കൊച്ചി: എറണാകുളം കലൂരില്‍ ഗുരുതരമായി പരിക്കേറ്റ രോഗിയുമായി പോയ ആംബുലന്‍സിന്റെ വഴിമുടക്കിയ സ്‌കൂട്ടര്‍ യാത്രികയ്‌ക്കെതിരെ നടപടിയുമായി മോട്ടോര്‍ വാഹന വകുപ്പ്. കലൂര്‍ മെട്രോ സ്‌റ്റേഷനുസമീപം ശനിയാഴ്ചയായിരുന്നു സംഭവം. സൈറണ്‍ മുഴക്കിവന്ന ആംബുലന്‍സ് നിരന്തരമായി ഹോണ്‍ മുഴക്കിയിട്ടും യാത്രിക സ്‌കൂട്ടര്‍ ഒതുക്കാന്‍ കൂട്ടാക്കിയിരുന്നില്ല. സംഭവത്തിന്റെ ദൃശ്യങ്ങള്‍ പുറത്തുവന്നതിന് പിന്നാലെ എം.വി.ഡി. സ്വമേധയാ കേസെത്ത് നടപടി കൈക്കൊള്ളുകയായിരുന്നു.

ആലുവയിലെ ഒരു സ്വകാര്യ ആശുപത്രിയില്‍ നിന്നും കൈ അറ്റുപോയ അതിഥി തൊഴിലാളിയായ രോഗിയുമായി കൊച്ചിയിലെതന്നെ മറ്റൊരു ആശുപത്രിയിലേക്ക് പോവുകയായിരുന്നു ആംബുലന്‍സ്. രോഗിയെ ആശുപത്രിയില്‍ എത്തിച്ച ശേഷം സംഭവത്തിന്റെ ദൃശ്യങ്ങളടക്കം ആംബുലന്‍സ് ഡ്രൈവറായ ജിനീഷ് ആണ് പാലാരിവട്ടം പോലീസ് സ്‌റ്റേഷനിലെത്തി പരാതി നല്‍കിയത്. ആംബുലന്‍സിന്റെ മുന്നിലിരുന്ന വ്യക്തിയാണ് സംഭവത്തിന്റെ ദൃശ്യങ്ങള്‍ മൊബൈലില്‍ പകര്‍ത്തിയത്.

ദൃശ്യങ്ങളില്‍ നിന്ന് ലഭിച്ച സ്‌കൂട്ടറിന്റെ രജിസ്‌ട്രേഷന്‍ നമ്പര്‍ കേന്ദ്രീകരിച്ച് നടത്തിയ അന്വേഷണത്തിലാണ് പോലീസ് മഹാരാഷ്ട്രാ സ്വദേശിയായ യുവതിയെ തിരിച്ചറിഞ്ഞത്. മഹാരാഷ്ട്രാ രജിസ്‌ട്രേഷനിലുള്ള വാഹനമാണ് കസ്തൂരി എന്ന ഈ യുവതി ഓടിച്ചിരുന്നത്. ജിനീഷ് പോലീസില്‍ പരാതി നല്‍കിയതിന് പിന്നാലെ കസ്തൂരിയും പരാതിയുമായി പോലീസിനെ സമീപിച്ചിരുന്നു. നിയമവിരുദ്ധമായി തന്റെ ദൃശ്യങ്ങള്‍ പകര്‍ത്തുകയും സാമൂഹിക മാധ്യമങ്ങളില്‍ പ്രചിരിപ്പിക്കുകയും ചെയ്തു എന്ന് കാണിച്ചാണ് യുവതി പരാതി നല്‍കിയത്.

എന്നാല്‍ ഈ രണ്ട് പരാതിയിലും പോലീസ് കേസെടുത്തിട്ടില്ല. സംഭവവുമായി ബന്ധപ്പെട്ട് പുറത്തുവന്ന വാര്‍ത്തകളുടെയും ദൃശ്യങ്ങളുടെയും അടിസ്ഥാനത്തില്‍ മോട്ടോര്‍ വാഹനവകുപ്പ് സ്വമേധയാ കേസെടുക്കുകയായിരുന്നു. ഇന്ന് രാവിലെയാണ് യുവതിയെ വിളിച്ചുവരുത്തിയത്. ആറുമാസത്തേക്ക് യുവതിയുടെ ലൈസന്‍സ് റദ്ദാക്കിയിട്ടുണ്ട്. ഇതുകൂടാതെ 5000 രൂപ പിഴയും ഒടുക്കണം.

The post കൊച്ചിയില്‍ ആംബുലന്‍സിന്റെ വഴിമുടക്കി സ്‌കൂട്ടര്‍ യാത്രിക; ലൈസന്‍സ് റദ്ദാക്കി, 5000 രൂപ പിഴ appeared first on Starvision News Malayalam.

പത്തനംതിട്ട: കലഞ്ഞൂരിൽ കെഎസ്ആർടിസി ബസും ആംബുലൻസും കൂട്ടിയിടിച്ച് പത്തുപേർക്ക് പരിക്കേറ്റു. ഇതിൽ ഡ്രൈവറുൾപ്പെടെ ആംബുലൻസിൽ വന്ന നാലുപേരെ മെഡിക്കൽ കോളേജിലേക്ക് മാറ്റിയിട്ടുണ്ട്. കെഎസ്ആർടിസി ഡ്രൈവറുടെ വാരിയെല്ലുകൾക്ക് പരിക്കേറ്റുവെന്നാണ് റിപ്പോർട്ട്. പുനലൂർ- മൂവാറ്റുപുഴ സംസ്ഥാന പാതയിൽ കലഞ്ഞൂർ സ്കൂൾ ജംഗ്ഷനിൽ ഇന്ന് രാവിലെയായിരുന്നു അപകടമുണ്ടായത്. പത്തനംതിട്ട ജനറൽ ആശുപത്രിയിൽ നിന്ന് രോഗിയുമായി പോയ ആംബലുൻസാണ് അപകടത്തിൽപ്പെട്ടത്. കൂട്ടിയിടിയിൽ രണ്ടുവാഹനങ്ങളുടെയും മുൻവശം ഏറക്കുറെ പൂർണമായും തകർന്നിട്ടുണ്ട്.

ബസ് ഫുട്‌പാത്തിലെ വേലിയിലേക്കും പോസ്റ്റിലേക്കും ഇടിച്ചുകയറുകയായിരുന്നു. പാെലീസിനൊപ്പം നാട്ടുകാരും വഴിയാത്രക്കാരും രക്ഷാപ്രവർത്തനത്തിൽ പങ്കാളികളായി.സ്ഥിരം അപകടമേഖലയാണ് കലഞ്ഞൂർ സ്കൂൾ ജംഗ്ഷൻ എന്നാണ് നാട്ടുകാർ പറയുന്നത്. റോഡിലെ വളവാണ് അപകടക്കെണിയാവുന്നത്. നിർമാണത്തിലെ അശാസ്ത്രീയതാണ് അപകടകാരണമെന്നും പ്രശ്നങ്ങൾ ഒഴിവാക്കാനുള്ള നടപടികൾ സ്വീകരിക്കമെന്നും നിന്തരം ആവശ്യപ്പെട്ടിട്ടും അധികൃതരുടെ ഭാഗത്തുനിന്ന് ഒരു നീക്കവും ഇതുവരെ ഉണ്ടായിട്ടില്ലെന്നും അവർ ചൂണ്ടിക്കാണിക്കുന്നു. പലപ്പോഴും സ്ഥലത്തെക്കുറിച്ച് പരിചയമില്ലാത്തവരാണ് അപകടത്തിൽപ്പെടുന്നത്.

The post കെഎസ്ആർടിസി ബസും ആംബുലൻസും കൂട്ടിയിടിച്ച് പത്തുപേർക്ക് പരിക്ക് appeared first on Starvision News Malayalam.

കോഴിക്കോട്: മാങ്കാവിൽ രോഗിയുമായി പോയ ആംബുലൻസ് കത്തിയത് ഇന്ധനത്തിന് തീപിടിച്ചാകാമെന്ന് അഗ്നിരക്ഷാ സേന. വൈദ്യുതി പോസ്റ്റിനിടിച്ചാണ് ആംബുലൻസ് മറിഞ്ഞത്. എന്നാൽ വൈദ്യുതി ലൈനിൽ നിന്നും തീപിടിക്കാൻ സാധ്യത കുറവാണ്. അപകടത്തിൽ മരിച്ച സുലോചന ഒഴികെ ബാക്കിയുള്ളവർക്ക് ആംബുലൻസിൽ നിന്നും പുറത്തുകടക്കാനായി. വൈദ്യുതി ലൈനിൽ നിന്നാണ് തീപിടിച്ചിരുന്നതെങ്കിൽ എല്ലാവരിലേക്കും തീ പടർന്നേനെ എന്നും ഉദ്യോഗസ്ഥർ പറഞ്ഞു.

ആംബുലൻസ് പോസ്റ്റിലിടിച്ച് മറിയുകയാണുണ്ടായത്. ഇതോടെ വാഹനത്തിൽ തീപ്പൊരി ഉണ്ടായി. അപകടത്തിനു പിന്നാലെ ഡോക്ടറും ഡ്രൈവറും ഉൾപ്പെടെയുള്ളർ വാഹനത്തിനു പുറത്തിറങ്ങി. എന്നാൽ രോഗിയായ സുലോചനയെ പുറത്തിറക്കാൻ സാധിച്ചില്ല. ഇതിനിടെ വാഹനത്തിലേക്ക് പൂർണമായും തീ പടരുകയായിരുന്നു. സമീപത്തുണ്ടായിരുന്ന കെട്ടിടങ്ങൾക്കും തീപിടിച്ചു നാശമുണ്ടായി. വൈദ്യുതി പോസ്റ്റുകളും ട്രാൻസ്ഫോർമറും തീപിടിച്ച് നശിച്ചു. മഴയത്ത് വാഹനത്തിന്റെ നിയന്ത്രണം നഷ്ടമായതാണ് അപകടത്തിനു കാരണമായതെന്ന് കരുതുന്നുവെന്നും അഗ്നിരക്ഷാ സേന അറിയിച്ചു. ആംബുലൻസ് പൂർണമായും കത്തിനശിച്ചു.

നാദാപുരം കക്കംവെള്ളി മോയിൻകുട്ടി വൈദ്യർ സ്മാരകത്തിന് സമീപം മാണിക്കോത്ത് ചന്ദ്രന്റ ഭാര്യ സുലോചന (57) ആണ് ആംബുലൻസിന് തീപിടിച്ച് വെന്തുമരിച്ചത്. മൊടക്കല്ലൂർ മലബാർ മെഡിക്കൽ കോളജിൽ പക്ഷാഘാതത്തിന് ചികിത്സയിൽ ആയിരുന്ന സുലോചനയുടെ സ്ഥിതി മോശമായതോടെയാണ് കോഴിക്കോട് മിംസ് ആശുപത്രിയിലേക്ക് കൊണ്ടുപോയത്. മിംസ് ആശുപത്രിക്ക് തൊട്ടടുത്ത് പുലർച്ചെ മൂന്നിനു ശേഷമാണ് അപകടമുണ്ടായത്.

സുലോചനയുടെ ഭർത്താവ് ചന്ദ്രന് സാരമായി പരുക്കേറ്റു. ഇവരെ കൂടാതെ ഡോക്ടർ, നഴ്സ്, ആംബുലൻസ് ഡ്രൈവർ, അയൽവാസിയായ യുവതി എന്നിവരാണ് ആംബുലൻസിൽ ഉണ്ടായിരുന്നത്. ഡോക്ടർക്കും നഴ്സിനും പരുക്ക് സാരമല്ലാത്തതിനാൽ പ്രാഥമിക ചികിത്സയ്ക്കുശേഷം മടങ്ങിപ്പോയി. ബാക്കിയുള്ളവർ മിംസ് ആശുപത്രിയിൽ ചികിത്സയിലാണ്.

The post കോഴിക്കോട് ആംബുലൻസ് വൈദ്യുതി ട്രാൻസ്ഫോർമറിൽ ഇടിച്ച് കത്തിയത് ഇന്ധനത്തിന് തീപിടിച്ച്; രോഗി വെന്തുമരിച്ചു appeared first on Starvision News Malayalam.

ചണ്ഡീഗഡ്: പലരും റോഡിലെ കുഴിയില്‍ വീണ് അപകടമുണ്ടാകുന്നതും ചിലരുടെ ജീവന്‍തന്നെ നഷ്ടമാകുന്നതുമായ വാർത്തകൾ നമ്മൾ കേൾക്കാറുണ്ട്. എന്നാല്‍, ഹരിയാണയില്‍ ആംബുലന്‍സ് റോഡിലെ ഒരു കുഴിയില്‍ വീണതോടെ ജീവന്‍ തിരിച്ചുകിട്ടിയിരിക്കുകയാണ് 80-കാരന്. ഡോക്ടര്‍ മരിച്ചെന്ന് വിധിയെഴുതിയ ദര്‍ശന്‍ സിങ് ആണ് വാഹനം കുഴിയില്‍ വീണതിനു പിന്നാലെ ജീവിതത്തിലേക്ക് മടങ്ങിവന്നത്. ഹൃദയസംബന്ധമായ അസുഖത്തെ തുടര്‍ന്ന് നാലുദിവസമായി വെന്റിലേറ്ററിലായിരുന്നു ദര്‍ശന്‍ സിങ്. വ്യാഴാഴ്ചയാണ് ഇദ്ദേഹത്തിന്റെ ഹൃദയമിടിപ്പ് നിലച്ചതായി ഡോക്ടര്‍മാര്‍ പറയുന്നത്. തുടര്‍ന്ന് വെന്റിലേറ്ററില്‍ നിന്ന് മാറ്റുകയും മരണം ഡോക്ടര്‍മാര്‍ സ്ഥിരീകരിക്കുകയും ചെയ്തു. തുടര്‍ന്ന് ബന്ധുക്കളെയും നാട്ടുകാരെയുമെല്ലാം വിവരം അറിയിച്ചു. അവർ മൃതദേഹം ദഹിപ്പിക്കാനുള്ള നടപടികൾ ആരംഭിക്കുകയും ചെയ്തു.

പട്യാലയില്‍ നിന്ന് കര്‍ണാലിനടുത്തുള്ള വീട്ടിലേക്ക് ദര്‍ശന്‍ സിങിന്റെ മൃതദേഹം കൊണ്ടുവരുന്നതിനിടെയാണ് ആംബുലന്‍സ് ഒരു കുഴിയില്‍ വീണത്. ഇതിന്റെ ആഘാതത്തില്‍ അദ്ദേഹത്തിന്റെ കൈ അനങ്ങിയതായി വാഹനത്തില്‍ ഒപ്പമുണ്ടായിരുന്ന കൊച്ചുമകനാണ് ശ്രദ്ധിച്ചത്. തുടര്‍ന്ന് പരിശോധിച്ചപ്പോള്‍ ഹൃദയമിടിപ്പ് ഉള്ളതായും കണ്ടെത്തി. ഇതോടെ അടുത്തുള്ള ആശുപത്രിയിലേക്ക് വണ്ടിതിരിക്കാന്‍ ആംബുലന്‍സ് ഡ്രൈവറോട് പറയുകയായിരുന്നു. ആശുപത്രിയില്‍ എത്തി ഡോക്ടര്‍മാര്‍ പരിശോധിച്ചതോടെ ഇദ്ദേഹത്തിന് ജീവനുണ്ടെന്ന് സ്ഥിരീകരിച്ചു. കര്‍ണാലിലെ ആശുപത്രിയില്‍ ചികിത്സയില്‍ കഴിയുന്ന ദര്‍ശന്‍ സിങിന്റെ നില ഇപ്പോഴും ഗുരുതരമായി തുടരുകയാണ്. ഇതൊരു അത്ഭുതസംഭവമാണെന്നും അദ്ദേഹം വേഗം സുഖം പ്രാപിക്കുമെന്നാണ് പ്രതീക്ഷയെന്നും കുടുംബാംഗം പറഞ്ഞു. തെറ്റായി മരണം സ്ഥിരീകരിച്ചത് സാങ്കേതിക പിഴവുമൂലം ആകാമെന്ന് അദ്ദേഹത്തെ ഇപ്പോൾ ചികിത്സിക്കുന്ന രാവല്‍ ആശുപത്രിയിലെ ഡോക്ടര്‍ നേത്രപാല്‍ പറയുന്നു. ഇവിടെ കൊണ്ടുവരുമ്പോള്‍ ആദ്ദേഹം ശ്വാസം എടുക്കുന്നുണ്ടായിരുന്നു. ഇതിനു മുന്‍പ് അദ്ദേഹത്തെ ചികിത്സിച്ച ആശുപത്രിയില്‍ എന്താണ് ഉണ്ടായതെന്നറിയില്ലെന്നും അദ്ദേഹം വ്യക്തമാക്കി.

The post ആംബുലന്‍സ് കുഴിയില്‍ വീണു; ഹൃദയസ്തംഭനംവന്നു മരിച്ചയാൾ ജീവിതത്തിലേക്ക് appeared first on Starvision News Malayalam.

ഇടുക്കി: രാജാക്കാട് പന്നിയാര്‍കുട്ടിയ്ക്ക് സമീപം ആംബുലന്‍സ് തോട്ടിലേക്ക് മറിഞ്ഞ് 80-കാരിയ്ക്ക് ദാരുണാന്ത്യം. വട്ടപ്പാറ ചെമ്പുഴയില്‍ അന്നമ്മ പത്രോസാണ് മരിച്ചത്. പുലര്‍ച്ചെ 4.30-ഓടെയായിരുന്നു അപകടം. കോട്ടയം മെഡിക്കല്‍ കോളേജില്‍ ചികിത്സയിലായിരുന്നു അന്നമ്മ. ആശുപത്രിയില്‍ നിന്ന് ഡിസ്ചാര്‍ജ് ചെയ്ത ശേഷം വീട്ടിലേക്ക് കൊണ്ടുപോകും വഴിയാണ് അപകടം. നിയന്ത്രണംവിട്ട ആംബുലന്‍സ് പത്തടി താഴ്ചയുള്ള കുഴിയിലേക്ക് മറിയുകയായിരുന്നു. ഉടന്‍ തന്നെ രാജാക്കാടുള്ള സ്വകാര്യ ആശുപത്രിയിലേക്കെത്തിച്ചെങ്കിലും ജീവന്‍ രക്ഷിക്കാനായില്ല. മൃതദേഹം അടിമാലി താലൂക്ക് ആശുപത്രിയിലേക്ക് മാറ്റിയിട്ടുണ്ട്. പോലീസെത്തി മറ്റു നടപടികള്‍ സ്വീകരിച്ചു വരികയാണ്. അതിനു ശേഷം മൃതദേഹം ബന്ധുക്കൾക്ക് വിട്ടു നൽകും. പ്രദേശത്ത് അപകടം പതിവാണ്.

The post ആംബുലന്‍സ് മറിഞ്ഞു; ഡിസ്ചാര്‍ജ്ചെയ്തു വീട്ടിലേക്ക് മടങ്ങിയ 80-കാരി മരിച്ചു appeared first on Starvision News Malayalam.

തിരുവല്ല

എന്നാൽ ആംബുലൻസിൽ വച്ചാണ് രോഗി മരിച്ചതെന്നാണ് ബന്ധുക്കളുടെ പരാതി. തിരുവല്ല ആശുപത്രിയിൽ നിന്ന് വണ്ടാനം മെഡിക്കൽ കോളേജിലേക്ക് കൊണ്ടുപോകുന്നതിനിടെ ഓക്സിജൻ കിട്ടാതെയാണ് രോഗി മരിച്ചതെന്ന് ബന്ധുക്കൾ ആരോപിച്ചു. മെഡിക്കൽ കോളേജിലേക്ക് പോകുന്നതിനിടെ സിലിണ്ടർ തീർന്നതായും ബന്ധുക്കൾ പറഞ്ഞു. തിരുവല്ല വെസ്റ്റ് വെൺപാല 22ൽ രാജൻ ആണ് മരിച്ചത്.

The post ആംബുലന്‍സില്‍ ഫുള്‍ സിലിണ്ടര്‍ ഓക്‌സിജനുണ്ടായിരുന്നു; ബന്ധുക്കളുടെ ആരോപണം തള്ളി ആശുപത്രി appeared first on Starvision News Malayalam.

The post ആംബുലന്‍സ് കെഎസ്ആർടിസി ബസിലിടിച്ച് ഒരുമാസം പ്രായമുള്ള കുഞ്ഞ് മരിച്ചു appeared first on Starvision News Malayalam.

പോലീസ് ഹെഡ് ക്വാര്‍ട്ടേഴ്സ് സ്പെഷ്യല്‍ സെല്‍ എസ്.പി ബി.കൃഷ്ണകുമാര്‍ പരിപാടിയുടെ ഉദ്ഘാടനവും ആംബുലന്‍സ് റാലിയുടെ ഫ്ളാഗ് ഓഫും നിര്‍വ്വഹിച്ചു. ഒരു തൊഴില്‍ എന്നതിലുപരി സ്തുത്യര്‍ഹമായ സാമൂഹ്യ സേവനമാണ് ആംബുലന്‍സ് ഡ്രൈവര്‍മാരുടെ പ്രവര്‍ത്തനമെന്ന് അദ്ദേഹം പറഞ്ഞു. ഒരാളുടെ ജീവന്‍ രക്ഷിക്കുക എന്നതാണ് ഏറ്റവും വലിയ പുണ്യപ്രവൃത്തി. അതു ചെയ്യുന്നതില്‍ ഡോക്ടര്‍മാരെ പോലെ തന്നെ ആംബുലന്‍സ് ഡ്രൈവര്‍മാരുടെയും പങ്ക് ഏറെ വലുതാണ്. ഒരു സാധാരണ ഡ്രൈവര്‍ക്ക് നല്ല ആംബുലന്‍സ് ഡ്രൈവര്‍ ആകാനാകില്ല. അത്ര ശ്രദ്ധയും കാര്യക്ഷമതയും വേണ്ടുന്ന ജോലിയാണിത്. ട്രോമാ ദിനത്തില്‍ ആംബുലന്‍സ് ഡ്രൈവര്‍മാര്‍ക്ക് ആദരവ് നല്‍കുന്ന ചടങ്ങ് സംഘടിപ്പിച്ചതിലൂടെ കിംസ്ഹെല്‍ത്ത് വലിയ പ്രശംസ അര്‍ഹിക്കുന്നുവെന്നും അദ്ദേഹം കൂട്ടിച്ചേര്‍ത്തു.

ആംബുലന്‍സ് ഓടിക്കുന്നതിലുള്ള പരിശീലനത്തിനൊപ്പം ജീവന്‍ രക്ഷാപ്രവര്‍ത്തനത്തില്‍ കൂടി ആംബുലന്‍സ് ഡ്രൈവര്‍മാര്‍ പരിശീലനം നേടണമെന്ന് ചടങ്ങില്‍ അധ്യക്ഷത വഹിച്ച കിംസ്ഹെല്‍ത്ത് ചെയര്‍മാനും എം.ഡിയുമായ ഡോ.എം.ഐ.സഹദുള്ള പറഞ്ഞു. എമര്‍ജന്‍സി ലൈഫ് സപ്പോര്‍ട്ട് സിസ്റ്റം എന്ന പേരില്‍ അടിയന്തര ഘട്ടങ്ങളിലുള്ള രക്ഷാപ്രവര്‍ത്തനത്തിനായുള്ള സൗജന്യ പരിശീലനം കിംസ്ഹെല്‍ത്ത് നല്‍കുന്നുണ്ട്. ഇത് ആംബുലന്‍സ് ഡ്രൈവര്‍മാര്‍ പ്രയോജനപ്പെടുത്തണം. ഒരു രോഗിയുടെ ജീവന്‍ രക്ഷിക്കുകയെന്നത് സംയോജിതമായ പ്രവര്‍ത്തനമാണെന്നും ഇതില്‍ ആംബുലന്‍സ് ഡ്രൈവര്‍മാര്‍ക്ക് വലിയ പങ്കുണ്ടെന്നും അദ്ദേഹം പറഞ്ഞു.

ആംബുലന്‍സ് ഡ്രൈവര്‍മാരുടെ സേവനത്തെ അംഗീകരിക്കുകയും ആദരിക്കുകയും ചെയ്യുന്നതിനൊപ്പം അവര്‍ക്ക് കുറേക്കൂടി പ്രചോദനമേകാന്‍ ഈ സംഗമം ഉപകരിക്കുമെന്ന് കിംസ്ഹെല്‍ത്ത് എക്സിക്യൂട്ടീവ് ഡയറക്ടര്‍ ഇ.എം. നജീബ് പറഞ്ഞു. ആംബുലന്‍സ് ഡ്രൈവര്‍മാരുടെ പ്രവൃത്തിയുടെ സവിശേഷ പ്രാധാന്യം കണക്കിലെടുത്ത് ആംബുലന്‍സ് പൈലറ്റ്സ് അല്ലെങ്കില്‍ ആംബുലന്‍സ് റസ്ക്യൂ ഓപ്പറേറ്റേഴ്സ് എന്ന വിശേഷണമാണ് അവര്‍ക്ക് നല്‍കേണ്ടതെന്നും അദ്ദേഹം കൂട്ടിച്ചേര്‍ത്തു.

ഗോള്‍ഡന്‍ അവര്‍ എന്ന ആദ്യത്തെ ഒരു മണിക്കൂറില്‍ അപകടത്തില്‍പെട്ടയാളെ ആശുപത്രിയില്‍ എത്തിക്കുക എന്നതാണ് ജീവന്‍ രക്ഷിക്കുന്നതില്‍ ഏറ്റവും പ്രധാനമെന്നും ഈ കര്‍മം നിറവേറ്റുന്നുവെന്നതാണ് ആംബുലന്‍സ് ഡ്രൈവര്‍മാര്‍ക്ക് സമൂഹത്തിലുള്ള പ്രാധാന്യമെന്നും ചടങ്ങിന് സ്വാഗതം ആശംസിച്ച കിംസ്ഹെല്‍ത്ത് എമര്‍ജന്‍സി മെഡിസിന്‍ കോ-ഓര്‍ഡിനേറ്റര്‍ ഡോ.ഷമീം കെ.യു പറഞ്ഞു. ആംബുലന്‍സ് ഓണേഴ്സ് ആന്‍റ് ഡ്രൈവേഴ്സ് അസോസിയേഷന്‍ സംസ്ഥാന ട്രഷറര്‍ ഷാജുദ്ദീന്‍, ഇ.ഇക്ബാല്‍, ഡോ.പി.എം.സുഹറ, ഡോ.പി.എം.സഫിയ, ജെറി ഫിലിപ്പ്, ഡോ.മുഹമ്മദ് നസീര്‍ എന്നിവര്‍ സന്നിഹിതരായിരുന്നു.

The post കിംസ്ഹെല്‍ത്ത് ആംബുലന്‍സ് ഡ്രൈവര്‍മാരുടെ സംഗമം സംഘടിപ്പിച്ചു appeared first on Starvision News Malayalam.

വെള്ളിയാഴ്ച പുലര്‍ച്ചെ 3.30 നാണ് സംഭവം. ശീതളിന് പ്രസവ വേദന അനുഭവപ്പെട്ടതിനെ തുടര്‍ന്ന് ബന്ധുക്കള്‍ ഉടന്‍ തന്നെ ചെങ്ങനൂര്‍ ജില്ലാ ആശുപത്രിയിലേക്ക് മാറ്റുകയായിരുന്നു. ഇവിടെ നിന്ന് വിദഗ്ധ ചികിത്സയ്ക്കായി ശീതളിനെ കോട്ടയം മെഡിക്കല്‍ കോളേജിലേക്ക് മാറ്റാന്‍ ഡോക്ടര്‍ കനിവ് 108 ആംബുലന്‍സിന്റെ സേവനം തേടി. തിരുവനന്തപുരം ടെക്‌നോപാര്‍ക്കിലെ കണ്‍ട്രോള്‍ റൂമില്‍ നിന്ന് ഉടന്‍ തന്നെ അത്യാഹിത സന്ദേശം ചെങ്ങനൂര്‍ ജില്ലാ ആശുപത്രിയിലെ കനിവ് 108 ആംബുലന്‍സിന് കൈമാറി. ആംബുലന്‍സ് ജീവനക്കാര്‍ ഉടന്‍ തന്നെ ആശുപത്രിയിലെത്തി ശീതളിനെ ആംബുലന്‍സിലേക്ക് മാറ്റി കോട്ടയം മെഡിക്കല്‍ കോളേജിലേക്ക് യാത്ര തിരിച്ചു.

കോട്ടയം നഗരത്തില്‍ എത്തിയപ്പോഴേക്കും ശീതളിന്റെ ആരോഗ്യനില കൂടുതല്‍ വഷളാകുകയും എമര്‍ജന്‍സി മെഡിക്കല്‍ ടെക്‌നീഷ്യന്‍ സിജുവിന്റെ പരിശോധനയില്‍ പ്രസവം എടുക്കാതെ മുന്നോട്ട് പോകാന്‍ കഴിയുന്ന സാഹചര്യമല്ല എന്ന് മനസിലാക്കുകയും ഇതിന് വേണ്ട സജ്ജീകരണങ്ങള്‍ ഒരുക്കുകയും ചെയ്തു. സിജുവിന്റെ പരിചരണത്തില്‍ 5 മണിയോടെ ശീതള്‍ കുഞ്ഞിന് ജന്മം നല്‍കി. പ്രഥമ ശുശ്രൂക്ഷ നല്‍കിയ ശേഷം ഉടന്‍ തന്നെ അമ്മയെയും കുഞ്ഞിനെയും സമീപത്തുള്ള കോട്ടയം ജനറല്‍ ആശുപത്രിയിലേക്ക് മാറ്റി. അഭിലാഷ്, ശീതള്‍ ദമ്പതികളുടെ രണ്ടാമത്തെ കുഞ്ഞാണ് ഇത്.

The post കനിവായി കനിവ് 108: ആംബുലന്‍സില്‍ യുവതിക്ക് സുഖ പ്രസവം appeared first on Starvision News Malayalam.