മനാമ: മലങ്കര ഓർത്തഡോക്സ് സുറിയാനി സഭ ബോംബെ ഭദ്രാസനത്തിൽപെട്ട ബഹ്റൈൻ സെന്റ് മേരീസ് ഇന്ത്യന്‍ ഓര്‍ത്തഡോക്സ് കത്തീഡ്രലില്‍ പെസഹ പെരുന്നാൾ ആചരിച്ചു. മാവേലിക്കര ഭദ്രാസനാധിപന്‍ അഭിവന്ദ്യ എബ്രഹാം മാർ എപ്പിഫാനിയോസ് മെത്രാപ്പോലീത്ത വി. കുർബ്ബാനക്കും ശുശ്രൂഷകൾക്കും പ്രധാന കാർമ്മികത്വം വഹിച്ചു. കത്തീഡ്രല്‍ വികാരി ഫാ. സുനിൽ കുര്യൻ ബേബി, സഹവികാരി ഫാ. ജേക്കബ് തോമസ്, ഫാ. തോമസ് ഡാനിയേൽ ആലഞ്ചേരി എന്നിവർ സഹകർമ്മികർ ആയിരുന്നു.

28 വ്യാഴം വൈകിട്ട് 6 മണി മുതൽ കാൽകഴുകൽ ശുശ്രൂഷയും, 29 വെള്ളി രാവിലെ 7 മണി മുതൽ സൽമാബാദ് ഗൾഫ് എയർ ക്ലബ്ബിൽ വച്ച് ദുഃഖവെള്ളി ശുശ്രൂഷകളും, 30 ശനി വൈകിട്ട് 6 മുതൽ ഉയിർപ്പ് പെരുന്നാൾ ശുശ്രൂഷകളും അഭിവന്ദ്യ എബ്രഹാം മാർ എപ്പിഫാനിയോസ് മെത്രാപ്പോലീത്തയുടെ പ്രധാന കാർമ്മികത്വത്തിൽ നടക്കുമെന്ന് വികാരി ഫാദർ സുനിൽ കുര്യൻ, സഹ വികാരി ഫാദർ ജേക്കബ് തോമസ്, ട്രസ്റ്റി റോയി ബേബി, സെക്രട്ടറി മാത്യു എം എം എന്നിവർ അറിയിച്ചു.

The post പെസഹ പെരുന്നാൾ ആചരിച്ചു appeared first on Starvision News Malayalam.

നവംബർ 10 – ന് രാവിലെ വിശുദ്ധ കുർബാനയെ തുടർന്ന് ഇടവക കുടുംബസംഗമം നടക്കുന്നതാണ്. വിവിധ കലാ കായിക പരിപാടികളായ ഗാനമേള, സിനിമാറ്റിക് ഡാൻസുകൾ, വടംവലി തുടങ്ങിയവ ഉണ്ടായിരിക്കും. കൂടാതെ വിവിധങ്ങളായ ഭക്ഷ്യമേള സ്റ്റാളുകളും, കുട്ടികൾക്കായി ഗെയിംസ് സ്റ്റാളുകളും ഉണ്ടായിരിക്കും.

വൈകിട്ട് അഞ്ച് മണി മുതൽ നടത്തപ്പെടുന്ന ആദ്യഫലപ്പെരുന്നാൾ സമാപന പൊതു സമ്മേളനത്തിൽ, മലങ്കര ഓർത്തഡോക്സ് സഭയുടെ അഹമ്മദാബാദ് ഭദ്രാസനാധിപനും, മുംബൈ ഭദ്രാസന സഹായ മെത്രാപ്പോലീത്തായായി ചുമതലയേറ്റ അഭിവന്ദ്യ ഡോ.ഗീവർഗീസ് മാർ തേയോഫിലോസ് മെത്രാപ്പോലീത്തായ്‌ക്ക് ഇടവക സ്വീകരണം നൽകും. ചടങ്ങിൽ ഇന്ത്യൻ അംബാസഡർ വിനോദ് കെ. ജേക്കബ് മുഖ്യാതിഥി ആയിരിക്കും.

വൈകിട്ട് 8 മുതൽ പ്രശസ്ത വയലിനിസ്റ്റ് അപർണ്ണ ബാബു, സാസൊഫോണിസ്റ് രജീവ് ജോർജ് എന്നിവർ നയിക്കുന്ന മ്യൂസിക്കൽ ഫ്യൂഷനും ഉണ്ടായിരിക്കുന്നതാണ്. വികാരി ഫാ. സുനിൽ കുര്യൻ ബേബി, സഹവികാരി ഫാ. ജേക്കബ് തോമസ് കാരക്കൽ, ഇടവക ട്രസ്റ്റി  ജീസൺ ജോർജ്ജ്, ഇടവക സെക്രട്ടറി ജേക്കബ് പി. മാത്യു, ഹാർവെസ്റ്റ് ഫെസ്റ്റിവൽ ജനറൽ കൺവീനർ  ബിനു എം. ഈപ്പൻ, ജോയിന്റ് ജനറൽ കൺവീനർമാരായ സന്തോഷ് പകലോമറ്റം, മാത്യൂസ് നൈനാൻ , സെക്രട്ടറി രാജീവ് തോമസ് എന്നിവരുടെ നേതൃത്വത്തിൽ വിപുലമായ കമ്മിറ്റികൾ ഇതിന് വേണ്ടി പ്രവർത്തിക്കുന്നുവെന്നു പബ്ലിസിറ്റി കൺവീനർ  ജാഷൻ സൈമൺ അറിയിച്ചു.

The post സെന്റ് മേരീസ് കത്തീഡ്രലില്‍ ആദ്യഫലപ്പെരുന്നാൾ ഒക്ടോബർ 27ന് appeared first on Starvision News Malayalam.

The post ബഹ്‌റൈൻ സെന്റ് മേരീസ് ഇന്ത്യന്‍ ഓര്‍ത്തഡോക്സ് കത്തീഡ്രൽ പെരുന്നാളിന് കൊടിയേറി appeared first on Starvision News Malayalam.

The post മലങ്കര സഭയുടെ സീനിയർ വൈദികൻ റവ. ഫാ. അലക്സാണ്ടർ ജെ. കുരിയനെ എയർപോർട്ടിൽ സ്വീകരിച്ചു appeared first on Starvision News Malayalam.

മനാമ:: മധ്യ പൂർവ്വ ദേശത്തെ മാതൃ ദേവാലയമായ ബഹ്‌റൈൻ സെന്റ്മേരിസ് ഇന്ത്യൻ ഓർത്തഡോക്സ് കത്തീഡ്രലിലെ യുവജന വിഭാഗമായ സെന്റ് തോമസ് ഓർത്തഡോക്സ്‌ ക്രൈസ്തവ യുവജന പ്രസ്ഥാനം 2003-ൽ തുടക്കം കുറിച്ച് പരിശുദ്ധ വട്ടശ്ശേരിൽ മാർ ദീവന്നാസിയോസ് തിരുമേനിയുടെ പാവന സ്മരണയിൽ ഇടവകയിലെ ആബാലവൃദ്ധ ജനങ്ങളെയും പങ്കെടുപ്പിച്ച് കൊണ്ട് നടത്തുന്ന സ്മൃതി കലാകായിക മേളയുടെ പതിനൊന്നാമത് കലാകായിക മേളയ്ക്ക് വർണ്ണശഭളമായ സമാപനം. ആധാരി പാർക്കിലുള്ള ന്യൂ സീസൺ ആഡിറ്റോറിയത്തിൽ വച്ചു നടത്തപ്പെട്ട സമാപന ചടങ്ങിൽ, കഴിഞ്ഞ രണ്ടു മാസക്കാലമായി 140 ൽ പരം കലാ കായിക മത്സര ഇനങ്ങളിൽ മാറ്റുരച്ച 2000 ൽ അധികം മത്സരാർത്ഥികളിൽ വിജയികളായവർക്ക്‌ അവാർഡ് വിതരണവും, വിവിധ ഗ്രൂപ്പുകളിൽ ചാമ്പ്യൻമാരായവർക്ക് കലാതിലക, കായികപ്രതിഭ പട്ടവും നൽകി ആദരിച്ചു.

തുടർന്ന് നടന്ന പൊതു സമ്മേളനത്തിൽ ബഹ്‌റൈൻ പാർലമെന്റ് അംഗം ഹിസ് എക്സലൻസി നജീബ് ഹമദ് അൽ കവാരി വിശ്ഷ്ട അതിഥിയായിരുന്നു. കത്തീഡ്രൽ വികാരിയും പ്രസ്ഥാനം പ്രസിഡന്റുമായ  പോൾ മാത്യു അച്ചൻ അദ്ധ്യക്ഷത വഹിച്ച ചടങ്ങിൽ പ്രസ്ഥാനം സെക്രട്ടറി ജോയൽ സാം ബാബു സ്വാഗതം അറിയിക്കുകയും, ജനറൽ കൺവീനർ  ബോണി മുളപ്പാംപള്ളിൽ സ്മൃതി 2023 ന്റെ വിവരണം നടത്തുകയും, പ്രോഗ്രാം കൺവീനർ ജിനു ചെറിയാൻ നന്ദി രേഖപ്പെടുത്തുകയും ചെയ്തു. പ്രസ്തുത ചടങ്ങിൽ കത്തീഡ്രൽ അസിസ്റ്റന്റ് വികാരിയും പ്രസ്ഥാനം വൈസ് പ്രസിഡന്റുമായ  സുനിൽ കുര്യൻ ബേബി അച്ചൻ, കത്തീഡ്രൽ ട്രസ്റ്റി ജീസൺ ജോർജ്ജ്, കത്തീഡ്രൽ സെക്രട്ടറി ജേക്കബ് പി. മാത്യു, പരിപാടിയുടെ ടൈറ്റിൽ സ്പോൺസറായ മിഡിൽ ഈസ്റ്റ് ഹോസ്പിറ്റൽ & മെഡിക്കൽ സെന്റർ പ്രതിനിധി ഗിരീഷ് കുമാർ എന്നിവർ ആശംസകൾ അറിയിച്ച് കൊണ്ട് സംസാരിച്ചു.

ജോബ് സാം മാത്യു അച്ചൻ, പ്രസ്ഥാനം ലെ വൈസ് പ്രസിഡന്റ് ശ്രീമതി അന്നമ്മ തോമസ്, ട്രഷറർ സാന്റോ അച്ചൻകുഞ്ഞ്, വിവിധ കമ്മിറ്റി കൺവിനേഴ്സ്, കോർഡിനേറ്റേഴ്സ്, മറ്റ് സ്മൃതി കമ്മിറ്റി അംഗങ്ങൾ എന്നിവർ പരിപാടികൾക്ക് നേതൃത്വം നൽകി. മലയാള സിനിമയിലെ പ്രശസ്ത സിനിമ പിന്നണി ഗായികയും, ഐഡിയ സ്റ്റാർ സിംഗർ സീസൺ 6 ടൈറ്റിൽ വിന്നറുമായ ശ്രീമതി മെറിൻ ഗ്രിഗറി, സരിഗമപ എന്ന മ്യൂസിക്കൽ റിയാലിറ്റി ഷോയിലൂടെ ജനപ്രിയ ഗായകനായി മാറിയ ശ്രീജിഷ് സുബ്രമണ്യൻ എന്നിവർ നയിച്ച ഗാനമേള സമാപന ചടങ്ങിന് മാറ്റ് കൂട്ടി. സ്റ്റാർ വിഷൻ ഇവന്റ്സിന്റെ ബാനറിൽ നടത്തപ്പെട്ട പരിപാടികൾ  ജെയ്സൺ ആറ്റുവ, ശ്രീമതി ബിൻസി അനിൽ എന്നിവർ നിയന്ത്രിച്ചു.

The post പതിനൊന്നാമത് സ്മൃതി കലാ കായികമേളയ്ക്ക് ഉജ്ജ്വല പരിസമാപ്തി appeared first on Starvision News Malayalam.

മനാമ: ബഹ്‌റൈൻ സെന്റ് മേരീസ് ഇന്ത്യന്‍ ഓര്‍ത്തഡോക്സ് കത്തീഡ്രലിലെ യുവജന വിഭാഗമായ സെന്റ് തോമസ് ഓര്‍ത്തഡോക്സ് ക്രൈസ്തവ യുവജന പ്രസ്ഥാനം ലോക രക്തദാന ദിനത്തിന്റെ പശ്ചാത്തലത്തില്‍ ജൂണ്‍ 16 വെള്ളിയാഴ്ച്ച സെല്‍മാനിയ മെഡിക്കല്‍ സെന്ററിലെ ബ്ലഡ് ബാങ്കില്‍ വെച്ച് രക്തദാനം നടത്തി പ്രസ്ഥാനത്തിന്റെ നേത്യത്വത്തില്‍ 24-മത് ക്യാമ്പ് ആണ​‍് ഇപ്പോള്‍ നടന്നത്. ഏകദേശം നൂറ്റി ഇരുപത്തി അഞ്ച് (125) അംഗങ്ങള്‍ ഈ ക്യാമ്പില്‍ പങ്കെടുത്തു. ഇടവക വികാരിയും പ്രസിഡണ്ടുമായ റവ. ഫാദര്‍ സുനില്‍ കുര്യന്‍ ബേബി, സഹ വികാരി റവ. ഫാദര്‍ ജേക്കബ് തോമസ്, പ്രസ്ഥാനം ലേ- വൈസ് പ്രസിഡണ്ട് അന്നമ്മ തോമസ്, സെക്രട്ടറി ജോയല്‍ സാം ബാബു, ട്രഷറാര്‍ സാന്റോ അച്ചന്‍കുഞ്ഞ് എന്നിവര്‍ ക്യാമ്പിന​‍് നേത്യത്വം നല്‍കി. കോര്‍ഡിനേറ്റര്‍ റ്റോളമി എം. ജി. പങ്കെടുത്ത ഏവരോടും ഉള്ള നന്ദി അറിയിച്ചു.

The post സെന്റ് തോമസ് യുവജന പ്രസ്ഥാനം രക്തദാന ദിനം ആചരിച്ചു appeared first on Starvision News Malayalam.

മനാമ: മലങ്കര ഓര്‍ത്തഡോക്സ് സഭയില്‍ വിവിധ പ്രായത്തിലുള്ള കുട്ടികള്‍ക്ക് വേണ്ടി അവധിക്കാലത്ത് നടത്തിവരുന്ന വെക്കേഷന്‍ ബൈബിള്‍ ക്ലാസ്സുകള്‍ ബഹ്‌റൈൻ സെന്റ് മേരീസ് ഇന്ത്യന്‍ ഓര്‍ത്തഡോക്സ് കത്തീഡ്രലില്‍ ജൂണ്‍ 22 മുതല്‍ ആരംഭിക്കുമെന്ന്‍ ഭാരവാഹികള്‍ അറിയിച്ചു.

“ദൈവത്തില്‍ വസിക്കുക” എന്ന വേദഭാഗം ആണ് ഈ വര്‍ഷത്തെ ചിന്താ വിഷയം. നാഗപൂര്‍ സെന്റ് തോമസ് ഓര്‍ത്തഡോക്സ് സെമിനാരി മുന്‍ വിദ്യാര്‍ത്ഥിയും ബോംബെ അന്ധേരി സെന്റ് ജോണ്‍സ് ദേവാലയത്തിന്റെ വികാരിയുമായ റവ. ഫാദര്‍ സിബി ബാബു ആണ് ഈ വർഷം ഒ. വി. ബി. എസ്സിന് നേത്യത്വം നല്‍കുന്നത്.

ഒ. വി. ബി. എസ്സ്. 2023 ന്റെ കൊടിയേറ്റ് കര്‍മ്മം വെള്ളിയാഴ്ച്ച് വിശുദ്ധ കുര്‍ബ്ബാനാന്തരം കത്തീഡ്രല്‍ സഹ വികാരി റവ. ഫാദര്‍ ജേക്കബ് തോമസ് നിര്‍വഹിച്ചു. അദ്ധ്യാപക പരിശീലന ക്ലാസ്സുകള്‍ക്ക് വികാരി റവ. ഫാദര്‍ സുനില്‍ കുര്യന്‍ ബേബി അദ്ധ്യക്ഷത വഹിച്ചു. കുട്ടികള്‍ക്ക് വേണ്ടി ബൈബിള്‍ കഥകള്‍, ഗാനങ്ങള്‍, ആക്ഷന്‍ സോങ്ങ്, ടീനേജ് ക്ലാസ്സുകള്‍, വചന ശുശ്രൂഷ തുടങ്ങിയ പരിപാടികള്‍ ഈ ക്ലാസ്സുകളില്‍ ഉള്‍പ്പെടുത്തിയിരിക്കുന്നു.

ജൂണ്‍ 30 ന് നടക്കുന്ന ഒ. വി. ബി. എസ്സ്. സമാപന സമ്മേളനത്തില്‍ മാര്‍ച്ച് പാസ്റ്റ്, കുട്ടികളുടെ വിവിധ കലാ പരിപാടികള്‍ എന്നിവ നടക്കുമെന്ന് കത്തീഡ്രല്‍ ട്രസ്റ്റി ജീസന്‍ ജോര്‍ജ്ജ്, സെക്രട്ടറി ജേക്കബ് പി. മാത്യൂ, ജനറല്‍ കണ്‍വീനര്‍ ജോര്‍ജ്ജ് വര്‍ഗ്ഗീസ്, സൂപ്പറിന്റെണ്ടെന്റ് അനില്‍ മാത്യൂ എന്നിവര്‍ അറിയിച്ചു.

The post സെന്റ് മേരീ​‍സ് കത്തീഡ്രലില്‍ ബൈബിള്‍ ക്ലാസ്സുകള്‍ ജൂണ്‍ 22 മുതല്‍ appeared first on Starvision News Malayalam.

മനാമ‌ : ബഹ്‌റൈൻ സെന്റ് മേരീസ് ഇന്ത്യന്‍ ഓര്‍ത്തഡോക്സ് കത്തീഡ്രലിലെ ഓർത്തഡോക്സ്‌ വെക്കേഷൻ ബൈബിൾ ക്ലാസുകൾക്കും സമ്മർ ക്യാമ്പിനും‌ നേതൃത്വം നൽകുവാൻ ബഹറിനിൽ എത്തിച്ചേർന്ന ഫാ. സിബി ബാബുവിന് ഇടവക വികാരി ഫാ. സുനിൽ കുരിയൻ‌, സഹ വികാരി ഫാ. ജേക്കബ് തോമസ്, സൺഡേസ്ക്കൂൾ ഹെഡ്മാസ്റ്റർ ജോർജ് വര്ഗീസ്, സൺഡേസ്ക്കൂൾ സ്റ്റാഫ് സെക്രട്ടറി എ. പി. മാത്യു, ഓ.വി.ബി.എസ്‌ സെക്രട്ടറി റിച്ചി മാത്യു എന്നിവരുടെ നേതൃത്വത്തിൽ ബഹ്‌റൈൻ ‌വിമാനത്താവളത്തിൽ സ്വീകരണം നൽകി.

OVBS ക്ലാസുകൾ ജൂൺ 22 മുതൽ 30 വരെയും സമ്മർ ക്യാമ്പ് ജൂലൈ 2 മുതൽ 21 വരെയും കത്തീഡ്രലിൽ വെച്ച് നടത്തപ്പെടുന്നതാണ്.

The post റവ. ഫാ. സിബി ബാബുവിന് സ്വീകരണം നൽകി appeared first on Starvision News Malayalam.

മനാമ: പൗരസ്ത്യ കാതോലിക്കയും മലങ്കര മെത്രാപ്പോലീത്തയുമായ മോറാൻ മാർ ബസേലിയോസ് മാർത്തോമ്മാ മാത്യൂസ് തൃതീയൻ കാതോലിക്കാ ബാവ ഒക്ടോബർ ആറ് മുതൽ 10 വരെ ബഹ്റൈൻ സന്ദർശിക്കുമെന്ന് സെന്റ് മേരീസ് ഇന്ത്യൻ ഓർത്തഡോക്സ് കത്തീഡ്രൽ ഭാരവാഹികൾ വാർത്തസമ്മേളനത്തിൽ അറിയിച്ചു.

കാതോലിക്കയായി സ്ഥാനാരോഹണം ചെയ്തശേഷമുള്ള പ്രഥമ സന്ദർശനമാണ് അദ്ദേഹം നടത്തുന്നത്. ഇടവകയുടെ 64ാമത് പെരുന്നാൾ ആഘോഷവും ഇതോടൊപ്പം നടക്കും. വെള്ളിയാഴ്ച വൈകീട്ട് അഞ്ചിന് ഈസ ടൗൺ ഇന്ത്യൻ സ്കൂൾ ഓഡിറ്റോറിയത്തിൽ കാതോലിക്കാ ബാവക്ക് സ്വീകരണം നൽകും. സ്വീകരണ ഘോഷയാത്രയും പൊതുസമ്മേളനവും ഇതോടപ്പം നടക്കും. ബഹ്റൈനിലെ ഇന്ത്യൻ അംബാസഡർ പീയൂഷ് ശ്രീവാസ്തവ പൊതുസമ്മേളനത്തിൽ മുഖ്യാതിഥിയായി പങ്കെടുക്കും.

ബഹ്റൈൻ സാമൂഹിക ക്ഷേമ മന്ത്രാലയം അസി. അണ്ടർ സെക്രട്ടറിയും എൻ.ജി.ഒ സപ്പോർട്ട് ഡയറക്ടറുമായ നജ്‍വ അൽ ജനാഹി, ദിസ് ഈസ് ബഹ്റൈൻ ചെയർപേഴ്സൺ ബെറ്റ്സി മത്തിയേസൺ, ലബനോൻ, മിഡിൽ ഈസ്റ്റ് എന്നിവിടങ്ങളിലേക്കുള്ള എത്യോപ്യൻ ഓർത്തഡോക്സ് ചർച്ച് ആർച്ച് ബിഷപ്പ് അബ്ബ ദിമെത്രോസ്, മലങ്കര ഓർത്തഡോക്സ് ചർച്ച് വൈദിക ട്രസ്റ്റി ഫാ. ഡോ. വർഗീസ് അമയിൽ എന്നിവർ വിശിഷ്ടാതിഥികളായിരിക്കും.

ബഹ്‌റൈനിലെ സാംസ്‌കാരിക, സാമൂഹിക മേഖലകളിലെ പ്രമുഖ വ്യക്തികളും വിവിധ സഭാ പ്രതിനിധികളും സമ്മേളനത്തിൽ പങ്കെടുക്കുമെന്ന് ഇടവക വികാരി ഫാ. പോൾ മാത്യൂസ് അറിയിച്ചു.

ഇടവകയുടെ 64ാമത് പെരുന്നാളിന് കാത്തോലിക്കാ ബാവ മുഖ്യ കാർമികത്വം വഹിക്കും. ഇടവക പുനഃരുദ്ധാരണ കമ്മിറ്റി അംഗങ്ങളെ ചടങ്ങിൽ ആദരിക്കും. പെരുന്നാളിനോടനുബന്ധിച്ച് നടക്കുന്ന വാർഷിക കൺവെൻഷന്‌ കോട്ടയം വൈദിക സെമിനാരി അധ്യാപകനും മലങ്കര ഓർത്തഡോക്സ് സഭ വൈദിക ട്രസ്റ്റിയുമായ ഫാ. ഡോ. തോമസ് വർഗീസ് അമയിൽ നേതൃത്വം നൽകും. ഒക്ടോബർ ഒമ്പതിന് കാത്തോലിക്കാ ബാവയുടെ മുഖ്യ കാർമികത്വത്തിൽ വിശുദ്ധ മൂന്നിൻമേൽ കുർബാന നടത്തും.

വാർത്തസമ്മേളനത്തിൽ ഇടവക സഹവികാരി ഫാ. സുനിൽ കുര്യൻ ബേബി, ട്രസ്റ്റി സാമുവൽ പൗലോസ്, സെക്രട്ടറി ബെന്നി വർക്കി, പബ്ലിസിറ്റി കൺവീനർ എബ്രഹാം സാമുവൽ, പ്രോഗ്രാം കൺവീനർ ലെനി പി. മാത്യു, പ്രോഗ്രാം കോഓർഡിനേറ്റർമാരായ ബോണി മുളപ്പാംപറമ്പിൽ, സന്തോഷ് മാത്യു എന്നിവരും പങ്കെടുത്തു.

The post സെന്‍റ് മേരീസ് ഇന്ത്യൻ ഓർത്തഡോക്സ് കത്തീഡ്രലിൽ കാതോലിക്കാ ബാവക്ക് സ്വീകരണവും ഇടവക പെരുന്നാളും appeared first on Starvision News Malayalam.

മനാമ: ബഹ്‌റൈൻ സെന്റ് മേരീസ് ഇന്ത്യന്‍ ഓര്‍ത്തഡോക്സ് കത്തീഡ്രലില്‍ “ഹൂ ആം ഐ 22” എന്ന തീമിൽ ഒരു മാസകലമായി നടത്തപ്പെട്ട സമ്മർ ക്യാമ്പിന്റെ ഗ്രാൻഡ് ഫിനാലെ ന്യൂഇന്ത്യൻ സ്കൂളിൽ ചെയർമാൻ ഡാൻ ടി. ഉദ്ഘാടനം ചെയ്തു. ഗ്രാൻഡ് ഫിനാലെയിൽ കത്തീഡ്രൽ വികാരി റവ. ഫാദര്‍ പോൾ മാത്യൂ അധ്യക്ഷത വഹിച്ചു. കുട്ടികൾ അവതരിപ്പിച്ച വൈവിധ്യമാർന്ന കലാപരിപാടികൾ പ്രേക്ഷകമനസ്സിൽ കുളിർമയുടെയും സന്തോഷത്തിൻ്റെയും നവ്യാനുഭുതിയായി മാറി.

സമ്മർ ഫീസ്റ്റയുടെ ഡയറക്റ്റർ അയിപ്രവർത്തിച്ച റവ.ഡീക്കൻ ജെറിൻ പി ജോണിന് ഉപഹാരം നൽകുകയും ചെയ്തു. സഹ വികാരി റവ. ഫാദര്‍ സുനിൽ കുര്യൻ ബേബി, ട്രസ്റ്റി സാമുവേൽ പൗലോസ്, ആക്ടിംഗ് സെക്രട്ടറി ജോയൽ സാം ബാബു എന്നിവർ ആശംസകൾ നേർന്നു. സൂപ്പർവൈസർ റയ്ച്ചൽ മാത്യു ഒരു മാസം നീണ്ടുനിന്ന ക്യാമ്പിൻ്റെ റിപ്പോർട്ട് അവരിപ്പിച്ചു. കോഡിനേറ്റർ സന്തോഷ് മാത്യൂ സ്വാഗതവും, ബോണി മുളപ്പാംപള്ളിൽ നന്ദിയും അറിയിച്ചു. കുട്ടികൾക്ക് സമ്മാനങ്ങളും സർട്ടിഫിക്കട്ടുകളും നൽകുകയും ചെയ്തു.

The post ബഹ്‌റൈൻ സെന്റ് മേരീസിലെ സമ്മര്‍ ക്ലാസ്സുകള്‍ക്ക് വർണ്ണാഭമായ സമാപനം appeared first on Starvision News Malayalam.