യു.എസ്. പ്രതിനിധികളുടെ സന്ദർശനകാലത്ത് കീവ് ആക്രമണം നടത്തില്ലെന്നും റഷ്യയും സമാനമായ നിലപാട് സ്വീകരിക്കണമെന്നും യുക്രെയ്ൻ പ്രസിഡന്റ് വോളോഡിമിർ സെലെൻസ്‌കി നേരത്തേ ആവശ്യപ്പെട്ടിരുന്നു. യുദ്ധം അവസാനിപ്പിക്കുന്നതിനുള്ള പുതിയ നിർദേശങ്ങളുമായാണ് വിറ്റ്കോഫും കുഷ്‌നറും മോസ്‌കോയിലെത്തിയതെന്നാണ് വിവരം.

റഷ്യൻ അധികൃതരുമായും പ്രസിഡന്റ് പുടിനുമായും ചർച്ച നടത്തിയശേഷം യു.എസ്. സംഘം കീവിലേക്ക് തിരിക്കും. അവിടെ സെലെൻസ്‌കിയുമായി കൂടിക്കാഴ്ച നടത്തും. നയതന്ത്ര ദൗത്യത്തിന്റെ ഭാഗമായി ഇരുവരും കീവ് സന്ദർശിക്കുന്നത് ഇതാദ്യമായാണ്.

റഷ്യൻ മിസൈൽ ആക്രമണങ്ങളും യുക്രെയ്‌നിന്റെ ഡ്രോൺ തിരിച്ചടികളും ശക്തമായ സാഹചര്യത്തിലാണ് അമേരിക്കയുടെ പുതിയ സമാധാനനീക്കം. ചർച്ചകളുടെ പുരോഗതി റഷ്യ–യുക്രെയ്ൻ സംഘർഷത്തിൽ നിർണായകമാകുമെന്നാണ് വിലയിരുത്തൽ.

The post യു.എസ്. പ്രതിനിധികൾ റഷ്യയിൽ; കീവിലേക്കുള്ള വ്യോമാക്രമണം മൂന്നുദിവസത്തേക്ക് നിർത്താൻ പുടിന്റെ ഉത്തരവ് appeared first on Starvision News Malayalam.