ്രമുഖ പ്രാദേശിക, മേഖലാ, അന്തര്‍ദേശീയ പങ്കാളിത്തം ബഹ്റൈന്‍ പുലര്‍ത്തുന്ന അന്താരാഷ്ട്ര ആത്മവിശ്വാസത്തിന്റെ വ്യക്തമായ സൂചനയാണെന്ന് ഷെയ്ഖ് ഖാലിദ് ബിന്‍ അബ്ദുല്ല പറഞ്ഞു. സാമ്പത്തിക സംഭാഷണത്തിനും ഭാവി വികസന തന്ത്രങ്ങള്‍ രൂപപ്പെടുത്തുന്നതിനുമുള്ള വിശ്വസനീയമായ ഒരു ലക്ഷ്യസ്ഥാനമെന്ന നിലയില്‍ ബഹ്റൈനെ ഇത് അടയാളപ്പെടുത്തുന്നു എന്നും അദ്ദേഹം പറഞ്ഞു.
ഇന്റര്‍നാഷണല്‍ ലേബര്‍ ഓര്‍ഗനൈസേഷന്‍ (ഐ.എല്‍.ഒ), വേള്‍ഡ് ട്രേഡ് ഓര്‍ഗനൈസേഷന്‍ (ഡബ്ല്യു.ടി.ഒ), ഇന്റര്‍നാഷണല്‍ ചേംബര്‍ ഓഫ് കൊമേഴ്സ് (ഐ.സി.സി), ഗള്‍ഫ് കോ-ഓപ്പറേഷന്‍ കൗണ്‍സില്‍ (ജി.സി.സി) സെക്രട്ടേറിയറ്റ് ജനറല്‍ പ്രതിനിധികള്‍, വ്യാപാര മന്ത്രിമാര്‍, അറബ്, ഗള്‍ഫ് ചേംബര്‍ ഓഫ് കൊമേഴ്സ് നേതാക്കള്‍ എന്നിവര്‍ ഫോറത്തില്‍ ഒത്തുചേര്‍ന്നു.

The post ബാബ് അല്‍ ബഹ്റൈന്‍ ഫോറം ഉപപ്രധാനമന്ത്രി ഉദ്ഘാടനം ചെയ്തു appeared first on Starvision News Malayalam.

മനാമ: ബഹ്‌റൈനില്‍ വെര്‍ച്വല്‍ കൊമേഴ്സ്യല്‍ രജിസ്ട്രേഷന്‍ (സിജിലി) സംവിധാനം നവീകരിക്കാനുള്ള നടപടികള്‍ തുടങ്ങി. ഇതു സംബന്ധിച്ച് വ്യവസായ വാണിജ്യ മന്ത്രാലയം, ബഹ്റൈന്‍ ചേംബര്‍ ഓഫ് കൊമേഴ്സ് ആന്‍ഡ് ഇന്‍ഡസ്ട്രിയു(ബി.സി.സി.ഐ)മായി പ്രാഥമിക ചര്‍ച്ച നടത്തി.
നവീകരണത്തിന്റെ ഭാഗമായി ബിസിനസ് സമൂഹത്തിന്റെ വിവരങ്ങള്‍ അപ്ഡേറ്റ് ചെയ്യാന്‍ ലക്ഷ്യമിടുന്നു. ഇത് സ്വകാര്യമേഖലയെ കൂടുതല്‍ പിന്തുണയ്ക്കാനും ദേശീയ സമ്പദ്വ്യവസ്ഥയുടെ പ്രധാന ചാലകമെന്ന നിലയില്‍ അതിന്റെ പങ്ക് ശക്തിപ്പെടുത്താനും ഉദ്ദേശിച്ചാണ്.
സാമ്പത്തിക വളര്‍ച്ചയ്ക്ക് സംഭാവന നല്‍കുന്ന സംരംഭകരെയും ചെറുകിട ബിസിനസുകാരെയും ശാക്തീകരിക്കുന്നതിനാണ് സിജിലി രൂപകല്‍പ്പന ചെയ്തിരിക്കുന്നതെന്ന് വ്യവസായ- വാണിജ്യ മന്ത്രി അബ്ദുല്ല ബിന്‍ ആദെല്‍ ഫഖ്റോ പറഞ്ഞു. കൂടുതല്‍ അനുയോജ്യവും ബിസിനസ് സൗഹൃദവുമായ അന്തരീക്ഷം സൃഷ്ടിക്കുന്നതിന് റെഗുലേറ്ററി ചട്ടക്കൂട് തുടര്‍ച്ചയായി പരിഷ്‌കരിക്കുമെന്നും അദ്ദേഹം പറഞ്ഞു.

ബഹ്റൈനിലെ ബിസിനസ് അന്തരീക്ഷം വര്‍ധിപ്പിക്കാനുള്ള ഗവണ്‍മെന്റിന്റെ വിപുലമായ ശ്രമങ്ങളുമായി സിജിലി സഹകരിക്കുന്നു. സമീപകാല അപ്ഡേറ്റുകള്‍ സംരംഭകര്‍ക്കും നിക്ഷേപകര്‍ക്കും അവരുടെ സംരംഭങ്ങള്‍ ആരംഭിക്കുന്നതും വിപുലീകരിക്കുന്നതും എളുപ്പമാക്കും. അതുവഴി മേഖലയിലെ നിക്ഷേപത്തിനും ബിസിനസിനുമുള്ള മുന്‍നിര ലക്ഷ്യസ്ഥാനമെന്ന നിലയില്‍ ബഹ്റൈന്റെ സ്ഥാനം ശക്തിപ്പെടുമെന്നും അദ്ദേഹം പ്രത്യാശിച്ചു.
ദേശീയ സാമ്പത്തിക വികസനത്തിന് സംഭാവന നല്‍കുന്നതില്‍ ബി.സി.സി.ഐയുടെ പങ്ക് എടുത്തുപറഞ്ഞ ഫഖ്റോ, മന്ത്രാലയവും ബി.സി.സി.ഐയും തമ്മിലുള്ള സഹകരണമാണ് ഇത്തരം സംരംഭങ്ങളുടെ വിജയത്തിനു കാരണമെന്നും അദ്ദേഹം പറഞ്ഞു.

The post സിജിലി നവീകരണ നടപടികള്‍ക്ക് തുടക്കമായി appeared first on Starvision News Malayalam.

മനാമ: ബഹ്‌റൈൻ പ്രവാസികൾക്കായി പുതിയ വർക്ക് പെർമിറ്റ് കാർഡ് അവതരിപ്പിച്ചു. നിയമലംഘനങ്ങൾക്ക് യാതൊരുവിധ നടപടികളും നേരിടാത്ത, സാധുവായ റെസിഡൻസിയുള്ള യോഗ്യതയുള്ള തൊഴിലാളികൾക്ക്, രാജ്യത്തുടനീളം ഉടൻ ആരംഭിക്കുന്ന തൊഴിലാളി രജിസ്ട്രേഷൻ കേന്ദ്രങ്ങളിൽ കാർഡിന് അപേക്ഷിക്കാം. ഒരു വ്യക്തിയുടെ തൊഴിൽ വൈദഗ്ധ്യവും മറ്റ് വ്യക്തിഗത വിശദാംശങ്ങളും കാർഡിൽ പ്രദർശിപ്പിക്കും. തൊഴിലാളിയുടെ ഫോട്ടോ, തൊഴിൽ, പേര്, സി.പി.ആർ നമ്പർ എന്നിവ ഇതിൽ രേഖപ്പെടുത്തിയിരിക്കും. രജിസ്ട്രേഷനും മറ്റ് നടപടികളും ഉടൻതന്നെ ആരംഭിക്കും. കാർഡിന് ഒരു ക്യുആർ കോഡ് ഉണ്ടായിരിക്കും. അതിൽ തൊഴിലാളിയെക്കുറിച്ചുള്ള എല്ലാ വിവരങ്ങളും പ്രാവീണ്യമുള്ള ജോലിയുടെ തരവും ഉൾക്കൊള്ളുന്നു.

പ്രവാസി തൊഴിലാളി രജിസ്‌ട്രേഷൻ പ്രോഗ്രാമിനെക്കുറിച്ച് വിശദമാക്കുന്നതിനായി ലേബർ മാർക്കറ്റ് റെഗുലേറ്ററി അതോറിറ്റി (എൽ‌എം‌ആർ‌എ) ബഹ്‌റൈൻ ചേംബർ ഓഫ് കൊമേഴ്‌സ് ആൻഡ് ഇൻഡസ്ട്രിയുമായി (ബിസിസിഐ) സംയുക്ത പത്രസമ്മേളനത്തിലാണ് ഇക്കാര്യം വ്യക്തമാക്കിയത്. ഈസ കൾച്ചറൽ സെന്ററിൽ നടത്തിയ വാർത്താ സമ്മേളനത്തിൽ തൊഴിൽ മന്ത്രി ജമീൽ ഹുമൈദാനാണ് നടപടി പ്രഖ്യാപിച്ചത്. ലേബർ മാർക്കറ്റ് റെഗുലേറ്ററി അതോറിറ്റി ചീഫ് എക്‌സിക്യൂട്ടീവ് നൗഫ് ജംഷീർ, ബഹ്‌റൈൻ ചേംബർ ചെയർമാൻ സമീർ നാസ് എന്നിവരും പങ്കെടുത്തു.

രാജ്യത്തെ യോഗ്യരായ തൊഴിലാളികളുടെ ഡാറ്റാബേസ് സൃഷ്ടിക്കാനുള്ള സർക്കാരിന്റെ ശ്രമങ്ങളുടെ ഭാഗമാണ് തീരുമാനമെന്ന് ഹുമൈദാൻ പറഞ്ഞു. “എല്ലാ കക്ഷികളുടെയും അവകാശങ്ങൾ കണക്കിലെടുത്ത് ജീവനക്കാർക്കും തൊഴിലുടമകൾക്കും ന്യായമായ അന്തരീക്ഷം നൽകുന്നത് തുടരുകയാണ് ഇത് ലക്ഷ്യമിടുന്നത്,” അദ്ദേഹം പറഞ്ഞു.

ഫ്ലെക്സി പെർമിറ്റ് നിർത്തലാക്കാനുള്ള സർക്കാർ തീരുമാനത്തെ തുടർന്നാണ് പുതിയ വർക്ക് പെർമിറ്റ് കാർഡ്. എല്ലാ തൊഴിലുകളും നിശ്ചിത മാനദണ്ഡങ്ങൾ ഏർപ്പെടുത്തും. ഇതുസംബന്ധിച്ച വിശദാംശങ്ങൾ ഉടൻതന്നെ പുറത്തുവിടും. മികച്ച നിലവാരുമുള്ള തൊഴിലാളികളാണ് രാജ്യത്തേക്ക് വരുന്നതെന്ന് ഉറപ്പാക്കുകയാണ് ഇതുവഴി ലക്ഷ്യമിടുന്നത്.

വർക്ക് പെർമിറ്റുകളെ തൊഴിലധിഷ്ഠിതവും പ്രവർത്തനപരവുമായ മാനദണ്ഡങ്ങളുമായി ബന്ധിപ്പിക്കുന്നത് സംബന്ധിച്ച കൂടുതൽ വിശദാംശങ്ങൾ ഉടൻ പ്രഖ്യാപിക്കുമെന്നും ഈ നീക്കം തൊഴിൽ വിപണിക്ക് ഗുണം ചെയ്യുമെന്നും ഹുമൈദാൻ പറഞ്ഞു. ബഹ്‌റൈൻ ചേംബറിന്റെ സഹകരണത്തോടെയുള്ള ഈ സംരംഭം തൊഴിൽ വിപണിയെ കാര്യക്ഷമമാക്കുമെന്ന് എൽ.എം.ആർ.എ സി.ഇ.ഒ നൂഫ് അബ്ദുൽ റഹ്മാൻ ജംഷീർ വ്യക്തമാക്കി. നിയമലംഘകരെയും തൊഴിൽ പെർമിറ്റുകളുടെ കച്ചവടവും കടത്ത് ഉൾപ്പെടെയുള്ള നിയമവിരുദ്ധമായ നടപടികളും കണ്ടെത്താൻ പരിശോധന ശക്തമാക്കുമെന്നും അദ്ദേഹം പറഞ്ഞു.

ഫ്ലെക്സി വിസ നിർത്തലാക്കണമെന്ന് ദീർഘനാളായി വ്യവസായ സമൂഹം ആവശ്യപ്പെടുന്നതാണെന്ന് ബഹ്റൈൻ ചേംബർ ചെയർമാൻ സമീർ നാസ് പറഞ്ഞു. സ്വദേശികൾക്കും പ്രവാസികൾക്കും തുല്യവസരമൊരുക്കുന്നതാണ് പുതിയ സംവിധാനമെന്നും അദ്ദേഹം കൂട്ടിച്ചേർത്തു. വിസിറ്റ് വിസയിൽ തൊഴിൽ തേടി രാജ്യത്തെത്തുന്നവർ ജോലി ലഭിച്ചാൽ രാജ്യത്തിന് പുറത്തുപോയി വരണമെന്ന നിബന്ധന ഏർപ്പെടുത്തണമെന്നും അദ്ദേഹം നിർദ്ദേശിച്ചു.

വ്യവസായ-വാണിജ്യ-ടൂറിസം മന്ത്രാലയത്തിന്റെ സഹകരണത്തോടെയാണ് പുതിയ ലേബർ രജിസ്‌ട്രേഷൻ കേന്ദ്രങ്ങൾ ആരംഭിക്കുന്നത്. ബഹ്‌റൈനിൽ താമസിക്കുന്ന പ്രവാസി തൊഴിലാളികൾക്ക് പെർമിറ്റിന് അപേക്ഷിക്കാം. പരസ്പര സമ്മതമുള്ള കരാറുകളെ ആശ്രയിച്ച് ഒന്നോ അതിലധികമോ തൊഴിലുടമകളുമായി നിർദ്ദിഷ്ട ജോലി ഏറ്റെടുക്കാം.

യോഗ്യരായ തൊഴിലാളികൾ പെർമിറ്റ് നൽകുന്നതിനും പുതുക്കുന്നതിനുമുള്ള ഫീസ്, ആരോഗ്യ ഇൻഷുറൻസ്, പുറപ്പെടൽ ചെലവുകൾ എന്നിവ കൂടാതെ പ്രതിമാസ ഫീസും രജിസ്ട്രേഷൻ ചെലവും നൽകണം. തുക പിന്നീട് വെളിപ്പെടുത്തും.

The post ബഹ്‌റൈൻ പ്രവാസികൾക്കായി പുതിയ വർക്ക് പെർമിറ്റ് കാർഡ് അവതരിപ്പിച്ചു appeared first on Starvision News Malayalam.

ന്യൂഡല്‍ഹി

വനിതാ ഐപിഎൽ ഉടൻ നടത്തുമെന്നും ആദ്യ സീസൺ അടുത്ത വർഷം ആരംഭിക്കുമെന്നും കത്തിൽ പരാമർശിക്കുന്നതായി റിപ്പോർട്ട് ഉണ്ട്. പുരുഷ ഐ.പി.എല്ലിൽ 10 ടീമുകൾ ഉണ്ടാകുമെന്നും ഹോം എവേ അടിസ്ഥാനത്തിൽ മത്സരങ്ങൾ നടക്കുമെന്നും കത്തിൽ പറയുന്നു.

ഇന്ത്യൻ ടീമുമായി ബന്ധപ്പെട്ട ചില പരമ്പരകളുടെ വിശദാംശങ്ങളും ഗാംഗുലി വെളിപ്പെടുത്തി. ഓസ് ട്രേലിയ, ദക്ഷിണാഫ്രിക്ക എന്നിവർക്കെതിരായ പരമ്പരയ്ക്ക് ശേഷം ഇന്ത്യൻ പുരുഷ ടീം ശ്രീലങ്ക, ന്യൂസിലൻഡ് ടീമുകൾക്കെതിരെയും മത്സരിക്കും. ഇതെല്ലാം ഇന്ത്യയിലാണ് നടക്കുന്നത്. ഓസ്ട്രേലിയയ്ക്കെതിരെയാണ് വനിതാ ടീം പരമ്പര കളിക്കുക. അതും ഇന്ത്യയിൽ ആണ് നടക്കുക.

The post വനിതാ ഐപിഎല്‍ 2023ൽ; സൂചന നല്‍കി ഗാംഗുലി appeared first on Starvision News Malayalam.

The post ആകാശനീലയിലേക്ക് വീണ്ടും; ഭാഗ്യനിറവുമായി ബിസിസിഐയുടെ പുതിയ ജേഴ്സി appeared first on Starvision News Malayalam.