പാലക്കാട്

സാക്ഷികളുടെ വിസ്താരം, സാക്ഷികളെ സ്വാധീനിക്കൽ, കൂറുമാറ്റം, സാക്ഷി സംരക്ഷണ നിയമം നടപ്പാക്കൽ, കൂറുമാറിയവരെ വീണ്ടും വിസ്തരിക്കൽ, പുനർ വിസ്താരത്തിൽ മൊഴി തിരുത്തൽ, കോടതിയെ തെറ്റിദ്ധരിപ്പിച്ച സാക്ഷിയുടെ കണ്ണ് പരിശോധിക്കൽ, മധുവിന്‍റെ കുടുംബത്തെ ഭീഷണിപ്പെടുത്തൽ, ഭീഷണിപ്പെടുത്തിയവരെ അറസ്റ്റ് ചെയ്യൽ തുടങ്ങിയ അസാധാരണ നടപടികൾ വിചാരണയിൽ ഉൾപ്പെട്ടിരുന്നു. ഇതെല്ലാം ഇന്ന് അവസാനിക്കുകയാണ്.

2022 ഏപ്രിലിലാണ് വിചാരണ ആരംഭിച്ചത്. കോടതിയിൽ രഹസ്യമൊഴി നൽകിയവരടക്കം 24 സാക്ഷികൾ കൂറുമാറി. വിവിധ രേഖകൾ കേസ് ഫയലിന്‍റെ ഭാഗമാക്കാൻ 30 ലധികം ഹർജികളാണ് പ്രോസിക്യൂഷൻ സമർപ്പിച്ചത്. വിസ്താരം കഴിയുമ്പോൾ ഒരു ചോദ്യം അവശേഷിക്കുന്നു. സാക്ഷികളെ സ്വാധീനിക്കാൻ ഇടപെട്ടവർക്കെതിരെ എന്തു നടപടി സ്വീകരിക്കും എന്ന ചോദ്യം.

The post മധു വധക്കേസ്; സാക്ഷി വിസ്താരം ഇന്ന് അവസാനിക്കും, 101 സാക്ഷികളെ വിസ്തരിച്ചു appeared first on Starvision News Malayalam.

മണ്ണാർക്കാട്

ഇതിനെതിരെ ഒന്നാം പ്രതി ഹൈക്കോടതിയെ സമീപിച്ചിരുന്നെങ്കിലും ആവശ്യം തള്ളിയതോടെയാണ് കളക്ടറെ വിസ്തരിക്കുന്നത്. ഒന്നാം തീയതി ഹാജരാകണമെന്ന് ആവശ്യപ്പെട്ട് കളക്ടർക്ക് സമൻസ് അയയ്ക്കാനാണ് കോടതിയുടെ തീരുമാനം. വിഴിഞ്ഞത്ത് പ്രതിഷേധങ്ങളും സംഘർഷങ്ങളും നടക്കുന്നതിനാൽ എത്താൻ കഴിയുമോയെന്ന് കോടതിയെ അറിയിക്കാനും ആവശ്യപ്പെട്ടിട്ടുണ്ട്.

മധു കേസിലെ എഴുപത്തിയെട്ടാം സാക്ഷി ജെറോമിക് ജോർജിനെ നേരത്തെയും വിസ്തരിച്ചിരുന്നു. മധു കേസിലെ അന്വേഷണ ഉദ്യോഗസ്ഥനായിരുന്ന ഡിവൈഎസ്പിയെ ഡിസംബർ അഞ്ചിന് വിസ്തരിക്കും. ഇൻക്വസ്റ്റ് റിപ്പോർട്ട് ആവശ്യപ്പെട്ട് പ്രതിഭാഗം ഹർജി നൽകി.

The post അട്ടപ്പാടി മധു വധക്കേസ്; കളക്ടർ ജെറോമിക് ജോർജിനെ വിസ്തരിക്കും appeared first on Starvision News Malayalam.

പാലക്കാട്

കേസിൽ നേരത്തെ കൂറുമാറിയ രണ്ട് സാക്ഷികളെ കോടതി ഇന്ന് വീണ്ടും വിസ്തരിക്കും. 18, 19 സാക്ഷികളായ കാളി മൂപ്പൻ, കക്കി എന്നിവരെയാണ് മണ്ണാർക്കാട് എസ് സി എസ്ടി വിചാരണക്കോടതി വിളിപ്പിച്ചത്. അതേസമയം, 11 പ്രതികളുടെ ജാമ്യാപേക്ഷയിൽ കോടതി ഇന്ന് വിധി പറഞ്ഞേക്കും.

കൂറുമാറ്റത്തെ തുടർന്ന് വനംവകുപ്പിലെ താൽക്കാലിക ജോലി നഷ്ടപ്പെട്ട വ്യക്തിയാണ് 18-ാം സാക്ഷിയായ കാളി മൂപ്പൻ. മധുവിനെ കുറച്ചുപേർ തടഞ്ഞു നിർത്തി, ഓടിപ്പോകാതിരിക്കാൻ കൂട്ടമായി വളഞ്ഞ്, ഉന്തിത്തള്ളി നടത്തിക്കൊണ്ടുവരുന്നത് കണ്ടു എന്നായിരുന്നു ഇയാൾ ആദ്യം പൊലീസിന് നൽകിയ മൊഴി. വിചാരണക്കിടെ ഇത് നിഷേധിച്ച് കൂറുമാറി. മധുവിനെ അജമലയിൽ വച്ച് കണ്ടെന്നും വിവരം രണ്ടാം പ്രതിയോട് പറഞ്ഞെന്നുമാണ് പത്തൊമ്പതാം സാക്ഷി കക്കി പറഞ്ഞത്. പിന്നീട് ഇത് കോടതിയിൽ മാറ്റുകയും ചെയ്തു. എന്നാൽ, പ്രതികളെ ഭയന്നിട്ടാണ് മൊഴി മാറ്റിയത് എന്നാണ് കക്കി ഇപ്പോൾ പറയുന്നത്.

ഇത് രണ്ടാം തവണയാണ് മധു കേസിൽ കൂറുമാറിയ സാക്ഷികളെ വീണ്ടും വിസ്തരിക്കുന്നത്. നേരത്തെ, സ്വന്തം രംഗം ഉൾപ്പെടുന്ന ഭാഗം പ്രദർശിപ്പിച്ചപ്പോൾ, ഒന്നും കാണുന്നില്ല എന്ന് പറഞ്ഞ സുനിൽ കുമാറിനെ കോടതി കാഴ്ച പരിശോധനയ്ക്ക് വിധേയനാക്കിയിരുന്നു. സാക്ഷിക്കെതിരെ നടപടി ആവശ്യപ്പെട്ടുള്ള ഹർജിയിൽ കോടതി ഇതുവരെ തീരുമാനമെടുത്തിട്ടില്ല. കൂറുമാറിയവരടക്കം ആറുപേരുടെ വിസ്താരമാണ് നടക്കുന്നത്.

The post മധുകേസിൽ മൊഴി മാറ്റിയത് പ്രതികളെ പേടിച്ചിട്ടെന്ന് കൂറുമാറിയ സാക്ഷി appeared first on Starvision News Malayalam.

പാലക്കാട്

മധുവിനെ അടിക്കാൻ ഉപയോഗിച്ച മരക്കഷണങ്ങൾ കോടതിയിൽ പ്രദർശിപ്പിച്ചു.ഇത്തരം വടികൊണ്ടുള്ള പരിക്കുകൾ ആണോ എന്ന ചോദ്യത്തിന് ആകാം എന്നായിരുന്നു ഡോക്ടറുടെ മറുപടി. മധു മരിച്ച് രണ്ട് ദിവസത്തിന് ശേഷമാണ് പോസ്റ്റുമോർട്ടം നടത്തിയത്. ഇത് മുറിവുകൾ അടയാളപ്പെടുത്തുന്നതിൽ തടസ്സമായോ എന്ന് പ്രതിഭാഗം അഭിഭാഷകൻ ടി ഷാജിത് ചോദിച്ചു. ഇല്ല എന്നായിരുന്നു ഉത്തരം. രാവിലെ 11 മണിക്ക് ആരംഭിച്ച വാദം വൈകുന്നേരം 5 മണി വരെ നീണ്ടു.

മധുവിന്‍റെ അമ്മ മല്ലിയുടെ ചോദ്യം ചെയ്യൽ ചൊവ്വാഴ്ച മണ്ണാർക്കാട് എസ്.സി/എസ്.ടി കോടതിയിൽ പൂർത്തിയായി. വിചാരണയ്ക്കിടെ വൈകാരിക മുഹൂർത്തങ്ങൾ കോടതിയിൽ ഉണ്ടായിരുന്നു. മധുവിനെതിരെ മുമ്പ് മോഷണക്കേസ് ഉണ്ടായിരുന്നോ എന്ന് പ്രതിഭാഗം അഭിഭാഷകർ ചോദിച്ചപ്പോൾ, തന്‍റെ മകൻ കള്ളനല്ലെന്നും അത് കേട്ടതിൽ സങ്കടമുണ്ടെന്നും മല്ലി പറഞ്ഞു. വിചാരണയ്ക്കിടെ മല്ലി കരഞ്ഞതോടെ മകൾ സരസുവിനോട് ആശ്വസിപ്പിക്കാൻ കോടതി ആവശ്യപ്പെട്ടു. സരസു മല്ലിയുമായി സംസാരിച്ച ശേഷമാണ് വീണ്ടും വിചാരണ ആരംഭിച്ചത്.

സമൻസ് ലഭിച്ചതിന് ശേഷം കോടതിയിൽ വന്നതാണോ എന്ന് പ്രതിഭാഗം ചോദിച്ചപ്പോൾ, ഇല്ലാത്ത ചോദ്യങ്ങൾ ചോദിക്കാൻ പാടില്ലെന്നായിരുന്നു മറുപടി. കോടതിയിൽ നിന്ന് എന്തെങ്കിലും പേപ്പർ കിട്ടിയിട്ടാണോ വന്നതെന്ന് ജഡ്ജി കെ എം രതീഷ് കുമാർ വിശദീകരിച്ചപ്പോൾ അതെ എന്നായിരുന്നു മറുപടി. മകൾ ചന്ദ്രികയ്ക്ക് പൊലീസ് ജോലി ലഭിച്ചത് മധു മരിച്ചതുകൊണ്ടല്ല. മധു മരിക്കുന്നതിന് മുമ്പ് തന്നെ ഓട്ടവും ചാട്ടവും പൂർത്തിയാക്കിയിരുന്നു. മധു മരിച്ച ദിവസമായിരുന്നു അഭിമുഖമെന്നും വ്യക്തമാക്കി.

The post അട്ടപ്പാടി മധു കേസ്; ശരീരത്തിലെ മുറിപ്പാടുകൾ കസ്റ്റഡി പീഡനത്തിന്‍റേതല്ലെന്ന് ഡോക്ടര്‍ കോടതിയില്‍ appeared first on Starvision News Malayalam.

പാലക്കാട്

അതേസമയം, വിചാരണയ്ക്കിടെ പ്രതിഭാഗം അഭിഭാഷകർ ഇന്നും കോടതിയിൽ ഏറ്റുമുട്ടി. ഒന്നാം പ്രതി ഹുസൈന് വേണ്ടി ഹാജരായ അഡ്വ.ടി.ഷാജിത്ത്, നാല് പ്രതികൾക്ക് വേണ്ടി ഹാജരായ അഡ്വ.ജോൺ ജോൺ എന്നിവരാണ് കോടതിയിൽ ഏറ്റുമുട്ടിയത്.

സാക്ഷിമൊഴിയിൽ ഇല്ലാത്ത കാര്യങ്ങളാണ് അഡ്വക്കേറ്റ് ഷാജിത്ത് ചോദിക്കുന്നതെന്ന് അഭിഭാഷകൻ ജോൺ പറഞ്ഞു. വാർത്തകൾ വരാനാണ് അഡ്വ. ജോൺ ഈ കോലാഹലം കാണിക്കുന്നതെന്ന് ഷാജിത്ത് തിരിച്ച് പറഞ്ഞു. 11 പ്രതികളുടെ ജാമ്യാപേക്ഷയാണ് വിചാരണക്കോടതി ഇന്ന് പരിഗണിക്കുന്നത്.

The post അട്ടപ്പാടി മധു വധം; കോടതിയിൽ വിതുമ്പി മധുവിന്റെ അമ്മ appeared first on Starvision News Malayalam.

പാലക്കാട്

കേസിലെ മുഴുവൻ വിചാരണ നടപടികളും ചിത്രീകരിക്കണമെന്ന പ്രോസിക്യൂഷന്‍റെ ഹർജിയിൽ കോടതി നാളെ വിധി പറയും. ജാമ്യം തേടിയുള്ള 11 പ്രതികളുടെ ജാമ്യാപേക്ഷ പരിഗണിക്കുന്നത് കോടതി വെള്ളിയാഴ്ചത്തേക്ക് മാറ്റി.

The post അട്ടപ്പാടി മധു കേസ് ; സാക്ഷി വിസ്താരം വീഡിയോയിൽ ചിത്രീകരിക്കാൻ അനുമതി appeared first on Starvision News Malayalam.

കൊച്ചി

ജാമ്യം റദ്ദാക്കിയ കോടതി തീരുമാനത്തിൽ അടുത്ത തിങ്കളാഴ്ചയ്ക്ക് മുമ്പ് വിശദീകരണം നൽകാനാണ് കോടതി നിർദ്ദേശം.

കേസിലെ രണ്ടും അഞ്ചും പ്രതികൾ കക്ഷികളെ സ്വാധീനിച്ചിട്ടില്ലെന്ന് കാണിച്ച് ഹൈക്കോടതിയെ സമീപിച്ചിരുന്നു. ഇക്കാര്യത്തിൽ നടക്കുന്നതു വ്യാജ പ്രചാരണമാണെന്നു വാദിച്ച പ്രതികൾ സാക്ഷികളെ സ്വാധീനിച്ചതിനു തെളിവു പൊലീസ് ഹാജരാക്കിയിട്ടില്ലെന്നും മുഖം രക്ഷിക്കാനുള്ള നടപടി മാത്രമാണെന്നും വാദിച്ചു.

The post മധു വധക്കേസ്; പ്രതികളുടെ ജാമ്യം റദ്ദാക്കിയതിനെതിരെ ഹൈക്കോടതി appeared first on Starvision News Malayalam.

തിരുവനന്തപുരം

വിചാരണക്കോടതി ഉത്തരവ് റദ്ദാക്കിയാണ് ഹൈക്കോടതി പ്രതികൾക്ക് ജാമ്യം അനുവദിച്ചത്. മണ്ണാർക്കാട് കോടതിക്ക് ഇതിൽ ഇടപെടാൻ അധികാരമില്ല. ഇത് കോടതിയിൽ വാദിച്ചു. ജാമ്യം റദ്ദാക്കിയാൽ ഹൈക്കോടതിയിൽ നിന്ന് പ്രത്യാഘാതങ്ങൾ ഉണ്ടാകുമെന്നോ ജഡ്ജിയുടെ ഫോട്ടോ സഹിതം വാർത്തയുണ്ടാകുമെന്നോ താൻ പറഞ്ഞിട്ടില്ലെന്നും അദ്ദേഹം പറഞ്ഞു. തുറന്ന കോടതിയിൽ എല്ലാവരുടെയും മുന്നിലാണ് വാദം കേട്ടതെന്നും ജാമ്യം റദ്ദാക്കിയ ഉത്തരവിനെതിരെ ഹൈക്കോടതിയെ സമീപിക്കുമെന്നും അദ്ദേഹം പറഞ്ഞു.

അതേസമയം, പ്രതിഭാഗം അഭിഭാഷകന്‍റെ വാദങ്ങൾക്ക് താൻ സാക്ഷിയാണെന്ന് സ്പെഷ്യൽ പബ്ലിക് പ്രോസിക്യൂട്ടർ രാജേഷ് എം മേനോൻ പറഞ്ഞു. “വാദത്തിന്റെ സമയങ്ങളില്‍ ഞാന്‍ കോടതിയില്‍ ഉണ്ടായിരുന്ന ആളാണ്. അങ്ങനെയൊരു കാര്യം അദ്ദേഹം പറഞ്ഞു എന്നത് സത്യമാണ്. അത് കോടതിയുടെ ഉത്തരവില്‍ പരാമര്‍ശമായി വരുമെന്ന് ഞാനും പ്രതീക്ഷിച്ചില്ല” അദ്ദേഹം പറഞ്ഞു.

The post മധു വധക്കേസ്: കോടതിയെ ഭീഷണിപ്പെടുത്തിയിട്ടില്ലെന്ന് അഭിഭാഷകൻ appeared first on Starvision News Malayalam.

മണ്ണാര്‍ക്കാട്

ജാമ്യ വ്യവസ്ഥകൾ ലംഘിച്ചെന്ന് ആരോപിച്ചാണ് പ്രോസിക്യൂഷൻ കോടതിയിൽ വാദങ്ങളുന്നയിച്ചത്. സാക്ഷികളെ ഫോണിലൂടെ സ്വാധീനിക്കാൻ ശ്രമിച്ച രേഖകളും കോടതിയിൽ ഹാജരാക്കി. 2018 ൽ കേസിലെ പ്രതികൾക്ക് ജാമ്യം നൽകുമ്പോൾ, സാക്ഷികളെ സ്വാധീനിക്കുകയോ ഒരു സാഹചര്യത്തിലും ഫോണിൽ ബന്ധപ്പെടുകയോ ചെയ്യരുതെന്ന് ഹൈക്കോടതി നിർദ്ദേശിച്ചിരുന്നു. ഇത് പ്രതികൾ ലംഘിച്ചതായി പ്രോസിക്യൂഷൻ കോടതിയിൽ ചൂണ്ടിക്കാട്ടി.

The post അട്ടപ്പാടി മധു കേസ്; പ്രതികളുടെ ജാമ്യ ഹര്‍ജിയില്‍ വാദം പൂര്‍ത്തിയായി appeared first on Starvision News Malayalam.

പാലക്കാട്

അതേസമയം മധു വധക്കേസിലെ പ്രതികളുടെ ജാമ്യം റദ്ദാക്കണമെന്ന് ആവശ്യപ്പെട്ട് പ്രോസിക്യൂഷൻ കഴിഞ്ഞ ദിവസം വിചാരണക്കോടതിയിൽ ഹർജി നൽകിയിരുന്നു. സാക്ഷികളെ സ്വാധീനിക്കരുതെന്ന ജാമ്യവ്യവസ്ഥ ലംഘിച്ചുവെന്നു കാണിച്ചാണു സ്പെഷൽ പബ്ലിക് പ്രോസിക്യൂട്ടർ രാജേഷ് എം.മേനോൻ മണ്ണാർക്കാട് പട്ടികജാതി, പട്ടികവർഗ പ്രത്യേക കോടതിയിൽ ഹർജി നൽകിയത്. ഇതുവരെ വിസ്തരിച്ച 24 സാക്ഷികളിൽ 13 പേർ കൂറുമാറി. പ്രോസിക്യൂഷന് അനുകൂലമായി രണ്ട് പേർ മാത്രമാണ് കോടതിയിൽ മൊഴി നൽകിയത്. ഒന്ന് മുതൽ ഒമ്പത് വരെ സാക്ഷികൾ ഇൻക്വസ്റ്റ് സാക്ഷികളാണ്. ഇവരിൽ ഒന്നാം സാക്ഷിയായ വെള്ളിങ്കിരിയെ മാത്രമാണ് വിസ്തരിച്ചത്.

സാക്ഷികൾ കൂട്ടത്തോടെ കൂറുമാറിയ സാഹചര്യത്തിൽ പ്രതികളുടെ ജാമ്യം റദ്ദാക്കണമെന്ന് ആവശ്യപ്പെട്ട് പ്രോസിക്യൂഷൻ രംഗത്തെത്തി. വിറ്റ്നസ് പ്രൊട്ടക്‌ഷൻ സമിതിയുടെ നിർദേശം വന്നിട്ടും സാക്ഷികൾ കൂറുമാറുന്ന സാഹചര്യമാണുണ്ടായത്.

The post മധുവിന്റെ കുടുംബത്തിനെതിരെ ഭീഷണി; പ്രതി അബ്ബാസിന്റെ ഡ്രൈവർ അറസ്റ്റിൽ appeared first on Starvision News Malayalam.