മനാമ: 2024 ലെ സിംസ് വർക്ക് ഓഫ് മേഴ്സി അവാർഡിന് മഹർ ഫൗണ്ടേഷൻ സ്ഥാപകയും പ്രമുഖ സാമൂഹിക ജീവകാരുണ്യ പ്രവർത്തകയുമായ Sr. ലൂസി കുര്യനെ തെരഞ്ഞെടുത്തതായി സിംസ് ഭാരവാഹികൾ വാർത്താസമ്മേളനത്തിൽ അറിയിച്ചു. മെയ് 11 നു ടുബ്ലി മര്മറിസ് ഹാളിൽ വച്ച് നടക്കുന്ന അവാർഡ് ദാന ചടങ്ങിൽ ബഹ്റിനിലെ ഇന്ത്യൻ സ്ഥാനപതി H.E. വിനോദ് കെ ജേക്കബ് മുഖ്യ അതിഥിയായി പങ്കെടുക്കും. ബഹ്‌റൈനിലെ പ്രമുഖ സാമൂഹിക പ്രവർത്തകനായ ഖലീൽ ധൈലാമി (ബാബ ഖലീൽ), സാമൂഹിക സാംസ്‌കാരിക മേഖലയിലെ മറ്റു പ്രമുഖരും അവാർഡ് ദാന ചടങ്ങിൽ പങ്കെടുക്കും.

1956-ൽ കണ്ണൂർ ജില്ലയിലെ കോളയാട് ജനിച്ച sr. ലൂസി കുര്യൻ, ഔപചാരിക വിദ്യാഭ്യാസത്തിന് ശേഷം, മുംബൈയിലേക്ക് താമസം മാറുകയും 1980-ൽ, സിസ്റ്റേഴ്‌സ് ഓഫ് ദ ക്രോസ് എന്ന സന്യാസി സമൂഹത്തിൽ ചേരുകയും ചെയ്തു. കുട്ടിക്കാലം മുതൽ നീതിക്കായുള്ള ശക്തമായ ആന്തരിക ആഗ്രഹം കൊണ്ടുനടന്ന Sr ലൂസി കുര്യൻ, 1989-ൽ HOPE (Human Organization for Pioneering in Education) എന്ന സംഘടനയിൽ ചേർന്നു. 1997-ൽ, അടിച്ചമർത്തപ്പെട്ടവരും നിരാലംബരുമായ സ്ത്രീകൾക്ക് സുരക്ഷിതമായ അഭയം നൽകുന്നതിനായി MAHER (MOTHER’S HOME) ഫൗണ്ടേഷൻ ഇന്ത്യയിലെ മഹാരാഷ്ട്രയിൽ, സ്ഥാപിച്ചു. മഹാരാഷ്ട്രയ്ക്കപ്പുറം കേരളം, ജാർഖണ്ഡ്, കൊൽക്കത്ത, കർണാടക, ആന്ധ്രാപ്രദേശ് എന്നിവിടങ്ങളിൽ MAHER FOUNDATION ഭവനങ്ങൾ സ്ഥാപിച്ചു. സ്ഥാപിതമായതുമുതൽ, മഹർ 5000-ലധികം കുട്ടികൾക്കും 5,900 സ്ത്രീകൾക്കും പരിചരണവും പാർപ്പിടവും നൽകിയിട്ടുണ്ട്.
സാമൂഹിക പ്രവർത്തനങ്ങൾക്കുള്ള അംഗീകാരമായി 214-ലധികം ദേശീയ അന്തർദേശീയ അവാർഡുകളും അംഗീകാരങ്ങളും sr ലൂസി കുര്യനു ലഭിച്ചിട്ടുണ്ട്. സ്ത്രീ ശാക്തീകരണത്തിന് നൽകിയ മികച്ച സംഭാവനകൾക്ക് 2015-ൽ ഇന്ത്യാ ഗവൺമെൻ്റിൻ്റെ നാരി ശക്തി പുരസ്‌കാരം ലഭിച്ചിട്ടുണ്ട്. OOOM മാഗസിൻ 2021 & 2023 വർഷങ്ങളിൽ ലോകത്തെ ഏറ്റവും പ്രചോദിപ്പിക്കുന്ന 100 ആളുകളിൽ ഒരാളായി sr ലൂസി കുര്യനെ തിരഞ്ഞെടുത്തു.

ജീവകാരുണ്ണ്യ മേഖലയിൽ ജീവിതം സമർപ്പിച് ശ്രദ്ധേയമായ പ്രവർത്തനങ്ങൾ നടത്തുന്ന വ്യക്തികളെയും സംഘടനകളെയും ആദരിക്കുന്നതിന് വേണ്ടിയാണ് 2012 മുതൽ സിംസ് വർക്ക് ഓഫ് മേഴ്സി അവാർഡ് നൽകിത്തുടങ്ങിയത്.
കിഡ്‌നി ഫെഡറേഷൻ ഓഫ് ഇന്ത്യ ചെയർമാൻ Fr ഡേവിസ് ചിറമേൽ, ബഹ്റൈൻ ഡിസേബിൾഡ് സൊസൈറ്റി ചെയർമാനും രാജ കുടുംബാംഗവും ആയ ഷെയ്ഖ് ദുവൈജ് ഖലീഫ ബിൻ ദുവൈജ് അൽ ഖലീഫ, കോട്ടയം കേന്ദ്രമാക്കി പ്രവർത്തിക്കുന്ന നവജീവൻ ട്രസ്റ്റിൻറ്റെ സാരഥി പി യു തോമസ്, കെ എം സി സി യുടെ ബഹ്റൈൻ ഘടകം, Dr. എം എസ് സുനിൽ, പ്രമുഖ സാമൂഹിക പ്രവർത്തക ദയ ഭായി തുടങ്ങിയവർക്കാണ് മുൻ വർഷങ്ങളിൽ സിംസ് വർക്ക് ഓഫ് മേഴ്സി അവാർഡ് നൽകി ആദരിച്ചിട്ടുള്ളത്.
പത്രസമ്മേളനത്തിൽ സിംസ് പ്രസിഡൻറ്റ് ഷാജൻ സെബാസ്റ്യൻ, ജനറൽ സെക്രട്ടറി സബിൻ കുര്യാക്കോസ്, വൈസ്പ്രസിഡന്റ് ജീവൻ ചാക്കോ, കോർ ഗ്രൂപ്പ് ചെയര്മാന് പോൾ ഉരുവത്, ഭരണസമിതി അംഗങ്ങളായ സിജോ ആന്റണി, രതീഷ് സെബാസ്റ്യൻ, മുൻ പ്രസിഡന്റ് ചാൾസ് ആലുക്ക മുൻ ഭരണസമിതി അംഗങ്ങൾ തുടങ്ങിയവർ പങ്കെടുത്തു. ബഹ്‌റൈൻ ഫൈനാൻസിങ് കമ്പനിയാണ് അവാർഡ് ഫങ്ക്ഷന്റെ മുഖ്യ പ്രായോജകർ.

The post സിംസ് വർക്ക് ഓഫ് മേഴ്സി അവാർഡ് Sr ലൂസി കുര്യന് appeared first on Starvision News Malayalam.

അഞ്ചാം തരത്തിൽ നിന്നും ഉന്നത വിജയം നേടിയ വിദ്യാർത്ഥികൾക്കുള്ള അവാർഡ്‌ അൽ ഫുർഖാൻ സെന്റർ പ്രസിഡന്റ്‌ ഷൈഖ്‌ ഡോ: അബ്ദുല്ലാ അബ്ദുൽ ഹമീദ്‌ വിതരണം ചെയ്തു. വിജയികൾക്കുള്ള സർട്ടിഫികറ്റുകൾ പ്രിൻസിപ്പാൾ സൈഫുള്ള ഖാസിം, കെജി സെക്ഷൻ മുതൽ നാലാം തരം വരെയുള്ള വിദ്യാർത്ഥികൾക്കുള്ള സമ്മാനങ്ങളുമാണ്‌ വിതരണം ചെയ്തത്‌. അൽ ഫുർഖാൻ സെന്റർ മുഖ്യ രക്ഷാധികാരി അബ്ദുൽ മജീദ്‌ തെരുവത്ത്‌ (ഷുവൈത്വർ സ്വീറ്റ്സ്‌) ട്രഷറർ നൗഷാദ്‌ പിപി (സ്കൈ) ഇന്ത്യൻ ഇസ്ലാഹീ സെന്റർ പ്രസിഡന്റ്‌ ഹംസ മേപ്പാടി, കെഎംസിസി സംസ്ഥാന ജനറൽ സെക്രട്ടറി അസൈനാർ കളത്തിങ്കൽ, വൈസ്‌ പ്രസിഡന്റ്‌ കുട്ടൂസ മുണ്ടേരി സംസ്ഥാന സെക്രട്ടറി എംഎ റഹ്മാൻ, ടിപി അബ്ദുറഹ്മാൻ എന്നിവർ സമ്മാനങ്ങൾ വിതരണം ചെയ്തു. അൽ ഫുർഖാൻ സെന്റർ വൈസ്‌ പ്രസിഡന്റ്‌ മൂസാ സുല്ലമി സമ്മാന അവിതരണത്തിന്‌ നേതൃത്വം നൽകി.

ജനറൽ സെക്രട്ടറിസുഹൈൽ മേലടി, വൈസ്‌ പ്രസിഡന്റുമാരായ ഷറഫുദ്ദീൻ അരൂർ, മുജീബു റഹ്മാൻ എടച്ചേരി സെക്രട്ടറിമാരായ മനാഫ്‌ കബീർ, ഇല്യാസ്‌ കക്കയം, അനൂപ്‌ തിരൂർ, നബീൽ ഇബ്‌റാഹീം എന്നിവരും, ബഷീർ മദനി ആശിഖ്‌ പിഎൻപി, നബീൽ ഇബ്‌റാഹീം, അബ്ദുല്ല പുതിയങ്ങാടി, മുബാറക്‌ വികെ, മായൻ, ഇഖ്ബാൽ കാഞ്ഞങ്ങാട്‌, യൂസുഫ്‌ കെപി, സമീൽ, കെപി, അനൂപ്‌ തിരൂർ, ആരിഫ്‌ അഹ്മദ്‌, ഹിഷാം കെ ഹമദ്‌, നസീഫ്‌ ടിപി, അധ്യാപികമാരായ സമീറ അനൂപ്‌, സജ്‌ല മുബാറക്‌, സാജിദാ നജീബ്‌ എന്നിവരും പരിപാടി നിയന്ത്രിച്ചു.

The post അൽ ഫുർഖാൻ മദ്‌റസ അവാർഡ്‌ സെറിമണി സംഘടിപ്പിച്ചു appeared first on Starvision News Malayalam.

മനാമ: ഇന്ത്യൻ സ്‌കൂൾ   റിഫ കാമ്പസ് 2022–23 വർഷത്തെ അക്കാദമിക് അവാർഡ് ദാന ചടങ്ങിൽ പഠനത്തിൽ  മികവ് പുലർത്തിയ വിദ്യാർത്ഥികളെ  ആദരിച്ചു.   മുഖ്യാതിഥി വിദ്യാഭ്യാസ മന്ത്രാലയം റിസ്‌ക് അസസ്‌മെന്റ് & ലീഗൽ അഫയേഴ്‌സ് ഡയറക്ടർ റീം അൽസാനേയ്, എജ്യുക്കേഷൻ സ്‌പെഷ്യലിസ്റ്റ്  സാറ സകരേയ ബുല്ലെ, സ്‌കൂൾ ചെയർമാൻ പ്രിൻസ് എസ് നടരാജൻ,  സെക്രട്ടറി സജി ആന്റണി, വൈസ് ചെയർമാൻ ജയഫർ മൈദാനി, എക്‌സിക്യൂട്ടീവ് കമ്മിറ്റി അംഗങ്ങളായ ബിനു മണ്ണിൽ വറുഗീസ്, രാജേഷ് എം എൻ, അജയകൃഷ്ണൻ വി, മുഹമ്മദ് നയാസ് ഉല്ല, പ്രിൻസിപ്പൽ വി ആർ പളനിസ്വാമി, റിഫ കാമ്പസ് പ്രിൻസിപ്പൽ പമേല സേവ്യർ, സ്റ്റാഫ് പ്രതിനിധി ജോൺസൺ കെ ദേവസ്സി, എന്നിവർ സന്നിഹിതരായിരുന്നു.

പ്രിൻസിപ്പൽ പമേല സേവ്യർ   സ്വാഗതം  പറഞ്ഞു. അധ്യക്ഷ പ്രസംഗം നടത്തിയ പ്രിൻസ് നടരാജൻ മികവ് പുലർത്തിയ വിദ്യാർത്ഥികളെയും  പിന്തുണയേകിയ അധ്യാപികമാരെയും  രക്ഷിതാക്കളെയും അഭിനന്ദിച്ചു.  സജി ആന്റണി തന്റെ അനുമോദന പ്രസംഗത്തിൽ വിദ്യാർത്ഥികളുടെ പഠനത്തിലും പാഠ്യേതര പ്രവർത്തനങ്ങളിലും നേടിയ മികവിനെ  ആദരിക്കേണ്ടതിന്റെ പ്രാധാന്യം ഊന്നിപ്പറഞ്ഞു.

നേരത്തെ ദേശീയ ഗാനാലാപനത്തോടെ പരിപാടികൾ ആരംഭിച്ചു. തുടർന്ന് വിശുദ്ധ ഖുർആൻ പാരായണവും സ്കൂൾ ഗാനവും നടന്നു. ചടങ്ങുകൾക്ക് തുടക്കം കുറിച്ച് വിശിഷ്ട വ്യക്തികൾ ദീപം തെളിയിച്ചു. പഠനത്തിൽ മികവ് പുലർത്തിയ 425 ഓളം വിദ്യാർത്ഥികളെ  ആദരിച്ചു. വിദ്യാർത്ഥികളുടെ നൃത്തപരിപാടികൾ വർണശബളമായിരുന്നു.   ഹെഡ് ഗേൾ സെറ കിഷോർ, ഹെഡ് ബോയ് റെയ്ഹാൻ തോമസ് മാത്യു എന്നിവർ നന്ദി പറഞ്ഞു.

The post ഇന്ത്യൻ സ്‌കൂൾ റിഫ കാമ്പസ് അക്കാദമിക് അവാർഡ് ദാന ചടങ്ങ് സംഘടിപ്പിച്ചു appeared first on Starvision News Malayalam.

കൂടാതെ നാട്ടിലെ മികച്ച കർഷകരെയും,മികച്ച കുടുംബശ്രീ പ്രവർത്തകരെയും,കാര്യത്ത് നിന്നും കേരള ബുക്ക്‌ ഓഫ് റക്കോർഡിൽ ഇടം നേടിയ പൂർണ്ണിമ ദക്ഷിണ, ഗ്രന്ഥശാല മുൻ പ്രവർത്തകനും, കടയ്ക്കൽ ഗവ: ഹയർ സെക്കന്ററി സ്കൂളിൽ പ്രഥമ അധ്യാപനായി ചുമതലയേറ്റ ടി. വിജകുമാർ എന്നിവരെ ആദരിച്ചു.

കടയ്ക്കൽ പഞ്ചായത്തിൽ ആദ്യമായി രൂപീകരിച്ച ഗ്രന്ഥശാലകളിൽ ഒന്നാണ് കലാലയ. ഒരുകൂട്ടം കലാ സാംസ്‌കാരിക പ്രവർത്തകർ ഒരു നാടക കലാസമിതിയായി പണ്ടുകാലത്തു ആരംഭിച്ച കൂട്ടായ്മ പിന്നീട് ഗ്രന്ഥശാല ആയി മാറുകയായിരുന്നു.

കാര്യം എൽ. എം എൽ പി എസിൽ വച്ച് ജിതിന്റെ അധ്യക്ഷതയിൽ കൂടിയ യോഗത്തിൽ വച്ച് അവാർഡ് ദാനം ബ്ലോക്ക് പഞ്ചായത്തിന്റെ പ്രസിഡന്റ്‌ ലതിക വിദ്യാധരൻ ഉദ്ഘാടനം ചെയ്തു. എസ് ബിനു സ്വാഗതം പറഞ്ഞു.

പ്ലസ്‌ ടു അവാർഡ് ദാനം ബ്ലോക്ക് പ്രസിഡന്റ്‌ ലതിക വിദ്യാധരൻ നിർവ്വഹിച്ചു, എസ്. എസ്. എൽ. സി അവാർഡ് ദാനം കടയ്ക്കൽ പഞ്ചായത്ത്‌ പ്രസിഡന്റ്‌ എം മനോജ്‌ കുമാർ നിർവഹിച്ചു.

മികച്ച കർഷകരെ ആദരിക്കൽ കൊല്ലം ജില്ലാ പഞ്ചായത്ത്‌ വികസന സ്റ്റാൻറ്റിംഗ് കമ്മിറ്റി ചെയർ പേഴ്സൺ ജെ. നജീബത്ത് നിർവഹിച്ചു.

മികച്ച കുടുംബശ്രീ ഗ്രൂപ്പുകളെ ആദരിക്കൽ ചടങ്ങ് കടയ്ക്കൽ പഞ്ചായത്ത്‌ വികസന സ്റ്റാൻറ്റിംഗ് കമ്മിറ്റി ചെയർമാൻ വേണുകുമാരൻ നായർ ഉദ്ഘാടനം ചെയ്തു.

കടയ്ക്കൽ ഗവ: ഹൈ സ്കൂൾ പ്രഥമ അധ്യാപകനായ ടി വിജയകുമാറിനെ കാര്യം വാർഡ് മെമ്പർ കെ. എസ് അരുൺകുമാർ ആദരിച്ചു.

കവിയത്രി പൂർണ്ണിമ ദക്ഷിണയെ ആറ്റുപുറം വാർഡ് മെമ്പർ ഷാനി ആദരിച്ചു,

ആശംസകൾ പറഞ്ഞുകൊണ്ട് സി. ഡി. എസ് മെമ്പർ ആർ ലത, ശ്യാമള വിലാസൻ, ഷിബു വലിയവേങ്കോട് എന്നിവർ സംസാരിച്ചു.

ചടങ്ങിൽ കലാ സാംസ്‌കാരിക പ്രവർത്തകർ, വിദ്യാർഥികൾ, രക്ഷകർത്താക്കൾ, ബഹുജനങ്ങൾ എന്നിവർ പങ്കെടുത്തു

The post കലാലയ ഗ്രന്ഥശാല അവാർഡ് ദാനം സംഘടിപ്പിച്ചു appeared first on Starvision News Malayalam.