മനാമ: ബഹ്‌റൈൻ മാർത്തോമ്മാ ഇടവകയുടെ അവധിക്കാല ബൈബിൾ സ്കൂളിന് സനദ് മാർത്തോമ കോംപ്ലക്സിൽ തുടക്കമായി. ഇടവക വികാരി റവ. ഡേവിഡ് വി. ടൈറ്റസ് അധ്യക്ഷത വഹിച്ച യോഗത്തിൽ റവ. ജോർജ് വർഗീസ് ഉദ്ഘാടനം നിർവഹിച്ചു.

ഇടവക സഹ വികാരി റവ. ബിബിൻസ് മാത്യൂസ് ഓമനാലി, ഇടവക വൈസ് പ്രസിഡന്റ്. ജോൺസൺ ടി. തോമസ്, മേഴ്സി തോമസ് എന്നിവർ സംസാരിച്ചു. ഔറംഗബാദ് മാർത്തോമ ഇടവക വികാരി റവ. ജലിൻ എബ്രഹാം മാത്യു വിബിഎസ് ഡയറക്ടർ ആയും ലീന ബിജു കൺവീനറായും പ്രവർത്തിച്ചുവരുന്നു. 450 വിദ്യാർത്ഥികൾ പങ്കെടുക്കുന്ന വെക്കേഷൻ ബൈബിൾ സ്കൂൾ ഏപ്രിൽ മാസം 19 ആം തീയതി സമാപിക്കും.

The post ബഹ്‌റൈൻ മാർത്തോമ്മാ ഇടവക വി. ബി. എസ്സ് നു തുടക്കമായി appeared first on Starvision News Malayalam.

മനാമ: ബഹ്‌റൈൻ മാര്‍ത്തോമ്മാ പാരീഷില്‍ ദുഃഖവെള്ളിയാഴ്ച്ച ശുശ്രൂഷകള്‍ക്ക് നേത്യത്വം നല്‍കുവാന്‍ എത്തിയ മലങ്കര മാർത്തോമ്മാ സുറിയാനി സഭയുടെ മേലദ്ധ്യക്ഷൻ അഭിവന്ദ്യ ഡോ. തിയഡോഷ്യസ് മാർത്തോമ്മാ മെത്രാപ്പോലീത്തായെ മലങ്കര ഓര്‍ത്തഡോക്സ് സഭയുടെ കൊല്ലം ഭദ്രാസനാധിപനും സഭയുടെ സണ്ടേസ്കൂള്‍ പ്രസ്ഥാനത്തിന്റെ പ്രസിഡണ്ടുമായ അഭിവന്ദ്യ ഡോ. ജോസഫ് മാർ ദിവന്നാസിയോസ് മെത്രാപ്പോലീത്തായും ബഹ്‌റൈൻ സെന്റ് മേരീസ് ഇന്ത്യന്‍ ഓര്‍ത്തഡോക്സ് കത്തീഡ്രല്‍ ഭാരവാഹികളും സന്ദര്‍ശിച്ചു. സെന്റ് മേരീസ് കത്തീഡ്രലിലെ ഹാശാ ആഴ്ച്ച ശുശ്രൂഷകള്‍ക്ക് മുഖ്യ കാര്‍മികത്വം വഹിക്കുവാന്‍ എത്തിയതാണ് അഭിവന്ദ്യ ദിവന്നാസിയോസ് തിരുമേനി. ഈസ്റ്റര്‍ ആശംസ്കള്‍ പരസ്പരം കൈമാറുകയും ചെയ്തു. മാര്‍ത്തോമാ പാരീഷ് വികാരി റവ. ഡേവിഡ് ടൈറ്റസ്, സെന്റ് മേരീസ് ഇടവക വികാരി റവ. ഫാദര്‍ പോള്‍ മാത്യൂ, സഹ വികാരി റവ. ഫാദര്‍ സുനില്‍ കുര്യന്‍ ബേബി, ട്രസ്റ്റി ജീസണ്‍ ജോര്‍ജ്ജ്, സെക്രട്ടറി ജേക്കബ് പി. മാത്യൂ എന്നിവര്‍ സന്നിഹതരായിരുന്നു.

The post മാര്‍ത്തോമ്മ മെത്രാപ്പോലീത്തായെ സന്ദര്‍ശിച്ചു appeared first on Starvision News Malayalam.

മനാമ: ബഹ്റൈൻ മാർത്തോമ്മാ ഇടവകയുടെ ഡിസംബർ 6,7,8 തീയതികളിൽ നടത്തപ്പെടുന്ന ത്രിദിന കൺവൻഷനും ഡിസംബർ 9 ന് ക്രമീകരിക്കപെട്ടിരിക്കുന്ന 59ാം ഇടവകദിന – വജ്രജൂബിലി ആഘോഷങ്ങളുടെ ഉത്ഘാടനത്തിനുമായി ബഹ്റൈൻ മാർത്തോമ്മാ ഇടവകയിലേക്ക് ആഗതനായ മാർത്തോമ്മാ സന്നദ്ധസുവിശേഷക സംഘം പ്രസിഡൻ്റും സിങ്കപ്പൂർ – മലേഷ്യ – ഓസ്ട്രേലിയ – ന്യൂസിലൻഡ് ഭദ്രാസനങ്ങളുടെ അദ്ധ്യക്ഷൻ അഭിവന്ദ്യ
ഡോ. ഗ്രിഗോറിയോസ് മാർ സ്തേഫാനോസ് തിരുമേനിയെ ബഹ്റൈൻ മാർത്തോമ്മാ ഇടവക വികാരി റവ. ഡേവിഡ് വി. ടൈറ്റസ് , സെന്റ് പോൾസ് മാർത്തോമ്മാ ഇടവക വികാരി റവ. മാത്യു ചാക്കോ , ബഹ്റൈൻ മാർത്തോമ്മാ ഇടവക സഹ വികാരി റവ.ബിബിൻസ് മാത്യുസ് ഓമനാലി എന്നിവർ ചേർന്ന് പൂച്ചെണ്ട് നൽകി സ്വീകരിച്ചു.

ബഹ്റൈൻ മാർത്തോമ്മാ ഇടവക ഔദ്യോഗിക ഭാരവാഹികൾ , സെന്റ് പോൾസ് ഇടവക ഔദ്യോഗിക ഭാരവാഹികൾ എന്നിവർ സന്നിഹിതരായിരുന്നു.

The post ഡോ. ഗ്രിഗോറിയോസ് മാർ സ്തേഫാനോസ് തിരുമേനിയെ സ്വീകരിച്ചു appeared first on Starvision News Malayalam.

മനാമ: ബഹ്റൈൻ മാർത്തോമ്മാ ഇടവകയുടെ 2022-2023 പ്രവർത്തന വർഷത്തെ വിവിധ ചുമതലകൾ നിർവ്വഹിക്കുന്നവരായ കൈസ്ഥാനസമിതി അംഗങ്ങൾ, പോഷക സംഘടകളുടെ ഔദ്യോഗിക ഭാരവാഹികൾ, പ്രാർത്ഥനാക്കൂട്ടങ്ങളിലെ ആത്മായ ഉപാദ്ധ്യക്ഷർ, സെക്രട്ടറിമാർ, ഇടവക ഓഡിറ്റേഴ്സ്, മീഡിയ ടീം അംഗങ്ങൾ എന്നിവരുടെ സംയുക്ത കൂടിവരവ് 2022 സെപ്റ്റംബർ 2, വെള്ളിയാഴ്ച, ആരാധനാനന്തരം മാർത്തോമ്മാ കോംപ്ലെക്സിൽ ബഹുമാനപ്പെട്ട ഇടവക വികാരി റവറന്റ് ഡേവിഡ് വി. ടൈറ്റസ് അച്ചന്റെ അദ്ധ്യക്ഷതയിൽ നടത്തപ്പെട്ടു.

രാവിലെ 10:30 ന് പ്രഭാത ഭക്ഷണത്തെ തുടർന്ന്, 11 മണിക്ക് റിട്രീറ്റ് നടപടിക്രമങ്ങൾ ആരംഭിച്ചു. റവറന്റ് ബിബിൻസ് മാത്യൂസ് ഓമനാലി പ്രാരംഭ പ്രാർത്ഥനയ്ക്ക് നേതൃത്വം നൽകി. സീനിയർ സിറ്റീസൺസ് ഫെലോഷിപ്പ് സെക്രട്ടറി ഐപ്പ് ജോൺ പാഠഭാഗം വായിച്ചു. ഇടവക സെക്രട്ടറി ജേക്കബ് ജോർജ്ജ് (അനോജ്) വന്നുചേർന്ന ഏവർക്കും സ്വാഗതമരുളി.

സൈക്കോതെറാപിസ്റ്റ്, കൺസൾട്ടറ്റൻ്റ്, കൗൺസിലർ എന്നീ നിലകളിൽ പ്രശസ്തനായ ഡോ. ജോൺ പനയ്ക്കൽ “ക്രിസ്തീയ ഉത്തരവാദിത്തവും ഇടവക നേതൃത്വവും” എന്ന വിഷയത്തെ ആസ്പദമാക്കി ക്ലാസുകൾക്ക് നേതൃത്വം നൽകി. ശേഷംവിഷയത്തെ അടിസ്ഥാനമാക്കിയുളള അംഗങ്ങളുടെ ചോദ്യങ്ങൾക്ക് ഡോ. ജോൺ പനയ്ക്കൽ മറുപടി പറഞ്ഞു. ഇടവക ട്രസ്റ്റി (അക്കൗണ്ടസ്) ബിനു തോമസ് വർഗ്ഗീസ് മെമൻ്റോ അവതരിപ്പിച്ചു. ബഹുമാനപ്പെട്ട റവറന്റ് ഡേവിഡ് വി. ടൈറ്റസ് , റവറന്റ് ബിബിൻസ് മാത്യൂസ് ഓമനാലി, ഇടവക ഔദ്യോഗിക ഭാരവാഹികൾ എന്നിവർ ചേർന്ന് മുഖ്യാതിഥിക്ക് ഇടവകയുടെ കൃതജ്ഞത പ്രകാശിപ്പിച്ചുകൊണ്ട് മെമൻറ്റോ കൈമാറി.

ഇടവകയുടെ സുഗമമായ നടത്തിപ്പിന് ആവശ്യമായ കൂടിയാലോചനകളും നിർദ്ദേശങ്ങളും നൽകി വിഷയങ്ങൾ വ്യക്തമായി ചർച്ച ചെയ്ത പ്രാർത്ഥനാക്കൂട്ടം വൈസ്-പ്രസിഡന്റുമാർ, സെക്രട്ടറിമാർ, കൈസ്ഥാനസമിതി അംഗങ്ങൾ, സംഘടനാ ചുമതലക്കാർ ഏവരേയും അച്ചൻമാർ അഭിനന്ദനം അറിയിച്ചു.

ഇടവക ആത്മായ വൈസ്-പ്രസിഡൻറ് മാത്യൂസ് ഫിലിപ്പ് റിട്രീറ്റ് കൺവീനറായി നേതൃത്വം നൽകി. ഇടവക ഗായക സംഘം ശ്രുതിമധുരമായ ഗാനങ്ങൾ ആലപിച്ചു. ഏവർക്കും കൃതജ്ഞത അറിയിച്ചുകൊണ്ട്, റവ. ഡേവിസ് വി. ടൈറ്റസ് അച്ചന്റെ സമാപന പ്രാർത്ഥനയോടും ആശിർവാദത്തോടും റിട്രീറ്റ് സമംഗളം പര്യവസാനിച്ചു.

The post ബഹ്റൈൻ മാർത്തോമ്മാ ഇടവകഭാരവാഹികളുടെ റിട്രീറ്റ് – 2022 appeared first on Starvision News Malayalam.