മനാമ: ബഹ്‌റൈൻ ആതിഥേയത്വം വഹിക്കുന്ന 33-ാമത് അറബ് ഉച്ചകോടി മെയ് 16ന്. ഉച്ചകോടിയിൽ ബഹ്‌റൈൻ രാജാവ് ഹമദ് ബിൻ ഈസ അൽ ഖലീഫ അധ്യക്ഷനാകും. രാജാവിൻറെ നിർദ്ദേശനുസരണം കിരീടാവകാശിയും പ്രധാനമന്ത്രിയുമായ പ്രിൻസ് സൽമാൻ ബിൻ ഹമദ് ആൽ ഖലീഫയുടെ പിന്തുണയോടും തുടർനടപടികളോടും കൂടിയാണ് തയ്യാറെടുപ്പുകൾ നടക്കുന്നത്. അ​റ​ബ്​ രാ​ജ്യ​ങ്ങ​ൾ ത​മ്മി​ലു​ള്ള ബ​ന്ധം ശ​ക്ത​മാ​ക്കാ​നും മേ​ഖ​ല അ​ഭി​മു​ഖീ​ക​രി​ച്ചു കൊ​ണ്ടി​രി​ക്കു​ന്ന വെ​ല്ലു​വി​ളി​ക​ൾ​ക്ക്​ പ​രി​ഹാ​രം കാ​ണാ​നു​മു​ള്ള ച​ർ​ച്ച​ക​ൾ ഉ​ച്ച​കോ​ടി​യി​ൽ ഉ​യ​രും.

അറബ് ഐക്യം പ്രതിഫലിപ്പിക്കുന്നതും ചരിത്രപരമായ ഈ ഉച്ചകോടിക്ക് ബഹ്‌റൈൻ ആതിഥേയത്വം വഹിക്കുന്നത് കൊണ്ട് തന്നെ ആഘോഷിക്കുന്ന അറബ് രാജ്യങ്ങളുടെ പതാകകളും അവരുടെ നേതാക്കളുടെ ചിത്രങ്ങൾകൊണ്ടും ഇപ്പോൾ രാജ്യത്തിൻ്റെ തെരുവുകളും ഹൈവേകളും ലാൻഡ്‌മാർക്കുകളും അലങ്കരിച്ചിരിക്കുന്നു. അറബ് ഉച്ചകോടിയോടനുബന്ധിച്ച് ട്രാ​ഫി​ക്​ നി​യ​ന്ത്ര​ണ​ത്തിന്റെ ഭാഗമായി മേ​യ്​ 15,16 തീ​യ​തി​കളിൽ രാ​ജ്യ​ത്തെ സ്​​കൂ​ളു​ക​ൾ​ക്ക്​ അ​വ​ധി പ്ര​ഖ്യാ​പി​ച്ചു.

അ​റ​ബ്​ ഉ​ച്ച​കോ​ടി​യു​മാ​യി ബ​ന്ധ​പ്പെ​ട്ട കാ​ര്യ​ങ്ങ​ൾ ച​ർ​ച്ച ചെ​യ്യു​ന്ന​തി​ന്​ നി​യ​മ​നി​ർ​മാ​ണ സ​ഭ​ക​ൾ പ്ര​ത്യേ​ക യോ​ഗം വി​ളി​ച്ചു. പാ​ർ​ല​മെ​ന്‍റ്, ശൂ​റ കൗ​ൺ​സി​ൽ, വി​ദേ​ശ​കാ​ര്യ മ​ന്ത്രാ​ല​യം എ​ന്നി​വ​യു​ടെ സം​യു​ക്ത യോ​ഗ​മാ​ണ്​ ക​ഴി​ഞ്ഞ ദി​വ​സം ചേ​ർ​ന്ന​ത്. ബ​ഹ്​​റൈ​ന്‍റെ ച​രി​ത്ര​ത്തി​ലെ ഏ​റ്റ​വും സു​​പ്ര​ധാ​ന​മാ​യ ഏ​ടാ​ണ്​ അ​റ​ബ്​ ഉ​ച്ച​കോ​ടി​ക്ക്​ ആ​തി​ഥ്യം വ​ഹി​ക്കാ​ൻ സാ​ധി​ക്കു​ന്ന​തി​ലൂ​ടെ നേ​ടി​യെ​ടു​ക്കു​ന്ന​തെ​ന്ന്​ ശൂ​റ കൗ​ൺ​സി​ൽ അ​ധ്യ​ക്ഷ​ൻ വ്യ​ക്ത​മാ​ക്കി.

The post അ​റ​ബ്​ ഉ​ച്ച​കോ​ടി​: ബ​ഹ്​​റൈ​ന്‍റെ ച​രി​ത്ര​ത്തി​ലെ ഏ​റ്റ​വും സു​​പ്ര​ധാ​ന​മാ​യ ഏട് appeared first on Starvision News Malayalam.