കൊച്ചി: രാജ്യത്തിന്റെ ഭാവി കൃഷിയിടങ്ങളെ ആശ്രയിച്ചാണ് നിലനില്‍ക്കുന്നതെന്ന് കൃഷിമന്ത്രി പി. പ്രസാദ്. കൊച്ചി ജെയിന്‍ യൂണിവേഴ്‌സിറ്റി ആതിഥേയത്വം വഹിക്കുന്ന സമ്മിറ്റ് ഓഫ് ഫ്യൂച്ചറിന്റെ ഭാഗമായി ക്യാമ്പസില്‍ വൃക്ഷത്തൈ നട്ടുകൊണ്ട് സംസാരിക്കുകയായിരുന്നു മന്ത്രി. കൃഷിയില്‍ സുസ്ഥിരത അനിവാര്യമാണെന്ന് അഭിപ്രായപ്പെട്ട അദ്ദേഹം, 2050-ല്‍ നിലവില്‍ ഉത്പാദിപ്പിക്കുന്നതില്‍ നിന്നും 60 ശതമാനം കൂടുതല്‍ ഭക്ഷ്യ ഉത്പന്നങ്ങള്‍ വേണ്ടിവരുമെന്നും വ്യക്തമാക്കി. ആധുനിക കാലത്ത് കൃഷിയിടങ്ങള്‍ ചുരുങ്ങിക്കൊണ്ടിരിക്കുകയാണ്. ജനസംഖ്യ വര്‍ദ്ധിക്കുന്നതിന് അനുസരിച്ച് ഭക്ഷണത്തിന്റെ ആവശ്യകത കൂടും. കൃഷിയെ പ്രോത്സാഹിപ്പിച്ചില്ലെങ്കില്‍ അടുത്ത ലോകമഹായുദ്ധം ഭക്ഷണത്തിന് വേണ്ടിയാകുമെന്നും മന്ത്രി ചൂണ്ടിക്കാട്ടി.

വിശപ്പിന് മാത്രമാണ് ശാശ്വത പരിഹാരം കണ്ടെത്താനാകാത്തതെന്നും അതിനുള്ള ഏക പരിഹാരം ഭക്ഷമാണെന്നും മന്ത്രി പറഞ്ഞു. ‘നിര്‍മ്മിതബുദ്ധിയുടെ വികാസം അത്ഭുതപ്പെടുത്തുമെങ്കിലും ലോകത്തെ ഏറ്റവും വലിയ കണ്ടുപിടുത്തം കൃഷിയാണ്. മനുഷ്യന്‍ പ്രകൃതിയില്‍ നിന്ന് കണ്ടുപഠിച്ചതാണ് കൃഷി. ജീവന്റെ നിലനില്‍പ്പിന്റെ പ്രധാനഘടകം ഭക്ഷണമാണ്. അതാണ് കൃഷിയാണ് ലോകത്തെ ഏറ്റവും വലിയ കണ്ടുപിടുത്തം എന്ന് ഞാന്‍ വാദിക്കുന്നത്’- മന്ത്രി പറഞ്ഞു.
ഭക്ഷണം എല്ലാവരുടെയും അവകാശമാണ്. കൃഷിഭൂമി കോര്‍പ്പറേറ്റ് ഭീമന്മാരുടെ കൈവശമെത്തിയാല്‍ ഈ അവകാശം ലംഘിക്കപ്പെട്ടേക്കാം. വിശപ്പിന് വിലയിടുന്നത് അനുവദിച്ചാല്‍ വലിയ ദുരന്തത്തിന് വഴിയൊരുക്കുമെന്നും അദ്ദേഹം വ്യക്തമാക്കി. യുവതലമുറയെ ഭൂമിയെ സ്‌നേഹിക്കുവാന്‍ പഠിപ്പിക്കേണ്ടത് അനിവാര്യമാണ്. ഇന്ന് കാണപ്പെടുന്ന ഭൂരിഭാഗം രോഗങ്ങള്‍ക്കും കാരണം അനാരോഗ്യകരമായ ഭക്ഷണമാണ്. ഇവിടെയാണ് രാജ്യം കൃഷിക്ക് കൂടുതല്‍ പ്രധാന്യം നല്‍കേണ്ടതിന്റെ ആവശ്യകത. നാളെയെ കുറിച്ചുള്ള വലിയ സ്വപ്‌നങ്ങളും കാഴ്ച്ചപ്പാടുകളുമാണ് സമ്മിറ്റ് ഓഫ് ഫ്യൂച്ചറില്‍ ചര്‍ച്ചയാകുന്നത്. ആഗോള ശ്രദ്ധനേടുന്ന പരിപാടിയില്‍ കൃഷിയും പ്രകൃതിയും പ്രധാന വിഷയങ്ങളായതിനാല്‍ യുവതലമുറയ്ക്ക് കൃഷിയുടെ പ്രധാന്യം പകര്‍ന്നു നല്‍കാന്‍ കഴിയുമെന്നും മന്ത്രി പറഞ്ഞു.

The post കൃഷിയിടങ്ങള്‍ രാജ്യത്തിന്റെ ഭാവി നിശ്ചയിക്കും: മന്ത്രി പി. പ്രസാദ് appeared first on Starvision News Malayalam.

അനധികൃതമായി പെൻഷൻ കൈപ്പറ്റിയ 29 ജീവനക്കാരെ സർവ്വീസിൽ നിന്ന് കൃഷി വകുപ്പ് സസ്പെൻഡ് ചെയ്തു. റവന്യു, മൃഗസംരക്ഷണ വകുപ്പുകൾക്ക് പിന്നാലെയാണ് കൃഷി വകുപ്പിന്റെയും നടപടി. സയൻറിഫിക് അസിസ്റ്റൻറ് മുതൽ ഫാമിലെ സ്ഥിരം തൊഴിലാളികൾ വരെ സസ്പെൻറ് ചെയ്തവരിൽ ഉൾപ്പെടുന്നു.

അനർഹമായി കൈപ്പറ്റിയ തുക 18% പലിശ സഹിതം തിരിച്ചടയ്ക്കണം. സസ്പെൻഷനിൽ ആയതിൽ ആറ് പേർ 50000 ത്തിലധികം രൂപ ക്ഷേമ പെൻഷനായി തട്ടിയെടുത്തവരാണ്. 29 പേരും ക്ഷേമ പെൻഷൻ ബോധ പൂർവ്വം തട്ടിയെടുത്തു എന്നാണ് അന്വേഷണത്തിൽ കണ്ടെത്തിയത്. ക്ഷേമ പെൻഷൻ കൈപ്പറ്റിക്കൊണ്ടിരുന്ന ഇവർ ജോലി ലഭിച്ച ശേഷവും, ഇക്കാര്യം മറച്ച് വച്ച് ക്ഷേമ പെൻഷൻ വാങ്ങി പോന്നിരുന്നു. ഇ​തോ​ടെ​ ​ക്ഷേ​മ​പെൻ​ഷ​ൻ​ അനധികൃതമായി ​കൈ​പ്പ​റ്റി​യ​തു​മാ​യി​ ​ബ​ന്ധ​പ്പെ​ട്ട് ​ ​ന​ട​പ​ടി​ ​നേ​രി​ട്ട​ ​സ​ർ​ക്കാ​ർ​ ​ജീ​വ​ന​ക്കാ​രു​ടെ​ ​എ​ണ്ണം​ 145 ​ആ​യി.​ 1458 സർക്കാർ ജീവനക്കാർ ക്ഷേമ പെൻഷൻ വാങ്ങിയിരുന്നതായാണ് ധനവകുപ്പ് റിപ്പോർട്ട്.

The post ക്ഷേമ പെൻഷൻ തട്ടിപ്പ്; കൃഷിവകുപ്പിലെ 29 ജീവനക്കാരെ സസ്പെൻഡ് ചെയ്തു appeared first on Starvision News Malayalam.

മ​നാ​മ: ക​ണ്ട​ൽ​ച്ചെ​ടി​ക​ളു​ടെ എ​ണ്ണം വ​ർ​ധി​പ്പി​ച്ച് കാ​ലാ​വ​സ്ഥ വ്യ​തി​യാ​ന​ത്തി​ന് ഒ​രു​പ​രി​ധി​വ​രെ ത​ട​യി​ടാ​നു​ള്ള ന​ട​പ​ടി​ക​ൾ പു​രോ​ഗ​മി​ക്കു​ക​യാ​ണെ​ന്ന് മു​നി​സി​പ്പാ​ലി​റ്റി കാ​ര്യ-​കൃ​ഷി​മ​ന്ത്രി വാ​യ​ൽ അ​ൽ മു​ബാ​റ​ക്. 2060ഓ​ടെ കാ​ർ​ബ​ൺ ബ​ഹി​ർ​ഗ​മ​നം പൂ​ജ്യ​മാ​ക്കാ​നു​ള്ള ആ​ഗോ​ള​പ​ദ്ധ​തി​യു​ടെ ചു​വ​ടു​പി​ടി​ച്ചാ​ണി​ത്. 2035 ഓ​ടെ തീ​ര​പ്ര​ദേ​ശ​ത്തു​ട​നീ​ളം ക​ണ്ട​ൽ​ച്ചെ​ടി​ക​ളു​ടെ എ​ണ്ണം പ്ലാ​ന്റേ​ഷ​ൻ ക​വ​റേ​ജ് നാ​ലി​ര​ട്ടി​യാ​ക്കു​ക​യാ​ണ് ല​ക്ഷ്യം. അ​ധി​കം വി​സ്തൃ​തി​യി​ല്ലാ​ത്ത രാ​ജ്യ​ത്തെ സം​ബ​ന്ധി​ച്ചി​ട​ത്തോ​ളം ഇ​ത് വെ​ല്ലു​വി​ളി​യാ​ണ്.

എ​ന്നാ​ൽ, ല​ക്ഷ്യം നേ​ടു​ക​ത​ന്നെ ചെ​യ്യു​മെ​ന്നും ഗ​ൾ​ഫ് ക​ൺ​വെ​ൻ​ഷ​ൻ സെ​ന്റ​റി​ൽ ന​ട​ന്ന റോ​ട്ട​റി ക്ല​ബ് ഓ​ഫ് മ​നാ​മ യോ​ഗ​ത്തി​ൽ ‘ക​ണ്ട​ൽ​ക്കാ​ട് പ​ദ്ധ​തി’ എ​ന്ന വി​ഷ​യ​ത്തി​ൽ സം​സാ​രി​ക്ക​വെ അ​ദ്ദേ​ഹം പ​റ​ഞ്ഞു. ക​ണ്ട​ൽ​ക്കാ​ടു​ക​ൾ കാ​ലാ​വ​സ്ഥാ​പ്ര​തി​സ​ന്ധി​യെ നേ​രി​ടാ​നു​ള്ള പ്ര​കൃ​തി അ​ധി​ഷ്ഠി​ത പ​രി​ഹാ​ര​മാ​ണെ​ന്ന​താ​ണ് യാ​ഥാ​ർ​ഥ്യം. ക​ഴി​ഞ്ഞ ലോ​ക പ​രി​സ്ഥി​തി​ദി​ന​ത്തി​ൽ കി​രീ​ടാ​വ​കാ​ശി​യും പ്ര​ധാ​ന​മ​ന്ത്രി​യു​മാ​യ പ്രി​ൻ​സ് സ​ൽ​മാ​ൻ ബി​ൻ ഹ​മ​ദ് ആ​ൽ ഖ​ലീ​ഫ ക​ണ്ട​ൽ​ക്കാ​ടു​ക​ളു​ടെ വ്യാ​പ്തി ഇ​ര​ട്ടി​യാ​യി ഉ​യ​ർ​ത്തു​മെ​ന്ന് പ്ര​ഖ്യാ​പി​ച്ചി​രു​ന്നു. ഐ​ക്യ​രാ​ഷ്ട്ര സ​ഭ​യു​ടെ കാ​ലാ​വ​സ്ഥാ വ്യ​തി​യാ​ന ക​ൺ​വെ​ൻ​ഷ​ന്റെ ല​ക്ഷ്യ​ങ്ങ​ളോ​ടു​ള്ള രാ​ജ്യ​ത്തി​ന്റെ പ്ര​തി​ബ​ദ്ധ​ത​യു​ടെ ഭാ​ഗ​മാ​യി​രു​ന്നു ഈ ​പ്ര​ഖ്യാ​പ​നം.

കാ​റോ​ട്ട മ​ത്സ​ര​ത്തി​ന് വേ​ദി​യാ​കു​ന്ന ബ​ഹ്റൈ​ൻ ഇ​ന്റ​ർ​നാ​ഷ​ന​ൽ സ​ർ​ക്യൂ​ട്ടി​ല​ട​ക്കം മ​ര​ങ്ങ​ൾ വെ​ച്ചു​പി​ടി​പ്പി​ച്ചി​ട്ടു​ണ്ട്. രാ​ജ്യ​ത്തെ ഈ​ന്ത​പ്പ​ന​ക​ളു​ടെ എ​ണ്ണം വ​ർ​ധി​പ്പി​ക്കാ​നു​ള്ള ന​ട​പ​ടി​ക​ളും കാ​ർ​ഷി​ക മ​ന്ത്രാ​ല​യം എ​ടു​ത്തി​ട്ടു​ണ്ട്. ടെ​ലി​കോം ക​മ്പ​നി​യാ​യ എ​സ്.​ടി.​സി യ​ട​ക്കം രാ​ജ്യ​ത്തി​ന്റെ വ​ന​വ​ത്ക​ര​ണ​ന​യ​ങ്ങ​ളോ​ട് ഐ​ക്യ​ദാ​ർ​ഢ്യം പ്ര​ഖ്യാ​പി​ച്ച് പ​രി​പാ​ടി​ക​ൾ സം​ഘ​ടി​പ്പി​ച്ചി​രു​ന്നു. 2022ൽ 1,50,000 ​മ​ര​ങ്ങ​ൾ ന​ട്ടു​പി​ടി​പ്പി​ച്ചി​രു​ന്നു. ഈ ​വ​ർ​ഷം ഡി​സം​ബ​റോ​ടെ 4,60,000 ചെ​ടി​ക​ൾ വെ​ച്ചു​പി​ടി​പ്പി​ക്കു​ക​യാ​ണ് ല​ക്ഷ്യം. തീ​ര​പ്ര​ദേ​ശ​ങ്ങ​ളി​ലാ​ണ് ക​ണ്ട​ൽ​ച്ചെ​ടി​ക​ൾ ത​ഴ​ച്ചു​വ​ള​രാ​റു​ള്ള​ത്. ഇ​ത് തീ​ര​സം​ര​ക്ഷ​ണ​ത്തി​ന് സ​ഹാ​യ​ക​മാ​ണ്.

മ​റ്റു സ​സ്യ​ങ്ങ​ളു​ടെ വ​ള​ർ​ച്ച​ക്ക് ഹാ​നി​ക​ര​മാ​യ അ​ധി​ക ഉ​പ്പു​ര​സ​ത്തെ ക​ണ്ട​ൽ​ക്കാ​ടു​ക​ൾ വ​ലി​ച്ചെ​ടു​ക്കു​മെ​ന്ന ഗു​ണ​മു​ണ്ട്. ഇ​ത് പ്ര​കൃ​തി​യു​ടെ സ​ന്തു​ലി​താ​വ​സ്ഥ നി​ല​നി​ർ​ത്താ​നും സ​ഹാ​യ​ക​മാ​ണ്. സ​മീ​പ​ത്തെ ജ​ന​വാ​സ മേ​ഖ​ല​ക​ളെ സം​ര​ക്ഷി​ക്കു​ന്ന​ത​ര​ത്തി​ൽ പ്ര​കൃ​തി​ദ​ത്ത അ​ടി​സ്ഥാ​ന​സൗ​ക​ര്യ​ങ്ങ​ൾ ക​ണ്ട​ൽ​ക്കാ​ടു​ക​ൾ പ്ര​ദാ​നം ചെ​യ്യു​ന്നു. മ​ണ്ണൊ​ലി​പ്പ് ത​ട​യു​ക മാ​ത്ര​മ​ല്ല, കാ​റ്റി​നെ​യും നി​യ​ന്ത്രി​ക്കു​ന്നു. ക​ണ്ട​ലു​ക​ളു​ടെ ഇ​ട​തൂ​ർ​ന്ന വേ​രു​ക​ൾ മ​ണ്ണി​നെ ഉ​റ​പ്പി​ച്ചു​നി​ർ​ത്തും. ഈ ​വ​ർ​ഷം ഇ​തു​വ​രെ, ക​ണ്ട​ൽ​ക്കാ​ടു​ക​ളു​ടെ വ്യാ​പ്തി വ​ർ​ധി​പ്പി​ക്കാ​ൻ ല​ക്ഷ്യ​മി​ട്ട​തി​ന്റെ 57 ശ​ത​മാ​ന​വും മ​ര​ങ്ങ​ൾ വ​ർ​ധി​പ്പി​ക്കാ​നു​ള്ള ല​ക്ഷ്യ​ത്തി​ന്റെ 44.6 ശ​ത​മാ​ന​വും നേ​ടി​യെ​ന്നും മ​ന്ത്രി അ​ൽ മു​ബാ​റ​ക് പ​റ​ഞ്ഞു.

The post കണ്ടൽ തോട്ടങ്ങളുടെ കവറേജ് 2035 ഓടെ നാലിരട്ടിയായി വികസിപ്പിക്കും appeared first on Starvision News Malayalam.

കന്നുകാലികള്‍ക്ക് ഉള്ളതു പോലെ കോഴി കര്‍ഷകരെ സഹായിക്കുന്നതിനു പൗള്‍ട്രി ഇന്‍ഷുറന്‍സ് ഏര്‍പ്പെടുത്താമെന്നും കേന്ദ്രമന്ത്രി ഉറപ്പു നല്‍കി.  കേരളത്തിലെ മുഴുവന്‍ കന്നുകാലികള്‍ക്കും ഇന്‍ഷുറന്‍സ് ഏര്‍പ്പെടുത്തുതിനും കേന്ദ്രസഹായം ആവശ്യപ്പെട്ടിട്ടുണ്ട്.  റേഡിയോ ഫ്രീക്വന്‍സി ടെക്നോളജി ഉപയോഗിച്ചുള്ള ചിപ്പുകള്‍ കന്നുകാലികളില്‍ ഘടിപ്പിക്കുന്ന രീതി പൈലറ്റ് പദ്ധതിയായി കേരളം നടപ്പിലാക്കി വിജയിപ്പിച്ചാല്‍ പൈലറ്റ് പദ്ധതിയായി  കേരളം ഇത് നടപ്പാക്കി വിജയിപ്പിച്ചാല്‍ കേന്ദ്രം പദ്ധതി ഏറ്റെടുത്ത് വ്യാപിപ്പിക്കുമെന്ന് കേന്ദ്ര മന്ത്രി ഉറപ്പു നല്‍കി.

കഴിഞ്ഞ ദിവസം കേന്ദ്ര മൃഗസംരക്ഷണ ക്ഷീരവികസന വകുപ്പ്  സഹമന്ത്രി സജീവ് കുമാര്‍ ബല്യാണുമായുള്ള കൂടിക്കാഴ്ചയില്‍ പാലോട്  വാക്സിന്‍ കേന്ദ്രത്തിന്റെ അടിസ്ഥാനസൗകര്യ വികസനം മുതല്‍ കാലിത്തീറ്റയുടെ വില കുറയ്ക്കുന്നതിനു വൈക്കോല്‍ പോലുള്ള ഘടകങ്ങള്‍ പഞ്ചാബ്,  ഹരിയാന തുടങ്ങിയ സംസ്ഥാനങ്ങളില്‍ നിന്നു കുറഞ്ഞ വിലയ്ക്ക് ലഭ്യമാക്കുന്നത് വരെ വിവിധ വിഷയങ്ങള്‍ ചര്‍ച്ച ചെയ്തിരുന്നു. ഇക്കാര്യങ്ങള്‍ കേന്ദ്രമന്ത്രിയുടെ ശ്രദ്ധയില്‍ പെടുത്തി.  

എല്ലാ വിഷയങ്ങളിലും അനുഭാവ പൂര്‍ണമായ ഇടപെടല്‍ ഉണ്ടാകുമെന്ന് കേന്ദ്രമന്ത്രി അറിയിച്ചു.കൂടാതെ പുതുതായി ചില സാമ്പത്തിക സഹായം കൂടി ആവശ്യപ്പെട്ടിട്ടുണ്ട്.  

*ശുദ്ധമായ പാലുല്പാദനം പ്രോത്സാഹിപ്പിക്കാന്‍ ആധുനിക കാലിത്തൊഴുത്തുകളുടെയും ചാണകക്കുഴികളുടെയും നിര്‍മ്മാണവും നവീകരണവും  

* ബയോഗ്യാസ് പ്ലാന്റുകളുടെ നിര്‍മ്മാണം  

*പാല്‍ സൊസൈറ്റികളില്‍ സോളാര്‍ പവര്‍പ്ലാന്റ് നിര്‍മ്മാണം

 *മീഥലിന്‍ ബ്ലൂ റിഡക്ഷന്‍ ടെസ്റ്റിന്റെ അടിസ്ഥാനത്തില്‍ പാല്‍ ഉല്പാദിപ്പിക്കുന്ന ക്ഷീര കര്‍ഷകര്‍ക്ക് ഇന്‍സെന്റീവ്

*അഫ്ളാടോക്സിന്‍ എം.1ന്റെയും ആന്റിബയോട്ടിക്സിന്റെയും അവശിഷ്ടങ്ങള്‍ കൂടാതെ പാലുല്പാദിപ്പിക്കുന്ന ക്ഷീര കര്‍ഷകര്‍ക്ക് അധിക ഇന്‍സെന്റീവ്  

*പ്രാദേശിക പാല്‍ യൂണിയനുകള്‍ക്ക്നൂതനമായ പാലുലാപദന വികസനത്തിനും ഗവേഷണത്തിനും വേണ്ടിയുള്ള സാമ്പത്തിക സഹായം  

*മൊബൈല്‍ ഫുഡ് ട്രക്ക് ഉള്‍പ്പെടുന്ന കോള്‍ഡ് ചെയിന്‍ സംവിധാനങ്ങള്‍ മെച്ചപ്പെടുത്തുവാനുള്ള സാമ്പത്തിക സഹായം

* ഇന്‍ഫര്‍മേഷന്‍ & കമ്മ്യൂണിക്കേഷന്‍ ടെക്നോളജിയും ഡയറി കോര്‍പ്പറേറ്റീവ് സൊസൈറ്റിയെയും ബന്ധിപ്പിച്ച് മില്‍ക്ക് വാല്യു പേമന്റ് സിസ്റ്റം കൂടുതല്‍ ഫലപ്രദവും സുതാര്യവുമാക്കാന്‍ വേണ്ടിയുള്ള സാമ്പത്തിക സഹായം. എന്നീ മേഖലകളിലാണ് സാമ്പത്തിക സഹായം അവശ്യപ്പെട്ടത്. ഇവ പരിഗണിക്കുമെന്നും വിശദമായ പ്രൊപ്പോസല്‍ നല്‍കാനും കേന്ദ്രമന്ത്രി നിര്‍ദേശിച്ചു.  

 നാടന്‍ പശുക്കളെ പ്രത്യേകം പരിപാലിക്കുന്നതിനായി കേരളം മുന്നോട്ടു വച്ച പ്രൊപോസലും തത്വത്തില്‍ അംഗീകരിചിട്ടുണ്ട്.കേന്ദ്രസര്‍ക്കാര്‍ വെച്ചൂര്‍ പശുക്കളെ മാത്രമാണ്  നാടന്‍ ഇനത്തില്‍ ഇതുവരെ കണക്കാക്കിയിട്ടുള്ളത്.  കേരളത്തിലെ തനതു ജനുസുകളായ കാസര്‍ഗോഡ് കുള്ളന്‍, ചെറുവള്ളി, കുട്ടംപുഴ (പെരിയാര്‍ എന്നറിയപ്പെടുന്നു), വില്വാദ്രി  എന്നീ ഇനം പശുക്കളെയും നാടന്‍ ഇനങ്ങളായി അംഗീകരിക്കണം എന്നതാണ് ആവശ്യപെട്ടത്.സംയോജിത കൃഷി പ്രോത്സാഹിപ്പിക്കുന്നതിനും സഹായം ആവശ്യപ്പെട്ടിട്ടുണ്ട്.  സങ്കരയിനം കന്നുകാലികളിലെ രണ്ടാംതലമുറ രോഗങ്ങക്കു പരിഹാരം കാണാനായി രാഷ്ട്രീയ ഗോകുല്‍ ഗ്രാം പദ്ധതിയില്‍ ഉള്‍പ്പെടുത്തി പരിഗണിക്കാമെന്നും കേന്ദ്രമന്ത്രി ഉറപ്പു നല്‍കിയിട്ടുണ്ട്.

 പാലോട് വാക്സിന്‍ ഉല്പാദന കേന്ദ്രത്തില്‍ ഫ്എംഡി എച് എസ് സംയുക്ത വാക്സിന്‍ തയ്യാറാക്കുന്നതിനു ബൈ ബാക്ക് ഗ്രാററന്റിയില്‍ സഹകരിക്കുമെന്ന് മന്ത്രി അറിയിച്ചു.    കാലിത്തീറ്റയുടെ പ്രധാന ഘടകമായ വയ്ക്കോല്‍ കുറഞ്ഞ ചെലവില്‍ ലഭ്യമാകുന്നതിനും ഗുണമേന്മ ഉറപ്പു വരുത്തന്നതിനും ഇടപെടാമെന്നു മന്ത്രി പറഞ്ഞു.  

കേന്ദ്ര സര്‍ക്കാരിന്റെ അസ്‌കാഡ് ഫണ്ട് ഇതിനായി ഉപയോഗപ്പെടുത്താവുതാണ്.   സങ്കരയിനം  അത്യുല്പാദന ശേഷിയുള്ള കന്നുകാലികളുടെ ഉല്പാദനത്തിന് കേരളം സമര്‍പ്പിച്ച സെക്സ്ഡ് സെമന്‍ കണ്‍സര്‍വേഷന്‍ ആന്റ് പ്രൊപ്പഗേഷന്‍ ഓഫ് എലീറ്റ് ജെംപ്ലാസം എന്ന പ്രോജക്ടിനു അംഗീകാരം നല്കുമെന്ന് മന്ത്രി പറഞ്ഞു.  ഇന്‍ഡ്യന്‍ കൗണ്‍സില്‍ ഓഫ് അഗ്രിക്കള്‍ച്ചറല്‍ റിസേര്‍ച്ചിന് കീഴില്‍ കേരളത്തിലെ വെറ്റിനറി സര്‍വ്വകലാശാല വിദേശ സര്‍വകലാശാലകളുമായി സഹകരിച്ച് നടത്തുന്ന ഗവേഷണങ്ങള്‍ക്ക് കേന്ദ്രസര്‍ക്കാര്‍ പ്രോത്സാഹനവും ധനസഹായവും നല്‍കും.  

രാജ്യത്തെ ഏറ്റവും ശക്തമായ പഞ്ചായത്ത് സംവിധാനമാണ് കേരളത്തിലുള്ളത്. സംസ്ഥാന ബജറ്റിന്റെ 40% ചെലവഴിക്കുന്നത് സ്വയം ഭരണ സ്ഥാപനങ്ങളാണ്. ആധുനിക സാങ്കേതിക വിദ്യ ഉപയോഗിച്ച് രാജ്യത്തിന്റെ കന്നുകാലി സമ്പത്ത് വര്‍ദ്ധിപ്പിക്കാന്‍ ഈ സംരംഭം ഉപയോഗിക്കണം. ഇതിനായി കേന്ദ്ര സര്‍ക്കാരിന്റെ റിസേര്‍ച്ച് & ഡവലപ്പ്‌മെന്റ് ഫണ്ടുകള്‍ കൂടുതല്‍ ഉപയോഗപ്പെടുത്തണമെന്നും കേന്ദ്ര മന്ത്രി നിര്‍ദേശിച്ചു.സംസ്ഥാന മൃഗസംരക്ഷണ വകുപ്പ്  ഡയറക്ടര്‍ ഡോ.എ.കൗശികന്‍,   ജോയിന്റ് സെക്രട്ടറിമാരായ ഒ.പി.ചൗധരി, വര്‍ഷ ജോഷി, ഉപമന്യു ബസു എന്നിവര്‍ പങ്കെടുത്തു.

The post വെറ്റിനറി ആംബുലന്‍സ് ഉദ്ഘാടനം രണ്ടു മാസത്തിനകം, മന്ത്രി ചിഞ്ചുറാണി കേന്ദ്രമന്ത്രി പര്‍ഷോത്തം രുപാലയുമായി കൂടിക്കാഴ്ച നടത്തി appeared first on Starvision News Malayalam.

എൻ.ഇ.സി റെമിറ്റിലൂടെ പണം അയക്കാനായി www.necremit.com ക്ലിക്ക് ചെയ്യുക

കൃത്രിമ രാസവളങ്ങളും കീടനാശിനികളും ഉപയോഗിക്കാതെ നടത്തുന്ന കാര്‍ഷിക പ്രവര്‍ത്തനങ്ങളും പരിസ്ഥിതി സൗഹൃദ രീതികളുമാണ് ഈ നേട്ടം കൈവരിക്കാന്‍ ദ്വീപിനെ സഹായിച്ചത്. ദ്വീപ് ഭരണകൂടം നല്‍കിയ തെളിവുകളും സര്‍ട്ടിഫിക്കറ്റുകളും പരിശോധിച്ചതിനും പ്രവൃത്തികള്‍ വിലയിരുത്തിയതിനും ശേഷമാണ് ലക്ഷദ്വീപ്പിന്റെ മുഴുവന്‍ പ്രദേശവും ജൈവമേഖലയായി പ്രഖ്യാപിക്കാനുള്ള നിര്‍ദ്ദേശത്തിന് കാര്‍ഷിക മന്ത്രാലയം അംഗീകാരം നല്‍കിയതെന്ന് അധികൃതര്‍ അറിയിച്ചു.

ഔദ്യോഗികമായി 100 ശതമാനം ജൈവികമെന്ന അംഗീകാരം നേടിയത് ലക്ഷദ്വീപിലെ കാര്‍ഷിക-വിപണന മേഖലക്ക് പുതിയ ഉണര്‍വ് പകരുമെന്നാണ് പ്രതീക്ഷിക്കപ്പെടുന്നത്. “ഉണക്കിയ തേങ്ങ, തേങ്ങാപ്പാല്‍ അടക്കമുള്ള കാര്‍ഷികോത്പന്നങ്ങള്‍ക്ക് ഇതു വളരെ ഉപകാരപ്രദമാണ്. മാത്രവുമല്ല ഓര്‍ഗാനിക് ടാഗിലൂടെ കര്‍ഷകര്‍ക്ക് അവരുടെ കാര്‍ഷികോല്‍പ്പന്നങ്ങളെ പ്രീമിയം വിഭാഗത്തില്‍ വിപണിയിലെത്തിക്കാനും അതുവഴി കൂടുതല്‍ വരുമാനമുണ്ടാക്കാനുമാവും” – ലക്ഷദ്വീപ് അഗ്രികള്‍ച്ചര്‍ സെക്രട്ടറി ഒ പി മിശ്ര പറഞ്ഞു.

മിഡിൽ ഈസ്റ്റ് ഹോസ്‌പിറ്റൽ ചികിത്സക്കായി www.membh.com ക്ലിക്ക് ചെയ്യുക

തെങ്ങാണ് ദ്വീപുകളിലെ പ്രധാന വിള. വിവിധ ദ്വീപുകളിലായി ഒരു വര്‍ഷം 11 കോടി തേങ്ങ ഉത്പാദിപ്പിക്കുന്ന എട്ട് ലക്ഷം തെങ്ങുകളുണ്ട് എന്നാണ് കണക്കാക്കപ്പെടുന്നത്. ഇതിനു പുറമെ ഹോര്‍ട്ടികള്‍ച്ചര്‍ വിളകളായ വഴുതന, ചീര, വാഴ, മുരിങ്ങ, മത്തങ്ങ, മുളക്, സ്‌നേക്ക് പൊറോട്ട, കുക്കുമ്ബര്‍, ബീന്‍സ്, ലേഡി ഫിംഗര്‍, റിഡ്ജ് ഗോര്‍ഡ്, പപ്പായ, തണ്ണിമത്തന്‍ എന്നിവയും ചെറിയ അളവില്‍ കൃഷി ചെയ്തുവരുന്നു. കണക്കുകളനുസരിച്ച്‌ 1500-2000 ടണ്‍ പച്ചക്കറിയാണ് പ്രകൃതിദത്ത പരിസ്ഥിതി സൗഹൃദരീതികളിലൂടെ വളര്‍ത്തുന്നത്.

32 ചതുരശ്ര കിലോമീറ്റര്‍ വിസ്തൃതിയുള്ള 36 ദ്വീപുകള്‍ ഉള്‍ക്കൊള്ളുന്ന ഒരു ദ്വീപസമൂഹമാണ് ഇന്ത്യയിലെ ഏറ്റവും ചെറിയ കേന്ദ്രഭരണ പ്രദേശമായ ലക്ഷദ്വീപ്. കണക്കുകളനുസരിച്ച്‌ ജനവാസമുള്ള പത്ത് ദ്വീപുകളിലായി 12450 കര്‍ഷകരാണുള്ളത്.

The post ‘നൂറ് ശതമാനം ജൈവകൃഷി’യെന്ന ലക്ഷ്യം കൈവരിച്ച്‌ ലക്ഷദ്വീപ് appeared first on Starvision News Malayalam.