The post വേള്‍ഡ് മലയാളി കൗണ്‍സില്‍ ബിസിനസ് ഫോറം ലണ്ടനില്‍ സംഘടിപ്പിച്ച ഇന്റര്‍നാഷണല്‍ ബിസിനസ് കോണ്‍ക്ലേവ് സമാപിച്ചു appeared first on Starvision News Malayalam.

തിരുവനന്തപുരം:   വേൾഡ് മലയാളി കൗൺസിൽ പതിനാലാമത്‌ ബയനിയൽ ഗ്ലോബൽ കോൺഫറൻസും, WMC മിഡിൽ ഈസ്റ്റ് റീജിയൺ  “കാരുണ്യ ഭവനം പദ്ധതിയും” WMC ഗ്ലോബൽ പ്രസിഡണ്ട് ജോൺ മത്തായിയുടെ അദ്ധ്യക്ഷതയിൽ 2024 ആഗസ്റ് രണ്ടിന്  5 പി.എം ന്  തിരുവനന്തപുരം ഹയാത്ത് റീജൻസിയിൽ നടക്കുന്ന സമ്മേളനത്തിൽ കേരളാ മുഖ്യമന്ത്രി പിണറായി വിജയൻ ഉദ്‌ഘാടനം ചെയ്യും.

ആഗസ്റ് രണ്ട് മുതൽ  അഞ്ചു വരെയുള്ള ദിനങ്ങളിൽ  തലസ്ഥാന നഗരിയിൽ നടക്കുന്ന ഗ്ലോബൽ കോൺഫറൻസിൽ  സാംസ്‌കാരിക വകുപ്പ് മന്ത്രി സജി ചെറിയാൻ, വിദ്യാഭ്യാസ വകുപ്പ് മന്ത്രി വി .ശിവൻകുട്ടി, ജലവിഭവ വകുപ്പ് മന്ത്രി റോഷി അഗസ്റ്റിൻ,  റവന്യൂ  വകുപ്പ് മന്ത്രി കെ. രാജൻ,  ഉന്നത വിദ്യാഭ്യാസ വകുപ്പ് മന്ത്രി ആർ. ബിന്ദു, പ്രതിപക്ഷ നേതാവ് വി.ഡി സതീശൻ, തിരുവിതാംകൂർ രാജകുടുംബാംഗം അശ്വതി തിരുനാൾ ഗൗരി ലക്ഷ്മി ഭായി, ജനപ്രതിനിധികൾ, സാമൂഹ്യ സാംസ്‌കാരിക രംഗത്തെ പ്രമുഖരും, വിവിധ രാജ്യങ്ങളിലെ WMC പ്രൊവിൻസുകളിൽ നിന്നും അഞ്ഞൂറോളം  പ്രതിനിധികളും പങ്കെടുക്കും.

WMC മിഡിൽ ഈസ്റ്റ് റീജിയൺ  കാരുണ്യ ഭവനം പദ്ധതി

സുദീർഘ കാലം വേൾഡ് മലയാളി കൗൺസിലിന് ഗ്ലോബൽ തലത്തിൽ നേതൃത്വം നൽകിയ ഡോ. പി.എ ഇബ്രാഹീം ഹാജിയുടെ സ്മരണാർത്ഥം വേൾഡ് മലയാളി കൗൺസിൽ മിഡിൽ ഈസ്റ്റ് റീജിയൺ നടപ്പാക്കുന്ന  “കാരുണ്യ ഭവനം പദ്ധതി” പ്രകാരം പൂർത്തീകരിച്ച അഞ്ചു  വീടുകളുടെ താക്കോൽ ദാനം ഗ്ലോബൽ കോൺഫറൻസിൽ മുഖ്യമന്ത്രി നിർവഹിയ്ക്കും.

പൊതു സമൂഹത്തിൽ ഒട്ടനവധി ജീവകാരുണ്യ സംരംഭങ്ങൾക്ക് ജീവിതാന്ത്യംവരെ നേതൃത്വം നൽകിയ WMC മുൻ ഗ്ലോബൽ ചെയർമാൻ  ഡോ. പി.എ ഇബ്രാഹീം ഹാജി സ്മരണാർത്ഥം നടപ്പാക്കുന്ന  “കാരുണ്യ ഭവനം പദ്ധതിയ്ക്ക് 50 ലക്ഷം രൂപയുടെ സഹായമാണ് ആദ്യഘട്ടത്തിൽ  WMC മിഡിൽ ഈസ്റ്റ് റീജിയണിലെ അഞ്ചു പ്രൊവിൻസുകൾ (ദുബായ്, ഷാർജാ, ഉമ്മുൽ ഖുവൈൻ, അജ്‌മാൻ, ഫുജൈറ) സമാഹരിച്ച്, കേരളത്തിലെ വിവിധ ജില്ലകളിൽ നിന്നും തിരഞ്ഞെടുത്ത അർഹരായ അപേക്ഷകർക്ക്‌ ഭവനം നിർമ്മിച്ച് നൽകുന്നത്.  കാരുണ്യ ഭവനം പദ്ധതി പ്രകാരം 50 വീടുകൾ കേരളത്തിൽ നിർമ്മിച്ചു നൽകുന്നതിന് വിവിധ റീജിയണുകളിലെ പ്രൊവിൻസുകൾ നേതൃത്വം നൽകും.

ഗൾഫാർ മുഹമ്മദലിയ്ക്ക്   ഡോ. പി. എ. ഇബ്രാഹിം ഹാജി മെമ്മോറിയൽ വേൾഡ് മലയാളി ഹ്യൂമാനിറ്റേറിയൻ ഗോൾഡൻ ലാൻ്റേൺ അവാർഡ്

വ്യവസായ പ്രമുഖനും സാമൂഹ്യ സാംസ്‌കാരിക ജീവകാരുണ്യ മേഖലയിൽ പ്രശസ്തമായ സേവനം അനുഷ്ഠിയ്ക്കുന്ന ഗൾഫാർ മുഹമ്മദലിയ്ക്ക് ഡോ. പി.എ ഇബ്രാഹീം ഹാജിയുടെ സ്മരണാർത്ഥം വേൾഡ് മലയാളി കൗൺസിൽ ആരംഭിയ്ക്കുന്ന “ഡോ. പി. എ. ഇബ്രാഹിം ഹാജി മെമ്മോറിയൽ  വേൾഡ് മലയാളി ഹ്യൂമാനിറ്റേറിയൻ ഗോൾഡൻ ലാൻ്റേൺ പ്രധമ അവാർഡ്” നൽകി WMC ഗ്ലോബൽ കോൺഫറൻസിൽ ആദരിയ്ക്കും.

പ്രഭാ വർമ്മയ്ക്ക്  സാഹിത്യ പുരസ്‌കാരം

കവിയും ചലച്ചിത്രഗാന രചയിതാവും മാധ്യമ പ്രവർത്തകനുമായ പ്രഭാ വർമ്മയ്ക്ക്  “സാഹിത്യ പുരസ്‌കാരം” നൽകി WMC ഗ്ലോബൽ കോൺഫറൻസിൽ ആദരിയ്ക്കും.

വിജ്ഞാന മൂലധനം ശക്തമാക്കാൻ കേരള സർക്കാരിനൊപ്പം വേൾഡ് മലയാളി കൗൺസിൽ

കേരളത്തിൻ്റെ വിജ്ഞാന മൂലധനം ശക്തമാക്കാൻ കേരളാ  സർക്കാർ  സംരംഭമായ കേരളാ നോളജ് എക്കണോമി മിഷനും (KKEM),  കേരളാ ഡെവലപ്മെൻ്റ്  ആൻഡ് ഇന്നോവേഷൻ സ്ട്രാറ്റജിക് കൗൺസിലുമായി (K-DISC) ഗ്ലോബൽ തലത്തിൽ സഹകരിച്ചു പ്രവർത്തിയ്ക്കുവാൻ കേരളാ മുഖ്യമന്ത്രിയുടെ സാന്നിദ്ധ്യത്തിൽ ധാരണാ പത്രം ഒപ്പുവെച്ച ഏക സംഘടനയാണ് വേൾഡ് മലയാളി കൗൺസിൽ.

കേരളത്തിൻ്റെ സർവ്വതോൻമുഖ വികസനത്തിന് കേന്ദ്ര – സംസ്ഥാന സർക്കാരുമായി സഹകരിച്ചു ഒട്ടേറെ പദ്ധതികൾക്ക് ഗ്ലോബൽ കോൺഫറൻസിൽ രൂപം നൽകുമെന്നും, രാജ്യന്തര തലത്തിൽ പ്രവർത്തിയ്ക്കുന്ന WMC ഫോറങ്ങളുടെ ആഭിമുഖ്യത്തിൽ വിവിധ സെമിനാറുകളും

കേരളത്തിൻ്റെ സർവ്വതോൻമുഖ വികസനത്തിന് കേന്ദ്ര – സംസ്ഥാന സർക്കാരുമായി സഹകരിച്ചു ഒട്ടേറെ പദ്ധതികൾക്ക് ഗ്ലോബൽ കോൺഫറൻസിൽ രൂപം നൽകുമെന്നും, രാജ്യന്തര തലത്തിൽ പ്രവർത്തിയ്ക്കുന്ന WMC ഫോറങ്ങളുടെ ആഭിമുഖ്യത്തിൽ വിവിധ സെമിനാറുകളും,  നാടകം, ഡോക്യുമെൻ്ററി പ്രദർശനം,  കലാ സാഹിത്യ സദസ്സുകളും ഗ്ലോബൽ കോൺഫറൻസിൽ ക്രമീകരിച്ചിട്ടുണ്ട്.

WMC ഇന്ത്യാ റീജിയൺ നടപ്പിലാക്കുന്ന പദ്ധതികൾ

1 . വിദ്യാഭ്യാസ മേഖലയിൽ മികവ് തെളിയിക്കുന്ന സാമ്പത്തികമായി പിന്നോക്കം നിൽക്കുന്ന 25 വിദ്യാർത്ഥികൾക്ക് സ്കോളസർഷിപ്പ് നൽകുന്നു .

2 . Youth Enrichment പ്രോഗ്രാമിൽ ഉൾപ്പെടുത്തി ആഗോള അടിസ്ഥാനത്തിൽ WMC കുടുംബത്തിലെ ഇരുപത് വിദ്യാർത്ഥികളെ UNO – യുടെ ഗ്ലോബൽ കോൺഫറൻസിൽ പങ്കെടുക്കുന്നത്തുള്ള പരിശീലിനം നൽകുന്നു

3 . നിംസ് മെഡിസിറ്റിയിൽ ന്യൂറിൽ ഇസ്ലാം സെന്റർ ഫോർ ഹയർ എഡ്യൂക്കഷൻ {NICHE } യുണിവേഴ്സിറ്റിയുമായി സഹകരിച്ചു WMC – യുടെ 42 രാജ്യങ്ങളിലെ പ്രൊവിൻസുകളിൽ ആരോഗ്യ – ഉന്നത വിദ്യാഭ്യാസ മേഖലയിൽ മികച്ച സേവനം നൽകുന്നതിന് തുടക്കം കുറിച്ചു

4 . പ്രവാസി മലയാളി കുടുംബങ്ങളുടെ മാതാപിതാക്കൾക്ക് സുരക്ഷിതവും സുഖപ്രദവുമായ ജീവിത സൗകര്യം നൽകുന്നതിന് സീനിയർ സിറ്റിസൺ  ലിവിങ് പ്രൊജക്റ്റ് പ്രവർത്തനം ആരംഭിച്ചു

നാൽപത് രാജ്യങ്ങളിൽ നിന്നുള്ള പ്രതിനിധികൾ പങ്കെടുക്കുന്ന ഗ്ലോബൽ കോൺഫറൻസ് ഒരുക്കങ്ങൾ പൂർത്തിയായെന്ന്  WMC ഗ്ലോബൽ പ്രസിഡണ്ട് ജോൺ മത്തായി, WMC ഗ്ലോബൽ  ചെയർമാൻ ഗോപാലപിള്ള, സ്വാഗത സംഘം ഭാരവാഹികളായ ഡോ.വിജയലക്ഷ്‌മി (Chairperson), ഡോ. ജെറോ  വർഗീസ് (Co-Chairman), ഡോ. പി.എം. നായർ (General Convener),  ക്രിസ്റ്റഫർ വർഗീസ്, അനീഷ് ജെയിംസ്, ജോളി പടയാറ്റിൽ, കെ.പി കൃഷ്ണകുമാർ (Co-Conveners), ഡോ. അജിൽ അബ്‌ദുള്ള (കോൺഫറൻസ് സെക്രട്ടറി), ഷൈൻ ചന്ദ്രസേനൻ (WMC മിഡിൽ ഈസ്റ്റ് റീജിയൺ പ്രസിഡണ്ട്), പിൻ്റോ കണ്ണമ്പള്ളി (WMC ജനറൽ സെക്രട്ടറി), രാജേഷ് പിള്ള (WMCഗ്ലോബൽ അസോസിയേറ്റ് സെക്രട്ടറി),  ഡയസ് ഇടിക്കുള എന്നിവർ അറിയിച്ചു.

The post വേൾഡ് മലയാളി കൗൺസിൽ പതിനാലാമത്‌ ബയനിയൽ ഗ്ലോബൽ കോൺഫറൻസ് ഒരുക്കങ്ങൾ പൂർത്തിയായി appeared first on Starvision News Malayalam.