ഉത്പാദനച്ചെലവ് കൂടുതലാണെന്ന് ചൂണ്ടിക്കാട്ടിയാണ് പാലിന്റെ വിലകൂട്ടാൻ മിൽമ സമ്മർദം ചെലുത്തിയത്. ഇതിന്റെ ഗുണം കർഷകർക്ക് ലഭിച്ചിട്ടില്ല. കോടികളുടെ ‘ചെലവ്’ ഉണ്ടായതിനാൽ പാൽവില കൂട്ടിയതിന്റെ ഗുണം മിൽമയ്ക്കും ഉണ്ടായിട്ടില്ലെന്നാണ് ഓഡിറ്റ് വെളിപ്പെടുത്തുന്നത്. പാൽവില കൂട്ടുകയും വിൽപ്പന വർധിക്കുകയും ചെയ്തിട്ടും മിൽമയുടെ ലാഭത്തിൽ വർധനയുണ്ടായില്ലെന്നും ഓഡിറ്റ് റിപ്പോർട്ടിൽ കുറ്റപ്പെടുത്തി. തിരുവനന്തപുരം മേഖലയിൽ 17.55 ശതമാനം വ്യാപാരം കൂടി. എന്നാൽ, വ്യാപാരലാഭം 8.47 ലക്ഷം രൂപ കുറഞ്ഞു. ചെലവ് 21.02 ശതമാനമാണ് കൂടിയത്. ഇവിടെ ഉത്‌പാദിപ്പിക്കുന്ന പാൽ സംഭരിക്കുന്നതാണ് മിൽമയ്ക്ക് നേട്ടം. എന്നാൽ, ഇതുണ്ടാകുന്നില്ലെന്ന സൂചന റിപ്പോർട്ടിലുണ്ട്. പത്തനംതിട്ട ഡെയറിയിൽ പ്രാദേശികമായി പാൽ ശേഖരിക്കുന്നത് 10.06 ശതമാനം കുറഞ്ഞു.

The post മറ്റുസംസ്ഥാനങ്ങളിൽനിന്ന് പാൽ എത്തിക്കുന്നതിൽ മിൽമയിൽ കോടികളുടെ ക്രമക്കേട്; സഹകരണവകുപ്പിന്റെ ഓഡിറ്റ് റിപ്പോർട്ട് appeared first on Starvision News Malayalam.

പൊതു ജനതാല്‍പര്യമുളള ഉല്‍പാദന, സേവന, ഐ.ടി, തൊഴില്‍ സംരംഭങ്ങള്‍ (കൃഷി, മൃഗസംരക്ഷണം, ക്ഷീരവികസനം, ചെറുകിട വ്യവസായം, മല്‍സ്യമേഖല, മൂല്ല്യവര്‍ദ്ധിത ഉല്‍പന്ന നിര്‍മ്മാണം, സേവന മേഖല, നിര്‍മ്മാണ മേഖല) എന്നിവയിലൂടെ കുറഞ്ഞത് 10 പേര്‍ക്കെങ്കിലും തൊഴിലും വരുമാനവും ലഭ്യമാകുന്ന സംരംഭങ്ങള്‍ ആരംഭിക്കുന്നതിന് അല്ലെങ്കില്‍ നിലവിലുളള സംരംഭങ്ങള്‍ മേല്‍പ്രകാരം തൊഴില്‍ ലഭ്യമാകത്തക്കതരത്തില്‍ വികസിപ്പിക്കുന്നതിനുമാണ് രണ്ട് ലക്ഷം രൂപ പ്രവര്‍ത്തന മൂലധനം നല്‍കുന്നത്. സംഘം നേരിട്ട് നടത്തുന്ന സംരംഭങ്ങള്‍, സംഘത്തിലെ അംഗങ്ങള്‍ ഒറ്റക്കോ/കൂട്ടായോ നടത്തുന്ന സംരംഭങ്ങള്‍ക്കാണ് ധനസഹായം നല്‍കുക. അപേക്ഷാ ഫോറം നോര്‍ക്ക-റൂട്ട്സ് വെബ്സൈറ്റായ www.norkaroots.org ല്‍ ലഭിക്കും. പൂരിപ്പിച്ച അപേക്ഷകള്‍ അവശ്യ രേഖകളായ, ഭരണസമിതി തീരുമാനം പദ്ധതി രേഖ, ഏറ്റവും പുതിയ ആഡിറ്റ് റിപ്പോര്‍ട്ടിന്‍റെ പകര്‍പ്പ്, താല്‍ക്കാലിക കടധനപട്ടിക എന്നിവയുടെ പകര്‍പ്പുകള്‍ സഹിതം സെപ്തംബര്‍ 30 നകം ചീഫ് എക്സിക്ക്യൂട്ടീവ് ഓഫീസര്‍, നോര്‍ക്ക-റൂട്ട്സ് , നോര്‍ക്ക സെന്‍റര്‍, 3-ാം നില, തൈക്കാട്, തിരുവനന്തപുരം – 695 014 എന്ന വിലാസത്തില്‍ ലഭ്യമാക്കേണ്ടതാണ്.

കൂടുതല്‍ വിവരങ്ങള്‍ക്ക് 24 മണിക്കൂറും പ്രവര്‍ത്തിക്കുന്ന നോര്‍ക്ക ഗ്ലോബല്‍ കോണ്‍ടാക്ട് സെന്ററിന്റെ ടോള്‍ ഫ്രീ നമ്പറുകളായ 1800 425 3939 (ഇന്ത്യയില്‍ നിന്നും) +91-8802 012 345 (വിദേശത്തുനിന്നും, മിസ്സ്ഡ് കോള്‍ സര്‍വ്വീസ്) ബന്ധപ്പെടാവുന്നതാണ്.

The post പ്രവാസി സംഘങ്ങള്‍ക്ക് ധനസഹായം: സെപ്റ്റം 30 വരെ അപേക്ഷിക്കാം appeared first on Starvision News Malayalam.

കൊച്ചി

മേയറുടെ ദുരിതാശ്വാസ നിധിയിലെ ഗുണഭോക്താക്കളുടെ പട്ടിക ലഭ്യമല്ലെന്നും വസ്തുനികുതി അടയ്ക്കുന്നതുൾപ്പെടെ മതിയായ നടപടികൾ സ്വീകരിക്കുന്നില്ലെന്നും ജൻറം പദ്ധതിയുമായി ബന്ധപ്പെട്ട അക്കൗണ്ടുകളുടെ വിശദാംശങ്ങൾ കാണാനില്ലെന്നും മുനിസിപ്പാലിറ്റി വാടക പിരിക്കുന്നതിന്റെ കണക്കുകൾ ലഭ്യമല്ലെന്നും ഓഡിറ്റ് റിപ്പോർട്ടിൽ ചൂണ്ടിക്കാട്ടുന്നു. ഫണ്ടിൽ നിന്ന് 1.5 കോടിയോളം രൂപയുടെ വരുമാന നഷ്ടമുണ്ടായിട്ടുണ്ടെന്നും നഗരത്തിലെ റോഡുകളുടെ ടാറിങ്ങിന് ബിറ്റുമിൻ വേണ്ടത്ര ഉപയോഗിക്കുന്നില്ലെന്നും ഓഡിറ്റ് റിപ്പോർട്ടിൽ പറയുന്നു.

The post കൊച്ചി നഗരസഭയിലെ ക്രമക്കേടുകള്‍ അക്കമിട്ട് ചൂണ്ടിക്കാട്ടി ഓഡിറ്റ്‌ റിപ്പോര്‍ട്ട്‌ appeared first on Starvision News Malayalam.