മനാമ: റഷ്യൻ സീസൺ ആഘോഷങ്ങളുടെ ഭാഗമായി നടക്കുന്ന റഷ്യൻ ചലച്ചിത്രമേളയ്ക്ക് ബഹ്റൈനിൽ വേദിയൊരുങ്ങി.
ബഹ്റൈൻ അതോറിറ്റി ഫോർ കൾച്ചർ ആൻ്റ് ആൻ്റിക്വിറ്റീസുമായി (ബി.എ.സിഎ) സഹകരിച്ച് റഷ്യൻ സാംസ്കാരിക മന്ത്രാലയവും റോസ്കിനായും ചേർന്ന് സെപ്റ്റംബർ 18 മുതൽ 20 വരെ ബഹ്റൈനിലെ റീൽസ് സിനിമാസ്- മറാസി ഗലേറിയയിലാണ് ചലച്ചിത്രമേള സംഘടിപ്പിക്കുന്നത്. 18ന് വൈകുന്നേരം 7 മണിക്ക് റഷ്യൻ നാടോടിക്കഥകളിൽനിന്ന് പ്രചോദനമുൾക്കൊണ്ട ഫിനിസ്റ്റ്- ദി ഫസ്റ്റ് വാരിയർ എന്ന ചിത്രത്തിൻ്റെ പ്രദർശനത്തോടെയാണ് മേള ആരംഭിക്കുന്നത്. തുടർന്നുള്ള ദിവസങ്ങളിൽ മറ്റു ചില റഷ്യൻ സിനിമകൾ കൂടി പ്രദർശിപ്പിക്കും.
എല്ലാ പ്രദർശനങ്ങളിലും പൊതുജനങ്ങൾക്ക് പ്രവേശനമുണ്ടാകും. http://rrf2025.bh എന്ന ഓൺലൈൻ ലിങ്ക് വഴി മുൻകൂട്ടി റജിസ്റ്റർ ചെയ്യാവുന്നതാണ്.

The post റഷ്യൻ ചലച്ചിത്രമേളയ്ക്ക് ബഹ്റൈനിൽ വേദിയൊരുങ്ങി appeared first on Starvision News Malayalam.

വെനീസ്: മെയ് 9ന് ഹീറ്റ് വേവ് എന്ന പേരില്‍ നടക്കുന്ന 19ാമത് അന്താരാഷ്ട്ര വാസ്തുവിദ്യാ പ്രദര്‍ശനമായ ലാ ബിനാലെ ഡി വെനീസിയയില്‍ ബഹ്റൈന്‍ ദേശീയ പവലിയന്‍ തുറക്കും.
ആഗോള വെല്ലുവിളികളോട് പ്രതികരിക്കുന്നതില്‍ വാസ്തുവിദ്യയുടെ പങ്കിനെ അഭിസംബോധന ചെയ്യുന്ന ബിനാലെയുടെ മുഖ്യ പ്രമേയം ‘ബൗദ്ധികത, പ്രകൃതി, കൃത്രിമത്വം, കൂട്ടായ്മ’ എന്നതാണ്.

ബഹ്റൈന്‍ അതോറിറ്റി ഫോര്‍ കള്‍ചര്‍ ആന്റ് ആന്റിക്വിറ്റീസ് (ബിഎസിഎ) പ്രസിഡന്റ് ഷെയ്ഖ് ഖലീഫ ബിന്‍ അഹമ്മദ് അല്‍ ഖലീഫയാണ് രാജ്യത്തിന്റെ പവലിയന് നേതൃത്വം നല്‍കുന്നത്. ഡിസൈനും ഗവേഷണവും നയിച്ച ആര്‍ക്കിടെക്റ്റ് ആന്‍ഡ്രിയ ഫറാഗുണയാണ് ക്യൂറേറ്റ് ചെയ്തത്. ഇതോടൊപ്പമുള്ള പ്രസിദ്ധീകരണത്തില്‍ ഇമാന്‍ അലി, അബ്ദുല്ല ജനാഹി, അലക്‌സാണ്ടര്‍ പുസ്രിന്‍, കെയ്റ്റ്‌ലിന്‍ മുള്ളര്‍, എഡ്വാര്‍ഡോ ഗാസ്‌കോണ്‍ അല്‍വാരെസ്, ജോനാഥന്‍ ബ്രെര്‍ലി, ലൈല അല്‍ ഷെയ്ഖ്, ലത്തീഫ അല്‍ ഖയാത്ത്, ലെസ്ലി നോര്‍ഫോര്‍ഡ്, മൈതം അല്‍ മുബാറക്, മറിയം അല്‍ ജോമൈരി, മുഹമ്മദ് സലിം, പാരീസ് ബെസാനിസ്, വിയോള ഷാങ്, വഫ അല്‍ ഘതം എന്നിവരുടെ കൃതികളുണ്ട്. പവലിയന്റെ ഘടനാപരമായ രൂപകല്‍പ്പന നിര്‍വഹിച്ചത് അലക്‌സാണ്ടര്‍ പുസ്രിനും മരിയോ മോണോട്ടിയും ചേര്‍ന്നാണ്.

ആഴ്‌സണേലിലെ ചരിത്രപ്രസിദ്ധമായ ആര്‍ട്ടിഗ്ലിയറി വിഭാഗത്തില്‍ സ്ഥിതി ചെയ്യുന്ന പവലിയന്‍, വര്‍ദ്ധിച്ചുവരുന്ന ആഗോള താപനിലയുടെ വര്‍ദ്ധിച്ചുവരുന്ന വെല്ലുവിളിയെ നേരിടുന്നതിനുള്ള ഒരു വാസ്തുവിദ്യാ നിര്‍ദ്ദേശം അവതരിപ്പിക്കുന്നു. പരമ്പരാഗത ബഹ്റൈന്‍ ശീതീകരണ സാങ്കേതികതകളില്‍നിന്ന് പ്രചോദനം ഉള്‍ക്കൊണ്ട് പരിസ്ഥിതി പ്രതിരോധശേഷിയും സാമൂഹിക സുസ്ഥിരതയും പ്രോത്സാഹിപ്പിക്കുന്നതിനായി രൂപകല്‍പ്പന ചെയ്ത ഒരു ഔട്ട്‌ഡോര്‍ കൂളിംഗ് ഇന്‍സ്റ്റാളേഷന്‍ ഇവിടെ അവതരിപ്പിക്കുന്നു.

The post വെനീസിലെ 19ാമത് ലാ ബിനാലെയില്‍ ബഹ്റൈന്‍ പവലിയനും appeared first on Starvision News Malayalam.

പാരീസ്: രണ്ടായിരത്തിലധികം വർഷങ്ങൾക്ക് മുമ്പ് മഹാനായ അലക്സാണ്ടുടെ കപ്പലുകൾ ബഹ്‌റൈൻ തീരത്ത് നങ്കൂരമിട്ടതു മുതൽ തുടങ്ങുന്ന, ബഹ്റൈനും ഗ്രീസും തമ്മിലുള്ള ആഴത്തിലുള്ള ചരിത്രപരമായ ബന്ധത്തിലേക്ക് വെളിച്ചം വീശുന്നതായി ചൊവ്വാഴ്‌ച പാരീസിലെ യുനെസ്‌കോ ആസ്ഥാനത്ത് നടന്ന ‘ദി കൾചർ ഓഫ് ടൈലോസ്: ബഹ്‌റൈനിലെ ഹെല്ലനിസ്റ്റിക് ആർക്കിയോളജി’ എന്ന സിമ്പോസിയം.
ബഹ്‌റൈൻ അതോറിറ്റി ഫോർ കൾചർ ആന്റ് ആൻറിക്വിറ്റീസും ഗ്രീക്ക് സാംസ്‌കാരിക മന്ത്രാലയവും ചേർന്നാണ് യുനെസ്‌കോയിലെ ബഹ്‌റൈന്റെയും ഗ്രീസിന്റെയും സ്ഥിരം പ്രതിനിധികളുടെയും എംബസികളുടെയും സഹകരണത്തോടെ പരിപാടി സംഘടിപ്പിച്ചത്.

സിമ്പോസിയത്തിൽ ബഹ്‌റൈൻ അതോറിറ്റി ഫോർ കൾചർ ആൻഡ് ആൻറിക്വിറ്റീസ് പ്രസിഡൻ്റ് ശൈഖ് ഖലീഫ ബിൻ അഹമ്മദ് ബിൻ അബ്ദുല്ല അൽ ഖലീഫ, യുനെസ്കോയുടെ ഡയറക്ടർ ജനറൽ ഓഡ്രി അസോലെ, പാരീസിലെ ബഹ്‌റൈൻ അംബാസഡറും യുനെസ്‌കോയിലെ ബഹ്‌റൈൻ്റെ സ്ഥിരം പ്രതിനിധിയുമായ ഇസ്സാം അബ്ദുൽ അസീസ് അൽ-ജാസിം, യുനെസ്കോയിലെ ഗ്രീസിലെ സ്ഥിരം പ്രതിനിധി ജോർജിയോസ് കൗമൗട്ട്സാക്കോസ് തുടങ്ങിയവർ പങ്കെടുത്തു.

ഈ വിശിഷ്‌ട വേദിയിൽ സിമ്പോസിയം നടത്തുന്നത് ജനങ്ങൾ തമ്മിൽ പങ്കിട്ട ചരിത്രം മനസ്സിലാക്കുന്നതിനുള്ള സഹകരണത്തിൻ്റെ പ്രാധാന്യത്തിന് അടിവരയിടുന്നതായി ശൈഖ് ഖലീഫ ബിൻ അഹമ്മദ് ബിൻ അബ്ദുല്ല അൽ ഖലീഫ പറഞ്ഞു. ഈ സുപ്രധാന പരിപാടിയുടെ സംഘാടനത്തിൽ സഹകരിച്ച എല്ലാവരെയും അദ്ദേഹം അഭിനന്ദിച്ചു.
അറബ് റീജിയണൽ സെൻ്റർ ഫോർ വേൾഡ് ഹെറിറ്റേജ് ഡയറക്ടർ റഷാദ് ഫറജ് മോഡറേറ്ററായ സിമ്പോസിയത്തിൽ പുരാവസ്തു, ഹെല്ലനിസ്റ്റിക് ചരിത്രം, സാംസ്കാരിക നരവംശശാസ്ത്രം എന്നീ മേഖലകളിലെ പ്രശസ്തരായ അന്താരാഷ്ട്ര വിദഗ്ധരും സംബന്ധിച്ചു. നാഷണൽ സെൻ്റർ ഫോർ സയൻ്റിഫിക് റിസർച്ചിലെ ഓണററി ഗവേഷകനും ബഹ്‌റൈനിലെ ഫ്രഞ്ച് ആർക്കിയോളജിക്കൽ മിഷൻ്റെ മുൻ ഡയറക്ടറുമായ ഡോ പിയറി ലോംബാർഡ്, നാഷണൽ റിസർച്ച് ഫൗണ്ടേഷൻ്റെ ഗ്രീക്ക് ആൻഡ് റോമൻ ആൻ്റിക്വിറ്റി വകുപ്പിലെ റിസർച്ച് ഡയറക്ടർ ഡോ. സോഫിയ സൂംബാക്കി, നാഷണൽ സെൻ്റർ ഫോർ സയൻ്റിഫിക് റിസർച്ചിലെ റിസർച്ച് ഡയറക്ടർ ഡോ. പിയറി ലൂയിസ് ഗറ്റിയർ, ബഹ്‌റൈനിലെ അബു സൈബയുടെ ടൈലോസ് നെക്രോപോളിസും അതിൻ്റെ പുരാവസ്തു പ്രാധാന്യവും ലൂവ്രെ മ്യൂസിയത്തിലെ ക്യൂറേറ്റർ ഡോ. ജൂലിയൻ കുനി തുടങ്ങിയവരും സംസാരിച്ചു.

The post ബഹ്‌റൈനും ഗ്രീസും തമ്മിലുള്ള ചരിത്രപരമായ ബന്ധത്തിലേക്ക് വെളിച്ചം വീശി ‘കൾചർ ഓഫ് ടൈലോസ്’ സിമ്പോസിയം appeared first on Starvision News Malayalam.

ഇ​ന്ത്യ​ൻ കൗ​ൺ​സി​ൽ ഫോ​ർ ക​ൾ​ച്ച​റ​ൽ റി​ലേ​ഷ​ൻ​സ്, ബ​ഹ്റൈ​ൻ അ​തോ​റി​റ്റി ഫോ​ർ ക​ൾ​ച്ച​ർ & ആ​ൻ​റി​ക്വി​റ്റീ​സ് എ​ന്നി​വ​യു​മാ​യി സ​ഹ​ക​രി​ച്ചാ​ണ് പരിപാടി ന​ട​ത്തു​ന്ന​ത്. പ്ര​വേ​ശ​നം സൗ​ജ​ന്യ​മാ​ണ്. ആ​ദ്യം വ​രു​ന്ന​വ​ർ​ക്ക് ആ​ദ്യം എ​ന്ന അ​ടി​സ്ഥാ​ന​ത്തി​ലാ​യി​രി​ക്കും സീ​റ്റു​ക​ൾ. ഇ​ന്ത്യ​ൻ സം​ഗീ​ത​ജ്ഞ​രു​ടെ അ​വി​സ്മ​ര​ണീ​യ പ്ര​ക​ട​നം ആ​സ്വ​ദി​ക്കാ​ൻ ബ​ഹ്‌​റൈ​നി​ലെ എ​ല്ലാ ശാ​സ്ത്രീ​യ സം​ഗീ​ത പ്രേ​മി​ക​ളെ​യും ക്ഷ​ണി​ക്കു​ന്ന​താ​യി ഇ​ന്ത്യ​ൻ എം​ബ​സി അ​റി​യി​ച്ചു.

The post സു​നി​ൽ ഭ​ഗ​വാ​ൻ അ​വ​ച​തി​ന്റെ പു​ല്ലാ​ങ്കു​​ഴ​ൽ ക​ച്ചേ​രി ഒക്ടോബർ 19 ന് appeared first on Starvision News Malayalam.