തിരുവനന്തപുരം: തിരുവനന്തപുരം മേയർ ആര്യ രാജേന്ദ്രന് അശ്ശീല സന്ദേശം അയച്ചയാൾ പിടിയിൽ. എറണാകുളം സ്വദേശി ശ്രീജിത്താണ് സൈബർ പൊലീസിന്റെ പിടിയിലായത്. മേയർ- കെഎസ്ആർടിസ് ഡ്രൈവർ തർക്കത്തിന് പിന്നാലെ മേയർക്കെതിരെ സൈബർ ആക്രമണം ഉണ്ടായിരുന്നു.

മേയറുടെ ഔദ്യോഗിക വാട്ട്സാപ് നമ്പറിലേക്ക് നിരവധി അശ്ലീല സന്ദേശങ്ങൾ വന്നിരുന്നു. സമൂഹ മാധ്യമങ്ങളിലൂടെയും മേയർക്ക് എതിരെ അധിക്ഷേപം ഉയർന്നിരുന്നു. ഇതുസംബന്ധിച്ച് പൊലീസ് മേധാവിക്കും മ്യൂസിയും പൊലീസിനും നൽകിയ പരാതിയുടെ അടിസ്ഥാനത്തിലാണ് യുവാവ് പിടിയിലായത്.

ആര്യയും കുടുംബവും സഞ്ചരിച്ചിരുന്ന കാർ കുറുകെയിട്ടു കെഎസ്ആർടിസി ബസ് തടഞ്ഞതിന്റെ ദൃശ്യങ്ങൾ പുറത്തുവരികയും വിവാദമാവുകയും ചെയ്തിരുന്നു. ഓവർടേക്ക് ചെയ്യുന്നതിനിടെ കാറിനു നേർക്കു കെഎസ്ആർടിസ് ‍ഡ്രൈവർ ലൈംഗിക ചേഷ്ട കാണിച്ചുവെന്ന മേയറുടെ പരാതിയിൽ പൊലീസ് കേസെടുത്തു. ഇതിനു പിന്നാലെയാണ് ആര്യയ്ക്ക് എതിരെ സൈബർ ആക്രമണം തുടങ്ങിയത്.

The post മേയർ ആര്യ രാജേന്ദ്രന് നേരെ സൈബർ ആക്രമണം; അശ്ശീല സന്ദേശം അയച്ചയാൾ പിടിയിൽ appeared first on Starvision News Malayalam.

തിരുവനന്തപുരം: കെഎസ്‌ആ‌ർടിസി ബസിന് മുന്നിൽ കാർ കുറുകേ നിർത്തിയ സംഭവത്തിൽ മേയർ ആര്യാ രാജേന്ദ്രനെതിരെ കേസെടുക്കണമെന്ന് ആവശ്യപ്പെട്ട് ഡ്രൈവർ എൽഎച്ച് യദു ഹൈക്കോടതിയെ സമീപിക്കും. മേയർക്കും എംഎൽഎയ്‌ക്കുമെതിരെ കേസെടുക്കാത്തതിനെതിരെയും തനിക്കുണ്ടായ മാനനഷ്ടത്തിനും ഹർജി ഫയൽ ചെയ്യാനാണ് യദുവിന്റെ തീരുമാനം.മേയറുടെ പരാതിയിൽ ഡ്രൈവർക്കെതിരെ കേസെടുത്തിരുന്നു. എന്നാൽ, ഡ്രൈവറുടെ പരാതിയിൽ മേയർക്കെതിരെ കേസെടുക്കില്ലെന്നാണ് പൊലീസ് നിലപാട്. ഈ സാഹചര്യത്തിലാണ് യദു കോടതിയെ സമീപിക്കുന്നത്. ഡ്രൈവറെ തടഞ്ഞശേഷം മേയർ പൊലീസിൽ അറിയിച്ചിരുന്നു. കൺട്രോൾ റൂമിലും അറിയിച്ചു. മേയറുടെ പരാതി അന്വേഷിക്കുന്ന കൂട്ടത്തിൽ ഡ്രൈവറുടെ പരാതിയും അന്വേഷിക്കാമെന്ന നിലപാടിലാണ് പൊലീസ്.മേയറുടെ നടപടിയിൽ പ്രതിഷേധിച്ച് യൂത്ത് കോൺഗ്രസ് പ്രവർത്തകർ കോർപ്പറേഷൻ ഓഫീസിലേക്ക് മാർച്ച് നടത്തി.

‘ഓവർ ടേക്കിംഗ് നിരോധിത മേഖല, മേയറുണ്ട് സൂക്ഷിക്കുക’ എന്നെഴുതിയ ഫ്ലക്‌സ് ബോർഡും സ്ഥാപിച്ചു. മേയർക്കെതിരെ പ്രതിഷേധ മുദ്രാവാക്യങ്ങളുള്ള പോസ്റ്റുകൾ കെഎസ്‌ആർടിസി ബസുകളിൽ പതിപ്പിച്ചു.ഞായറാഴ്ച രാത്രിയുണ്ടായ സംഭവത്തെ തുടർന്ന് ഡ്രൈവറെ കെഎസ്‌ആർടിസി ഡ്യൂട്ടിയിൽ നിന്ന് വിലക്കിയിരുന്നു. പ്രാഥമിക അന്വേഷണ റിപ്പോർട്ട് ലഭിച്ചശേഷം തുടർനടപടിയെടുക്കും. പാളയം സാഫല്യം കോംപ്ലക്‌സിന് മുന്നിലെ സിഗ്നലിൽ ഇടതുവശത്ത് കൂടി ഓവർടേക്ക് ചെയ്‌താണ് മേയറുടെ കാർ ബസിന് കുറുകേ നിർത്തിയത്. വീഡിയോ ദൃശ്യങ്ങളിൽ ഇക്കാര്യം വ്യക്തമാണ്. കാറിന് സൈഡ് തരാത്തതിനല്ല, അശ്ലീല ആംഗ്യം കാണിച്ചതാണ് ചോദ്യം ചെയ്‌തതെന്നും മേയർ വ്യക്തമാക്കിയിരുന്നു.യദുവിനെ ജോലിയിൽ നിന്നും പിരിച്ചുവിടേണ്ടെന്നും തൽക്കാലത്തേക്ക് മാറ്റി നിർത്താനുമാണ് ഗതാഗത വകുപ്പിന്റെ തീരുമാനം. പിരിച്ചുവിട്ടാൽ ജീവനക്കാർക്കിടയിൽ വ്യാപക പ്രതിഷേധം ഉണ്ടാകുമെന്നാണ് വകുപ്പിന്റെ നിഗമനം. പൊലീസിന്റെ നടപടിയിൽ പ്രതിഷേധിച്ച് ടിഡിഎഫ്, കെഎസ്‌ആർടിസി ചീഫ് ഓഫീസിലേക്കും യൂത്ത് കോൺഗ്രസ് പ്രവർത്തകർ കന്റോൺമെന്റ് സ്റ്റേഷനിലേക്കും ഇന്ന് മാർച്ച് നടത്തും.

The post മേയർക്കും എംഎൽഎയ്‌ക്കുമെതിരെ കേസെടുക്കണം; ഡ്രൈവർ യദു പരാതിയുമായി ഹൈക്കോടതിയിലേക്ക് appeared first on Starvision News Malayalam.

തിരുവനന്തപുരം: മേയർ ആര്യ രാജേന്ദ്രൻ സഞ്ചരിച്ച കാർ കെഎസ്ആർടിസി ബസ് തടയുകയും ഗതാഗത തടസം ഉണ്ടാക്കുകയും ചെയ്തതിന്‍റെ സിസിടിവി ദൃശ്യങ്ങൾ പുറത്ത് വന്നിട്ടും കേസ് എടുക്കാതെ പൊലീസ്. ഡ്രൈവർ യദു നൽകിയ പരാതിയിൽ കന്‍റോൺമെന്‍റ് പൊലീസ് ഇതുവരെ കേസ് എടുത്തിട്ടില്ല. മേയർക്കും എംഎൽഎയ്ക്കും എതിരെ കേസെടുക്കില്ലെന്നാണ് പൊലീസ് ഭാഷ്യം. മേയറുടെ പരാതി പ്രതിരോധിക്കാനാണ് ഡ്രൈവറുടെ പരാതിയെന്നാണ് പൊലീസ് പറയുന്നത്. ഡ്രൈവർ മോശമായി പെരുമാറിയതിനാലാണ് മേയർ ഇടപെട്ടതെന്നും പൊലീസ് പറയുന്നു.

യദുവിനെതിരെ അന്വേഷണം നടത്തുന്ന കെഎസ്ആർടിസി എംഡി ഇന്ന് മന്ത്രിക്ക് റിപ്പോർട്ട് നൽകും. യദുവിനെ ജോലിയിൽ നിന്ന് പിരിച്ചുവിടേണ്ടെന്നും തൽക്കാലത്തേക്ക് മാറ്റി നിർത്താനുമാണ് ഗതാഗത വകുപ്പിന്‍റെ തീരുമാനം. പിരിച്ചുവിട്ടാൽ ജീവനക്കാർക്കിടയിൽ വ്യാപക പ്രതിഷേധം ഉണ്ടാകുമെന്നാണ് വകുപ്പിന്‍റെ നിഗമനം. പൊലീസിന്‍റെ നടപടിയിൽ പ്രതിഷേധിച്ച് ടിഡിഎഫ്, കെഎസ്ആർടിസി ചീഫ് ഓഫീസിലേക്കും യൂത്ത് കോൺഗ്രസ് പ്രവർത്തകർ കന്‍റോൺമെന്‍റ് സ്റ്റേഷനിലേക്കും ഇന്ന് മാർച്ച് നടത്തും.

The post കെഎസ്ആർടിസി ബസ് തടഞ്ഞ് ഡ്രൈവറുമായി വാക്കുതർക്കം; മേയർക്കും എംഎൽഎയ്ക്കും എതിരെ കേസില്ല appeared first on Starvision News Malayalam.

തിരുവനന്തപുരം

മേയറുടെ കത്തിനെച്ചൊല്ലി പാർട്ടിയെ പിടിച്ചുകുലുക്കിയ വിവാദത്തിൽ ഡി.ആർ അനിലിനെ മാത്രം ബലിയാടാക്കി തടിയൂരിയെങ്കിലും മേയർക്ക് ക്ലീൻ ചിറ്റ് നൽകാൻ സി.പി.എം നേതൃത്വം ഇതുവരെ തയ്യാറായിട്ടില്ല. കത്ത് എഴുതിയിട്ടില്ലെന്ന മേയറുടെ വാദം അംഗീകരിക്കുമ്പോഴും മേയറുടെ സമീപനത്തിൽ സി.പി.എം നേതൃത്വത്തിന് അതൃപ്തിയുണ്ട്. മൊത്തത്തിലുള്ള പ്രവർത്തനങ്ങളിൽ പാർട്ടിക്ക് മതിപ്പുണ്ടെങ്കിലും കത്ത് വിവാദത്തിൽ വീഴ്ചയുണ്ടായെന്നാണ് പാർട്ടിക്കുള്ളിലെ പൊതുവികാരം.

56 ദിവസമായി പ്രതിപക്ഷം നടത്തുന്ന സമരത്തിൽ തദ്ദേശ സ്വയംഭരണ വകുപ്പ് മന്ത്രി എം ബി രാജേഷിനും വിദ്യാഭ്യാസ മന്ത്രി വി ശിവൻകുട്ടിക്കും അതൃപ്തിയുണ്ട്. പ്രതിപക്ഷ പാർട്ടികളെ വിശ്വാസത്തിലെടുത്ത് മാത്രമേ തദ്ദേശ സ്വയംഭരണ സ്ഥാപനങ്ങളിൽ ഭരണം മുന്നോട്ട് കൊണ്ടുപോകാൻ കഴിയൂ എന്നതിനാൽ ആര്യ രാജേന്ദ്രൻ അക്കാര്യത്തിൽ പരാജയപ്പെട്ടുവെന്നാണ് പൊതുവികാരം.

The post ആര്യ രാജേന്ദ്രന്റെ സമീപനത്തില്‍ അതൃപ്തി; നീക്കില്ലെന്ന കടുംപിടിത്തം ഉപേക്ഷിച്ച് സിപിഎം appeared first on Starvision News Malayalam.

കൊച്ചി

സത്യപ്രതിജ്ഞാ ലംഘനം നടന്നുവെന്നും കത്തിലൂടെ പുറത്തുവന്നത് വൻ അഴിമതിയാണെന്നും ചൂണ്ടിക്കാണിച്ച് നിഷ്പക്ഷ ഏജൻസി ഇക്കാര്യം അന്വേഷിക്കണമെന്നാണ് ഹർജിക്കാരന്‍റെ ആവശ്യം. കഴിഞ്ഞ രണ്ട് വർഷത്തിനിടെ ആയിരത്തിലധികം നിയമനങ്ങളാണ് കോർപ്പറേഷൻ നടത്തിയത്.

നിരവധി തൊഴിൽരഹിതരായ ആളുകളുമായി ബന്ധപ്പെട്ട ഒരു പ്രശ്നമാണിത്. അതിനാൽ നിഷ്പക്ഷമായ അന്വേഷണം ആവശ്യമാണ്. സർക്കാർ ഏജൻസികളുടെ ഇപ്പോഴത്തെ അന്വേഷണം തെളിവ് നശിപ്പിക്കുന്നതിനും കേസ് ഇല്ലാതാകുന്നതിനും ഇടയാക്കുമെന്ന് ഹർജിക്കാരൻ ചൂണ്ടിക്കാട്ടി.

The post കോർപ്പറേഷൻ കത്ത് വിവാദം; അന്വേഷണം ആവശ്യപ്പെട്ട് ഹൈക്കോടതിയില്‍ ഹര്‍ജി appeared first on Starvision News Malayalam.

തിരുവനന്തപുരം

തിരുവനന്തപുരം കോര്‍പറേഷനില്‍ 295 താല്‍കാലിക തസ്തികകളിലേക്ക് പാര്‍ട്ടിക്കാരെ നിയമിക്കുന്നതിനായി ആളുകളുടെ പട്ടിക ചോദിച്ചുള്ള കത്താണ് കഴിഞ്ഞ ദിവസം പുറത്തു വന്നത്. സിപിഐഎം തിരുവനന്തപുരം ജില്ലാ സെക്രട്ടറിക്ക് മേയര്‍ ആര്യ രാജേന്ദ്രന്റെ പേരിലുള്ളതായിരുന്നു കത്ത്. വിവാദത്തില്‍ മേയറെ പിന്തുണച്ച് പാര്‍ട്ടി രംഗത്തെത്തിയിട്ടുണ്ട്.
വിഷയത്തില്‍ പാര്‍ട്ടിയില്‍ ആഭ്യന്തര അന്വേഷണത്തിന്റെ കാര്യമില്ലെന്നും വിവാദം ഒഴിവാക്കാനാണ് നിയമനം എംപ്ലോയിമെന്റ് എക്സ്ചേഞ്ചിന് കൈമാറിയതെന്നും സിപിഐഎം ജില്ലാ സെക്രട്ടറി ആനാവൂര്‍ നാഗപ്പന്‍ പറഞ്ഞു.

‘കത്ത് എന്റെ കൈയ്യില്‍ കിട്ടിയിട്ടില്ലെന്ന് ആവര്‍ത്തിച്ച് പറഞ്ഞതാണ്. അങ്ങനെയൊരു കത്ത് എഴുതിയിട്ടില്ലെന്നാണ് ഞാന്‍ മേയറുമായി സംസാരിച്ചപ്പോഴും പറഞ്ഞത്. നിയമപരമായി നീങ്ങും. ഇന്ന് പൊലീസില്‍ പരാതി നല്‍കും. പാര്‍ട്ടിയുടെ പിന്തുണയോടെയാണ് പരാതി കൊടുക്കുന്നത്. പാര്‍ട്ടി പറയാതെ മേയര്‍ പരാതി നല്‍കില്ലല്ലോ? ആഭ്യന്തര അന്വേഷണത്തിന്റെ കാര്യമില്ല. ആളെ കണ്ടെത്തണം. വിവാദം ഒഴിവാക്കാനാണ് നിയമനം എംപ്ലോയ്മെന്റ് എക്സ്ചേഞ്ച് വഴിയാക്കിയത്. മേയര്‍ക്ക് ജില്ലാ കമ്മിറ്റിയുടെ പൂര്‍ണ പിന്തുണയുണ്ടാവും. മേയര്‍ രാജിവെക്കേണ്ട കാര്യമില്ല.’ ആനാവൂര്‍ നാഗപ്പന്‍ പറഞ്ഞു.

The post കത്ത് ഞാന്‍ നല്‍കിയതല്ല, പരാതി നല്‍കും; പാര്‍ട്ടിക്ക് വിശദീകരണം നല്‍കി ആര്യ appeared first on Starvision News Malayalam.

തിരുവനന്തപുരം

മേയർ സ്ഥലത്തില്ലാത്ത ദിവസമാണ് കത്ത് കൈമാറിയത്. വിശദമായ വിവരങ്ങൾ അന്വേഷണത്തിലൂടെ മാത്രമേ കണ്ടെത്താൻ കഴിയൂ. നഗരസഭയെയും മേയറെയും ഇത്തരത്തിൽ അപകീർത്തിപ്പെടുത്താൻ ചിലർ നേരത്തെ ശ്രമിച്ചിരുന്നു. അതെല്ലാം പരാജയപ്പെട്ടപ്പോഴാണ് പുതിയ തന്ത്രവുമായി വന്നത്.

വ്യാജപ്രചാരണത്തിനെതിരെ നിയമനടപടി സ്വീകരിക്കുമെന്നു പറയുന്ന വാർത്താക്കുറിപ്പിൽ എന്നാൽ കത്ത് വ്യാജമാണെന്ന് പറയുന്നില്ല. തസ്തികകളിലേക്കുള്ള നിയമനങ്ങൾ റദ്ദാക്കുമെന്നും എംപ്ലോയ്മെന്‍റ് എക്സ്ചേഞ്ച് വഴി നിയമനങ്ങൾ നടത്തുമെന്നും വാർത്താക്കുറിപ്പിൽ പറയുന്നു.

The post താൽക്കാലിക നിയമനത്തിന് പാർട്ടിയോട് പട്ടിക തേടിയിട്ടില്ല: മേയർ ആര്യ രാജേന്ദ്രൻ appeared first on Starvision News Malayalam.

തിരുവനന്തപുരം

തിരുവനന്തപുരം കോർപ്പറേഷനിലെ 295 താൽക്കാലിക തസ്തികകളിൽ പാർട്ടിക്കാരെ ഉൾപ്പെടുത്താനുള്ള പട്ടിക ആവശ്യപ്പെട്ട് മേയർ ആര്യ സി.പി.എം ജില്ലാ സെക്രട്ടറി ആനാവൂർ നാഗപ്പന് അയച്ച കത്ത് പുറത്തുവന്നതിന് പിന്നാലെയാണ് യൂത്ത് കോൺഗ്രസിന്‍റെ നടപടി. കത്ത് പുറത്തുവന്നതിന് പിന്നാലെ മേയർക്കും സി.പി.എമ്മിനുമെതിരെ രൂക്ഷവിമർശനം ഉയർന്നിരുന്നു.

കോർപ്പറേഷനിലേക്ക് യൂത്ത് കോൺഗ്രസും ബി.ജെ.പിയും നടത്തിയ പ്രതിഷേധം സംഘർഷത്തിൽ കലാശിച്ചു. കോർപ്പറേഷനിലെ നിയമനങ്ങൾ പാർട്ടിക്ക് നൽകിയ മേയർ രാജിവയ്ക്കണമെന്ന് യൂത്ത് കോൺഗ്രസ് സംസ്ഥാന പ്രസിഡന്‍റ് ഷാഫി പറമ്പിൽ ആവശ്യപ്പെട്ടു. മേയർ ഏറ്റവും പ്രായം കുറഞ്ഞ അഴിമതിക്കാരിയായി മാറി. കോർപ്പറേഷനിൽ ഇതുവരെ നടത്തിയ എല്ലാ നിയമനങ്ങളും അന്വേഷിക്കണമെന്നും യൂത്ത് കോൺഗ്രസ് സമരവുമായി മുന്നോട്ട് പോകുമെന്നും ഷാഫി പറഞ്ഞു.

The post സത്യപ്രതിജ്ഞാ ലംഘനം; മേയർക്കെതിരെ തിരഞ്ഞെടുപ്പ് കമ്മീഷന് പരാതി appeared first on Starvision News Malayalam.

കൊച്ചി

എസ്.എ.ടി ആശുപത്രിയിലെ ഒമ്പത് നിയമനങ്ങൾക്കായി പട്ടിക ആവശ്യപ്പെട്ട് നഗരസഭയിലെ സി.പി.എം. പാര്‍ലമെന്ററി പാര്‍ട്ടി സെക്രട്ടറി ഡി.ആര്‍ അനില്‍ ജില്ലാ സെക്രട്ടറിക്ക് എഴുതിയ കത്തും പുറത്ത് വന്നിട്ടുണ്ട്. തദ്ദേശ സ്ഥാപനങ്ങൾക്ക് പുറമെ സർക്കാർ, പൊതുമേഖലാ സ്ഥാപനങ്ങളിലും സി.പി.എം ജില്ലാ സെക്രട്ടറിമാർ നൽകുന്ന ലിസ്റ്റിൽ നിന്നാണ് നിയമനം നടത്തുന്നത്. സി.പി.എം സംസ്ഥാന കമ്മിറ്റിയും ജില്ലാ കമ്മിറ്റികളും പിന്‍വാതിലിലൂടെ നിയമിച്ചവർ തുടരുന്നതിനാലാണ് ഒഴിവുകൾ പി.എസ്.സിക്ക് റിപ്പോർട്ട് ചെയ്യാൻ വകുപ്പ് മേധാവികൾ മടിക്കുന്നതെന്നും സതീശൻ പറഞ്ഞു. പി.എസ്.സി റാങ്ക് ലിസ്റ്റിൽ ഉൾപ്പെട്ട അപേക്ഷകർ മന്ത്രിമാരുടെ വീടുകൾ തോറും കയറി ഒഴിവ് റിപ്പോർട്ട് ചെയ്യുകയാണ്. 10 വർഷത്തിന് ശേഷം പിന്‍വാതിലിലൂടെ കടന്നവരെ സ്ഥിരപ്പെടുത്തുന്ന രീതിയാണ് സർക്കാരും സി.പി.എമ്മും ചെയ്യുന്നതെന്നും സതീശൻ വിമർശിച്ചു.

തൊഴിൽ രഹിതരായ യുവാക്കൾ ധാരാളമുള്ള സംസ്ഥാനത്ത് തുടര്‍ഭരണം ലഭിച്ച സർക്കാർ ചെയ്യുന്ന വൃത്തികേടുകളാണ് മേയറുടെ കത്ത് തുറന്നുകാട്ടുന്നതെന്ന് പ്രതിപക്ഷ നേതാവ് ആരോപിച്ചു. മേയർ ഉൾപ്പെടെയുള്ള ഡി.വൈ.എഫ്.ഐ നേതാക്കൾ ഈ അസംബന്ധ നാടകങ്ങൾ കേരളത്തിൽ അവതരിപ്പിച്ചിട്ടാണ് ‘ഞങ്ങളുടെ ജോലി എവിടെ?’ എന്ന മുദ്രാവാക്യമുയർത്തി ഡൽഹിയിലെത്തി പ്രതിഷേധിച്ചത്. ബന്ധുക്കളെയും പാർട്ടി പ്രവർത്തകരെയും നിയമിക്കുന്നത് ജോലിക്കായി സമരം ചെയ്തവരാണ്. നഗരസഭകളിലെ നിയമനം ലോക്കല്‍ കമ്മിറ്റികള്‍ക്ക് വീതിച്ചു കൊടുത്തിരിക്കുകയാണ്. ജോലിക്കായി ഇന്റർവ്യൂവിന് എത്തുന്ന പാവപ്പെട്ടവരെ അവർ വഞ്ചിക്കുകയാണ്. നേരിട്ടുള്ള മാർഗങ്ങളിലൂടെയുള്ള നിയമനം ഒരു മേഖലയിലും നടക്കുന്നില്ല. പിന്‍വാതില്‍ നിയമനം നടത്താൻ സി.പി.എം ഓഫീസുകളിൽ മാഫിയ സംഘങ്ങൾ പ്രവർത്തിക്കുന്നു. പുറത്തുവരാത്ത നൂറുകണക്കിന് നിയമനങ്ങൾ വിവിധ ജില്ലകളിലായി നടന്നിട്ടുണ്ടെന്നും അദ്ദേഹം പറഞ്ഞു.

The post നിയമനത്തിനായി മുന്‍ഗണനാ പട്ടിക; മേയർ ആര്യ രാജിവെക്കണമെന്ന് വി.ഡി സതീശന്‍ appeared first on Starvision News Malayalam.

തിരുവനന്തപുരം

നവംബർ ഒന്നിനാണ് മേയർ കത്തിൽ ഒപ്പിട്ടതെന്ന് അദ്ദേഹം ചൂണ്ടിക്കാട്ടി. ആ സമയത്ത് മേയർ ഡൽഹിയിലായിരുന്നു. അവിടെ നിന്ന് മടങ്ങി എത്തിയിരുന്നില്ലെന്നും ഡെപ്യൂട്ടി മേയർ പറഞ്ഞു.

അതേസമയം, മേയർക്കെതിരെ ബിജെപി പ്രവർത്തകർ നടത്തിയ പ്രതിഷേധത്തിനിടെ ഡെപ്യൂട്ടി മേയർ പി കെ രാജുവിന് പരിക്കേറ്റു. പ്രതിഷേധക്കാർ അദ്ദേഹത്തിന്‍റെ വസ്ത്രങ്ങൾ വലിച്ചുകീറി. പരിക്കേറ്റ രാജുവിനെ ആശുപത്രിയിൽ പ്രവേശിപ്പിച്ചു.

The post മേയർ ആര്യ രാജേന്ദ്രന്റെ പേരിലുള്ള കത്ത് വ്യാജമെന്ന് ഡപ്യൂട്ടി മേയർ appeared first on Starvision News Malayalam.