മനാമ: ബഹ്‌റൈന്‍ ഇക്കണോമിക് ഡെവലപ്‌മെന്റ് ബോര്ഡ് (ബഹ്‌റൈന്‍ ഇ.ഡി.ബി) സംഘടിപ്പിച്ച ഗേ വേ ഗള്‍ഫ് 2024ന്റെ രണ്ടാം പതിപ്പ് സമാപിച്ചു.
250 മന്ത്രിമാരും ആഗോള ബിസിനസ്, വ്യവസായ നേതാക്കളും പങ്കെടുത്ത ഫോറം ടൂറിസം, മാനുഫാക്ചറിംഗ്, ബാങ്കിംഗ്, സ്‌പോര്‍ട്‌സ്, വിനോദം എന്നിവയുള്‍പ്പെടെ ഗള്‍ഫ് മേഖലയിലെ ഉയര്‍ന്ന സാമ്പത്തിക വളര്‍ച്ചാ മേഖലകളെക്കുറിച്ച് ചര്‍ച്ച ചെയ്തു.
‘ജി.സി.സിയിലെ വളര്‍ച്ചാ ഉത്തേജകമായ ടൂറിസം’ എന്ന പാനല്‍ സെഷനില്‍ ബഹ്‌റൈന്‍ ടൂറിസം മന്ത്രി ഫാത്തിമ ബിന്‍ത് ജാഫര്‍ അല്‍ സൈറാഫി മേഖലയുടെ സാമ്പത്തിക വൈവിധ്യവല്‍ക്കരണത്തില്‍ ടൂറിസം വഹിക്കുന്ന നിര്‍ണ്ണായക പങ്കിനെക്കുറിച്ച് സംസാരിച്ചു.
ബഹ്‌റൈന്‍ സെന്‍ട്രല്‍ ബാങ്ക് ഗവര്‍ണര്‍ ഖാലിദ് ഹുമൈദാന്‍ ‘ബാങ്കിംഗിന്റെ അടുത്ത പത്ത് വര്‍ഷങ്ങള്‍’ എന്ന പാനലില്‍ രാജ്യത്തിന്റെ വികസിച്ചുവരുന്ന സാമ്പത്തിക മേഖലയെക്കുറിച്ച് സംസാരിച്ചു.
‘ജി.സി.സിയിലെ വളര്‍ച്ചാ ഉത്തേജകമായ ടൂറിസം’ എന്ന പാനല്‍ സെഷനില്‍ ബഹ്‌റൈന്‍ ടൂറിസം മന്ത്രി ഫാത്തിമ ബിന്‍ത് ജാഫര്‍ അല്‍ സൈറാഫി മേഖലയുടെ സാമ്പത്തിക വൈവിധ്യവല്‍ക്കരണത്തില്‍ ടൂറിസം വഹിക്കുന്ന നിര്‍ണ്ണായക പങ്കിനെക്കുറിച്ച് സംസാരിച്ചു.
ബഹ്‌റൈന്‍ സെന്‍ട്രല്‍ ബാങ്ക് ഗവര്‍ണര്‍ ഖാലിദ് ഹുമൈദാന്‍ ‘ബാങ്കിംഗിന്റെ അടുത്ത പത്ത് വര്‍ഷങ്ങള്‍’ എന്ന പാനലില്‍ രാജ്യത്തിന്റെ വികസിച്ചുവരുന്ന സാമ്പത്തിക മേഖലയെക്കുറിച്ച് വിശദീകരിച്ചു.
ലോഹങ്ങള്‍, ഉല്‍പ്പാദനം, ഘനവ്യവസായങ്ങള്‍ എന്നിവയിലുടനീളം വൈവിധ്യവക്കരണത്തിനുള്ള തന്ത്രങ്ങളെക്കുറിച്ച് സംസാരിച്ച അലുമിനിയം ബഹ്‌റൈന്‍ (ആല്‍ബ) ചെയര്‍മാന്‍ ഖാലിദ് അല്‍ റുമൈഹി, ബഹ്‌റൈനിലുടനീളമുള്ള അലുമിനിയം വ്യവസായങ്ങള്‍ വിപുലീകരിക്കുന്നതിന് അലുമിനിയം ഉല്‍പ്പാദനത്തിലെ ആല്‍ബയുടെ വിജയത്തെ അടിസ്ഥാനമാക്കി നിര്‍മ്മിക്കേണ്ടതിന്റെ പ്രാധാന്യത്തെക്കുറിച്ച് സംസാരിച്ചു.
ബഹ്‌റൈന്‍ ഇന്റര്‍നാഷണല്‍ സര്‍ക്യൂട്ട് (ബി.ഐ.സി) ചീഫ് എക്‌സിക്യൂട്ടീവ് ഷെയ്ഖ് സല്‍മാന്‍ ബിന്‍ ഈസ അല്‍ ഖലീഫ രാജ്യം ആഗോള ശ്രദ്ധ നേടിയതില്‍ ഫോര്‍മുല വണ്ണി(എഫ് 1)ന്റെ ഗണ്യമായ സ്വാധീനത്തെക്കുറിച്ച് സംസാരിച്ചു.

The post ഗേറ്റ് വേ ഗള്‍ഫ് രണ്ടാം പതിപ്പ് സമാപിച്ചു appeared first on Starvision News Malayalam.

മനാമ: ബഹ്‌റൈന്റെ നിക്ഷേപ പ്രോത്സാഹന ഏജന്‍സിയായ ബഹ്റൈന്‍ ഇക്കണോമിക് ഡെവലപ്മെന്റ് ബോര്‍ഡ് (ബഹ്റൈന്‍ ഇ.ഡി.ബി) പ്രതിനിധിസംഘം സെപ്റ്റംബര്‍ 9 മുതല്‍ 14 വരെ തിയതികളില്‍ ഇന്ത്യയില്‍ മള്‍ട്ടി-സിറ്റി ടൂര്‍ നടത്തും. സുസ്ഥിര വികസന മന്ത്രി നൂര്‍ ബിന്‍ത് അലി അല്‍ ഖുലൈഫിന്റെ നേതൃത്വത്തിലുള്ള സംഘത്തില്‍ ബഹ്റൈന്‍ ഇ.ഡി.ബിയുടെ ചീഫ് എക്സിക്യൂട്ടീവ് ഓഫീസറും മറ്റ് ഉന്നതോദ്യോഗസ്ഥരുമുണ്ടാകും.
പര്യടനവേളയില്‍ നിക്ഷേപകര്‍ക്ക് മുന്‍ഗണനാ മേഖലകളിലെ മൂല്യവര്‍ദ്ധന അവസരങ്ങള്‍, ഇന്‍ഫര്‍മേഷന്‍ ആന്റ് കമ്മ്യൂണിക്കേഷന്‍ ടെക്നോളജി (ഐ.സി.ടി) എന്നിവ സംബന്ധിച്ച കാര്യങ്ങള്‍ പ്രദര്‍ശിപ്പിക്കുന്നതിനുള്ള പരിപാടികളും യോഗങ്ങളും ഉണ്ടാകും. ഇരു രാജ്യങ്ങളും തമ്മിലുള്ള സാമ്പത്തിക, വ്യാപാര ബന്ധങ്ങള്‍ ശക്തിപ്പെടുത്താനും ബഹ്റൈനില്‍ ഉയര്‍ന്ന സാധ്യതകളുള്ള നിക്ഷേപ അവസരങ്ങള്‍ പ്രോത്സാഹിപ്പിക്കാനുമായി ചുമതലപ്പെടുത്തിയ പ്രതിനിധിസംഘം മുംബൈ, ബെംഗളൂരു, ചെന്നൈ നഗരങ്ങള്‍ സന്ദര്‍ശിക്കും.
ഗള്‍ഫിന്റെ ഹൃദയഭാഗത്തുള്ള തന്ത്രപ്രധാനമായ സ്ഥാനവും ഇന്ത്യയുമായുള്ള സാമീപ്യവും ഞങ്ങളുടെ പുരോഗമന നയങ്ങളും സ്വാഗതാര്‍ഹമായ ബിസിനസ് അന്തരീക്ഷവും ചേര്‍ന്ന, ഇന്ത്യന്‍ സംരംഭങ്ങള്‍ക്ക് അനുയോജ്യമായ ഒരു കേന്ദ്രമാണ് ബഹ്‌റൈനെന്ന് മന്ത്രി പറഞ്ഞു. ബഹ്റൈന്‍ വാഗ്ദാനം ചെയ്യുന്ന നിക്ഷേപ അവസരങ്ങള്‍ പ്രദര്‍ശിപ്പിക്കാന്‍ ഉദ്ദേശിക്കുന്നതായും അവര്‍ പറഞ്ഞു.
ബഹ്റൈനിലെ വ്യവസായ വാണിജ്യ മന്ത്രാലയത്തിന്റെ കണക്കനുസരിച്ച്, 2023-ല കണക്കനുസരിച്ച് 10,900 ഇന്ത്യന്‍ കമ്പനികളും ഇന്ത്യന്‍ സംയുക്ത സംരംഭങ്ങളും ബഹ്റൈനില്‍ രജിസ്റ്റര്‍ ചെയ്തിട്ടുണ്ട്. അവര്‍ 2019 മുതല്‍ 62% വളര്‍ച്ച കൈവരിച്ചിട്ടുണ്ട്.

The post ബഹ്റൈന്‍ ഇ.ഡി.ബി. സംഘം ഇന്ത്യയില്‍ പര്യടനം നടത്തും appeared first on Starvision News Malayalam.

ന്യൂയോര്‍ക്ക്: നിക്ഷേപ സാധ്യതകള്‍ പ്രോത്സാഹിപ്പിക്കുക എന്ന ലക്ഷ്യത്തോടെ ബഹ്‌റൈന്‍ ഇക്കണോമിക് ഡവലപ്‌മെന്റ് ബോര്‍ഡ് (ബഹ്‌റൈന്‍ ഇ.ഡി.ബി) സംഘം നടത്തിയ അമേരിക്കന്‍ സന്ദര്‍ശനം സമാപിച്ചു. ജൂണ്‍ 10നാണ് സംഘം അമേരിക്കയിലെത്തിയത്.
ബഹ്‌റൈന്‍ ഇ.ഡി.ബി ആതിഥേയത്വം വഹിക്കുന്ന ‘ദി ട്രാന്‍സ്ഫര്‍മേഷന്‍ അജണ്ട’ പരിപാടിയുടെ ഭാഗമായി അമേരിക്കന്‍ ഗവണ്‍മെന്റിന്റെ പ്രതിനിധികളുമായും അമേരിക്ക ആസ്ഥാനമായുള്ള ധനകാര്യ, ഇന്‍ഫര്‍മേഷന്‍ ആന്റ് കമ്യൂണിക്കേഷന്‍ ടെക്‌നോളജി, മാനുഫാക്ചറിംഗ് മേഖലകളിലെ കമ്പനികളുടെ പ്രതിനിധികളുമായും സംഘം ചര്‍ച്ച നടത്തി. ബഹ്‌റൈന്‍ സുസ്ഥിര വികസന മന്ത്രിയും ഇ.ഡി.ബി. ചീഫ് എക്‌സിക്യൂട്ടീവുമായ നൂര്‍ ബിന്‍ത് അലി അല്‍ ഖുലൈഫിന്റെ നേതൃത്വത്തിലായിരുന്നു സന്ദര്‍ശനം.
സന്ദര്‍ശനത്തിന്റെ ഭാഗമായി ഇ.ഡി.ബി. തയാറാക്കിയ പരിപാടികളും നടന്നു. ഡിജിറ്റല്‍ ആസ്തികള്‍ സംബന്ധിച്ചും ആഗോള വികസന ശൃംഖലകളുടെ ശാക്തീകരണത്തെക്കുറിച്ചും സമ്പദ് വ്യവസ്ഥയും വ്യവസായങ്ങളും തമ്മിലുള്ള ബന്ധത്തെക്കുറിച്ചും ചര്‍ച്ചകള്‍ നടന്നു. വിവിധ ചര്‍ച്ചകളില്‍ മന്ത്രിയും ഇ.ഡി.ബി. ഉന്നതോദ്യോഗസ്ഥരും പങ്കെടുത്തു.

The post ബഹ്‌റൈന്‍ ഇ.ഡി.ബിയുടെ അമേരിക്കന്‍ സന്ദര്‍ശനം സമാപിച്ചു appeared first on Starvision News Malayalam.

മനാമ: ഫ്രാൻസിലെ കാനിൽ ജൂൺ 4 മുതൽ 6 വരെ നടന്ന ഡാറ്റാ ക്ലൗഡ് ഗ്ലോബൽ കോൺഗ്രസിൽ ബഹ്റൈൻ ഇക്കണോമിക് ഡവലപ്മെന്റ് ബോർഡ് (ഇ.ഡി.ബി) പ്രതിനിധികൾ പങ്കെടുത്തു. രാജ്യത്തെ ഡാറ്റാ സെന്റർ ഓപ്പറേറ്റർമാർ, ക്ലൗഡ് പ്രൊവൈഡർമാർ, ഡാറ്റാ ബിസിനസ് സ്ഥാപന പ്രതിനിധികൾ തുടങ്ങിയവർ സംഘത്തിലുണ്ടായിരുന്നു. ഡിജിറ്റൽ മേഖലയിലെ പുതിയ പ്രവണതകളെക്കുറിച്ചും വെല്ലുവിളികളെ ക്കുറിച്ചും സമ്മേളനം ചർച്ച ചെയ്തു.

ഈ മേഖലയിലെ ആഗോള പ്രമുഖരുമായി സംവദിക്കാൻ ഇവിടെ അവസരം ലഭിച്ചതായി ഇ.ഡി.ബിയുടെ ഐ.സി.ടി. വിഭാഗം ബിസിനസ് ഡെവലപ്മെന്റ് എക്സിക്യൂട്ടീവ് ഡയറക്ടർ മുസാബ് അബ്ദുള്ള പറഞ്ഞു. ബഹ്റൈനെ ഒരു ടെക്നോളജിക്കൽ ഹബ്ബായി മാറ്റാനുള്ള പ്രയത്നങ്ങൾക്ക് സമ്മേളനത്തിലെ അനുഭവങ്ങൾ ഉപകരിക്കുമെന്നും അദ്ദേഹം കൂട്ടിച്ചേർത്തു.

The post ഡാറ്റാ ക്ലൗഡ് ഗ്ലോബൽ കോൺഗ്രസിൽ ബഹ്റൈൻ ഇ.ഡി.ബി. പങ്കെടുത്തു appeared first on Starvision News Malayalam.

മനാമ: ആംസ്റ്റര്‍ഡാമില്‍ നടക്കുന്ന മണി 20/20 യൂറോപ്പ് ഫോറത്തില്‍ ബഹ്‌റൈനിലെ നിക്ഷേപ സാധ്യതകള്‍ പരിചയപ്പെടുത്തിക്കൊണ്ട് ബഹ്‌റൈന്‍ ഇക്കണോമിക് ഡവലപ്‌മെന്റ് ബോര്‍ഡ് (ബഹ്‌റൈന്‍ ഇ.ഡി.ബി) പങ്കെടുക്കുന്നു. ജൂണ്‍ നാലിനാരംഭിച്ച സമ്മേളനം ആറിന് സമാപിക്കും. ഇതിനു പുറമെ രാജ്യത്തെ സാമ്പത്തിക മേഖലയില്‍ ഏറ്റവും പുതുതായുണ്ടായ സംഭവവികാസങ്ങളും സാമ്പത്തിക വിജയഗാഥകളും ഇ.ഡി.ബി അവിടെ അവതരിപ്പിക്കുന്നുണ്ട്.

രാജ്യത്തെ പ്രധാന നിക്ഷേപ സാധ്യതകള്‍ വാഗ്ദാനം ചെയ്യുന്നതിനൊപ്പം ലോകത്തെ പ്രധാന നിക്ഷേപകരുമായി അടുത്ത ബന്ധമുണ്ടാക്കാനും ഇതുവഴി സാധ്യമാകുമെന്ന് ഇ.ഡി.ബി പ്രതീക്ഷിക്കുന്നു. ഒരു നൂറ്റാണ്ട് പഴക്കമുള്ള രാജ്യത്തെ സാമ്പത്തിക സേവന രംഗം അറബ് മേഖലയില്‍ ഏറെ പ്രധാനപ്പെട്ടതാണ്. മേഖലയിലെ ഡി.ജിപിയില്‍ 2023ലെ രാജ്യത്തിന്റെ സംഭാവന 17.8 ശതമാനമാണ്. കൂടാതെ തൊഴില്‍ മേഖലയിലും സാമ്പത്തിക സേവന മേഖലയിലുമായി 14,000ത്തിലധികം പേര്‍ക്ക് തൊഴില്‍ നല്‍കുന്നുമുണ്ട്. രാജ്യത്തിന്റെ അതിവിദഗ്ധ തൊഴില്‍ മേഖലയില്‍ 70 ശതമാനമാണിത്.
സുപ്രധാന മേഖലകളില്‍ നിക്ഷേപം ആകര്‍ഷിക്കുന്നതിന് പ്രയത്‌നം ചെയ്യുന്നതിനൊപ്പം മികച്ച നിക്ഷേപ അന്തരീക്ഷം സൃഷ്ടിക്കാന്‍ ശ്രമിക്കുന്നുമുണ്ടെന്ന് ഇ.ഡി.ബിയുടെ സാമ്പത്തിക സേവന വിഭാഗത്തിന്റെ ബിസിനസ് ഡവലപ്‌മെന്റ് എക്‌സിക്യൂട്ടീവ് ഡയരക്ടര്‍ ദലാല്‍ ബുഹേജി പറഞ്ഞു.

The post നിക്ഷേപ സാധ്യതകള്‍ പരിചയപ്പെടുത്തി ബഹ്‌റൈന്‍ ഇ.ഡി.ബി മണി 20/20 യൂറോപ്പ് ഫോറത്തില്‍ appeared first on Starvision News Malayalam.