കണ്ണൂർ: ബഹ്‌റൈൻ കണ്ണൂർ സിറ്റി കൂട്ടായ്മ,അംഗങ്ങളുടെ മക്കളിൽ 2024-25 വർഷത്തെ പത്ത്,പന്ത്രണ്ട് ക്ലാസ്സ്‌ വിജയികൾക്കായുള്ള അനുമോദനവും സ്നേഹോപഹാര വിതരണ ചടങ്ങും നടത്തി.
കണ്ണൂർ കോർപറേഷൻ മേയർ മുസ്ലിഹ്‌ മഠത്തിൽ ഉദ്ഘാടനം നിർവഹിച്ച പരിപാടിയിൽ ഉയർന്ന വിദ്യാഭ്യാസ മേഖല കണ്ടെത്തുന്നതിനു രക്ഷിതാക്കളുടെ താല്പര്യം കുട്ടികളിൽ അടിച്ചേൽപ്പിക്കാതെ അവരുടെ അഭിരുചിക്കനുസരിച്ചു തിരഞ്ഞെടുക്കാനുള്ള സ്വാതന്ത്ര്യം കുട്ടികൾക്ക് കൊടുക്കേണ്ടതിനെ കുറിച്ചും, ഉയർന്നു വരുന്ന ലഹരി ഉപയോഗത്തെയും ലഹരിവിരുദ്ധ പ്രവർത്തനങ്ങളിലും കുട്ടികളെ ബോധവത്കരിക്കുന്നതിലും നമുക്കുള്ള പങ്കിനെയും ഉത്തരവാദിത്തക്കുറിച്ചും അദ്ദേഹം സംസാരിച്ചു.
കോർപറേഷൻ ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൺ ഷമീമ ടീച്ചർ മുഖ്യ പ്രഭാഷണം നടത്തി.
ദീനുൽ ഇസ്ലാം സഭ ജനറൽ സെക്രട്ടറി സി സമീർ ,അധ്യാപകനും എഴുത്തുക്കാരനുമായ ഒ അബൂട്ടി,അറക്കൽ ഡിവിഷൻ കൗൺസിലർ അഷ്‌റഫ്‌ ചിറ്റുള്ളി, സാമൂഹ്യ പ്രവർത്തകൻ ടി എം റഷീദ്,സ്നേഹ സല്ലാപം ചാരിറ്റബിൾ ട്രസ്റ്റ്‌ പ്രതിനിധികളായ അബു അൽമാസ്,അബ്ദുൽ ഖല്ലാഖ്, മുനീർ അബ്ദുള്ള എന്നിവർ സംസാരിച്ചു.വിജയികൾക്കുള്ള ഉപഹാര വിതരണം മേയർ നിർവഹിച്ചു.
കൂട്ടായ്മയുടെ ആദരം എക്സിക്യൂട്ടീവ് അംഗങ്ങൾ ചേർന്ന് മേയർക്ക് നൽകി.
കണ്ണൂർ മുസ്ലിം ജമാഅത്ത് ഓഡിറ്റോറിയത്തിൽ നടന്ന പരിപാടിയിൽ നസീർ പികെ സ്വാഗതം പറഞ്ഞു. അൻസാരി അധ്യക്ഷത വഹിച്ച ചടങ്ങിൽ മുർഷിദ് നന്ദി പറഞ്ഞു.ഫസ്‌ലീം എം ഇ,സർഫ്രാസ് എന്നിവർ പരിപാടി നിയന്ത്രിച്ചു.

The post ബഹ്‌റൈൻ കണ്ണൂർ സിറ്റി കൂട്ടായ്മ വിജയികളെ അനുമോദിച്ചു appeared first on Starvision News Malayalam.

മനാമ: ബഹ്‌റൈൻ കണ്ണൂർ സിറ്റി കൂട്ടായ്മ അംഗങ്ങക്കുള്ള ഇഫ്താർ മീറ്റ് ഹൂറ ചാരിറ്റി ഹാളിൽ സംഘടിപ്പിച്ചു. മീറ്റിൽ സാമൂഹ്യ പ്രവർത്തകരായ മഹമൂദ് പെരിങ്ങത്തൂർ, കണ്ണൂർ സുബൈർ, സിദ്ദിഖ്‌ അദ്ലിയ,നജീബ് കടലായി,അൻവർ കണ്ണൂർ,ഫത്താഹ് പൂമംഗലം എന്നിവർ പങ്കെടുത്തു. ഫസൽ ബഹ്‌റൈൻ,അഷ്‌റഫ്‌ കാക്കണ്ടി, ഇർഷാദ് തന്നട ,സയീദ് കല്യാശ്ശേരി എന്നിവർ ആശംസകളറിയിച്ചു സംസാരിച്ചു.

നാട്ടിലെ പാവപ്പെട്ടവരായ കുട്ടികൾക്ക്‌ പെരുന്നാളിന് ഒരു പുടവയെന്ന പേരിൽ 100 പേർക്ക് പെരുന്നാൾ വസ്ത്രം നൽകുന്ന പ്രവർത്തനത്തിന്റെ കൂപ്പൺ ലോഞ്ചിങ് എക്സിക്യൂട്ടീവ് അംഗങ്ങളായ സൈനുദ്ധീൻ കണ്ടിക്കൽ, സിദ്ദിഖ് കെ പി എന്നിവർ ചേർന്ന് റഫീഖ് അഹ്‌മദിന് കൂപ്പൺ കൈമാറി കൊണ്ട് നിർവഹിച്ചു.

റെയീസ് എം ഇ സ്വാഗതം പറഞ്ഞു.അബ്ദുൽറസാഖ് നദ്‌വി പ്രാർത്ഥന നടത്തി. എക്സിക്യൂട്ടീവ് അംങ്ങളായ ഫൈസൂഖ് ചാക്കാൻ, നൗഷാദ് കണ്ടിക്കൽ, അൻസാരി, മഷൂദ്, ഫുആദ്, റംഷി, റഫ്സി എന്നിവർ പരിപാടിക്ക് നേതൃത്വം നൽകി .

The post ബഹ്‌റൈൻ കണ്ണൂർ സിറ്റി കൂട്ടായ്മമെംബേർസ് ഇഫ്താർ മീറ്റ് സംഘടിപ്പിച്ചു appeared first on Starvision News Malayalam.