​മനാമ: ആലപ്പുഴ ജില്ലാ പ്രവാസി അസോസിയേഷൻ ബഹ്റൈൻ (APAB) വനിതാവേദിയുടെ ആഭിമുഖ്യത്തിൽ “തണലും തമാശകളും” എന്ന പേരിൽ വനിതാസംഗമം സംഘടിപ്പിച്ചു. മനാമ സൽമാനിയ ഗാർഡനിൽ നടന്ന പരിപാടി പ്രവാസ ജീവിതത്തിലെ തിരക്കുകൾക്കിടയിൽ വനിതകൾക്ക് സന്തോഷവും സൗഹൃദവും പങ്കിടുന്നതിനും, പരസ്പര ബന്ധങ്ങൾ കൂടുതൽ ദൃഢമാക്കുന്നതിനുമുളള വേദിയായി.

​ചില്ലറ വർത്തമാനങ്ങളും ഒത്തിരി ചിരികളുമായി തികച്ചും സൗഹൃദാന്തരീക്ഷത്തിൽ നടന്ന സംഗമത്തിൽ വിവിധ വിനോദപരിപാടികളും ഒരുക്കിയിരുന്നു. വനിതാവേദി കൺവീനർ ശാന്തി ശ്രീകുമാർ ചടങ്ങിൽ സ്വാഗതം ആശംസിച്ചു. വനിതാ അംഗങ്ങളുടെ സജീവ പങ്കാളിത്തം പരിപാടിയെ കൂടുതൽ ഊർജ്ജസ്വലമാക്കിയതായി അവർ പറഞ്ഞു. കോർഡിനേറ്റർ ചിഞ്ചു സച്ചിൻ ചടങ്ങിൽ നന്ദി രേഖപ്പെടുത്തി. APAB ഭാരവാഹികളും വനിതാവേദി പ്രവർത്തകരും പരിപാടിയുടെ വിജയത്തിന് നേതൃത്വം നൽകി.

​വനിതാ വേദിയുടെ മുന്നോട്ടുള്ള പ്രവർത്തനങ്ങൾക്കായി പുതിയ ഭാരവാഹികളെയും ചടങ്ങിൽ വെച്ച് തിരഞ്ഞെടുത്തു. ​പുതിയ വനിതാ വേദി ഭാരവാഹികൾ: ​കൺവീനർ: ശാന്തി ശ്രീകുമാർ ​കോർഡിനേറ്റർമാർ: ചിഞ്ചു സച്ചിൻ, അഖില അജയൻ, അഞ്ചു സന്തോഷ്.

The post APAB വനിതാസംഗമം; പുതിയ ഭാരവാഹികളെ തിരഞ്ഞെടുത്തു appeared first on Starvision News Malayalam.

യോഗത്തിന്റെ തുടക്കത്തിൽ APAB സ്ഥാപകനും സംഘടനയുടെ വളർച്ചയ്ക്ക് നിർണായക നേതൃത്വം നൽകിയിരുന്ന ബംഗ്ലാവിൽ ഷറീഫിന്റെ നിര്യാണത്തിൽ അനുശോചനം രേഖപ്പെടുത്തുകയും അദ്ദേഹത്തിന്റെ സ്മരണയ്ക്ക് ആദരാഞ്ജലികൾ അർപ്പിക്കുകയും ചെയ്തു. സംഘടനയുടെ രൂപീകരണത്തിലും വളർച്ചയിലും അദ്ദേഹം നൽകിയ സംഭാവനകൾ യോഗം അനുസ്മരിച്ചു. തുടർന്ന് സംഘടനയുടെ വാർഷിക പ്രവർത്തന റിപ്പോർട്ടും സാമ്പത്തിക റിപ്പോർട്ടും അവതരിപ്പിക്കുകയും അംഗീകാരം നൽകുകയും ചെയ്തു. കഴിഞ്ഞ വർഷങ്ങളിലെ പ്രവർത്തനങ്ങൾ വിലയിരുത്തിയ യോഗം, പുതിയ പ്രവർത്തന പദ്ധതികൾക്കും ക്ഷേമ പ്രവർത്തനങ്ങൾക്കും രൂപം നൽകി. യോഗത്തിൽ 2026-2027 വർഷത്തേക്കുള്ള പുതിയ ഭരണസമിതിയെ ഏകകണ്ഠമായി തെരഞ്ഞെടുത്തു.

പുതിയ ഭാരവാഹികൾ

രക്ഷാധികാരി : ജോർജ് അമ്പലപ്പുഴ
പ്രസിഡന്റ് : ലിജോ കൈനടി
വൈസ് പ്രസിഡന്റുമാർ : ഹരീഷ് ചെങ്ങന്നൂർ, ആതിര പ്രശാന്ത്
ജനറൽ സെക്രട്ടറി : അനൂപ് പള്ളിപ്പാട്
സെക്രട്ടറിമാർ : അനീഷ് മാളികമുക്ക്, അശ്വിനി അരുൺ
ഖജാൻജി : അജിത് കാർത്തികപള്ളി
ചാരിറ്റി വിങ് കൺവീനർ : സാം കാവാലം
വനിതാ വേദി കൺവീനർ : ശാന്തി ശ്രീകുമാർ
മെമ്പർഷിപ്പ് സെക്രട്ടറി : അമൽ ജെയിംസ്
മീഡിയ വിങ് കൺവീനർ : സുജേഷ് എണ്ണയ്ക്കാട്

എക്സിക്യൂട്ടീവ് അംഗങ്ങൾ

അരുൺ മുട്ടം, ജോബി പുളിങ്കുന്ന്, ലിജു മാവേലിക്കര, പൗലോസ് കാവാലം, ശ്രീകുമാർ കറ്റാനം, ജൂബിൻ ചെങ്ങന്നൂർ, ശ്രീജിത്ത് ആലപ്പുഴ, സജി കലവൂർ, രാജേശ്വരൻ കായംകുളം, രാജി ശ്രീജിത്ത്, രജനി എം. നായർ, ശ്യാമ ജീവൻ, ആശ മുരളീധരൻ, ചിഞ്ചു സച്ചിൻ, സിജി സിബി എന്നിവർ.

പുതിയ ഭരണസമിതിയുടെ നേതൃത്വത്തിൽ സംഘടനയുടെ സാമൂഹിക, സാംസ്കാരിക, ജീവകാരുണ്യ പ്രവർത്തനങ്ങൾ കൂടുതൽ ശക്തിപ്പെടുത്തുന്നതിനും ബഹ്റൈനിലെ ആലപ്പുഴക്കാരുടെ കൂട്ടായ്മ കൂടുതൽ വിപുലീകരിക്കുന്നതിനും പ്രതിജ്ഞാബദ്ധരാണെന്ന് ഭാരവാഹികൾ അറിയിച്ചു. പ്രവാസി സമൂഹത്തിന്റെ ക്ഷേമത്തിനും അടിയന്തര സഹായ പ്രവർത്തനങ്ങൾക്കും പ്രത്യേക പ്രാധാന്യം നൽകുമെന്നും ഭാരവാഹികൾ വ്യക്തമാക്കി. അംഗങ്ങളുടെ സജീവ പങ്കാളിത്തത്തോടെയും പിന്തുണയോടെയും ജനറൽ ബോഡി യോഗം വിജയകരമായി സമാപിച്ചു. ഹരീഷ് ചെങ്ങന്നൂർ നന്ദി രേഖപ്പെടുത്തി.

The post ആലപ്പുഴ ജില്ല പ്രവാസി അസോസിയേഷൻ ബഹ്റൈന് പുതിയ ഭാരവാഹികൾ appeared first on Starvision News Malayalam.