കല്‍പ്പറ്റ

കടുവകളെ വയനാട് വനത്തിൽ നിന്ന് മാറ്റേണ്ടതുണ്ട്. കടുവകളുടെ എണ്ണം താരതമ്യേന കുറവുള്ള പ്രദേശങ്ങളിൽ കടുവകളെ പുനരധിവസിപ്പിക്കുന്നതിനുള്ള നടപടികൾ ഉടൻ സ്വീകരിക്കും. നെയ്യാർ, പറമ്പിക്കുളം വന്യജീവി സങ്കേതങ്ങളുമായി ഇക്കാര്യം ചർച്ച ചെയ്യും. മറ്റ് സംസ്ഥാനങ്ങളുമായും ഇക്കാര്യം ചർച്ച ചെയ്യുന്നുണ്ടെന്ന് അദ്ദേഹം പറഞ്ഞു. കടുവകളെ ആവശ്യമുള്ള സ്ഥലങ്ങളിലേക്ക് മാറ്റും. സമാന്തരമായി, ചെന്നൈയിലെ ഒരു ഏജൻസിയുമായി സഹകരിച്ച് നിലവിലെ കടുവകളുടെ എണ്ണം കണ്ടെത്താൻ സെൻസസ് നടത്തുമെന്നും മന്ത്രി കൂട്ടിച്ചേർത്തു.

ആനകൾ, കടുവകൾ, കുരങ്ങുകൾ എന്നിവയുടെ പ്രജനനം തടയാൻ ശാസ്ത്രീയ മാർഗങ്ങൾ സ്വീകരിക്കുമെന്നും ശശീന്ദ്രൻ പറഞ്ഞു. ആഫ്രിക്കൻ രാജ്യങ്ങളിൽ ആനകളെ വന്ധ്യംകരണം ചെയ്യുന്നു. ഇത് നമ്മുടെ രാജ്യത്ത് ഉപയോഗിക്കാനുള്ള വഴികൾ കണ്ടെത്തും. കാട്ടു കുരങ്ങിനെ വന്ധ്യംകരിക്കാൻ വയനാട്ടിലെ നിലവിലുള്ള ആശുപത്രിയിൽ സൗകര്യം ഒരുക്കും. ഇതിനായി മറ്റ് വകുപ്പുകളുടെ സഹായവും തേടുമെന്നും എ കെ ശശീന്ദ്രൻ പറഞ്ഞു.

The post വയനാട്ടിലെ കടുവാശല്യം; കടുവകളെ പുനരധിവസിപ്പിക്കുമെന്ന് മന്ത്രി എ.കെ. ശശീന്ദ്രന്‍ appeared first on Starvision News Malayalam.

കോഴിക്കോട്

ബഫർ സോൺ വിഷയത്തിൽ കിടപ്പാടം നഷ്ടപ്പെട്ടുന്ന കർഷകർക്ക് വേണ്ടി പാർട്ടി മുന്നിൽ നിന്ന് പോരാടുമെന്ന് ബിജെപി സംസ്ഥാന അദ്ധ്യക്ഷൻ കെ സുരേന്ദ്രൻ പറഞ്ഞു. സംസ്ഥാന സർക്കാരിന്റെ കഴിവുകേടാണ് ആയിരക്കണക്കിന് ആളുകളെ ആശങ്കപ്പെടുത്തുന്നതെന്ന് എയിഞ്ചൽവാലി സന്ദർശിച്ച ശേഷം അദ്ദേഹം പറഞ്ഞു.

ഒരു ദിവസം നേരം പുലർന്നപ്പോൾ രണ്ട് വാർഡുകൾ പൂർണ്ണമായും കാടായി മാറുന്ന ഞെട്ടിക്കുന്ന സാഹചര്യമാണ് ഇവിടെ കാണുന്നത്. സുപ്രീം കോടതിയിൽ രേഖകൾ സമർപ്പിക്കാൻ ധാരാളം സമയം ലഭിച്ചിട്ടും സർക്കാർ അലംഭാവം കാണിക്കുകയായിരുന്നു. ബഫർ സോൺ പ്രശ്നം മറ്റ് സംസ്ഥാനങ്ങൾ എങ്ങനെ കൈകാര്യം ചെയ്തുവെന്ന് കേരളം കണ്ട് പഠിക്കണം. ബി.ജെ.പി കേന്ദ്ര സർക്കാരിനെ കാര്യങ്ങൾ ധരിപ്പിച്ചതിനാലാണ് സിൽവർലൈൻ പദ്ധതി നടപ്പാക്കുന്നതിൽ നിന്ന് പിണറായി വിജയന് പിൻമാറേണ്ടി വന്നത്. ബഫർ സോൺ വിഷയത്തിലും ബിജെപി ശക്തമായി ഇടപെടുമെന്ന് കെ സുരേന്ദ്രൻ പറഞ്ഞു.

The post ബഫര്‍സോണ്‍ വിഷയം; ചില സംഘടനകള്‍ കർഷകരെ തെറ്റിദ്ധരിപ്പിക്കുന്നുവെന്ന് വനം മന്ത്രി appeared first on Starvision News Malayalam.

സംസ്ഥാന വന വികസന ഫണ്ട് ഉപയോഗപ്പെടുത്തി 209 കോടി രൂപയുടെ വിവിധ പ്രത്യേക വന വികസന പദ്ധതികള്‍ സര്‍ക്കാര്‍ നടപ്പാക്കുകയാണ്. ഈ സാമ്പത്തിക വര്‍ഷം മുതല്‍ അടുത്ത സാമ്പത്തിക വര്‍ഷം വരെ നടപ്പാക്കാനുദ്ദേശിക്കുന്ന പദ്ധതിയുടെ ഭാഗമായി തേക്ക് തോട്ടങ്ങളുടെ പ്രത്യേക പരിപാലനം ലക്ഷ്യം വച്ചുകൊണ്ടുള്ള പ്രവര്‍ത്തനങ്ങള്‍ വിപുലമാക്കും. വനം സര്‍ക്കിളുകളില്‍ പൂര്‍ണ്ണമായും യന്ത്രവത്കൃത സംവിധാനത്തില്‍ തേക്ക് തോട്ടങ്ങള്‍ വച്ചു പിടിപ്പിക്കും.ഇതിന് മുന്നോടിയായി ഓരോ വനം സര്‍ക്കിളിലും ഓരോ പൈലറ്റ് പദ്ധതി വീതം നടപ്പിലാക്കുമെന്ന് മന്ത്രി പറഞ്ഞു.

ചന്ദനക്കാടുകളുടെ പുനരുജ്ജീവനവും സംരക്ഷണവും ഉറപ്പു വരുത്തുന്നതിനായുള്ള നടപടികള്‍ക്കും രൂപം നല്‍കി വരുന്നു. തിരഞ്ഞെടുത്ത 200 ഹെക്ടര്‍ പ്രദേശങ്ങളില്‍ രണ്ട് ലക്ഷം ചന്ദന തൈകളും അതിന്റെ വളര്‍ച്ചയ്ക്ക് ആവശ്യമായ ആതിഥേയ വൃക്ഷ തൈകളും വച്ചു പിടിപ്പിക്കും.
തനത് ആവാസ വ്യവസ്ഥയില്‍ കടുത്ത വംശനാശ ഭീഷണി നേരിടുന്ന സസ്യജാലങ്ങളുടെ പരിപാലനം ഉറപ്പാക്കും. ഉള്‍ക്കാടുകളുടെ പരിപോഷണം, വന മേഖലയിലെ മഴക്കുഴി നിര്‍മാണം എന്നിവയ്ക്കും സര്‍ക്കാര്‍ കൂടുതല്‍ ശ്രദ്ധ പതിപ്പിക്കുന്നുണ്ടെന്ന് മന്ത്രി വ്യക്തമാക്കി.

വേനല്‍ക്കാലങ്ങളില്‍ ദാഹജല ദൗര്‍ലഭ്യം മൂലം മനുഷ്യവാസ മേഖലയില്‍ വന്യമൃഗങ്ങള്‍ വെള്ളം തേടിയെത്തുന്ന സാഹചര്യമുണ്ട്.വന മേഖലയിലെ മഴക്കുഴി നിര്‍മ്മാണം വന്യമൃഗങ്ങള്‍ക്ക് അവയുടെ ആവാസ വ്യവസ്ഥകളില്‍ തന്നെ ദാഹജല ലഭ്യത ഉറപ്പാക്കുന്നതിന് സഹായിക്കും.

വിവര സാങ്കേതിക വിദ്യയിലൂടെ ഭൂദൃശ്യ പരിസ്ഥിതി പരിപാലനത്തിനുള്ള ഏകോപനവും സര്‍ക്കാര്‍ നടപ്പാക്കും.ഇതോടൊപ്പം പ്രധാനപ്പെട്ട ആറ് തടി വില്‍പ്പന ഡിപ്പോകളുടെ ആധുനീകരണം, പത്ത് തടി വില്‍പ്പന ഡിപ്പോകളില്‍ ചുറ്റു മതില്‍ നിര്‍മ്മാണം, ക്വാര്‍ട്ടേഴ്സുകളുടെയും ക്യാമ്പ് ഷെഡ്ഡുകളുടെയും നിര്‍മ്മാണം, നവീകരണം, അറ്റകുറ്റപ്പണികള്‍ , സെന്‍ട്രല്‍-ജില്ലാ നഴ്സറികളുടെ തൈ ഉദ്പാദന ശേഷി വര്‍ധിപ്പിക്കല്‍ എന്നിവയും ലക്ഷ്യം വയ്ക്കുന്നു.

സംസ്ഥാന വന പരിശീലന കേന്ദ്രങ്ങളിലെ പരിശീലന സൗകര്യങ്ങള്‍ കാലോചിതമായി നവീകരിക്കുന്നതിനും സേനയുടെ ആധുനീകരണവും മുന്‍നിര്‍ത്തിയുള്ള പ്രവര്‍ത്തനങ്ങള്‍ക്കും സര്‍ക്കാര്‍ നടപടികള്‍ സ്വീകരിക്കും.
കാട്ടുതീ പ്രതിരോധ പ്രവര്‍ത്തനങ്ങള്‍ക്കായി നൂതന മാര്‍ഗ്ഗങ്ങള്‍ ആവിഷ്‌ക്കരിക്കുന്നതിന് വകുപ്പ് തയാറെടുക്കുകയാണ്. ഇതിന് വനാശ്രിത സമൂഹങ്ങളുടെ പങ്കാളിത്തം കൂടി ഉറപ്പാക്കിക്കൊണ്ടുള്ള പദ്ധതി പ്രവര്‍ത്തനം ആവിഷ്‌ക്കരിക്കും. വനപാലകര്‍ക്ക് അഗ്‌നിശമന പ്രവര്‍ത്തനങ്ങളില്‍ വിദഗ്ധ പരിശീലനം ഉറപ്പാക്കുന്നതിനും ആധുനിക അഗ്‌നിശമന പ്രതിരോധ സംവിധാനങ്ങള്‍ ലഭ്യമാക്കുന്നതിനും നടപടി സ്വീകരിക്കും.കെഎഫ്ഡിഎഫ് ഫണ്ട് ഉപയോഗപ്പെടുത്തിക്കൊണ്ടുള്ള നടപടികള്‍ വഴി സംസ്ഥാന വനം വകുപ്പിനെ കൂടുതല്‍ ശക്തിപ്പെടുത്തുന്നതിനാണ് സര്‍ക്കാര്‍ ശ്രമിക്കുന്നതെന്നും മന്ത്രി വ്യക്തമാക്കി.

വനത്തിന്റെയും വന്യജീവികളുടെയും സംരക്ഷണം മാത്രമല്ല വനാശ്രിത സമൂഹത്തിന്റെ സംരക്ഷണവും ഉന്നമനവും ഉറപ്പാക്കുക എന്ന കടമ കൂടി വനം വകുപ്പ് ഉദ്യോഗസ്ഥര്‍ നടപ്പാക്കണമെന്ന് കോണ്‍വൊക്കേഷന്‍ ചടങ്ങില്‍ മന്ത്രി ഉദ്യോഗസ്ഥരോട് പറഞ്ഞു.

വനമേഖലയിലെ വിവിധ ജനവിഭാഗങ്ങളും വനം ഉദ്യോഗസ്ഥരും തമ്മില്‍ ആരോഗ്യപരമായ ബന്ധം സൂക്ഷിക്കേണ്ടത് അത്യാവശ്യമാണ്. വനാതിര്‍ത്തിയില്‍ താമസിക്കുന്നവര്‍, വനവാസികള്‍ എന്നിവര്‍ക്ക് വന്യമൃഗങ്ങളില്‍ നിന്ന് സംരക്ഷണമൊരുക്കാനും തിരിച്ച് വന്യമൃഗങ്ങളെ സുരക്ഷിതമായി വനത്തില്‍ തന്നെ നിലനിര്‍ത്താനുമാവശ്യമായ പ്രവര്‍ത്തനങ്ങളും നടപ്പാക്കണം. ഇതിന് അനുസൃതമായ നിയമനിര്‍മ്മാണങ്ങളുമായി സര്‍ക്കാര്‍ മുന്നോട്ട് പോവുകയാണെന്നും മന്ത്രി വ്യക്തമാക്കി.

മുഖ്യമന്ത്രിയുടെ നൂറു ദിന കര്‍മ്മ പദ്ധതിയില്‍ ഉള്‍പ്പെടുത്തി വനം വകുപ്പിന്റെ 30 ഓഫീസുകളില്‍ ആരംഭിച്ച ഡിവിഷന്‍ തല ഇ-ഓഫീസ് സംവിധാനം ചടങ്ങില്‍ മന്ത്രി ഉദ്ഘാടനം ചെയ്തു.വനം വകുപ്പിന്റെ തിരഞ്ഞെടുക്കപ്പെട്ട 10 ഓഫീസുകളില്‍ വിപിഎന്‍ മുഖാന്തിരവും 20 ഓഫീസുകളില്‍ കെ-സ്വാന്‍ മുഖേനയുമാണ് ഇ-ഓഫീസ് സംവിധാനം ഏര്‍പ്പെടുത്തുന്നത്.

മുഖ്യ വനം മേധാവി പി.കെ.കേശവന്‍ അധ്യക്ഷനായിരുന്നു.പിസിസിഎഫ്മാരായ ഡി.ജയപ്രസാദ്, നോയല്‍ തോമസ് , അഡീ.പിസിസിഎഫ് ഡോ.പി.പുകഴേന്തി, സതേണ്‍ സര്‍ക്കിള്‍ ചീഫ് ഫോറസ്റ്റ് കണ്‍സര്‍വ്വേറ്റര്‍ സഞ്ജയന്‍ കുമാര്‍, ഫോറസ്റ്റ് കണ്‍സര്‍വ്വേറ്റര്‍ എം.നീതുലക്ഷ്മി, ഫോറസ്റ്റ് ട്രെയിനിംഗ് ഇന്‍സ്റ്റിറ്റ്യൂട്ട് ഡയറക്ടര്‍ ഡോണി ജി.വര്‍ഗ്ഗീസ് ഡെപ്യൂട്ടി ഡയറക്ടര്‍ വൈ.മുഹമ്മദ് അന്‍വര്‍ എന്നിവര്‍ സന്നിഹിതരായിരുന്നു.

The post സര്‍ക്കാര്‍ നടപ്പാക്കുന്നത് ജനങ്ങള്‍ക്ക് വേണ്ടിയുള്ള വികസന-സംരക്ഷണ പദ്ധതികള്‍: വനം-വന്യജീവി വകുപ്പ് മന്ത്രി എ.കെ ശശീന്ദ്രന്‍ appeared first on Starvision News Malayalam.

പരിസ്ഥിതി സൗഹൃദ ഇക്കോ ടൂറിസത്തിന് കൂടുതല്‍ പ്രോത്സാഹനം നല്‍കണമെന്ന് ചടങ്ങില്‍ അദ്ധ്യക്ഷനായിരുന്ന ഗതാഗത വകുപ്പ് മന്ത്രി അഡ്വ ആന്റണി രാജു പറഞ്ഞു.കാലാവസ്ഥാ വൃതിയാനത്തിലെ വെല്ലുവിളികളെ നേരിടാനുള്ള നടപടികള്‍ സ്വീകരിക്കണം. പ്രകൃതിയെ ദുര്‍ബലപ്പെടുത്താതെയുള്ള പ്രവര്‍ത്തനങ്ങള്‍ ആസൂത്രണം ചെയ്തു നടപ്പിലാക്കണമെന്നും അദ്ദേഹം പറഞ്ഞു.

വനംവകുപ്പ് ആസ്ഥാനത്ത് നടന്ന ചടങ്ങില്‍ സ്‌ട്രോംഗ് റൂമിന്റെയും ഇക്കോ ടൂറിസം സെന്ററുകളില്‍ പി ഒ എസ് മെഷിനൂകള്‍ നടപ്പിലാക്കുന്നതിന്റെയും ഉദ്ഘാടനം ഗതാഗതവകുപ്പ് മന്ത്രി നിര്‍വ്വഹിച്ചു. സംസ്ഥാനത്തെ 35 ഇക്കോ ടൂറിസം സെന്ററുകളില്‍ സൗത്ത് ഇന്ത്യന്‍ ബാങ്കിന്റെ സഹായത്തോടെ പി ഒ എസ് മെഷീനുകള്‍ സ്ഥാപിക്കുന്ന നടപടികള്‍ക്കാണ് തുടക്കമായത്. നിലവില്‍ 73 പോയന്റ് ഓഫ് സെയില്‍സ് മെഷീനുകള്‍ ഇക്കോ ടൂറിസം സെന്ററുകളിലും ഇക്കോ ഷോപ്പുകളില്‍ പ്രവര്‍ത്തിച്ചു വരുന്നു. മെഷീന്‍ സ്ഥാപിക്കുന്നതോടുകൂടി ടിക്കറ്റ് കൗണ്ടറുകളിലും സെയില്‍സ് ഔട്ട് ലെറ്റുകളിലും ക്രഡിറ്റ് ഡെബിറ്റ് കാര്‍ഡുകള്‍, യു പി ഐ എന്നിവ മുഖാന്തിരം തുക ഡിജിറ്റലായി നല്‍കാവുന്നതാണ്.
ആര്‍ ബി ഐ നിഷ്‌കര്‍ഷിച്ചിരിക്കുന്ന മാനഡണ്ഢങ്ങള്‍ പാലിച്ച് തയ്യാറാക്കിയിരിക്കുന്ന പുതിയ സ്‌ട്രോഗ് റൂമില്‍ ആനക്കൊമ്പുകള്‍, ചന്ദനം, ചന്ദനത്തൈലം, വനംവകുപ്പിന്റെ വിലപിടിപ്പുള്ള വസ്തുക്കള്‍ എന്നിവ സൂക്ഷിക്കും. ഫയര്‍ അലാം സിസ്റ്റം, 24 മണിക്കൂറും പ്രവര്‍ത്തിക്കുന്ന സിസിടിവി ക്യാമറകള്‍ അവ നിരീക്ഷിക്കുന്നതിനായുള്ള കണ്‍ട്രോള്‍ റൂം എന്നിവ സജ്ജമാക്കിയിട്ടുണ്ട്.

ചടങ്ങില്‍ മുഖ്യ വനം മേധാവി പി കെ കേശവന്‍ സ്വാഗതവും എപിസിസിഎഫ് (ഭരണം) ഡോ പി പുകഴേന്തി കൃതജ്ഞതയുമര്‍പ്പിച്ചു. പിസിസിഎഫുമാരായ നോയല്‍ തോമസ്, ഡി ജയപ്രസാദ് എന്നിവര്‍ റിപ്പോര്‍ട്ടുകള്‍ അവതരിപ്പിച്ചു. ചീഫ് വൈല്‍ഡ് ലൈഫ് വാര്‍ഡന്‍ ബെന്നിച്ചന്‍ തോമസ്, എപിസിസിഎഫ്മാരായ ഇ പ്രദീപ്കുമാര്‍,രാജേഷ് രവീന്ദ്രന്‍, പ്രമോദ് കൃഷ്ണന്‍, ഡിസിഎഫ് ബി.എന്‍ നാഗരാജ്, സൗത്ത് ഇന്ത്യന്‍ ബാങ്ക് പ്രതിനിധികളായ സഞ്ജയ് സിന്‍ഹ, ജോളി സെബാസ്റ്റിയന്‍ തുടങ്ങിയവര്‍ സംബന്ധിച്ചു.

The post വനം വകുപ്പിന്റെ താമസസൗകര്യങ്ങള്‍ പൊതുജനങ്ങള്‍ക്കുകൂടി ലഭ്യമാക്കുന്ന കാര്യം പരിഗണിക്കും: വനം വകുപ്പ് മന്ത്രി appeared first on Starvision News Malayalam.

The post മന്ത്രി എ.കെ ശശീന്ദ്രൻറെ കോലം കത്തിച്ചു appeared first on Starvision News Malayalam.