മനാമ: ഇന്ത്യൻ സ്‌കൂൾ ബഹ്‌റൈൻ (ഐഎസ്‌ബി) ജൂനിയർ വിംഗ് ബഹ്‌റൈന്റെ  ദേശീയ ദിനം  ഹൃദയസ്‌പർശിയായ ആദരവോടെ ആഘോഷിച്ചു. ഏകദേശം 4,000 വിദ്യാർത്ഥികളും 200 സ്റ്റാഫ് അംഗങ്ങളും പങ്കെടുത്ത പരിപാടി ഐക്യത്തിന്റെയും അഭിമാനത്തിന്റെയും  സാംസ്കാരിക തനിമയുടെയും ഊർജ്ജസ്വലമായ പ്രദർശനമായിരുന്നു.

വിദ്യാർത്ഥികൾ ‘അറേബ്യൻ ഓറിക്‌സ്’  കാമ്പസ് ഗ്രൗണ്ടിൽ  ദൃശ്യ ചാരുതയോടെ തീർത്ത്  ശ്രദ്ധേയമായ പ്രകടനം കാഴ്ചവെച്ചു.  ബഹ്‌റൈൻ പതാകയുടെ നിറങ്ങളിൽ വസ്ത്രം ധരിച്ച കുരുന്നുകൾ  രാജ്യത്തോടുള്ള തങ്ങളുടെ ബഹുമാനത്തെ പ്രതീകപ്പെടുത്തുന്ന അതിശയകരമായ ഒരു കാഴ്ചപൊലിമ സൃഷ്ടിച്ചു. ദേശീയ ഗാനാലാപനത്തോടെയും തുടർന്ന് വിശുദ്ധ ഖുറാൻ പാരായണത്തോടെയും പരിപാടി  ആരംഭിച്ചു.

സ്‌കൂൾ സെക്രട്ടറി വി.രാജപാണ്ഡ്യൻ,  അസി.സെക്രട്ടറി & മെമ്പർ-അക്കാദമിക്സ് രഞ്ജിനി മോഹൻ,  ഇ.സി അംഗം ബിജു ജോർജ്,ജൂനിയർ വിങ്  പ്രിൻസിപ്പൽ പമേല സേവ്യർ, വൈസ് പ്രിൻസിപ്പൽ പ്രിയ ലാജി, മറ്റു അധ്യാപകർ ,വിദ്യാർഥികൾ, രക്ഷിതാക്കൾ  എന്നിവർ പങ്കെടുത്തു.

ബഹ്‌റൈന്റെ  53-ാമത് ദേശീയ ദിനത്തോടനുബന്ധിച്ച് പ്രതീകാത്മകമായി  53 ചുവപ്പും വെള്ളയും ബലൂണുകൾ വാനിലുയർന്നു.  പ്രിൻസിപ്പൽ പമേല സേവ്യർ   സ്വാഗതം പറഞ്ഞു. 1, 2, 3 ക്ലാസുകളിലെ വിദ്യാർത്ഥികൾ  പരമ്പരാഗത  നൃത്തങ്ങൾ അവതരിപ്പിച്ചു.  രാജ്യത്തിന്റെ സമ്പന്നമായ സാംസ്കാരിക പൈതൃകത്തിന്റെ  മനോഹരമായ പ്രതിഫലനമായിരുന്നു ഈ പ്രകടനങ്ങൾ. കാമ്പസ് തോരണങ്ങൾ, വിളക്കുകൾ  എന്നിവയാൽ അലങ്കരിച്ചിരുന്നു.

തദവസരത്തിൽ ബഹ്‌റൈൻ  വനിതാ ദിനത്തിന്റെ  സ്മരണയ്ക്കായി  വനിതാ ജീവനക്കാരെ സ്‌കൂൾ ആദരിച്ചു.  സ്‌കൂൾ ചെയർമാൻ അഡ്വ. ബിനു മണ്ണിൽ വറുഗീസ്, സെക്രട്ടറി വി.രാജപാണ്ഡ്യൻ, ഭരണസമിതി  അംഗങ്ങൾ, പ്രിൻസിപ്പൽ വി.ആർ  പളനിസ്വാമി,ജൂനിയർ വിങ്  പ്രിൻസിപ്പൽ പമേല സേവ്യർ എന്നിവർ  ആഘോഷത്തിൽ പങ്കെടുത്ത   വിദ്യാർത്ഥികളെയും പരിപാടി മികച്ച നിലയിൽ സംഘടിപ്പിച്ച  അധ്യാപികമാരെയും   അഭിനന്ദിച്ചു. 

The post ഇന്ത്യൻ സ്‌കൂൾ ജൂനിയർ കാമ്പസ് ബഹ്‌റൈൻ ദേശീയ ദിനം ആഘോഷിച്ചു appeared first on Starvision News Malayalam.

മനാമ: ബഹ്‌റിനിലെ പത്തനംതിട്ട ജില്ലക്കാരുടെ കൂട്ടായ്മയായ പത്തനംതിട്ട പ്രവാസി അസ്സോസിയേഷന്റെ രണ്ടാം വാർഷികവും ബഹ്‌റൈൻ ദേശീയദിനാഘോഷവും വൈവിധ്യമാർന്ന കലാപരിപാടികളോടെ ആഘോഷിച്ചു.

പത്തനംതിട്ട എംപി ആന്റോ ആൻറണി നിലവിളക്കു കൊളുത്തി പരിപാടിയുടെ ഉദ്‌ഘാടനകർമം നിർവഹിച്ചു. പ്രവാസികളുടെ കഷ്ടപ്പാടും വിയർപ്പുമാണ് കേരളത്തെ മുന്നോട്ടു നയിക്കുന്നത് എന്ന് ശ്രി.ആന്റോ ആൻറണി പറഞ്ഞു. കോവിഡ് കാലത്ത് നമ്മുടെ രക്ഷകരായി നിന്നവരാണ് ഓരോ നേഴ്സുമാരും അവരെ ആദരിക്കാൻ പത്തനംതിട്ട പ്രവാസി അസോസിയേഷൻ കാണിച്ച മനസ്സ് അഭിനന്ദനീയമാണെന്നും ഇത് മറ്റുള്ള സംഘടനകളും മാതൃകയാക്കണമെന്നും അദ്ദേഹം കൂട്ടിച്ചേർത്തു

കോവിഡ് പ്രതിരോധ പ്രവർത്തനങ്ങളിൽ പങ്കെടുത്ത നേഴ്സുമാരെയും ബഹ്‌റൈനിലേ പത്തനംതിട്ടയുടെ സ്വന്തം എഴുത്തുകാരൻ ബിജി തോമസിനെയും വിവിധ മേഖലകളിൽ പ്രതിഭകൾ തെളിയിച്ച അസോസിയേഷൻ അംഗങ്ങളെയും ചടങ്ങിൽ ആദരിച്ചു.

ബഹറിൻ മാർത്തോമ സഹവികാരി ഫാദർ ബിബിൻസ് ഓമനാലി ക്രിസ്മസ് പുതുവത്സര സന്ദേശം നൽകി

അസോസിയേഷൻ ചാരിറ്റി പ്രവർത്തനങ്ങളുടെ ഭാഗമായി സമാഹരിച്ച തുക ആന്റോ ആൻറണി എംപിയിൽ നിന്നും അസോസിയേഷൻ ചാരിറ്റി കോഓർഡിനേറ്റർ ജയേഷ് കുറുപ്പ് ഏറ്റുവാങ്ങി

പത്തനംതിട്ടയുടെ തനതു കലാരൂപമായ പടയണി വ്യത്യസ്ഥമായ ഒരു അനുഭവം ആയിരുന്നു ആസ്വാദകർക്ക് നൽകിയത്. കൂടാതെ ക്രിസ്മസ് കരോൾ
കുട്ടികളുടെ വിവിധ കലാപരിപാടികൾ, നാടൻ പാട്ട്, മാജിക് ഷോ, തുടങ്ങിയ അനേകം വൈവിധ്യമായ പരിപാടികൾ ചടങ്ങിന് മാറ്റുകൂട്ടി.

പത്തനംതിട്ട ജില്ലയിലെ ബഹ്‌റൈൻ പ്രവാസികളെ ഒരു കുടക്കീഴിൽ അണി നിരത്തുവാൻ അസോസിയേഷനിലൂടെ കഴിയുമെന്നും കഷ്ടത അനുഭവിക്കുന്ന ജില്ലയിൽ നിന്നുമുള്ള ബഹ്‌റൈൻ പ്രവാസികൾക്ക് താങ്ങായി പ്രവർത്തിക്കുകയാണ് പത്തനംതിട്ട അസോസിയേഷന്റെ പ്രഥമ കർത്തവ്യം ആണെന്ന് സംഘാടകർ അറിയിച്ചു.

പ്രസിഡന്റ് വിഷ്ണു കലഞ്ഞൂർ അധ്യക്ഷത വഹിച്ച ചടങ്ങിൽ സെക്രട്ടറി സുഭാഷ് തോമസ് അങ്ങാടിക്കൽ സ്വാഗതവും, പ്രോഗ്രാം കോഡിനേറ്റർ ബോബി പുളിമൂട്ടിൽ കൃതജ്ഞതയും അറിയിച്ചു.

അസോസിയേഷൻ പ്രവർത്തനങ്ങൾ റിപ്പോർട്ട് രക്ഷാധികാരി മോനി ഓടികണ്ടത്തിൽ അവതരിപ്പിച്ചു.

ഡോക്ടർ ബാബുരാമചന്ദ്രൻ, അസോസിയേഷന് ട്രഷറർ വർഗ്ഗീസ് മോടിയിൽ, കെ.എം.ചെറിയാൻ, എബ്രഹാം ജോൺ, രാജു കല്ലുംപുറം, പ്രവീൺ നായർ, പ്രദീപ് പുറവൻകര എന്നിവർ ആശംസകൾ അർപ്പിച്ചു.

The post പത്തനംതിട്ട പ്രവാസി അസോസിയേഷൻ രണ്ടാം വാർഷികവും ബഹ്‌റൈൻ ദേശീയദിനാഘോഷവും ആഘോഷിച്ചു appeared first on Starvision News Malayalam.